|
Post by Sukhanwar on Jun 21, 2008 23:34:42 GMT 5
mohabat ka bhar poor izhaar waaliahana pun aur deewangi muhabat ki ataa hoti hy aur jisay yeh mil jaay us ki tehreer main woh rawani aur husn payda hota hy jo tumharay haan mojood hay kanwal mujhy boht achi lagi yeh tehreer boht arsay baad tumhari nasr parhi aaj main nay aur lutf aagia thanx razi
|
|
|
Post by Sukhanwar on Jun 21, 2008 23:06:45 GMT 5
Shikast maan ke taskheer ker liya hai mujhey yeh aik misra hi ghazal k mizaaj aur uthaan ki akaasi karta hay
Bikher gaya tha sar-e-shehr-e-na-shanasaaN maiN Kisi ke rabt ne ta-meer ker liya hai mujhey
aur phir yeh shair
Nikal ke jaoN kahaN main hisar-e-gardish se Safar ne paoN mein zanjeer ker liya hai mujhey
saeed bhai kis kis shair ko nazar andaz karoon boht khushi hota hy aysi umda shairi parh kar boht see daad aap k liay aur boht see muhabatain bhi thanx razi
|
|
|
Post by Sukhanwar on Jun 21, 2008 22:58:52 GMT 5
eik taza ghazal jo ho rahi hai....dostoNki nazr... Ab na khwahish na kisi khwaab ka reisha dil meiN Phir bhi ek dard sa rehta hai hameisha dil meiN Kohkan aur terey sehraouN ki be-khaanmaN reit Khub gaya phir se terey hijr ka teisha dil meiN YuN to rehta hai masihaouN ka aana jaana Humne rakha usi qatil ko hameisha dil meiN Be-dili ab ke muhabbat meiN ajab hai ke Saeed Khauf jeeney ka na marney ka undesha dil meiN Izafa: Usney aankhoN meiN jageh di hai to kiya kam hai Saeed kaun rakhta hai meri jaan hameisha dil mein khoob saeed bhai maazrat chaahta hoon k kai roz baad aap ki ghazal tak pohancha asal main hum yahan load sheding k jis mahol main ji rahay hain us main kai roz net sy raabta mumkin nahin hota boht umda ghazal aur rafi sahab nay drust kaha k boht tang qafiay k saath yeh ghazl kahi aap nay aur umdsa mazameen nikal rahay hain YuN to rehta hai masihaouN ka aana jaana Humne rakha usi qatil ko hameisha dil meiN kamal hay bahi daad qabool kijiay thanx razi
|
|
|
Post by Sukhanwar on Jun 21, 2008 22:40:35 GMT 5
rafi bhaai boht khoobsoorat ghazal hy aik hi kayfiat hay magar rang her shair main mukhtalif hay aysi radeef lutf hi us waqt dayti hy jab yeh mukamal mafhoom aur jawaz day is ghazal main radeef khoob nibhaai hy aap nay thanx razi
|
|
|
Post by Sukhanwar on Jun 20, 2008 9:47:24 GMT 5
tanweer sahib hum aap ki kami to mehsoos karain gay magar zaahir hay aap ki apni majboori hy humain umeed hay aap ko jab bhi moqa milay ga aap forum main zaroor aain gay thanx razi
|
|
|
Post by Sukhanwar on Jun 17, 2008 23:59:33 GMT 5
khoobsoorat iqtabaas hay boht umda kitab hy yeh thanx razi
|
|
|
Post by Sukhanwar on Jun 17, 2008 23:52:43 GMT 5
naveed sahab boht din baad aap ki ghazal parhanay ko mili ghazal sara ho k bhi aap ghazal sara kion nahi hotay tamaam ashaar aap k makhsoos ahang main hain khaas taur par yeh shair dil par naqsh ho gia sar-e-tasleem kham kartay hain har zalim k aagay ham phir us k zulm ko taqdeer ka likha samajhtay hain wah wah kia khoob kaha aap nay thanx razi
|
|
|
Post by Sukhanwar on Jun 17, 2008 23:32:44 GMT 5
