|
Post by Atif Mirza on Feb 1, 2008 16:42:00 GMT 5
Gum rehtay ho kin sochoN maiN? Kuchh hum ko bhi batlaao na! KiyooN tanha kuRhtay rehtay ho, kabhi dil ki baat sunaao na!
Ik aas tumharay aanay ki aaNkhoN ki piyaas baRhati hai KiyooN mann maiN aag lagatay ho? taRpatay ho! aa jaao na!
Kia rishta hai, kia naTa hai, tum apnay aap say poochho tau SadiyoN ka rishta, naTa hai, ab aagay issay baRhaao na!
Kia soch kay hum ko tanhaee ka zehr pilaayaa thaa tum nay kiyooN baatoN maiN uljhatay ho, ab asli baat bataao na!
Jo kachcha thaa so toot gayaa, jo pakka hai so qaim hai Ik ehd kia thaa Atif say, ab uss ko toR nibhaao na!
|
|
|
Post by ziabaloch on Feb 2, 2008 0:55:21 GMT 5
Atif Mirzaa SaaHib, aadaab !
aaj aek muddat baa'd is taraf aanaa hu'aa to yeh dekh kar nehaayat Khushii maHsoos hu'ii k is bazm meiN aap jaisa aek behtraeen shaai'r bhii maujood hai ! ummeed hai k behtareen vaqt guzre gaa ! aap ka kalaam be-Had dil-kash hai ! tah-e-dil se daad !! shukriya
Zia Baloch
|
|
|
Post by Rafi Tabasum on Feb 2, 2008 1:02:59 GMT 5
Atif Mirza sahib khoobsoorat ghazal ibne insha ka andaz jhalkta hay is ghazal maiN bohat khoob
|
|
|
Post by Atif Mirza on Feb 2, 2008 3:08:46 GMT 5
waah Atif bhai kamaal ki ghazal kahi hai iss baar aap ne, mujhe yeh behr yuN bhi bahut pasand hai aur maine khud issi behr maiN kuch ek ghazaleN kahi haiN. iss ghazal ka har ashaar pasand aaya.dheroN daad meri aur se qubuul kareN.khush raheN. Sunita Behn aap ki taareef ka shukriya. Mujhay khusi huwi keh yeh ghazal aap ko pasand aayee aur iss ki behr bhi. Yeh meri purani ghazloN maiN say hai. Daad ka Shukriya.
|
|
|
Post by Atif Mirza on Feb 2, 2008 3:12:05 GMT 5
Atif Mirzaa SaaHib, aadaab ! aaj aek muddat baa'd is taraf aanaa hu'aa to yeh dekh kar nehaayat Khushii maHsoos hu'ii k is bazm meiN aap jaisa aek behtraeen shaai'r bhii maujood hai ! ummeed hai k behtareen vaqt guzre gaa ! aap ka kalaam be-Had dil-kash hai ! tah-e-dil se daad !! shukriya Zia Baloch Zia Bhai! Mujhay bhi khushi huwi keh aap jaisa achcha qari hamain mayassar aa gayaa hai. khoobsoorat alfaaz maiN daad denay ka shukriya.
|
|
|
Post by Atif Mirza on Feb 2, 2008 3:18:46 GMT 5
Atif Mirza sahib khoobsoorat ghazal ibne insha ka andaz jhalkta hay is ghazal maiN bohat khoob Rafi Sahib! Ghazal aap ko achci lagi, iss kay lieay aap ka mamnoon hooN. Waqee andaaz Ibn-e-Insha ka hai. Aur yeh maiN nay Hyderabad maiN likhkhi thi, apnay aik colegue ko mukhatib kar kay.
|
|
|
Post by Aqeel Malik on Feb 2, 2008 13:47:19 GMT 5
Atif sahab matalia kia mujhy Dr sahib ki is baat say ikhtilaaf hay ke ibn e insha ka andaz jhalakta jay unhein youn kehna chaheay tha ke is ghazal mein ibn e insha jhalakta hay aur urda imla meon nata tay say hota hay toey say nahi........
adab
|
|
|
Post by Tanweer on Feb 2, 2008 13:57:34 GMT 5
Gum rehtay ho kin sochoN maiN? Kuchh hum ko bhi batlaao na! KiyooN tanha kuRhtay rehtay ho, kabhi dil ki baat sunaao na!
Ik aas tumharay aanay ki aaNkhoN ki piyaas baRhati hai KiyooN mann maiN aag lagatay ho? taRpatay ho! aa jaao na!
Kia rishta hai, kia naTa hai, tum apnay aap say poochho tau SadiyoN ka rishta, naTa hai, ab aagay issay baRhaao na!
Kia soch kay hum ko tanhaee ka zehr pilaayaa thaa tum nay kiyooN baatoN maiN uljhatay ho, ab asli baat bataao na!
