|
Ghazal
Apr 8, 2008 3:47:24 GMT 5
Post by nadeem on Apr 8, 2008 3:47:24 GMT 5
neelofar sahiba As salam u alikum aap ki ghazal parhi sath atif mirza ki sarsari daad dekhi aur biradram rafi tabassum ka wah kehna dil maen chubhnay laga kay yahan shairi par guftago nahen ki jati agar aap ijazat daen to is par guftago ki jaey nahen to meri taraf say bhi wwwwwwwwwwwwwh mukhlis Nadeem Bhabha
|
|
|
Post by nadeem on Apr 8, 2008 3:37:40 GMT 5
meray ham watan meray ham sukha meray shehr kay meri lehr kay meray muhtram rafi tabassum tum par salamtian ghazal ko pasand karnay ka shukriya kesay ho aaj kal kiya ho raha hai asal maen kabhi tafseel say baat nahen hoi is liey socha isi reply ko as a message bhi banatay haen takay laRi bari nazar aaey aur jis ki laRi bari wohi dil ka ameer daikhaen mazay mazay maen maen tasawoff ki baat kar gaya aik baar phir ghazal ko pasand karnay ka bayhad shukriya Allah aap ko aap kay maqased maen kaamyaab farmaen dua go Nadeem Bhabha
|
|
|
Post by nadeem on Apr 8, 2008 3:31:43 GMT 5
piyaray atif mirza thora say piyar bacha rakho meray kal kay liey itni shadeed daad naen yaad dila diya wo mushaira jis maen aap razi ud din razi aur nadeem najid ahmad fareed ali zaryoon faisal hashmi naveed haidar ki kitaab ki ronumai bilkul wohi saman lag raha hai bahut nawazish khush rahaen Nadeem Bhabha
|
|
|
Post by nadeem on Apr 8, 2008 3:26:42 GMT 5
azeez e man saeed yaqeen karo tumhari izzat maen izafa tumharay sher naen kiya ghazal ko pasand karnay ka shukriya ji khush howa itni muhabbat daikh kar maen isay mehz muhabbat gardanta hoon warna maen is qabil nahen bas tum khush raho dua go Nadeem Bhabha
|
|
|
Post by nadeem on Apr 7, 2008 15:03:50 GMT 5
muhtram dosto Adaab kafi din masroof raha aur shairi ki taraf tawajjo na day saka ab jo fursat ata hoi to bahut say ashaar jo masroofiat naen rook rakhay thay bahar aanay lagay to aik taza ghazal aur pesh e khidmat hai kab kaha hai keh mashwara meray dost bas meray haq maen kar dua meray dost maen akela nahen rahoon ga kabhi to nahen to mera Khuda meray dost ishq tanhai say na ho jaey ho bhi sakta hai laut aa meray dost tujh say milta tha khawb maen aksar to faqat khawb hi to tha meray dost maen bahut yaad aanay wala nahen mujh say itna na khauf kha meray dost khud ko bay aasra nahen kehta haen mera ab bhi aasra meray dost maen to khud say bhi kar saka na wafa maen to tujh say bhi baRh gaya meray dost dua go Nadeem Bhabha www.nadeembhabha.com
|
|
|
Post by nadeem on Apr 7, 2008 12:59:09 GMT 5
piyaray saeed wa alikum us salam aap ki wesite bhi visit ki aur ghazliyaat bhi paRhen bahut lutf aaya aik achay shair say daad wasool karnay ka maza hi nirala hota hai aap khud aik achay shair haen ye meray liey aizaaz hai kay aap meri nigarshaat parHtay haen was salam Nadeem Bhabha
|
|
|
Post by nadeem on Apr 6, 2008 23:57:05 GMT 5
jamaal e yaar naen khud mast kar diya phir bhi meray hawaas pay ab tak sahoor tari hai
piyaray saeed salam mujhay andaza nahen tha kay aap is qadar achay ashaar kehtay ho is sher naen mujhay nihaal kar diya waaaaaaaaaaaaah is waqt pakistan maen raat kay 12 bajay haen yehi wo waqt hai jahan maen apni masti maen kho jata hoon aisay lamhay aisa sher waaaaaaaaaah aik sher aap ki nazr
