|
gazal ,
Jun 11, 2008 16:13:35 GMT 5
Post by nadeem on Jun 11, 2008 16:13:35 GMT 5
muhtram Dilshad as Salam u alikum meri jo raey thi wo maen naen aap ki khidmat maen arz kar di ab aap ka us say mutafiq hona zaorori nahen aap naen chaT_Taan bandha to yeh lafz chatan hai isay daikh lejiey ga jo us din baar baar light janay ki waja say tehreer say missing ho gaya shayad yehi waja hai kay meri post do baar hoi bahar haal final wohi hai jo aap chah rahay haen agar aap apnay jawaab ko ghaur say parhaen to us maen aap ko nazar aaey ga keh jo maen keh raha hoon aik tarha say aap us ki taeed kar rahay haen bas zara ghaur farmaen gay to baat khulay gi Allah Saeen aap ko khush rakhay
|
|
|
Post by nadeem on Jun 10, 2008 2:57:31 GMT 5
Muhtram Dilshad Wa alikum us salam mujh par aik qarz tha wo yeh keh aap naen meri ghazal ka tafseeli mutala kiya tha aur tafseeli jawaab bhi ata kiya tha aaj aap ki ghazal paRhi to is ka aik aik lafz basar kiya jo aap ki khidmat maen arz kar raha hoon yeh kehtay howay mujhay khushi mehsoos ho rahi hai keh aap kay haan shairi mehz radeef qafiey ka naam nahen balkay aap bahut napay tulay misray kehtay haen aur shairi kay buniyadi qareenay say aap pori tarha waqif haen
moar_rikh azmat_e_rafta ki jab tafseer tak pahoncha mere kashkol ka shajra meri jageer tak pahoncha
acha matla hai
takab_b_ur inkesar_e_ zaat ki tanweer tak pahoncha main ik chat_taan thaa , tuta tou phir ta_a_meer tak pahoncha
dosra misra aisay hota to meray hisaab say bahut acha hota maen ik chaT_Taan tha aur TooT kar taameer tak puhncha
hamari be hissi jab maslehat ki pusht par aaei hamara paa'on khud hi halqa_e_zanjeer tak pahoncha
is sher ka dosra misra agar aisay hota to bahut maza aata shutar ghurba ka shaiba na rehta hamaray paoon khud hi halqa e zanjeer tak puhnchay lekin radeef ki majboori hai is liey aap naen isay aisay kaha achi ghazal maen yeh sher acha nahen lag raha baqi aap behtar samajhtay haen
falak bosi dhamako'n se huwi thee sarnago'n ,lekin dhuwaa'n bagdad , kabul , wadiy_e_kashmir tak pahoncha
is sher maen jugrafiya to hai lekin sheriyat kam nazar aa rahi hai aur abhaam bhi bahut mehsoos ho raha hai ho sakta hai yeh meri kam ilami ho aap is ki wazahat karaen gay to kuch pata chal sakta hai keh aap kiya kehna chah rahay haen
kamaa'n rakh di mere dushman ne la kar mere qadmo'n par mera josh_e_shahadat khud machal kar teer tak pahoncha
bahut acha sher hai
kabhi khamooshiyaa'n dilshad nazmi mujh me dar aaei'n kabhi aawaz ka path_thar meri tash_heer tak pahoncha
yahan bhi radeef naen aik achay sher ko kha liya hai agar aisay hota to bahut acha hota
kabhi khamoshiaan dilshad nazmi mujh maen dar aaen kabhi aawaz kay pathar meri tashh_heer tak puhnchaen
bahar haal aap ki ghazal parh kar lutf aaya aap kay jawaab ka muntazir rahoon ga takay meray ilm maen izafa ho sakay
|
|
|
Post by nadeem on Jun 10, 2008 2:56:35 GMT 5