nasir malik sahab aaj sukhanwar k naay member ki haysiat say hamaray darmaan hain nasir malik sahab ka taaluk layyah k nazdeek waqay aik shehr chock aazam say ghay shair afsana nigaar muhaqaq aur column nigaar nasir malik k afsanay aur novel suspence digest sub rung digest aur deegar jaraaid main chaptay hain aur un rasaail k qaaraeen k liay in ka naam naya nahin.. boht maqbool hain is halqay main nawa e waqt main "shehr e khyaal" k naam sy column likhtay hain do shairi majmoo_on samyt in ki kai kutab shaay ho chuki hain nasir malik sahab hum sukhanwar main aap ko khush aamdeed kehtay hain yeh doston ka aik jhaan hay aap k aanay say yeh kehkashaan mazeed khoobsoorat ho gaaai thanx razi
|
|
|
Post by Sukhanwar on Jun 16, 2008 15:55:02 GMT 5
khoobsoorat andaz hay soch ka thanx razi
|
|
|
Post by Sukhanwar on Jun 13, 2008 0:00:08 GMT 5
kis ki ghazal hy kanwal
|
|
|
Post by Sukhanwar on Jun 12, 2008 10:31:06 GMT 5
hamarai bazm k rooh o rawan aur hamaray boht achay dost rafi tabasum sahab nay aaj subha yeh khabar suna kar udaas kar dia k un k walid sahab ka intqaal ho gia hy unhain aaj 4 bajay sham spurd e khaq kia jaay ga rafi sahab k baaray main aap sab jaantay hain k un ka kul by pass operation honay wala tha .. in halaat main un k liay yeh sadma aik boht barri aazmaaish hay hum dua go hain k woh yeh sadma hoslay k saath bardaasht karain .. un ka operation ab kuch din k liay multawi kar dia gia hay rafi sahab boht see duaain aap k walid sahab ki maghfirat k liay aur boht see duaain aap ki sehat aur salamti k liay thanx razi
|
|
|
Post by Sukhanwar on Jun 12, 2008 0:24:28 GMT 5
akhtar shumaar jantay ho na k aaj multan main long march tha aur phir qaumi assembly main budget bhi paysh kia jaana tha so aaj hum journalists k liay aik msroof tareen din tha tumhari diary aaj to nahi parh saka aik aadh din main parh k raay doon ga thanx razi
|
|
|
Post by Sukhanwar on Jun 12, 2008 0:19:42 GMT 5
bhai rafi tabasum yeh kamal ki ghazall hay radeef bhi munfrid aur phir mazameen main bhi naya pan hy ammoman hota yeh hay k aysi radeef rakhnay k baad shoraa karam yaksaaniat ka shikar ho jatay hain aur naay shair nahi nikaal paatay radeef sambhaalnay ki koshish main mazameen par grift khutm ho jati hay aap ki is ghazal main radeef bhi naai hay aur mazameen bhi naay hain thanx razi
|
|
|
Post by Sukhanwar on Jun 12, 2008 0:15:39 GMT 5
razi kia kum hay mian khud he yahaan salun banata hoon jo brtun thoonay lagta hoon tu kapray bheeg jatay hain suhail bhai aap nay apny liay yeh saza khud tajweez ki hay warna hum ny to aap ko bataya tha k pardays main yeh sub kuch khud karna parray ga ... shukria ghazal ki daad daynay ka aap ka apna hi munfird andaaz hay thanx razi
|
|
|
Post by Sukhanwar on Jun 12, 2008 0:12:17 GMT 5
Razi bhai Buhut piyarey lehjey ki ghazal hai. ye ashaar buhut pasand aaye... kisi ka phir sahara chaahta hoon aziat hi dobara chaahta hoon yeh mayra karobar e zindagani munafay main khasara chaahta hoon kinaray say palat kar aa gia hoon main ab kis say kinara chaahta ho aur ye sher to hasil-e-ghazal hai... mujhy marna to hay apni khushi say magar us ka ishara chaahta hoon waaaaahhhhhh...buhut khoob!!! khush rahen. Saeed shukria saeed bhai razi
|
|