|
Post by nadeem on Sept 17, 2008 2:45:38 GMT 5
salam guzar raha tha rohi ka zikr paRha to raha na gaya nazm ko smeta gaya hai jab keh rohi par likhi janay wali nazm itni choti nahen ho sakti baaz doston naen mashwaray diey to khoob say khoob tar ki gunjaish to har insan kay fanpaaray maen hoti hai mujhay is nazm ka aahang acha laga saeed bhai meri bhi aik taweel nazm hai meray dosray majmooaey maen ROHI PEER FAREED KI us ka aik band aap ki nazr
rhoi ki sunsaan shaboon maen apnay aap ko kho diya jism khajooron ki shakhoon pay doka doka piro diya dekh kay haal hamara rait ka zara zara ro diya gandum kay khetoon maen Maula jangli jaee ko bo diya
pholon ki khahish maen ham naen kitnay kantay pa liey kantay jo pairoon maen chubhay thay aaj saroon tak aa liey zehr ragoon maen phail raha hai aap hi aa kay nikaliey meethay bair samajh kar ham naen kaRway tummay kha liey
|
|
|
Post by nadeem on Sept 12, 2008 2:17:45 GMT 5
meena sahiba aap naen meri shairi ko pasand farmaya maen aap ka mamnoon hoon
|
|
|
Post by nadeem on Sept 12, 2008 2:15:42 GMT 5
muhtarma naheed sahiba bahut mamnoon hoon aap naen ghazal ko pasand farmaya
|
|
|
Post by nadeem on Aug 24, 2008 23:56:02 GMT 5
bahut shukriya devi ji
|
|
|
Post by nadeem on Jul 2, 2008 15:00:06 GMT 5
tu bhi Aa jaey yahaaN aur mera bachpan bhi khatm ho jaey kahani bhi her ik uljhan bhi
bheek mil jati hai aur pani bhi pee leta hooN hath kashkol bhi haeN aur meray bartan bhi
kia zaroori hai kisi mor ka hona ban maeN raqs karta hai teray dhiyan maeN to tan man bhi
kiyoN teray gham maeN kissi aur ko shamil kar laeN kiss liey roey meray sath mera Angan bhi
|
|
|
Post by nadeem on Jul 2, 2008 14:58:51 GMT 5
mehv e hunar hooN sang ya taisha koi to ho sar phoRnay ka Aaj bahana koi to ho
socha hai kat hi jaey gi tanha tamaam umr lekin tamaam umr, khudara koi to ho
tanhai iss qadar hai kay Adat si ho gai har waqt kehtay rehna hamara koi to ho
kamray maeN Aaj meray ilawa koi naheN kamray maeN Aaj meray ilawa koi to ho
ik umr bin milay hi kaTi aur aik umr ye sochtay kaTi kay bahanay koi to ho
kuch iss liay bhi tum say mohabbat hia mujh ko dost mera koi naheN hai tumhara koi to ho
|
|
|
Post by nadeem on Jul 2, 2008 14:56:57 GMT 5
youNhi iss ishq maeN itna gawara kar lia jaey kissi pichli mohabbat ko dobara kar lia jaey
shajar ki tehnioN kay pass Anay say zara pehlay dua ki chaoN main kuch pal guzara kar lia jaey
hamara mas-ala hai mashwaray say bohot Agay kissi din ehtiatan istekhaara kar lia jaey
mera maqsad yahaN rukna naheN bus itna socha hai safar say payshtar uss ka nazara kar lia jaey
hawalay kar kay apna jism ik din taiz lehroN kay phir uss k baad dariya say kinara kar lia jaey
nadeem iss shehr main manoos galiaN bhi bohot si haeN aur ab Aey haeN to in ka nazara kar lia jaey
|
|
|
Post by nadeem on Jul 2, 2008 14:55:51 GMT 5
chand roshan hai to bus shab ki aziyyat tak hai janta hooN kay tera saath zaroorat tak hai
aik kirdar kahani kay liey maeN bhi hooN aur sehra bhi meri Akhri hijrat tak hai
tu naheN hota agar kis nay yahaaN rehna tha dost yeh ghar bhi faqat tayri sakoonat tak hai
intehaa koi to ho tayri taraf say janaN muntazir tayra koi shakhs qayamat tak hai
apni tanhai say puchooN ga agar puch saka kia ye sach hai her ik dost sahoolat tak hai
