|
Post by tashiezaheer on Jul 7, 2008 6:34:07 GMT 5
Bohat aham taqreeb ki tsaaweer aap nay share keeN Zaheer bhai bohat shukria Noshi ko dekh kar bohat khushi hui Noshi nay hamaray shehr ko apna doosra ghar qraar dea hay Rafi Bhai, Bachpan meN seekha tha ke, "Beauty is in the eyes of beholder" Aap har baat meN achaee ka koi na koi pehloo talash kar letey heN. Allah SWT aap ko hamesha khushiyaN naseeb karey, Ameen. Tashie Zaheer
|
|
|
Post by tashiezaheer on Jul 7, 2008 6:22:20 GMT 5
Mohsin Naqvii ki ghazal, "tujhe ruswaaii ka dar hai na aaya kar" parhii..bahot hii pasand aayii ..so iss ghazal ki bahr per likhne ki koshish ki thii.. Pata nahii bahr theek samjh aayii ki nahii...yahan maujood doston se guzarish hai plz bataein kya meine bahr theek parkrii hai? Ghazal achhi hai ya nahii ye to baad ki baat hai... to lijiye ghazal peshe khidmat hai.. kisii din aaye dar pe tere bhii ruswaaii sataye tujhko bhii to kabhiiii tanhaaiiii muhabbat bhii jis ne saude ki tarah kii hai kahaaN samjhega wo hijr kii raanaaiiii diyaa merii hii qismat ne hai dhokaa mujhe bahaarein maangii thi aur khizaaaaN paaiiiii khushii daikhii hii jis ne na ho, uss dil pe tabaahii aayii bhii hai to, bhalii aaayiiiii mein eik din apna ghar chhoR ke nikali thii wo din tha ke jab se mein huii sehraaii Regards Rooh Rooh Saheba, Aap ki koshish achi hey. Is silsiley meN chand aik bateeN aap key gosh guzaar karna chahta hooN. Maqsad aap ki "Dil aazari" hargiz naheeN hey. Aap ko meri koi bhi baat buri kagey to meN us ke liey peshgi aap se ma'azarat khwah hooN. Sher ko samjhney aur sher kehney ke liey chand aik buniyadi batoN ka ilm zaroori hota hey. Ghazal shairee ki aik sinf hey jis meN har she aik mukammal NAZM hota hey. Qafia, radeef, behr, wazn sher ke zaroori ajza heN. Radeef (wo lafz ya alfaaz jo har sher ke doosrey misrey ke aakhir meN bar bar kehey jatey heN) ka hona zaroori naheeN hey laikin baaqi ki teen cheezeN nihayat zaroori hoti heN. Is ke ilawa, ghazal ke har misrey ke arkaan taqreeban barabar hotey heN. Yani un ka size barabar hota hey. Do misrooN meN tin arkan tak ka farq jaez smjha jata ahey, us se ziyada ka farq durust naheeN samjha jata. Mera mashwara aap ke liey ye hey ke aap kisi achey ustaad ke samney zanooey adab tey kijey. Zindagi ke aur bohat se kamoN ki tarah, Shairee karney ke liey bhi taleem, mehnat, aur riazat darkaar hoti hey. Jis tarah, aik mazboot imarat bananey ke liey, aik paedaar bunyaad ki zaroorat hoti hey, bulkil isi tarah, she samjhney ya kehney ke liey, shairee ke barey meN bunyadi maloomaat ka hona nihayaty zaroori hey. Maulana Altaf Hussain Hali saheb ki kitab, "Muqamma e sher o shairee" is mauzoo par aaj bhi behtareen kitab samjhi jati hey. Aap hi ashaar aur aap hi khialat ley kar meN ne tin chaar sher likhney ki koshish ki hey. Aap ki khdmat meN pesh karta hooN. Is wazahat ke saath ke in ash'aar ki bahr ka Mohsin Naqvi saheb ke misrey ki behr sey koi t'alluq naheeN he. Darj zai ash'aar meN. "GHAM" radeef hey aur, "JUDA", "SADA", "KAHA", "BHALA" waghaira "QAFIEY" heN. Rahey meri tarah se too bhi tanha Tirey hissey meN bhi aaeN sada gham Kabhi wo wasl ki khushiyaN thi apni Juda raaheN heN ab apni, juda gham Mohabbat bhi thi jiski duniyadari UThaooN kyoN meN uske hijr ka gham Khushi jis dil ne dekhi hi naheeN thi Tabaahi us pe aaey bhi to kiya gham Miree qismat meN dhokey hi likhey they karooN koyoN kar khazaN ka meN bhala gham Jesey, Razi saheb ne kaha hey, likti rahey. Riazat shart hey, kamiabi zaroor hogi, insha Allah. Du'a go Tashie Zaheer
|
|
|
Post by tashiezaheer on Jul 5, 2008 23:40:59 GMT 5
|
|
|
Post by tashiezaheer on Jul 4, 2008 12:09:18 GMT 5
URDU ACADEMY of North America, California, USA November 18, 2007 Noshi Gilani Saheba is mefil ki nizamat ke faraez anjaam diey. Dr. Tahir Mahmood Saheb ne is mefil ki sadarat ki. Tasaveer ke size ke liey tamaam dostoN se ma'azarat khwa hooN. Agar koi Saheb ya Saheba is ka hal tajweez kar sakeN to inyat ho gi.
