|
KHUDI
Jul 25, 2011 12:45:08 GMT 5
Post by brijinder on Jul 25, 2011 12:45:08 GMT 5
Khudi
Khudi say hai wajood-e-adam Phir issay itnaa inkaar kyuN hai Khud jwaab bun kay chamktaa hai yeh swaal Phir sadioN say ispay itnaa taqraar kyuN hai
Khudi maqaam-e-ahsaas-inthaa Khudi zauq-e-bedaari-e-insaaN Khudi tam_ddun ki nighabaan Khudi zauq-e-parwaa ka naam
Khudi ka des ik zammen-e-zarkhayz Khirad ka shajar aur ahsaas ka samar Aisay gulshanoN main palee khudi ki umr
Khudi jab raushan ho aaftaab ki maanNid Khuda bun jaati hai Khudi gar bhtak jayay raah-e-ilam say benoor parstish main GunaaH bun jaati hai
Bahut naazuk-o-b_land hai raah-serat-e-khudi Neechay gehri aNdhairi hai gaphalut ki nadee
Pehlay uthlay paanioN par pul banaanaa Hosh apnay ko aazmaanaa Phir daraaoN par ja kay dohraanaa Tub seeraat-e-khudi par aanaa
------------------------------------------
|
|
|
Post by brijinder on Jun 10, 2011 1:45:30 GMT 5
Hadd-e-fikr say aagay
Swaal haiN jwaab haiN Khwaab khwaab khwaab haiN Halaal na haraam hai Afqaar kay saraab haiN
Hyaat la-jwaab hai Aur sabko na-gwaar hai Hyaat la-hadood hai Par rooh girftaar hai
Hyaat khud maqaam hai Aur aadmi khwaar hai Khwaab bhi yaqeen haiN Yaqeen bhi to khwaab haiN
Swaal haiN jwaab haiN Khwaab khwaab khwaab haiN ------------------
|
|
|
Post by brijinder on May 18, 2011 4:31:03 GMT 5
TalkhiaN
Tujhay aayaa na jo falak choonay ka andaaz Gunaah bana di gayiN parvaazaiN meri Ab mera qasoor hai kya teray ahsaas ki ghurbat Jo dabaatay ho balaNd aawaazaiN meri?
Jab tu mehfiloN maiN ho mast firta tha Karti thi meri umr tanhaaioN maiN riyaaz Jab tu laga raha tha beparvaah qehqehay Samajh raha tha tab maiN khyaaloN kay andaaz
Mainay ik ahud pay jiayaa hai zeest ka lamha lamha Tunay tab jisay janooN ka naam diyaa ZameeN jisko samajh na paayi AasmaaN nay uska ahatraam kiyaa
Teray rutboN ki nahin ab koi kashish baqi Samjhay to yeh bhi hai ik kamaal-e-phun mera Jo bus riwaayutoN maiN dhal kar kay banay NahiN ab woh mozu-e-sukhan mera
MaiN to khwaaboN kay geet banaauNga Aur wusat-e-afqaar say sajaauNga Tujh maiN himmat hai to aa jaanaa Warna akaylay hi gungunauNga
----------------------------------------
|
|
|
Post by brijinder on May 10, 2011 0:40:29 GMT 5
Bekhudi
Ik mauj-e-samndar-e-kaynaat hai zindagi Khud hi jawaab aur swaalaat hai zindagi
Khud ki talaash yeh safar-e-hyaat Abhi din ki aarzu ab justju-e- raat
Kuch jaani anjaani raahon pay UmroN kay qaafilay Ghardish-e-doraaN main pinha manzilaiN Kabhi manzil ka pa laina Phir us say ukta jaanaa Yeh shauq-e-manzil nahi Shayud jeenay ka bus bahaanaa
Jab bar gayi bahut tanhai Banaya phulsupha-e-khudai But banayay banai azaanaiN Phir sajaai rishton ki dukaanaiN
Jab jab bhi khud say uktaiya insaaN Daur-e-wehshat main laut aayaa insaaN
Is hajoom-e-zindagi main tanha hai har koi Bus girafat-e-khwaab-e-bahaanaa hai har koi
Ik bhatkan umr kay jaNgloN main Liyay bekasi-e-namaloom diloN main Har koi jiyay jaataa hai Dard-o-masarrat kay ajab saNgam ko Unwaan-e-zindgai diyay jaataa hai --------
|
|
|
Post by brijinder on Apr 28, 2011 5:35:04 GMT 5
Gharon ko makaan bantay daikha hai RishtoN ko dukaan bantay daikha hai
