|
Post by ziabaloch on Jan 25, 2009 8:41:59 GMT 5
aadaab !
bahut hi u'mdah silisla hai ! der se aane par ma;zirat !
miT jaaye gi maKhlooq to inSaaf karoge ? munSif ho to ab Hashr uThaa kyooN naheeN dete ?
(Faiz Ahmad Faiz)
shukriya
Zia Baloch
|
|
|
Post by ziabaloch on Jan 17, 2009 3:06:39 GMT 5
Yaaran-e-Anjuman, aadaab !
apnii aek nazm ke saath Haazir-e-Khidmat hooN , ummeed hai k apnii qeemati aaraa se navaazeN ge ! shukriya
:: Urdu Version ::
:: Roman Version ::
1.
ham BalochoN se yeh ik jurm hu'aa hai to sahii sach ka izhaar sar-e-a'aam kiyaa hai to sahii !
2.
aur kyaa chaahiye Bolan ki vaadii meiN tujhe ? is ke gulshan meiN ravaaN mauj-e-qazaa hai to sahii !
3.
naam detaa hai jise jaam-e-uKhavvat kaa tuu ! ham ne yeh zahr ka'ii baar piyaa hai to sahii !
4.
aur kab tak yuuNhi Khaamosh tamaashaa'i baneN ? muddatoN ham ne tiraa zulm sahaa hai to sahii !
5.
tujh se deerenah vafaao'N ke Sile meiN ham ko maut ki shakl meiN ina'aam milaa hai to sahii !
6.
aur kis tarH mile qaum-faroshii ki sazaa ? tujh ko taareeKh ne Ghaddaar likhaa hai to sahii !
7.
is se baRh kar tiri tauheen bhalaa kyaa hogii ? Gher ke saamne sar tera jhukaa hai to sahii !
8.
jab se nikle haiN :Zia: jaan hathelii pe liye tere eevaanoN meiN kuhraam bapaa hai to sahii !
..........................................................................................
shukriya
Zia Baloch
|
|
|
Post by ziabaloch on Jan 17, 2009 2:52:12 GMT 5
Wahhhhhhhhhh Bohat khoob Zia sahib Tabassum bhaa'ii, aadaab ! nehaayat mamnoon hooN ! shukriya Zia Baloch
|
|
|
Post by ziabaloch on Jan 17, 2009 2:13:26 GMT 5
Wah Zia Sahib. Kiya baat hai. Boht Khoob. Jooni SaaHib, aadaab ! tah-e-dil se mamnoon hooN ! shukriya Zia Baloch
|
|
|
Post by ziabaloch on Dec 14, 2008 16:48:12 GMT 5
Aaj hamaray aik bahtu mohtaram rukn aur khoobsoorat shaer Zia Baloch ki saalgirah hai. Hum sub un ko dhairoN duaoN kay saath saalgirah ki mubarak paish kartay haiN. Janaab-e-Atif bhaai'', aadaab !
maiN intehaa'ii sharmindah hooN k bar-vaqt aap kaa shukriya adaa na karsakaa ! aap ko to i'lm hai k is dauraan maiN net par na aane ke baraabar aa sakaa hooN ! aap ki du'aaoN keliye maiN aap kaa tah-e-dil se mamnoon hooN ! shukriya
..............................................................................
Razi bhaa'ii aur Saeed bhaa'ii aur taranaa SaaHiba, se bhii intehaa'ii ma'zirat kartaa hooN ! aur un ka tah-e-dil se mamnoon hooN !
Zia Baloch
|
|
|
Post by ziabaloch on Dec 14, 2008 15:26:51 GMT 5
Aqeel Bhaa'ii, aadaab !
aaj aek muddat ke baa'd aap se ham-kalaam hone ka sharaf HaaSil kar k bahut Khushii HaaSil ho rahii hai ! aap kii Ghazal ka to maiN ibtedaa hii se deevanaa hooN ! so yeh Ghazal bhii mere shu'la-e-junooN ko musalsal havaa de rahii hai ! daad qabool kejiye ! mujhe KhaaS taur par vuhii she'r pasand aayaa hai jo razi bhaa'ii ko pasand hai ! daad !!
Zia Baloch
|
|
|
Post by ziabaloch on Dec 14, 2008 15:16:47 GMT 5
Yaaran-e-meHfil, aadaab !
aaj aek taveel muddat ke baa'd aap ki meHfil meiN Haazir ho rahaa hooN ! baRii Khushii ho rahii hai ! inshaa Allah ab koshish yehii hogii k baa qaai'dah aataa rahooN shukriya
:: Urdu Version ::
:: Roman Version ::
1.
qaid-e-hastii se rehaa'ii ke talabgaar hu'e zeest ke maare hu'e zeest se bezaar hu'e !
