|
Post by nadeem on Apr 22, 2008 15:26:34 GMT 5
aik taza ghazal khalid Mahmood bhai ki nazr kiyon kay wo kafi barham ho rahay thay shayad un ko raazi karnay ki ye koshish hai jo yaqeenan nakaam nahen ho gi
tamam umr jalay aur roshni nahen ki yeh zindagi hai to phir ham naen zindagi nahen ki
sitam to yeh hai keh meray khilaaf boltay haen wo loog jin say kabhi maen naen baat bhi nahen ki
jo dil maen aata gaya sidq e dil say likhta gaya duaen mangi haen maen naen to shairi nahen ki
bas itna hai kay mera bakht dhal gaya aur phir meray charaagh naen bhi mujh pay roshni nahen ki
meri sipaah say duniya laraznay lagti hai magar tumhari to maen naen barabrai nahen ki
kuch is liey bhi akayla say ho gaya hoon nadeem sabhi ko dost banaya hai dushmani nahen ki
dua go Nadeem Bhabha www.nadeembhabha.com
|
|
|
Post by Atif Mirza on Apr 22, 2008 18:37:07 GMT 5
Aray Wah Nadeem Bhai! Aap nay tau waqee dil kay tukRay Khalid Saheb kay saamnay rakh diay hai! Ab Khalid Saheb tau kia Jo bhi naaraz hai woh kicha chala aay ga!
"Sargoshi".............(Waiasay aap ki baat hai keh iss tarah ki ghazal ko Hijw bhi kaha jaa sakta hai kia?) Yeh baat aur koi na paRhay!!!!!!!!!!!!!!!!![/b][/i][/size][/font]
|
|
|
Post by Aqeel Malik on Apr 22, 2008 21:12:56 GMT 5
tamam umr jalay aur roshni nahen ki yeh zindagi hai to phir ham naen zindagi nahen ki
kia kamal usloob hay aur rawani bhi taranum kay sath khilaat ka rachao say ghazal kay majmoe taasur mein izafa hoa hay matla tu umda hay he dad qabool kejeay aur is usloob ko hath say janay mat dejeay
aqeel
|
|
|
Post by nadeem on Apr 23, 2008 2:09:56 GMT 5
Muhtram Atif bayhad maskoor hoon kay ghazal aap ko pasand aai baqi jo tabsra kiya hai aap naen jisay sirf maen naen parhna tha to us ka jawaab ye hai keh mera aisa koi irada nahen tha maen naen nazr zaroor ki hai ab agar nazr karnay ko urdu maen hijv kehtay haen to shayad yehi ho by the way thanks a lot Khush rahen
|
|
|
Post by nadeem on Apr 23, 2008 2:12:27 GMT 5
Aqeel Malik sab say pehlay to aap ko yahan dekh kar khushi hoi phir matlay ko pasand karnay ka bahut shukriya aap say mulaqaat ka ishtiyaaq bahR raha hai
|
|
|
Post by saeed on Apr 23, 2008 4:23:57 GMT 5
Dear Nadeem,
Buhut khubsoorat ghazal hai! balkeh ab tak aapne jitni bhi takhleeqat yahan post ki hain yeh un sab pe bhari hai!
Mujhey is ghazal ke mizaj, khiyal ki latafat, aur zuban ke istemaal, sabhi ne buhut lutf diya hai. is murassa ghazal ke ye ashaar bilkhasoos buhut pasand aaye.
tamam umr jalay aur roshni nahen ki yeh zindagi hai to phir ham naen zindagi nahen ki
sitam to yeh hai keh meray khilaaf boltay haen wo loog jin say kabhi maen naen baat bhi nahen ki
kuch is liey bhi akayla say ho gaya hoon nadeem sabhi ko dost banaya hai dushmani nahen ki
Waahhhhh!!!!! khush rahen aur aisey he likhtey rahen!!!
duago, Saeed
|
|
|
Post by nadeem on Apr 23, 2008 12:09:03 GMT 5
Dear Saeed bahut shukriya aap ko ghazal pasand aai aur is qadar bharpoor daad ka bhi bahut shukriya asl maen do kitabaen aisi ghazloon ki likhi haen ab chahta hoon kay kuch tabdeel ho naya rang naya roop dua karaen maen aaj kal jo tajrubaat kar raya hoon wo kissi aisay lehjay ki taraf lay jaen jo umar ho
|
|
|
Post by saeedsaeed on Apr 23, 2008 12:41:08 GMT 5
AOA NADEEM BAHI MAIN BHI AQEEL KI BAT KI TAED KARTA HOON , matla bohottt accha hayn, sary ghazal jadded rujhanat ki traf eshara ka rahy hain , maza a gya hay parh kay aur aik aur share jis mein main khoo gya hoon,
jo dil maen aata gaya sidq e dil say likhta gaya duaen mangi haen maen naen to shairi nahen ki
wah wah nadeem khush rahoo ap ka mubashir saeed
|
|
|
Post by nadeem on Apr 23, 2008 23:08:38 GMT 5
Piyaray Mubashir Saeed wa alikum us salam ghazal ko pasand karnay ka shukriya us din maen naen bahut intazaar kiya asl maen maen us waqt murshid ki darbaar par tha jahan urs laga howa tha is liey baat na ho saki thi
|
|
|
Post by nadeem on Apr 23, 2008 23:09:33 GMT 5
Muhtarma Sunita sahiba bahut maskoor hoon kay aap naen ghazal ko pasand kiya aur bharpoor daad di Khush rahen
|
|
|
Post by Rafi Tabasum on Apr 24, 2008 5:05:24 GMT 5
Bohat khoob Nadeem sahib
|
|
|
Post by nadeem on Apr 24, 2008 10:49:49 GMT 5
bahut shukriya Rafi bhai
|
|
|
Post by rooh on Apr 25, 2008 23:33:15 GMT 5
Bahot khoob Nadeem sahab...ek bharpoor ghazal...
dil ko chhoo gayii
|
|
|
Post by nadeem on Apr 26, 2008 0:22:10 GMT 5
dil ko chonay ki baat hai tu us dil ka lams meri ghazal kay hath par abhi tak taza hai bahut mamnoon hoon aap ki daad ka khush rahaen
|
|
|
Post by Sukhanwar on May 5, 2008 23:03:25 GMT 5
nadeem boht khoobsoorat ghazal murasa kalaam her shair khoobsoorat meri janib sy boht see daad qabool karo thanx razi
|
|