Bhartay haiN jo pyaar ka dam har waqt Pal maiN unhaiN haivaan bantay daikha hai
Kartay haiN jo bathkoN main tehzeeb-o-adab ki baatain Ghar kay band kamroN main unhaiN shaitaan bantay daikha hai
Awaaz ab uthaaiN apnay aisay muasharay kay khilaaf Aurat ko aaj bhi jahaaN saamaan bantay daikha hai ----------------------------
|
|
|
keemiya
Apr 19, 2011 10:15:12 GMT 5
Post by brijinder on Apr 19, 2011 10:15:12 GMT 5
KEEMIYA
Khuda bhi sochta tha ik din Banaa kar yeh saari khudaai Ki kaisay ik fikr nay rach di Yeh tamaam tilsmee sachaai
Ki kaisay khwaabgaahoN ko ghumaan-e-yaqeeN honay lagaa Magar khwaabgaahoN ki haqeeqat bhi haqeeqat hai Yeh traadeed ka dilfaryeb fasoon Sadaaqat bhi fasaanaa hai,fasaanaa bhi sadaaqat hai
Yeh rooh-e-takhleeq,khuda sochta thaa Kaisay kaisay pardon main khud ko chupaati hai Vaham-e-yaqeeN to kabhi Yaqeen-e-vaham ban ban kar Ghrift say har baar phisal jaatee hai
Aur khuda nay socha--- Yeh saaraa tilism meri ik fikr nay rachaayaa! Magar..magar yeh fikr meray zehan main kisnay basaayaa? __________________
कीमिया (Alchemy)
ख़ुदा भी सोचता था इक दिन बना कर यह सारी खुदाई कि कैसे इक फ़िक्र ने रच दी यह तमाम तिलस्मी सच्चाई (magical)
कि कैसे ख्वाब्गाहों को गुमान-ए-यक़ीन होने लगा (स्वप्नलोक)(belief of being real) मगर ख्वाब्गाहों की हक़ीक़त भी हक़ीक़त है ये तरादीद का दिलफरेब फ़सून (contradiction) (magic) सदाक़त भी फ़साना है,फ़साना भी सदाक़त है (सच्चाई)
ये रूह-ए-तख्लीक,खुदा सोचता था (spirit of creativity) कैसे कैसे पर्दों में ख़ुद को छुपाती है वहम-ए-यक़ीन तो कभी यक़ीन-ए-वहम बन बन कर गरिफ्त से हर बार फिसल जाती है
और ख़ुदा ने सोचा --- यह सारा तिलिस्म मेरी इक फ़िक्र ने रचाया ! मगर....मगर यह फ़िक्र मेरे ज़ेहन में किसने बसाया ? __________________
|
|
|
Post by brijinder on Apr 15, 2011 3:16:25 GMT 5
Chand gali to utra hoga Mujhse shayud rootha hoga
Zahar pyalaa de kar mujhko Kuch to wo bhi tarpa hoga
Chupke chupke poNcha hoga AaNkh se gar kuch tapka hoga
Usne khat to bheja hoga Mujh tak hi na pahuNcha hoga
NeeNd uRa kar meri wo bhi Shub bhar chatt par tehla hoga
|
|
|
Post by brijinder on Apr 15, 2011 0:32:08 GMT 5
Shukriya Razi sahab lekin janab main abhi bhi azaad/nacri nazm hi kehta hoon...umeed hai yah baat behas ka bayas nahiN hogi...this is not to say that i do not respect or admire the conventional poetry,rather I love that very much too.
|
|
|
Post by brijinder on Dec 23, 2009 3:27:18 GMT 5
Dard-e-tanhai
Aao lay jao meray dil kay khazanay SeeNch daalo yeh apnay gulshan veeranay
TanhaaioN ka zehar piya hai is amrit kay liyay TaNz-o-fiQroN maiN jiya hai is amrit kay liyay
Barti gayi,barti gayi aur talaash tab junoon ho gayi Meri deewanagi mehfiloN maiN haNsi ka majmoon ho gayi
Ukta kay uth gaya har aashna kareeb say Aur ziNdagi ruk gayi us maNzar ajeeb pay
Ik taraf urnay ki lalak Ik taraf zameeN ki pakar Ik taraf nai duniya ka shouq Ik taraf ajnabiyat ka khauf
Magar phit khudi nay behoshi ki aakhri zaNzeer bhi tor di ParoN maiN apnay hosh ka dum bhar,aasmanoN say hor li
Nigaah phir uth gayi jeet haar kay sawaal say Ufaq dar ufaq barta gaya noor hosh kay jamaal say
Phir dil dil lay kar gaya yeh wusat-e-ahsaas Behosh sab hujoom thay laut aayaa maiN udaas
TanhaaioN maiN magar ab bhi Umeed ki lau jalti hai.
