|
Post by ziabaloch on Dec 14, 2008 15:16:47 GMT 5
Yaaran-e-meHfil, aadaab !
aaj aek taveel muddat ke baa'd aap ki meHfil meiN Haazir ho rahaa hooN ! baRii Khushii ho rahii hai ! inshaa Allah ab koshish yehii hogii k baa qaai'dah aataa rahooN shukriya
:: Urdu Version ::
:: Roman Version ::
1.
qaid-e-hastii se rehaa'ii ke talabgaar hu'e zeest ke maare hu'e zeest se bezaar hu'e !
2.
jaNg-e-a'aalam ka abhii Khatrah Talaa hii kab thaa ? shorish-e-jabr se fitne naye bedaar hu'e !
3.
jaa ba-jaa phool se chehre haiN lahoo meiN lat pat jaa ba-jaa Khaak meiN gum zeest ke aacaar hu'e !
4.
jin ki tanveer se pur-noor BalochistaN thaa kitne taareek voh saare dar-o-deevaar hu'e !
5.
voh jo taaroN ke nasheman pe nazar rakhte the kyooN vuhii log aNdheroN ke sazaa-vaar hu'e !
6.
amn-e-a'aalam ke Ghazal-Khwaan kahaaN the us vaqt ? Khaak jis pal mire Bolan ke gulzaar hu'e !
7.
ham k aazaad fazaao'N ke muGhannii the kabhii tere kooche meiN jo aaye to giriftaar hu'e !
8.
vaqt kii aaNkh meiN raushan hu'e ulfta ke chiraaGh jab bhi maSloob maHabbat ke gunahgaar hu'e !
9.
aur hoN ge jinheN shuhrat mili maal-o-zar se ham to dunyaa meiN nikoo-naam sar-e-daar hu'e !
10.
maut ke baa'd hameN i'shq ne yuuN zindah rakhaa ! ham zamaane ke liye zeest ka ma'yaar hu'e !
11.
aek ham hii na luTe i'shq ki raahoN meiN :Zia: saaniHe aise zamaane meiN ka'ii baar hu'e !
...
Zia Baloch
|
|
jooni
sukhanshanas
Posts: 480
|
Post by jooni on Dec 15, 2008 20:47:08 GMT 5
Wah Zia Sahib. Kiya baat hai.
Boht Khoob.
|
|
|
Post by Rafi Tabasum on Dec 15, 2008 23:10:16 GMT 5
Wahhhhhhhhhh Bohat khoob Zia sahib
|
|
|
Post by tmasood on Dec 16, 2008 3:55:31 GMT 5
Zia Bha'ee
Mashallah bohat a'alaa
daad haaZir hai
|
|
neha
rukn
Posts: 239
|
Post by neha on Dec 23, 2008 23:27:48 GMT 5
ham k aazaad fazaao'N ke muGhannii the kabhii tere kooche meiN jo aaye to giriftaar hu'e !
Wah zia sahab...bohut khubsurat ghazal hai aap ki...tamam ash'aar qaabil e daad hain.itny acchi ghazal likhnay par mubarak baad qubool kijye.
|
|
|
Post by Sukhanwar on Dec 25, 2008 12:39:32 GMT 5
yeh ghazal bhi hy aur apnay ehd ka noha bhi zia sahab muddat baad aap ko parha forum main aatay raha karain thanx razi
|
|
|
Post by Aqeel Malik on Jan 1, 2009 20:31:34 GMT 5
aek ham hii na luTe i'shq ki raahoN meiN :Zia: saaniHe aise zamaane meiN ka'ii baar hu'e !
kia sher ashoob likha hay ap nay bahut he umda aur khoobsorat aur napay tuly andaz ki ghazal hay dad qabooleay ga
aqeel malik
|
|
|
Post by Meticulous on Jan 7, 2009 14:08:54 GMT 5
buhat khoob..aapki ghazal ka har shair dhairon daad ka mustahiq hai...behtreen!
|
|
|
Post by Atif Mirza on Jan 7, 2009 19:34:06 GMT 5
Zia Bhai! Dil cheer kar rakh diya aap nay!
Khoobsoorat andaaz maiN dil ki baath lakhi hai aap nay. Daad qabool kijiay!
|
|
|
Post by ziabaloch on Jan 17, 2009 2:13:26 GMT 5
Wah Zia Sahib. Kiya baat hai. Boht Khoob. Jooni SaaHib, aadaab ! tah-e-dil se mamnoon hooN ! shukriya Zia Baloch
|
|
|
Post by ziabaloch on Jan 17, 2009 2:52:12 GMT 5
Wahhhhhhhhhh Bohat khoob Zia sahib Tabassum bhaa'ii, aadaab ! nehaayat mamnoon hooN ! shukriya Zia Baloch
|
|