2.
jaNg-e-a'aalam ka abhii Khatrah Talaa hii kab thaa ? shorish-e-jabr se fitne naye bedaar hu'e !
3.
jaa ba-jaa phool se chehre haiN lahoo meiN lat pat jaa ba-jaa Khaak meiN gum zeest ke aacaar hu'e !
4.
jin ki tanveer se pur-noor BalochistaN thaa kitne taareek voh saare dar-o-deevaar hu'e !
5.
voh jo taaroN ke nasheman pe nazar rakhte the kyooN vuhii log aNdheroN ke sazaa-vaar hu'e !
6.
amn-e-a'aalam ke Ghazal-Khwaan kahaaN the us vaqt ? Khaak jis pal mire Bolan ke gulzaar hu'e !
7.
ham k aazaad fazaao'N ke muGhannii the kabhii tere kooche meiN jo aaye to giriftaar hu'e !
8.
vaqt kii aaNkh meiN raushan hu'e ulfta ke chiraaGh jab bhi maSloob maHabbat ke gunahgaar hu'e !
9.
aur hoN ge jinheN shuhrat mili maal-o-zar se ham to dunyaa meiN nikoo-naam sar-e-daar hu'e !
10.
maut ke baa'd hameN i'shq ne yuuN zindah rakhaa ! ham zamaane ke liye zeest ka ma'yaar hu'e !
11.
aek ham hii na luTe i'shq ki raahoN meiN :Zia: saaniHe aise zamaane meiN ka'ii baar hu'e !
...
Zia Baloch
|
|
|
Post by ziabaloch on Feb 2, 2008 0:55:21 GMT 5
Atif Mirzaa SaaHib, aadaab !
aaj aek muddat baa'd is taraf aanaa hu'aa to yeh dekh kar nehaayat Khushii maHsoos hu'ii k is bazm meiN aap jaisa aek behtraeen shaai'r bhii maujood hai ! ummeed hai k behtareen vaqt guzre gaa ! aap ka kalaam be-Had dil-kash hai ! tah-e-dil se daad !! shukriya
Zia Baloch
|
|
|
Post by ziabaloch on Feb 2, 2008 2:00:54 GMT 5
Amjad bhaa'ii, aadaab ! aap ko yahaaN dekh kar bahut Khushii ho rahii hai aap ka kalaam aap to jaante hii haiN k hameN roz-e-azal se dil-o-jaan se pasand hai ! har she'r Khoob hai ! aur bahut hii Khoob hai ! girah bhii umdah hai ! so daad qabool kejiye ! aaj kal tafSeeli tabSira mere liye joo-e-sheer laane ke mutaraadif hai aur voh bhii aap ke kalaam par ! ! shukriya ke saath daad !! Zia Baloch
|
|
|
Post by ziabaloch on Feb 2, 2008 2:14:57 GMT 5
Khalid bhaa'ii, aadaab ! kaise mizaaj haiN janaab ?? aap ko yahaaN dekh kar mujhe utnnii hii Khushii ho rahii hai jitnii k aap ko mujhe dekh kar ! nehaayat sust insaan hooN , is liye ta'Kheer ho jaatii hai ! aur phir aap jaise dostoN ke saath yeh mu'aamala kuchh ziyaada hotaa hai is liye k aap jaise mehrbaan is ka taHammul rakhte haiN ! varna har kisii ki baat naheeN ! mujhe yaqeen hai k aap merii kahii daad se ziyaada an kahii daad ko maHsoos kareN ge ! aap ka kalaam ain mere mizaaj ke mutaabiq hotaa hai ! so pasand na aane ka to savaal hii naheeN uThtaa ! to janaab-e-man be-shumaar daad ! shukriya Zia Baloch
|
|
|
Post by ziabaloch on Feb 2, 2008 1:04:08 GMT 5
Nelofar SaaHiba, aadaab !
aap se pehlii baar hamkalaam hone ka sharaf HaaSil kar rahaa hooN ! aap kii Ghazal bahut pasand aa'ii ! nehaayat Saaf andaaz-e-bayaaN hai aap kaa ! daad !!
shukriya
Zia Baloch
|
|
|
GHAZAL
Feb 2, 2008 2:07:27 GMT 5
Post by ziabaloch on Feb 2, 2008 2:07:27 GMT 5
Malik SaaHib, aadaab !
kaise mizaaj haiN ? aek muddat baa'd aap se muKhaatib ho kar bahut achcha lag rahaa hai ! aap ka kalaam hamesha bahut u'mdah hotaa hai ! so yeh bhii hai ! be-shumaar daad !!
Zia Baloch
|
|