|
Post by nadeem on Apr 24, 2008 10:49:49 GMT 5
bahut shukriya Rafi bhai
|
|
|
Post by nadeem on Apr 23, 2008 23:09:33 GMT 5
Muhtarma Sunita sahiba bahut maskoor hoon kay aap naen ghazal ko pasand kiya aur bharpoor daad di Khush rahen
|
|
|
Post by nadeem on Apr 23, 2008 23:08:38 GMT 5
Piyaray Mubashir Saeed wa alikum us salam ghazal ko pasand karnay ka shukriya us din maen naen bahut intazaar kiya asl maen maen us waqt murshid ki darbaar par tha jahan urs laga howa tha is liey baat na ho saki thi
|
|
|
Post by nadeem on Apr 23, 2008 12:21:24 GMT 5
aray sunita sahiba maen mazrat khawh hoon asal maen bazm maen thora masala ye chal para hai kay fann par tanqeed kam aur tanqeed baraey tanqeed ziyada honay lag pari hai jis say seekha kam aur sikhana ziyada jhalakta hai is liey daad ki taraf to dhiyaan hi nahen jata kay is liey chook gaya maen mazrat khawh hoon aur wo raaz sahib nahen aaey jab kay maen to un ki aamad say pehlay aik pori ghazal un kay khulnay ki shaan maen likh chuka hoon jisay aap paRh bhi chuki haen khush rahaen
|
|
|
Post by nadeem on Apr 23, 2008 12:09:03 GMT 5
Dear Saeed bahut shukriya aap ko ghazal pasand aai aur is qadar bharpoor daad ka bhi bahut shukriya asl maen do kitabaen aisi ghazloon ki likhi haen ab chahta hoon kay kuch tabdeel ho naya rang naya roop dua karaen maen aaj kal jo tajrubaat kar raya hoon wo kissi aisay lehjay ki taraf lay jaen jo umar ho
|
|
|
Post by nadeem on Apr 23, 2008 2:23:02 GMT 5
piyaray dost Atif Shukriya aap naen dubara tawajo dilai urdu meri bhi zubaan hai is maen kahaen maen bhi hissa daal sakta hoon aur is sher ki khaas baat bhi to yehi hai baqi ghazal ko dekhiey kesi hai issay mujh par choor diejiey mukhtalif honay maen ikhtilaaf karna bhi parta hai aur sehna bhi
|
|
|
Post by nadeem on Apr 23, 2008 2:12:27 GMT 5
Aqeel Malik sab say pehlay to aap ko yahan dekh kar khushi hoi phir matlay ko pasand karnay ka bahut shukriya aap say mulaqaat ka ishtiyaaq bahR raha hai
|
|
|
Post by nadeem on Apr 23, 2008 2:09:56 GMT 5
Muhtram Atif bayhad maskoor hoon kay ghazal aap ko pasand aai baqi jo tabsra kiya hai aap naen jisay sirf maen naen parhna tha to us ka jawaab ye hai keh mera aisa koi irada nahen tha maen naen nazr zaroor ki hai ab agar nazr karnay ko urdu maen hijv kehtay haen to shayad yehi ho by the way thanks a lot Khush rahen
|
|
|
Post by nadeem on Apr 22, 2008 15:26:34 GMT 5
aik taza ghazal khalid Mahmood bhai ki nazr kiyon kay wo kafi barham ho rahay thay shayad un ko raazi karnay ki ye koshish hai jo yaqeenan nakaam nahen ho gi
tamam umr jalay aur roshni nahen ki yeh zindagi hai to phir ham naen zindagi nahen ki
sitam to yeh hai keh meray khilaaf boltay haen wo loog jin say kabhi maen naen baat bhi nahen ki
jo dil maen aata gaya sidq e dil say likhta gaya duaen mangi haen maen naen to shairi nahen ki
bas itna hai kay mera bakht dhal gaya aur phir meray charaagh naen bhi mujh pay roshni nahen ki
meri sipaah say duniya laraznay lagti hai magar tumhari to maen naen barabrai nahen ki
kuch is liey bhi akayla say ho gaya hoon nadeem sabhi ko dost banaya hai dushmani nahen ki
dua go Nadeem Bhabha www.nadeembhabha.com
|
|
|
Post by nadeem on Apr 22, 2008 1:12:54 GMT 5
muhtaram saeed sahib aur rafi sahib salam aap naen mashwaray diey maen naen modify kar diya ab matlay ki ye sorat dekhiey
apni tanhai sajatay howay ye raaz khula kiya hai tu? phool banatay howay ye raaz khula
|
|
|
Post by nadeem on Apr 22, 2008 1:04:54 GMT 5
muhtram Atif aur muhtarma naheed sahiba sab say pehlay to shukriya kay aap naen tawajjo di " maloom " aur aagahi ko aamnay samnay rakhaen to aik ism maen izafa sa peda hota hai pehli dafa jab mehboob ko mehbooba likha gaya tha to bhi ajeeb laga tha maen itna janta hoon kay sher apna matlab day raha hai is sher maen zoor bhi maloom par hai baqi ikhtalaaf ka haq to sab ko hai is maen koi aisi baat nahen meray khiyaal maen sher ki khobsurati maen farq nahen paRta
|
|
|
Post by nadeem on Apr 19, 2008 15:16:01 GMT 5
aanay walay waqt ka andaza ya maloomaat ko aagahi kehtay haen qainaat maen jo kuch ho raha hai aur jo hona hai wo hamaray piyaray Rasool bata gaey haen is liey usay ham malooom kahaen gay aur jo honay wala hai wo ham sab ko nazar aa raha hai aisay halaat maen chehray ki raunaq kahan baqi reh sakti hai
jab maen usay aanay walay waqt ka (maloom) bata raha tha to us ka chehra utar raha tha aur jo roop saroop tha wo khatm hota ja raha tha tab ye raaz khula kay aagahi chehray ka nikhaar cheen leti hai maslan fikr e aakhrat bhi insaan kay chehray ki raunaq khatm kar deti hai
ummeed hai wazeh howa ho ga
|
|
|
Post by nadeem on Apr 19, 2008 11:18:33 GMT 5
raaz sahib apnay qabeelay samait aap ki tashreef aawari par khushi hoi aap kay aanay say ye bazm lakhnao ka chopaal ban jaey gi jahan ham bhi maujood haen Adaab khushaamdeed
|
|
|
Post by nadeem on Apr 19, 2008 10:58:56 GMT 5
mubham nahen meray bhai dono matalib maen istamaal ho raha hai daad dena ka bahut shukriya
|
|
|
Post by nadeem on Apr 19, 2008 2:46:07 GMT 5
muhtram dosto baaz auqaat insaan apnay andar itna doob jata hai kay us ka dam ghutnay lagta hai aisay maen wo baghi ho kar bahar nikalta hai aaj kal maen bhi bahar ki taraf aa raha hoon aisay hi lamhay aik ghazal aur ho gai aap ki khidmat maen hazir hai khas taur par muhtarma naheed aur sunita ki nazr apni tanhai sajatay howay ye raaz khula kiya hai tu? phool banatay howay ye raaz khula aagahi cheen liya karti hai chehray ka nikhaar tujh ko maloom batatay howay yeh raaz khula halat e haal maen lazim nahen laey ka hona mehfil e raqs jamatay howay yeh raaz khula koi ho kar bhi teray jesa nahen ho sakta teri tasweer banatay howay yeh raaz khula mujh maen sachaii ka ik sur hai jahan bhar say alag apni aawaaz sunatay howay yeh raaz khula muntazir Nadeem Bhabha www.nadeembhabha.com
|
|