Muhtram Dilshad Wa alikum us salam mujh par aik qarz tha wo yeh keh aap naen meri ghazal ka tafseeli mutala kiya tha aur tafseeli jawaab bhi ata kiya tha aaj aap ki ghazal paRhi to is ka aik aik lafz basar kiya jo aap ki khidmat maen arz kar raha hoon yeh kehtay howay mujhay khushi mehsoos ho rahi hai keh aap kay haan shairi mehz radeef qafiey ka naam nahen balkay aap bahut napay tulay misray kehtay haen aur shairi kay buniyadi qareenay say aap pori tarha waqif haen
moar_rikh azmat_e_rafta ki jab tafseer tak pahoncha mere kashkol ka shajra meri jageer tak pahoncha
acha matla hai
takab_b_ur inkesar_e_ zaat ki tanweer tak pahoncha main ik chat_taan thaa , tuta tou phir ta_a_meer tak pahoncha
dosra misra aisay hota to meray hisaab say bahut acha hota maen ik chaT_Taan tha aur TooT kar taameer tak puhncha
hamari be hissi jab maslehat ki pusht par aaei hamara paa'on khud hi halqa_e_zanjeer tak pahoncha
is sher ka dosra misra agar aisay hota to bahut maza aata shutar ghurba ka shaiba na rehta hamaray paoon khud hi halqa e zanjeer tak puhnchay lekin radeef ki majboori hai is liey aap naen isay aisay kaha achi ghazal maen yeh sher acha nahen lag raha baqi aap behtar samajhtay haen
falak bosi dhamako'n se huwi thee sarnago'n ,lekin dhuwaa'n bagdad , kabul , wadiy_e_kashmir tak pahoncha
is sher maen jugrafiya to hai lekin sheriyat kam nazar aa rahi hai aur abhaam bhi bahut mehsoos ho raha hai ho sakta hai yeh meri kam ilami ho aap is ki wazahat karaen gay to kuch pata chal sakta hai keh aap kiya kehna chah rahay haen
kamaa'n rakh di mere dushman ne la kar mere qadmo'n par mera josh_e_shahadat khud machal kar teer tak pahoncha
bahut acha sher hai
kabhi khamooshiyaa'n dilshad nazmi mujh me dar aaei'n kabhi aawaz ka path_thar meri tash_heer tak pahoncha
yahan bhi radeef naen aik achay sher ko kha liya hai agar aisay hota to bahut acha hota
kabhi khamoshiaan dilshad nazmi mujh maen dar aaen kabhi aawaz kay pathar meri tashh_heer tak puhnchaen
bahar haal aap ki ghazal parh kar lutf aaya aap kay jawaab ka muntazir rahoon ga takay meray ilm maen izafa ho sakay
|
|
|
Post by nadeem on Jun 8, 2008 17:47:24 GMT 5
Muhtram Saeed Bhai salamtian bahut dino say masroof tha is liey bazm ko baqaida waqt naheen day saka aaj yahan say guzar howa to aap ka tabsra dekha bahut khushi hoi aap naen ghazal ko pasand kiya Allah Saeen aap ko salamat rakhay
|
|
|
Post by nadeem on Jun 8, 2008 17:43:33 GMT 5
Piyaray Mubashir khush aur kamyaab raho maen bilkul theek hoon bas masroof bahut hoon yeh sher meri apni kahani hai jo tum naen pasand kiya issi ka tasalsul yeh hai
ab mujh say qabeelay ki hifazat nahen ho gi ab haath maen dil hai koi sahmsheer nahen hai
issi qisam ki masroofiyat maen hoon dua karo maen hamesha haq ka saht deta rahoon
|
|
|
Post by nadeem on Jun 8, 2008 17:39:56 GMT 5
muhtram Atiq ur Rehman salamat rahaen aap naen ghazal pasand ki is kay liey maen mamnoon hoon
|
|
|
Post by nadeem on Jun 8, 2008 17:35:06 GMT 5
