|
Post by brijinder on Nov 8, 2008 23:32:43 GMT 5
|
|
|
Post by brijinder on Nov 7, 2008 2:01:38 GMT 5
Aik dost nay yeh nazm abhi mujh say share ki hai.Agar koi galti ho to zaroor bataayiay.
mori arj suno (nazar-e-khusro)
"mori arj suno dasatgeer peer" "mai ri' kahooN ka se maiN apne jiya ki peed" "nayiya bandho re' bandho re kinar-e-darya'" "more mandir ab kiyooN nahi aaye"
is soorat se arj sunate dard batate nayiya khete minnat karte rasta takte kitni sadiyaN beet gayi haiN ab ja kar ye bhed khula hai jis ko tum ne arj guzari jo tha haath pakadni wala jis ja laagi naoo tumahri jis se dukh ka daroo manga tore mandir meiN jo nahi aaya woh to tumhi the woh to tumhi the --------------------
|
|
|
Post by brijinder on Oct 21, 2008 11:09:12 GMT 5
Maddah Say-2
YaqeeN khud pay to mujhay hi nahiN TumhaiN kyuN mujh say aqeedat ho Fiqr meri maiN shaamil haiN Hadd-e-junooN say paray tak kay bhi khyaal MaiN khwaaboN ko rang-e-bu say Taraashnay ki jurrat rakhta hooN
MaiNay daikhay haiN hawas maiN pakeeza jalway Aur taqaddus maiN fahaashi kay imqaaN MaiN taraadeed ki hooN saraapaa tasveer Diwana hooNsaudai hooN aur na jaanay kya kya MaiN ajeeb shakhs hooN meray dost Soch kay baraanaa mujh tak dosti ka haath.
--------------------------------------- Rang-e-bu-- Colour of the smell.This metaphor is to convey my sense of experimentation,my quest to explore the unconventional
|
|
|
Post by brijinder on Sept 29, 2008 2:03:34 GMT 5
ZABT KI KASAM DI HAI USNAY
Zaahir na ho jayay meri udaasi meri tanhai Meray dil ki kasak aur badan ki angrai Ubhar na aayay chayhray par meri betaabioN kay naqoosh Suna na day kuch meri usko Pyaar say nihaarti aankhaiN Kadam aadtan na chal paraiN uski jaanib Aur ban jayay uski pashymaani ka sabab Zabt ki kasam di hai usnay
--------------------------------- _______________
|
|
|
Post by brijinder on Sept 6, 2008 1:05:06 GMT 5
Yakhbasta Waqt
Door ufq detaa hai aawaazaiN meray soyay huay jazbaat ko Is ufaan maiN machlataiN haiN kitnay naghmain nikal aanay ko
Diwaanaa kiyay daitee hai hai mujhko soz-e-tanhai Aur KhyaaloN ka bojh zehan pay barta jaataa hai Yeh maqaam kaisa Ki khyaal lafaz bantay bhi nahiN aur martay bhi nahiN Bus waqat-e-tanhai aur bojhil hua jaataa hai
Door door tak hai sannaataa dil-o-dimaagh pay chaayaa huaa Bus aatee hai ufq say wahi dard bhari aawaaz
HaaN ! shayud yeh aawaaz mujhay hosh main laa day JazboN ko jagaa day lafzoN ko banaa day Aur shayud phir say tanhaai Bojh na reh kar pursakoon saath ho jaayay Ki jiska muNtzir rehay mera wajood Meray khyaal aur maiN
---------------------
|
|
|
Post by brijinder on Sept 6, 2008 1:04:27 GMT 5
Razi saheb,shukriya,meharbaani
|
|
|
Post by brijinder on Aug 28, 2008 5:45:03 GMT 5
Saughaat
Jis tamnna ko jiya tha tanhaioN main kai baar Us ahsaas ki tabeer mili aaj mujhay gha_ir ban kar
Woh dulhan to bani baithee thi sakhioN main Woh baraat magar ghar say meray na aayee thi Udhar who ho rahi thi kisi ki umr bhar kay liyay YahaaN yakhbasta waqt tha aur meri tanhaai thi
Dost na ajnabi bus ab khalaa main latka sa ik rishta hai Pehchaan kar bhi na pehchaanti hui aankhaiN mera muqaddar hai
Jin khwaaboN pay pali hai meray takhyyul ki umr Nazar karta hoon who sub meri dost tujhay Banaa kay mahbbat ki main aakhri saughat
----------------
|
|
|
Post by brijinder on Jul 22, 2008 12:15:18 GMT 5
razi saheb
adaab
buhut khubsoorat ghazal share ke aap ne, Saari hi ghazal bahut achi hai lekin yeh she'r tery dharty pay har dukh kay liay tayyar rehtay hain kisi bhi haadsay per log ab hayraan nahin hotay daad qabool farmaiay Brijinder"Sagar"
|
|
|
Post by brijinder on Jul 14, 2008 1:17:45 GMT 5
Nietzsche
Siyaah hai raat bahut sar chupayay baitha hai mahtaab kahiN aasmaanoN main Woh door door tak haiN afsurda-nasheeN sitaaroN kay lashkar KahkashaN Saari sharmsaar si huee firti hai
Woh pashymaN sa khra hai Tamm_dun ki na-deeda aankhoN ka swaal KhwaaboN pay jhapat rahay haiN samaajoN kay uqaab Hyaat roti hai zaar zaar Taareekh junooN ka sung liyay hawaaoN ko soongha karti hai Phir say hai raunaq-e-jashn ujray huay zehanoN main Aaj phir qatl hua hai ik bedaar insaaN
Woh khaloos-o-ikhlaaq ka rasiya Woh aashiq khird ki baharoN ka Mar raha hai who luta kay aab-i-zeesat apna Aur kehkehay lagaataa hai kargas raigzaaroN ka
Sadaaqat phir marsiakhwa hai aaj Qaaynaat phir say Siyaah hai aaj