abhi to khaal udhaRni hai is tamashay maen abhi dhamaal maen jogi naen saans hara hai
waaaaaaaaaaaaaaah
bahut dil kar raha hai is sher par baat karon lekin likhna bahut museebat hai aur wo bhi keybord kay zareeaey bahut taza sher hai yaaaaaaaaaaaar
|
|
|
Post by nadeem on Apr 6, 2008 21:15:39 GMT 5
Dear Atif Mirza salamtiaan ghazal ko pasand karnay ka bahut shukriya muntazir hoon kay kab mulaqaat hoti hai khush rahaen Nadeem Bhabha
|
|
|
Post by nadeem on Apr 6, 2008 21:13:59 GMT 5
piyaray Razi bhai aaj kay baad maen bhi aap ki bhai hi kaha karon ga baharhaal bahut shukriya aap naen ghazal ki pasand kiya ab maen samajhta hoon waqi ye qabil e isha_at hai Allah aap ko khush rakhay dua go Nadeem Bhabha
|
|
|
Post by nadeem on Apr 6, 2008 21:10:16 GMT 5
Dear Rafi Tabassum nawazish kay aap naen ghazal ko pasand kiya aur apnay qeemati waqt maen say waqt nikaal kar mujhay raey say nawaza Nadeem Bhabha
|
|
|
Post by nadeem on Apr 5, 2008 14:47:11 GMT 5
muhtram saeed aap say to muhabbat ka silsala shiro honay wala hai aur ye sach hai kay aap maen aur ham sab dua ki qabooliat par yaqeen rakhtay haen lekin asbaad ki taraf nahen dekhtay
maen naen manzil ki dua mangi thi meri raftaar baRha di gai hai
is sher maen maen naen yehi kaha hai kay sabab kiya hota hai yani jesay yahan raftaar ka zikr aaya to raftaar sabab bani manzil tak pahunchnay ka
Allah aap ko pardais maen bahut say apnay ata karay Nadeem Bhabha
|
|
|
Post by nadeem on Apr 5, 2008 14:43:27 GMT 5
Muhtarma Naheed sahiba aap naen jis sher ko pasand kiya is say andaza hota hai kay aap shairi ki bareekian aur mazameen kay naey pan ko bakhoobi samajhti haen meri taraf say aap k liey bahut si daad aur shukriya Nadeem Bhabha
|
|
|
Post by nadeem on Apr 5, 2008 3:37:30 GMT 5
Muhtram Razi sahib Assalam u alikum kiya acha sher hai waaaaaaaaaaaaaaaaaaaah yahan alag naen apna pora mafhoom diya aur maza aaya khush rahaen
jab woh pehli dafa mila tha mujhay ayn usi waqt ho raha tha alag
dua go Nadeem Bhabha
|
|
|
Post by nadeem on Apr 5, 2008 3:31:47 GMT 5
Muhtaram Dosto aap sab ki muhabbat naen mutasir kiya aur is qadar kiya kay yahan dil lag gaya aur ji chaha kay aik aur taza ghazal aap ki khidmat maen paish karon to arz hai dil say ik yaad bhula di gai hai kissi ghaflat ki saza di gai hai aib deewaar kay hon gay zahir meri tasweer hata di gai hai ab yahan say nahen ja sakta koi ab yahan shama jala di gai hai maen naen manzil ki dua mangi thi meri raftaar baRha di gai hai is liey jam kay yahan baitha hoon mujh ko mayri hi jaga di gai hai maen naen ik dil pay hakoomat kiya ki mujhay talwaar thama di gai hai ab muhabbat ka sabab wehshat hai warna hasrat to miTa di gai hai aap ki raey ka muntazir Muhammad Nadeem Bhabha www.nadeembhabha.com
|
|
|
Post by nadeem on Apr 5, 2008 3:17:25 GMT 5
muhtaram Saeed Saeed Sahib As Salam u alikum aap naen website visit ki bahut shukriya aawaaz aap ko achi lagi aur mera kalaal pasand aaya is ka bhi bahut shukriya Khizar bhai ka number maen naen mail kar diya hai ummeed hai mail mil gai ho gi hukm ki tameel kay baad ijazat chahoon ga Allah Hafiz Nadeem Bhabha
|
|