Muhtarma Naheed Adaab ghazal pasand karnay ka shukriya baqi jo aap naen aitraaz kiya wo sawaal chana jawaab mash wali baat hai aur aisa lagta hai jesay aap ko mujh say koi zid hai so ab maen yeh kahon ga keh aap apnay tabsray mehfooz rakha karaen kiyon keh maen apna aap manwana nahen chahta wassalam
|
|
|
Post by nadeem on Jun 8, 2008 17:30:49 GMT 5
muhtram Rafi Tabbsum Salam bahut shukriya aap naen ghazal pasand ki
|
|
|
Post by nadeem on May 31, 2008 12:16:44 GMT 5
Qais o laila ka tarafdaar agar mar jaey maeN bhi mar jaoN ye kirdaar agar mar jaey
phir khudaya tujhay soraj ko bujhana ho ga aakhri shakhs hai baydaar agar mar jaey
chopnay walay to kabhi soch kay ik din bilfarz yeh meri khahish e deedaar agar mar jaey
baNdh rakhi hai qabeelay nay tawaqo jis say aur achanak hi wo sardaar agar mar jaey
ain mumkin hai kay aa jaey mera naam kaheN shehr e laila ka gunehgaar agar mar jaey
muntazir jis ki ye AnkhaeN haeN kai barsooN say aur wo chand bhi us paar agar mar jaey
|
|
|
Post by nadeem on May 31, 2008 2:20:57 GMT 5
muhtram dilshad nazmi wa alikum us salam pehli martaba aap say hamkalaam ho raha hoon maen shairi kay ilm ka talib hoon aur jahan say bhi milta hai usay fauran seekhnay ki koshish karta hoon is bazm maen bahut say loogon say mulaqaat kar kay meray ilm maen izafa howa aaj aap say mulaqaat bhi is hawalay say bharpoor rahi ghazal par is tawajjo ka bayhad shukriya baqi jo aitraazaat aap naen uthaey haen wo bahut say doston naen nahen uthaey is liey jamhori taqazoon ko madd e nazar rakhtay howay hi maen kissi nateejay par pahunch sakta hoon kiyon kay meray zehn maen jo tha wo ghazal ko sorat maen aap kay samnay hai bilkul wesay jesay aap naen mehsoos kiya aur likh diya maen naen bhi jo mehsoos kiya likh diya Allah Saeen aap kay ilm maen mazeed izafa farmaen
|
|
|
Post by nadeem on May 30, 2008 14:13:36 GMT 5
saeed mujhay fakhar mehsoos ho raha hai kay meray halqa e ehbaab maen aik achay shair ka izafa howa bahut achi ghazal hai yeh bhi saray ashaar achay haen waaaaaaaaaaaah
|
|
|
Post by nadeem on May 30, 2008 14:07:10 GMT 5
naheed aap ki ye ghazal achi lagi kahen kahen ikhtlaaf ki gunjaish to baharhaal hoti hi hai lekin majmooi taur par ghazal achi hai
|
|
|
Post by nadeem on May 30, 2008 13:41:45 GMT 5
rooh maen heraan hota hoon jab aap ashaar ka intkhaab karti haen jab keh aap shaira nahen . jab koi qari is had tak pahunch jata hai to waqt nahen lagta keh wo khud sher kehnay lag jaey ab to bas yehi intazaar hai kay aap apni ghazal kab post kar rahi haen
|
|
|
Post by nadeem on May 30, 2008 13:38:35 GMT 5
muhtram Razi bhai salamat rahaen maen daikh raha hoon keh yahan bahut say yaar ikathay ho rahay haen yeh yaqeenan aap ki muhabbat hai warna aaj kal waqt kis kay paas hai aap naen ghazal pasand ki bahut acha laga daad ka bahut shukriya Allah saeen aap ko khush rakhay
|
|
|
Post by nadeem on May 30, 2008 13:30:59 GMT 5
muhtram amjad as salam u alikum ghazal pasand karnay ka shukriya yaqeenan meray jazbaat bhi yehi haen kay bahut arsay baad aap say mulaaqaat hoi bahar haal is baat say hausla howa kay banda zinda ho to mulaqaat ho hi jati hai dua go
|
|