Jo kachcha thaa so toot gayaa, jo pakka hai so qaim hai Ik ehd kia thaa Atif say, ab uss ko toR nibhaao na! Atif Sahib, Bohat hi khobsrat ghazal aapki, pasand aaee aur daad hazir hay. esi^tarah likhtay rahiey. Tanweer
|
|
|
Post by Atif Mirza on Feb 2, 2008 19:17:40 GMT 5
Atif sahab matalia kia mujhy Dr sahib ki is baat say ikhtilaaf hay ke ibn e insha ka andaz jhalakta jay unhein youn kehna chaheay tha ke is ghazal mein ibn e insha jhalakta hay aur urda imla meon nata tay say hota hay toey say nahi........ adab Aqeel ji Ghalati durust kar di gayee hai. Aap bhi durust keh rahay haiN. Main nay ibn-e-insha ka kalaam chori kar kay likha hai. Issi liyay Ibn-e-Insh jhalak raha hai.
|
|
|
Post by Atif Mirza on Feb 2, 2008 19:20:05 GMT 5
Atif Sahib, Bohat hi khobsrat ghazal aapki, pasand aaee aur daad hazir hay. esi^tarah likhtay rahiey. TanweerDaad ka shukriya! Insha Allah likhta rahooN ga. Dua kay liyay ehsaan mand hooN.
|
|
|
Post by khalid on Feb 3, 2008 7:38:36 GMT 5
aatif sb khoobsoorat geet numa ghazal kahi hai aap ne! janaab she'r ka waqt nahiN hai aaj! kaam per ja raha hooN!
aapkey signature maiN jo she'r hai usper maiN ne aaj ghaur kiya! is she'r ki had tak aapke aur meirey khayaalaat meiN aik waaz'e ferq nazar aaya
meira she'r jo ke aik taaza ghazal meiN kaha hai aur aap bhi peRh chukkey haiN........ teh ko dhundla dooN maiN sath e aab sey munqalib toofaan hooN, kaNker meiN hooNaap ne fermaaya........ham to ik aks e tah e aab haiN aatif jis ko aik kaNker sey banee lehr hila detee haimujhey bohot maza aaya ye jaan ker ke shaaeri ki dunya maiN aik hi baat ko kitney hi raNgoN maiN kaha ja sakta hai!!
ghazal k liye dheiroN daad qubool keeje!
|
|
|
Post by Atif Mirza on Feb 4, 2008 22:45:07 GMT 5
Janab Khalid Sahib! Daad ka bahut shukriya! Signature maiN likha huwa woh sirf sher nahiN balkeh meri aik mukhtasar nazm hai! aur yeh maiN nay Quetta maiN 2004 maiN likhkhi thi. MaiN nay iss kay saath aur bahut ashaar likhnay ki koshish ki magar woh is ki tashreeh ho jatay thay. Aik roz ghaur kia tau sir yeh dau misray mukammal nazm ki soorat dikhaee di.
Aap nay jo kaha woh bhi khoob andaz hai.
Aik misaal maiN bhi arz karoon, aik hi baat hai aur dau rang haiN:-
- "Mujhay tum say muhabbat hai."
- "MaiN tum say piyar karta hooN."
Bas yehi kuchh hai zindagi maiN. BaataiN sub wohi haiN bus har aik ka apna andaz hai.
Aap ka shukriya keh aap nay soch ko aik aur naay safar per chala dia hai.
|
|
|
Post by khalid on Feb 5, 2008 23:47:42 GMT 5
Janab Khalid Sahib! Daad ka bahut shukriya! Signature maiN likha huwa woh sirf sher nahiN balkeh meri aik mukhtasar nazm hai! aur yeh maiN nay Quetta maiN 2004 maiN likhkhi thi. MaiN nay iss kay saath aur bahut ashaar likhnay ki koshish ki magar woh is ki tashreeh ho jatay thay. Aik roz ghaur kia tau sir yeh dau misray mukammal nazm ki soorat dikhaee di.
Aap nay jo kaha woh bhi khoob andaz hai.
Aik misaal maiN bhi arz karoon, aik hi baat hai aur dau rang haiN:-
- "Mujhay tum say muhabbat hai."
- "MaiN tum say piyar karta hooN."
Bas yehi kuchh hai zindagi maiN. BaataiN sub wohi haiN bus har aik ka apna andaz hai.
Aap ka shukriya keh aap nay soch ko aik aur naay safar per chala dia hai. mazey ki baat yeh hai janaab k maiN ney aapka she'r apni ghazal kehney k kitney hi roz baad peRha.
aap ne ooper jo she'r likha wo donoN misroN meiN aik hi mafhoom bayaan kerta hai. lekin zeir e behec ash'aar aik hi tasveer ke do bikul ulat rukh peish kertey haiN.
|
|
|
Post by ramishjaan on Feb 11, 2008 2:45:34 GMT 5
AOA muhtram atif sahib bohat khobsorat our shandar ghazal atta farmei he lutf ageya parh kar meri janib se dili dad qabol ki jiye waslam mukhlis ramishjaan
|
|
|
Post by Atif Mirza on May 16, 2008 7:54:39 GMT 5
Ramish Bhai! Daad denay aur ghazal pasand karnay ka bahut shukriya. aap achhchha zehn rakhtay haiN aur dil kay bhi bhalay insaan haiN iss liay taareef ka hunar bhi jantay haiN. Aap ka bahut shukriya
|
|