-----------------------------
|
|
|
Post by brijinder on Jun 30, 2008 2:24:56 GMT 5
Bekhudi
Ik mauj-e-samndar-e-kaynaat hai zindagi Khud hi jawaab aur swaalaat hai zindagi
Khud ki talaash yeh safar-e-hyaat Abhi din ki aarzu ab justju-e- raat
Kuch jaani anjaani raahon pay UmroN kay qaafilay Ghardish-e-doraaN main pinha manzilaiN Kabhi manzil ka pa laina Phir us say ukta jaanaa Yeh shauq-e-manzil nahi Shayud jeenay ka bus bahaanaa
Jab bar gayi bahut tanhai Banaya phulsupha-e-khudai But banayay banai azaanaiN Phir sajaai rishton ki dukaanaiN
Jab jab bhi khud say uktaiya insaaN Daur-e-wehshat main laut aayaa insaaN
Is hajoom-e-zindagi main tanha hai har koi Bus girafat-e-khwaab-e-bahaanaa hai har koi
Ik bhatkan umr kay jaNgloN main Liyay bekasi-e-namaloom diloN main Har koi jiyay jaataa hai Dard-o-masarrat kay ajab saNgam ko Unwaan-e-zindgai diyay jaataa hai
--------
|
|
|
Post by brijinder on Jun 25, 2008 1:12:13 GMT 5
Tabassum saheb, Nazm ko pasaN karnay kay liayay bahut bahut shukriya.Mainay apnay chand urdu adab say wabasta dostoN say is kay baaray maiN salah li.Sabhi ki rai yeh hai ki yeh lafz yahaN munasib hai.Meray bazurg dost nay likha:la haddood means without boundaries and la mehddod means without limitations.So it is upto the poet which word he uses.I don't perceive anything wrong in the use of either word. One other friend: I am of the view that the objection raised on use of la haddood is not worth it as meaning of la mehddood and la haddood is alomost the same. though that the former is the rule and later an exception i.e. la mehddood is commonly used. Takreeban aisi hi rai kuch aur dostoN ki aayee.Ho sakta hai aap aur woh sub apni apni jagah sahi hoN.Kya khyaal hai aapka?Agar meri nazm Hafeez saheb ki yaad dilaayay to maiN apnay ko bahut khushkismat samjhta hoon aur aapka bahut mamnoon hooN. Razi saheb, Aisa keh kar mujhay sharmiNda na kijayay.Is forum say sadaa lagaav raha hai aur yahaaN say jaanay ki wajoohaat bhi aapsay chupi nahi.Us waqt yahi munasib laga k chupchaap vida lay looN. Nazm pasaN karnay kay liayay bahut bahut shukriya.Urdu prose maiN liknay ki koshish karta hooN magar sach maiN itna acha izhaar nahi kar paataa. Brijinder"Sagar"
|
|
|
Post by brijinder on Jun 22, 2008 5:30:48 GMT 5
Hadd-e-fikr say aagay
Swaal haiN jwaab haiN Khwaab khwaab khwaab haiN Halaal na haraam hai Afkaar kay saraab haiN
Hyaat la-jwaab hai Aur sabko na-gwaar hai Hyaat la-hadood hai Par rooh girftaar hai
Hyaat khud maqaam hai Aur aadmi khwaar hai
Khwaab bhi yaqeen haiN Yaqeen bhi to khwaab haiN Swaal haiN jwaab haiN Khwaab khwaab khwaab haiN ------------------
|
|
|
Post by brijinder on Aug 21, 2007 1:26:19 GMT 5
Ab maiN usay yaad bana daina chata hooN
Main uski aankhoN maiN daikhta rehta hooN Magar meri samajh maiN kuch naiN aataa Main uski baatoN ko sunta rehta hooN Magar meri samajh maiN kuch nahiN aataa Agar kabhi woH mujhsay milay To maiN ussay baat nahiN karuNga Uski taraf daikhuNga bhi nahiN MaiN koshish karuNga Mera dil kahiN aur mubtila ho jayay Ab maiN usay yaad banaa dena chahta hooN
------------------------------------
|
|
|
Post by brijinder on Aug 26, 2007 1:38:55 GMT 5
Here is a glowing example of an azaad nazm.I hope this makes many of us rethink about our own aesthetic sensebilities.There are so many other such examples of famous poets in urdu litrature.
Working Woman
Sach kehtay haiN Kaisay gharoor ki baat hui hai MaiN apni hariyaali ko khud apnay lahu say seeNch rahi hooN Meray saaray pattoN ki shaadaabi Meri apni naik kamaai hai Meray aik shaghoofay par bhi Kisi hawa aur kisi baarish ka baal baraabar qarz nahiN hai MaiN kab chaahooN Khiil sakti hooN Mera saaraa roop,meri apni daryaaft hai MaiN ab har mausam say sar ooNcha kar kay milti sakti hooN Aik tanaawar pair hooN ab maiN Aur apni zarkhaiz numoo kay saaray imkaanaat ko bhi pehchaan rahi hooN Lekin meray aNdar ki yeh bahut puraani bail Kabhi kabhi-- kab tez hawa ho Kisi bahut mazboot shajar kay tan say liptanaa chahati hai
-----------------------------------
|
|
|
Post by brijinder on Sept 1, 2007 4:12:04 GMT 5
A very poignant poem. Anguished cry of a woman.
Majboori
HawaaiN DastakoN maiN mera naam lay rahi haiN MaiN,kiwaar kaisay kholuN Meray dono haath Pusht ki taraf baNdhay huay haiN
--------------------------------
|
|