|
Post by naheedv on May 25, 2008 9:44:22 GMT 5
|
|
|
Post by Atif Mirza on May 25, 2008 13:09:14 GMT 5
Naheed Ji achhchhi ghazal hai. Daad qabool kijiay.
|
|
|
Post by Sukhanwar on May 25, 2008 15:04:06 GMT 5
boht khoobsoorat andaz hy aap ka naheed sahiba
aik umr to main ny yeh sambhaal kar rakhy phir bikhar gaay mujh sy yeh toottay huay lamhay
wah wah kia umda shair hy thanx razi
|
|
|
Post by naheedv on May 25, 2008 18:44:34 GMT 5
Naheed Ji achhchhi ghazal hai. Daad qabool kijiay.
buhat shukriya Aatif jee!
|
|
|
Post by dilshad on May 25, 2008 23:01:00 GMT 5
mohtarma naheed virk sahiba aadab , aap ki khoobsurat gazal nazar nawaz huwi , keya hi ach _cha hota agar aap isse roman script me bhi yahaan chaspaa'n karti , shayed maein apni bisaat bhar koshish se kuch tabsrah kar pata aap ke khoobsurat ash_aar ko code karte huwey , bahr haal . meri janib se iss meyari gazal par dher sari daad qabool farmaein , ,insha allah agar aap roman me bhi pesh karein tou main iss par apni raey dena chahoonga , wa/salam dilshadnazmi.
|
|
|
Post by dilshad on May 25, 2008 23:28:21 GMT 5
nadeed ji aadab
aap ki gazal chonke urdu rasmulkhat me khuli file ki surat moujood mili , iss liye tafseeli jawab dene me madad mil gai , so mera tabsara hazir hai . yaad ki mandero'n se jhankte huwey lamhey aod>h kar tera chahera boltey huwey lamhe
bhaot khoob
hijr ke jazeere me ab bhi saa'ns lete hain , tere wasl ka imkaa'n , sochte huwey lamhey keya hi umdah sher hai.
kirchi kirchi ye tera aks chunte rahte hain , lamha lamha ye tujh ko dhondte huwey lamhe ,
sher bahot umdah hai magar dono misro'n me "ye " lafz ne bharti ke hone ka ehsaas dilaya , awzaan ki majboori hai , lekin behtri ki tawaq_qa bhi hai .
eak waqt thaa in me zindagi dharakti thee, ab hain sakit_o_jamid bolte huwey lamhey
nahid sahiba , moujooda insaani zindagi jis tez raftari ki shikaar hai uss ki keya hi khoob ak_kasi hai iss sher me , sab kuch machini andaaz me ho raha hai , ehsaasat se aari , behissi se bharpoor insani zindagi ka aks iss sher me saaf jhalak raha hai ,bahot khoob ,
eak umr tou main ne ye sanbhal kar rakh_khe . phir bikhar gaey mujh se tut_tey huwey lamhe .
yahaan bhi ye zayed hone ki nishandahi kar raha hai , cani misre me aap ke mutabiq , tut_te huwey lamho'n ka bikharna , kuch samajh me nahi aaya , sher wazahat talab hai , keya hi behtar hoga ke isski nacr kar lein phir kisi nateeje par pahonchein ,
matla bahot peyara hai , mujhe bahot pasand aaya . aur maqtah bhi theek hai , magar aap chahein tou aur bhi khubsurat hone ke imkanaat hain
mukhlis dilshadnazmi
|
|
|
Post by Rafi Tabasum on May 25, 2008 23:41:14 GMT 5
Khoobsoorat Ghazal Naheed daad hazir hay
|
|
|
Post by naheedv on May 26, 2008 9:10:09 GMT 5
boht khoobsoorat andaz hy aap ka naheed sahiba aik umr to main ny yeh sambhaal kar rakhy phir bikhar gaay mujh sy yeh toottay huay lamhay wah wah kia umda shair hy thanx razi Razi bhai, Hosla afzaayee aur ghazal pasand karne ke liye be had shukkriya! Naheed
|
|
|
Post by naheedv on May 26, 2008 17:19:28 GMT 5
buhat shukriya!
be hud shukriya!
aap kee baat se maiN itefaaq karti hooN. iss par mazeed ghaur kiyaa jaa saktaa hai. shukriya!
shukriya!
iss she'r meN "ye" "lamhoN" kee numaaindagee kar rahaa hai. lehaza maiN nahi samajthi ke ye bharti kaa mehsoos hotaa hai. aap ne she'r kee wazaahat maangi hai tau baat faqat itni see hai ke TooTne ke ba'd kuch bhee apni asl haalat meN naheeN rehtaa hai. chaahe voh insaan ho, koi maadi shae ho, ehsaas ho, jazbaat hon yaa phir kise ke saath guzaaraa waqt/lamhe. aik khaas waqt tak hi kuch sanbhaalaa jaa saktaa hai, kisi ko yaad rakhaa jaa saktaa hai. bilaakhir TooTaa huvaa wujood (chaahe voh kisi shae kaa bhee ho) bikhar jaataa hai. umeed hai wazaahat se baat saaf ho gai ho gee.
shukriya
Dilshad saahab,
aap ke tafseeli tabsare ke liye maiN aap kee mamnoon hoon.
ghazal kee pasandeedagee ke liye dili shukria!
mukhlis Naheed
|
|
|
Post by kanwal on May 27, 2008 0:02:56 GMT 5
bohat khoob ,... Daad ke dheroN phooL aapki nazR ,....
|
|
|
Post by nadeem on May 30, 2008 14:07:10 GMT 5
naheed aap ki ye ghazal achi lagi kahen kahen ikhtlaaf ki gunjaish to baharhaal hoti hi hai lekin majmooi taur par ghazal achi hai
|
|
|
Post by naheedv on May 31, 2008 20:47:47 GMT 5
Kanwal, itne dhair saare phooloN kaa shukriya Naheed
|
|
|
Post by naheedv on May 31, 2008 20:53:25 GMT 5
Nadeem, aap kee mukhlisaana raaye kaa be had shukriya!
Naheed
|
|
|
Post by saeed on Jun 4, 2008 5:18:33 GMT 5
Naheed, achi kavish hai.... khas tor pe maqta pasand aaya.
daad. Saeed
|
|
|
Post by Aqeel Malik on Jul 16, 2008 19:18:10 GMT 5
ghazal kay matlay ka misra e sani nazr e sani chahta hay wo sher jis ki taraf razi sahab nay ishara kia wo hasil e ghazal sher hay
|
|