---------------------
|
|
|
Post by brijinder on Dec 4, 2009 0:23:33 GMT 5
Bayzaar
Tujh tak nahiN pahuNchati ab meray dard ki sadaa Dil hai badhawaas ki aakhir kya hua
Tu hi mujhay bataa yeh insaaf kya hua Kiska tha gunaah aur kisko mili saza
Bahut roya,tarpa,hua bahut bayzaar dil Toonay magar kaha ab gham maiN din guzaar dil
Makhsoos meray liayay thay woh teray jo ahsaas Halaat ki aaNdhi maiN shayad rehay na teray paas
Ab kisi umeed pay "Sagar" na tu thahar Is aNdhayri raat ki shayad na ho sehar
-----------------------
|
|
|
Post by brijinder on Nov 14, 2009 2:55:34 GMT 5
Aik Paaghal Nazm Paaghal SmaajoN Ke Naam
Raakh barseygi aasmaanoN se Fiza meiN bhar jaigi qabaroN ki haddiaN Apna hi lahu bahyga dariya dariya NiklyaNgay naNgay-jism murdoN ke juloos
Kuttay roiNgay muNh aflaaq pe dhar kar Aur raqs karaNygee siyaaroN ki hookeiN AaNkh barsa karEygi naalioN ke keeRay Shab peetee phiraygi sooraj ki kai
----------------------- Kai- Vomit
|
|
|
Ishq
Oct 4, 2009 1:38:12 GMT 5
Post by brijinder on Oct 4, 2009 1:38:12 GMT 5
Ishq
Ishq junooN bhi hai sanjeedgi bhi hai Yeh hawis bhi hai pakeezgi bhi hai Shokhi bhi hai ishq- Baanki adaaoN pe lutnay ka naam bhi hai Rooh-e-irtqa-e-dil-o-dimagh bhi- Zindagi ko samjhnay ka naam bhi hai Ishq masroofiat bhi fursat bhi hai Ishq qurbat bhi aur furqat bhi hai Ishq rif_at bhi aur wus_at bhi hai Aur ishq kabhi faqt chahat bhi hai Yeh masoomiyat bhi rikhshandgi bhi hai Bosa hai to kabhi bandgi bhi hai ZamiN bhi hai aur aasmaN bhi hai Magar ufaq ka ismay nishaN bhi hai Kabhi bistar ki salwaton sa- To kabhi mandir ki moortoN sa Kabhi uryaanioN ka shaida To kabhi Meera-o-Mariam ki soortoN sa Ishq rog bhi magar mudawa bhi hai Ishq parastish bhi magar da_awa bhi hai
RishtoN say sada juda hai ishq Isliyay hi bana khuda hai ishq ---------------------
|
|
|
Alvida
Sept 17, 2009 1:05:57 GMT 5
Post by brijinder on Sept 17, 2009 1:05:57 GMT 5
ALVIDA
Na tujh pay jafa ka koi ilzaam Ma maiN apni ulfat pay sharamsaar Tagaful na peshaymaani na koi shiqayat Bus zindagi ko dekha apnay apnay andaz say humnay
MaiN ishq ko samjhta hooN zindgi ka muqaddar Tunay muqaddar ko bus zindagi samjha MaiN jin zulmatoN pay uthata raha barbat-i-baghaawat Tunay unhiN aqaayud ko raushani samjha
MaiN banaataa hi rahaa haseeN khwaaboN kay gronday Mujhko na tha pata ki tera guzar inmaiN kahaaN Tu to dhooNdti phirti thi ik qafas sandli Meray tas_svur maiN tha teray liyay ik azaad jahaaN
Main to chaahaa tha ki tum humkadam ho kay chalo Tumnay virsay maiN magar paya hai aqeedat ka bharam Meri ulfat to thi baraabar ki dosti Teri ulfat rahi meri mohtaaj-i-karam
Meri tamanna thi ki tu mujhay "tu" ho kar kay milay Tunay khudi ko apni magar biknay kay liayay paalaa tha Meri hasrat ki tu isay apnay ahsaas maiN rakh kar kay jiyay Toonay parstish kay liyay jisay ab talak saMbhaalaa tha
Na tujh say thi mujhay parstish ki aarzoo Na kud mujhay tha shauq-i-aqeedat MaiN tujh maiN dhooNdta phirta tha ik khud_dar mehboob Aur tumko piyaari thiN apnay purkhoN ki viraasat --------
|
|
|
Post by brijinder on Sept 7, 2009 1:47:04 GMT 5
I am very sorry for being so late in reply.I am very thankful to all of you for the kind words of appreciation. Kind regards brijinder
|
|
|
Sazaa
Sept 5, 2009 0:31:11 GMT 5
Post by brijinder on Sept 5, 2009 0:31:11 GMT 5
Sazaa
Na raatoN ko hui naseeb apnay khwaaboN ki tabeer Na din meray nay payaa apnay ujaalon ka humnashiN Na mili sera-e-jahaaN main zeest ko thandi chaaNv Na jazbaat meray nay paayaa aqs apna kahiN
Tu to tha mushtaaq haqeeqat ki gawaahi hai Shiddat-e-khuloos magar bani teri tabaahi hai Tunay gaRd main reh kar shaffafi kay geet gaayay Ziqr gulshanoN kay teri barbat pay kiyuN ki aayay
Yeh jurm-e-intahha tamddun say hota nahi gawaraa Tareekh kar rahi hai sadion say yeh ishaaraa
Aqeedat-o-takddus kay auhaam main thay jo mastoor UriyaaN kar diayay tunay tehzeeb kay woh sub nasoor
Ab isliay ta-umr tanhaaion main teh Tu mehfiloN say door parchaion main reh Ja ab tera koi nahiN -------------------------
|
|