|
Post by brijinder on Aug 12, 2009 2:23:55 GMT 5
Sard-bedard mausam
Sard hai raat bahut Chand say pighal-pighal rahi hai barf chandni Aur utar rahi hai meray takhhyul ki vaadioN main Meray khwaaboN kay jharnoN maiN Meray armaanoN kay goshoN maiN Kohra ban kay ghayray hai mujhay abr-e-tanhai Aur yakhbasta sa ho gaya jaisay mera tamaam vajood Lagta hai is baar Ki garmi-e-jazbaat bhi bacha na payaygi ziNdagi meri Is baar jo aya hai yeh sard-bedard mausam Is baar yeh khatm nahi hoga kabhi.....
----------------
|
|
|
Post by brijinder on Jul 31, 2009 12:20:10 GMT 5
Kya hai Zindagi?
Mai ka jadu bhara mast payaala hai Ya ki tanhai kay seenay maiN laga khaNjar Mehboob kay hoNtoN ki sheerni hai Ya ki zar-o-zameeN kay khawaaboN ka naam Har nafs maiN zinda hairat ki taazgi hai Ya ki sub ka sham say ik thaka sa rishta? Zindagi kisko kehtay haiN, dost??
------------------
|
|
|
Post by brijinder on Jun 22, 2009 3:09:51 GMT 5
WAQT-E-FURQAT
Yeh waqt-e-furqat kitna kathin hai meri jaaN Hoga mushkil maanaa tha, magar itnaa mushkil Socha bhi naa thaa
Woh chaNchal si khilkhilahat Woh tumhari maNd maNd si muskaan Woh tumharay badan say aatay bahaar kay jhoNkay Woh tumhaari saadgi maiN daanaai kay imkaan
Woh tumhaaraa meri baahoN maiN duniya ko bhool jaanaa Woh behtay ashkoN maiN laraztay laboN ka muskuraanaa Woh tumhaari pal pal ko shiddat say jeenay ki chaah Woh tumhaari nazar maiN phool say komal khwaaboN ki raah
Woh tumhaari dabdabaai aaNkhoN maiN unkahayay sawaal Woh tumhaaray ghanay dasht say gasuoN ka jamaal Woh tumhaaray hoNthoN ka tilsmee khumaar Woh tumhaaraa mujh par beloss aitbaar
Bahut yaad aataa hai yeh sub meri jaaN Aur yaad aataa hai bahut tumhaaraa woh- "SUNO NA" -----------------------------------
|
|
|
Post by brijinder on Jun 18, 2009 11:16:15 GMT 5
Ishq Da Vanjara
MaiN vanjara ishq da main chalaaN haddaaN paar Meri boli peera kukdiaN ,dil 'ch zakhm hazaar MaiN geetaN day laal lutaaNda Tay haNju lavaN saMbhaal YaadaaN da ik tokkar chukay ChalaaN saalo-saal Meri nazaraaN us zameen tay Jithay supnay hul chalaan MaiN labhaaN aisay baNdiaN Jo meri sochaaN lain pachaan Chalda ja vanjaaria milyga oh saNsaar Haasay khaaviN chaanan peeveeN pyaar da kari shiNgaar --------------------------
|
|
|
Tzaad
Jun 9, 2009 1:04:20 GMT 5
Post by brijinder on Jun 9, 2009 1:04:20 GMT 5
Tzaad
YaadoN kay bawaNdar say uth rahaiN hai Takh_yul ki sar zamiN pay Barq bau kay chamkta hai teri afsurda haNsee ka chehra Honay lagi hai teray naaz-o-karam ki rimjhim Meri takhleeq maiN main woh pehli barsaat si soundhi khusbu aa rahi hai
Tanha bahut tanha hai dil teray jaanay kay baad SaMbhla nahi wajood shorishoN maiN bhi doob jaanay kay baad Zamanaa to samjhtaa hai isay shauq-i-fitoor mera Har chahray maiN agar dhooNdta hooN teray wajood ki parchaiNaN Aur uqta kay uth aataa hooN phir apnay khyaaloN ki duniya maiN Siyaah aur siyaah ho jaati haiN phir meri tanhaaiyaaN
Ab tu bani hai kisi ga_ir ki zindagi ka unwaaN Ab teri raataiN uski baahoN main basi rehti haiN Ab na us ulfat ki haqeeqat baqi Phir bhi nadaan umeedaiN dil maiN baniN rehtiN haiN
Puchta hooN maiN aksar apni talkh raatoN say Ki kya hai aqaayud-i-mehabbat ki asaas Kya hai yeh rasoomaaat maiN lipta ik shuq-i-bekaar Kya hai yeh ishq kay naam pay paltay huay pazmurda ahsaas
Kya hai yeh mehabbat yeh mehabbat ki tashheeer Kadam bar kadam samjotoN ki besood taameer Kya hai yeh jis-o-rooh kay alag alag meyaar Kya hai parstish pay palta yeh falsafa-i-taqdeer
Thehar ab zauq-i-talab thehar Aaj na yeh baat baat uthaa Aaj ki raat barstaa hai gujishta mehabbat ka jaadoo Aaa ki raat kuch na keh kuch na sunaa ----------------
|
|
|
Post by brijinder on Jun 9, 2009 1:02:36 GMT 5
aap ki dono ka ka mamnoon hon...nazam pasand aayee, .shukriya Khush rahain
|
|
|
Post by brijinder on Apr 28, 2009 1:54:23 GMT 5
20 saal pehlay likhi eik nazm lay kar haazir hua hooN.Umeed hai pasaNd aayaygi.
