|
Post by nadeem on May 27, 2008 3:30:54 GMT 5
kanwal aap naen phool bhejay bahut acha laga mamnoon hoon albatta tajub ye howa keh aap naen gulaab kay phool bhejay jab kay aap ko kanwal kay phool bhejna chahey thay jo ka aap kay naam say munasbat rakhtay haen
|
|
|
Post by nadeem on May 27, 2008 3:25:22 GMT 5
muhtram Rafi tabassum Sahib Salamtiaan bahut dino baad aaya aur aap ka fauran reply karna bahut acha laga aap naen ashaar pasand kiey is ka bahut shukriya bahut ji chahta hai aap say mulaqaat ho baith kar bataen hoon lekin jab bhi milay mushairay maen hi milay jahan bahut say dost aur bhi hotay haen aur banda pori tawajo say baat bhi nahen kar sakta hansi mazaaq maen waqt guzar jata hai kher qismat maen hai to zaroor
|
|
|
Post by nadeem on May 27, 2008 3:19:47 GMT 5
biradram saeed bahut arsa ki masroofiyat kay baad ab time mila yahan aanay ka yahan aik jang tamam shud ho chuki aur aik nai jang say pehlay wala amn nazar aaya doston ki muhabbat sipah ki sorat sath ho to jang ka dar nahen hota meray khiyaal maen jang hi zindagi ka naam hai ab yahan jang say muraad shairana jang li jaey to zindagi achanak baykhauf o khatar ho jati hai aap naen ghazal pasand ki is kay liey mamnoon hoon Allah Saeen aap ko khush rakhay aur takhleeq e sher par mamoor rakhay
|
|
|
Post by nadeem on May 27, 2008 3:10:08 GMT 5
Naheed yaqeenan aap theek kehti haen aik hi satah ya aik hi miyaar par to muhabbat bhi nahen ho sakti shairi to aik taraf lekin ye jaan kar khushi hoi kay aap mujh say is say achi ghazal expect karti haen maen koshish karon ga aap ki tawaqquaat par pora utar sakon mashkoor Nadeem Bhabha
|
|
|
Post by nadeem on May 26, 2008 14:37:41 GMT 5
aik ghazal aap tamaam dostoon ki nazr khaas taur par Akhtar Shumaar ki aamad ki nazr
har aik saaNs pay dhaRka kay Akhri to naheN milay dobara agar aysi zindagi to naheN
achanak Ana tumhara aur is qadar chahat kaheN ye dost meri Akhri khushi to naheN
to kiyoN na tujh say teri guftago hi ki jaey teray ilaawa yahaN mera koi bhi to naheN
ham ehl e ishq baRay waza daar hotay haeN hamari Ankh maeN dekho kahiN nami to naheN
faseelaeN chaTnay walay mujhay bataeN nadeem kahaeN zameen pay ye Akhri sadi to nahen
dua go Nadeem Bhabha
|
|
|
Post by nadeem on May 26, 2008 14:35:31 GMT 5
piyaray mubashir salam bahut achi ghazal hai lekin khaas taur par ye sher paRh keh maza aa gaya waaaaah
khula keh chadar e shab maen bhi wusataen haen bahut zara si dhoop ko ham aasmaan samajhtay thay
|
|
|
Post by nadeem on May 26, 2008 13:36:45 GMT 5
Muhtram Saeed Sahib Salamat Rahaen bahut arsay baad aana howa aur yahan aap ki ghazal paRhi warna to maen yahan say ja chuka tha jesay naik roohaen ilaqa chooR deti haen aisay hi maen bhi ye ilaqa chooR chuka tha par dost hausla bhi hotay haen aur paon ki zanjeer bhi tamam ghazal hi achi hai lekin khaas taur par ye sher to kamaal hai
Tehreer bhi tasveer bana deti hai uski HaathoN ki lakeeroN se jo mansoob ko-e hai
waaaaaaaaaaaaaaaaaaah
|
|
|
Post by nadeem on May 26, 2008 13:27:43 GMT 5
muhtram Akhter shumaar Adaab aap ko yahan daikh kar hairat bhi hoi aur khushi bhi, aap ka jo sher mujhay bahut pasand hai wo aap bhi jantay ho sulagti haen meri poroon ki aankhaen tujhay cho kar nahen dekha kai din is sher maen tazgi kay sath sath khobsurati bhi bahut hai aur har lihaz say achay ashaar maen is ka shumaar hota hai aap ka phone number chahiey with contry coad dua go Nadeem Bhabha
|
|
|
Post by nadeem on May 6, 2008 13:04:04 GMT 5
hahaha razi bhai yehi baat to kissi ko samajh nahen aati
|
|
|
Post by nadeem on May 5, 2008 17:58:51 GMT 5
a b c d e f g h i j k l m n o p q r s t u v w x y z is ka matlab maen shair ban sakta hoon sab say mazrat
|
|
|
Post by nadeem on Apr 26, 2008 0:32:39 GMT 5
muhtram Aqeel Malik sahib aap naen darust farmaya wo maen naen issi liey kaha kay aisay nuqtay uthaey jatay haen kay sher ko sheri satah par bhi ghair fitri nahen hona chahiey issi liey maen naen kaha kay maen aisa nahen kahoon ga
|
|
|
Post by nadeem on Apr 26, 2008 0:26:33 GMT 5
maen aap ki daad par hairat zada hoon waaaaaaaaaaaaaaaaah
|
|
|
Post by nadeem on Apr 26, 2008 0:22:10 GMT 5
dil ko chonay ki baat hai tu us dil ka lams meri ghazal kay hath par abhi tak taza hai bahut mamnoon hoon aap ki daad ka khush rahaen
|
|
|
Post by nadeem on Apr 26, 2008 0:20:04 GMT 5
bahut shukriya aap ki rohani daad ka jin piyasoon kay paas kunwaan chal kar jata hai unhaen ehsaas nahen hota keh ye konwaan hai wo konwaen ko gaRha samajh kar guzar jatay haen
|
|
|
Post by nadeem on Apr 25, 2008 11:20:15 GMT 5
muhtarma Naheed Sahiba aap ki ghazal paRhi bahut achi hai lekin baaz ashaar maen radeef '' bolay '' pori tarha nibh nahen rahi zara nazr e sani keejiey ga agar in tamama ashaar maen say 6 ya 7 ashaar muntakhib kar liey jaen to ghazal achai nikal sakti hai
wesay kehnay ko maen bhi keh sakta hoon
1`panion maen koi bool kesay sakta hai 2`dasht e khahish kesay bool sakta hai yani dasht to nahen bool sakta 3`gumaan ki bhi zubaan nahen hoti 4`roshni bhi baat nahen kar sakti aisi chand misalaen aur bhi haen baharhaal aisa nahen kahon ga kiyon kay aap ki hausla shikani ho gi ghazal maen achay ashaar bhi haen agar unhi ko muntakhib kar liya jaey aur radeef ko bamaani bana diya jaey to ghazal bahut achi bhi ho sakti hai
|
|