mar gaey log yahaaN saaray magar ab bhi nadeem koi zindah hai to bus uski mohabbat tak hai
|
|
|
Post by nadeem on Jul 2, 2008 14:54:57 GMT 5
jheel aur jheel kinaray ka shajar mayray baad ho ga chup chaap bahut chand udhar mayray baad
koon rehta hai yahaN mayray ilawa ghar maeN lauT aata hai jo har shaam magar mayray baad
shehr to pehlay bhi loogooN say bhara rehta tha ho ga veeraan bahut aik khanDar mayray baad
us say kehna kay yahaN taiz hawa chalti hai titliaaN lay kay na ab aaey idhar mayray baad
mar gaya hooN maeN qayamat to naheN aai koi janay kiya sochtay haeN zaid bakar mayray baad
tum meray sath meray lafz bhi dafna hi do yeh na ho bool uThay mayra hunar mayray baad
|
|
|
Post by nadeem on Jul 2, 2008 14:53:10 GMT 5
sahoolat ho aziyat ho tumharay sath rehna hai kay ab koi bhi sorat ho tumharay sath rehna hai
hamaray rabtay hi is qadar haeN tum ho aur bas tum tumhaeN sab say muhabbat ho tumharay sath rehna hai
aur ab ghar baar jab ham chooR kar aa hi chukay haeN to tumhaeN jitni bhi nafrat ho tumharay sath rehna hai
hamaray paooN maeN keelaeN aur AnkhooN say laho tapkay hamari jo bhi halat ho tumharay sath rehna hai
tumhaeN har subh aur har sham hai bas dekhtay rehna tum itni khobsurat ho tumharay sath rehna hai
|
|
|
Post by nadeem on Jul 2, 2008 14:51:19 GMT 5
chala gaya hai wo lekin nishan ab bhi haeN kay us kay soog maeN pasmaandgan ab bhi haeN
yeh aur baat kay rehna mera gawara naheN tumharay shehr maeN khali makaan ab bhi haeN
yeh ishq hai kay tujhay chooR bhi naheN saktay wagarna tujh say to ham badgumaan ab bhi haeN
hamaeN to pehlay bhi tum say gila naheN tha koi aur ab kay hai bhi to ham bay zubaan ab bhi haeN
|
|
|
Post by nadeem on Jul 2, 2008 14:49:56 GMT 5
maeN aisay mooR par apni kahani choR aaya hooN kisi ki aaNkh maeN pani hi pani choR Aya hooN
abhi to us say milnay ka bahana aur karma hai abhi to us kay kamray maeN nishani choR Aya hooN
bas itna soch kar hi mujh ko apnay paas tum rakh lo tumharay wastay maeN hukmarani choR Aya hooN
aur ab ehsaas hota hai tumharay shehr maeN A kar maeN tanha raat aur raatoN ki rani choR Aya hooN
isi khatir mray charoN taraf phela hai sannaTa kahaeN maeN apnay lafzoon kay muAni choR Aya hooN
|
|
|
Post by nadeem on Jun 26, 2008 3:23:46 GMT 5
piyaray Atif salam yajooj majooj jis sadi maen dewaar gira laen gay wo aakhri sadi ho gi aur ab un kay nazdeek wo har sham yeh samajh kar sotay haen keh kal deewaar khatm ho jaey gi lekin aglay rooz wo deewaar phir wapas apni halat par aa jati hai ilm ki yeh satah makhlooq ko ata ki gai hai keh wo qiyaas kar sakta hai is sher ko yoon dekhaen keh rooz shaam aik aakhri sadi ka ailaan hai
ab pata nahen aap ittifaaq kartay haen ya nahen lekin maen is riwayat ko aisay hi janta hoon
|
|
|
Post by nadeem on Jun 17, 2008 15:11:21 GMT 5
dear saeed bahut achi ghazal hai aur nazar aa raha hai k ideal ka lab o lehja bhi apni pori chamak kay sath maujood hai yoon to sab ashaar achay haen khas taur par yeh sher
Usney aankhoN meiN jageh di hai to kiya kam hai Saeed kaun rakhta hai meri jaan hameisha dil mein
|
|
|
Post by nadeem on Jun 11, 2008 16:30:29 GMT 5
muhtram Saeed bhai bahut shukriya aap naen ghazal pasand ki Allah aap ko khush rakhay
|
|