APNAY BATAY KAY NAAM
NanhaiN pairoN pay dorta bachpan HaNsta gaata muskurata bachpan
Teri kilkaarioN main sabaaN kay jhoNkay Teri shokhi main bahaaroN kay aNdaaz Teri udaasi say tarap jaayay kahkashaaN saari Teri tutlahat main raagoN ka riyaaz
Koi Suqraat bhi kya teray zauq-e-talab kay aagay Teri masti ki raqs maiN ho jaisay hyaat Teray laboN pay khailti hai aisay shffaaf haNsi Ki sharma jayay issay parioN ki bhi zaat
Tu hai meray jism-o-rooh ka kalaam Teri ghardish main meri hasti ka nizaam Tujhsay Hai masrrat kay phir raushan chiraagh Teray irtiqa main nihaaN meray teerath-o-dhaam
Aur Ai meray lakht-e-jigar Yeh hai khud say ahad mera Ki na ban jayay baar tera Yeh tamaam pyaar mera Aur parwaazoN main teri Na ho meri tamnnaoN ka beseraa __________________
|
|
|
Post by brijinder on Apr 2, 2009 4:33:56 GMT 5
Sehar Say Sehar Tak
Afsurdgi pay paltay huay mery ayaam Roz yaas ki siyaahioN maiN doob jaatay haiN Phir shub wahi sum lay kar sehar tak mujhko jagaati hai Phir tweel raatoN main teri yaad tanhaaiaN baraati hai Phir meray geet tujhko dair tak bulaatay haiN Phir maaniNd-i-roz MaiN jaagta hooN aur taaroN ko neeNd aati hai
----------------------------------
|
|
|
Post by brijinder on Mar 26, 2009 2:00:16 GMT 5
Keemiya-2
Raat ki aankhoN maiN haiN raushni kay khwaab Din ki nazar maiN aNdhayroN ka sakooN Bus isi giraft maiN haiN hai ziNdagi ki rau Aur farayboN pay palta hua iska fasooN ----------------------------------\
|
|
|
Post by brijinder on Jan 21, 2009 2:03:22 GMT 5
bohat qeemti hay aap ki ye daad merey liye Shukriya
|
|
|
Post by brijinder on Jan 9, 2009 0:28:52 GMT 5
Bekhudi
Ik mauj-e-samndar-e-kaynaat hai zindagi Khud hi jawaab aur swaalaat hai zindagi
Khud ki talaash yeh safar-e-hyaat Abhi din ki aarzu ab justju-e- raat
Kuch jaani anjaani raahon pay UmroN kay qaafilay Ghardish-e-doraaN main pinha manzilaiN Kabhi manzil ka pa laina Phir us say ukta jaanaa Yeh shauq-e-manzil nahi Shayud jeenay ka bus bahaanaa
Jab bar gayi bahut tanhai Banaya phulsupha-e-khudai But banayay banai azaanaiN Phir sajaai rishton ki dukaanaiN
Jab jab bhi khud say uktaiya insaaN Daur-e-wehshat main laut aayaa insaaN
Is hajoom-e-zindagi main tanha hai har koi Bus girafat-e-khwaab-e-bahaanaa hai har koi
Ik bhatkan umr kay jaNgloN main Liyay bekasi-e-namaloom diloN main Har koi jiyay jaataa hai Dard-o-masarrat kay ajab saNgam ko Unwaan-e-zindgai diyay jaataa hai
--------
|
|
|
Post by brijinder on Dec 20, 2008 0:37:07 GMT 5
maiN intehaa'ii sharmindah hooN k bar-vaqt aap sub kaa shukriya adaa na karsakaa !aap ki du'aaoN keliye maiN aap kaa tah-e-dil se mamnoon hooN ! shukriya
|
|
|
Post by brijinder on Dec 3, 2008 13:32:43 GMT 5
Teray naam Jab tu meri aagosh maiN hoti hai Teri admundhi aankhain Teray laraztay huay hoNt Daitay hain bahut si ankahi baatoN ka pataa Teray jism ki haraarat UnglioN ki shraarat NihaaN jaanay kitnay maikhaanoN ka nashaa
Jhatak kar khol daiti ho Jab tum ghanay syaah gaisu Aur bar jataa hai un paloN ka khumaar Phir shiddat say woh jazba Hai rooh tak mehsoos hotaa Kartay hain jism jab us pyaar ka izhaar
Purmaaeni ho jaati hai meri hayaat Hoti hai beshak mukhtsar si hamari mulakaat
Jab tu meri aagosh maiN hoti hai!Sach! Meri zad maiN hoti hai jaisay saari qaaynaat
-------------------------
|
|
|
Post by brijinder on Nov 28, 2008 8:51:40 GMT 5
Bus ab aur nahiN...
Shikwa na shikayat Na jazboN ki inayat Khilkhilahat na chulbulahat Kulbulahat na kasmsahat Na jismoN ki garmiaN Na baatoN ki narmiaN Na aakhoN ki woh baataiN Na khwaaboN maiN doobi raataiN Na teray husn ka barsay mujh pay jaadoo Na meray she'r karaiN jazbay teray bekaboo
Jab besaakhta shokhiaN barsaiN Ab to un paloN ko hum tarsaiN
Dil-o-jaaN udaas aur jam say gayay haiN jazbaat Kitni berang-bevajah si chal rahi hai hyaat ------------------------------------------
|
|
|
Post by brijinder on Nov 18, 2008 1:17:43 GMT 5
Yeh shaam gwaahi de
boosoN ki halawat se jab hont sulagte hoN sansoN ki tamazat se jab chand pigalte hoN aur haath ki dastak per jab band-e-qaba uske khulne ko machhalte hoN! ishaq aur hawas ke beechh' kuchh faraq nahi rehta (kuchh faraq agar hai bhi' uss waqat nahi rehta) jab jism kareN baataiN' darya bhi nahi behta maiN jhoot nahi kehta eh shaam gwaahi de
|
|