|
|
|
Post by tashiezaheer on Jul 4, 2008 11:30:25 GMT 5
Kiya jaaniye aashiq hai keh mehboob ko-e hai Is dil ke dar-o-baam se mansoob ko-e hai
Aaraam kahaN ishq-o-ibaadat mein bhi dil ko Butt ko-e muqabil hai to matloob ko-e hai
Kiya kam hai ta-alluq ke is aashob meiN reh ker Ham jesey kharaboN se bhi mansoob ko-e hai
Phir der-paye aazaar haiN furqat ki hawayeN Phir baam-e-shab-e-hijr pe masloob ko-e hai
Tehreer bhi tasveer bana deti hai uski HaathoN ki lakeeroN se jo mansoob ko-e hai
Phirtey haiN Saeed aur ghazal-go yahaN kitney Kab tujh sa magar sahib-e-asloob ko-e hai Biradaram Saeed Saheb, Khoobsoorat ghazal pe mubarakbaad qabool kijiey. Ye do ash'aar Phir der-paye aazaar haiN furqat ki hawayeN Phir baam-e-shab-e-hijr pe masloob ko-e hai Tehreer bhi tasveer bana deti hai uski HaathoN ki lakeeroN se jo mansoob ko-e hai bilkhasoos pasand aaey heN. Tashie
|
|
|
Post by tashiezaheer on Jul 4, 2008 11:18:36 GMT 5
Back from holidays....eik taza kavish dostoN ki nazr.... Shikast maan ke taskheer ker liya hai mujhey Ghazaal-e-dasht ne zanjeer ker liya hai mujhey
MeiN muntashir tha kisi aks-e-rayegaaN ki tarah Nigah-e-shauq ne tasveer ker liya hai mujhey
Bikher gaya tha sar-e-shehr-e-na-shanasaaN maiN Kisi ke rabt ne ta-meer ker liya hai mujhey
Nikal ke jaoN kahaN main hisar-e-gardish se Safar ne paoN mein zanjeer ker liya hai mujhey
merey januN pe kabhi harf aa naheN sakta Hawa ne ret pe tehreer ker liya hai mujhey
Sakoot-e-gham se badan khaak ho chala tha mera Kisi ke lams ne akseer ker liya hai mujhey
Merey sukhan meiN samaa ker kitaab-ru ne meri Khud apney husn ki tafseer ker liya hai mujhey
MeiN ek khayal-e-sar-e-rehguzaar-e-shab tha Saeed Kisi ke khwab ne ta-beer ker liya hai mujhey Saeed Bahi, Umda Ghazal inyat farmaee hey aap ney. Aap ka ye sher MeiN muntashir tha kisi aks-e-rayegaaN ki tarah Nigah-e-shauq ne tasveer ker liya hai mujhey meN ne baar baar paRha aur har baar lutf andoz hooa. Bohat Shukria. Tashie
|
|
|
Post by tashiezaheer on Jul 4, 2008 10:34:15 GMT 5
Tashie Bhai, Bohat achi ghazal hai.Mazeed intezar rahey ga. Noshi Noshi, Bohat Shukria aapka. Insha Allah, jald hi pesh karooN ga. Aap ne ek taza ghazal ka wada kiya tha, shiddat se intizaar hey uska. Shaad o Abaad rahey, Tashie
|
|
|
Post by tashiezaheer on Jul 4, 2008 10:15:18 GMT 5
Uzair Saheb, Report ka shukria. Iqbal Arshad saheb bohat umda shair bhi heN aur insaan bhi. Tasaveer sey meN unheN pehchan naheeN saka. Kiya ye mumkin ho sakta tha ke in tasaveer ke saath namoN ka bhi azafa ho sakta? Saleem Majhoka, Arshad Mutani, Naeem Chaudhary, bohat manoos isma e garami heN merey liey, laikin meN kisi ko bhi pehchan naheeN paya. Aap ki report meN in namoN ka dekhna aur paRhna bohat acha laga. Is neki ke liey aap ka bohat bohat shukria. Tashie Zaheer
|
|
|
Post by tashiezaheer on Jul 4, 2008 9:55:59 GMT 5
Abhi Ramish jee se baat hui to pata chala ke unki wife ki Sister apne Malik e Haqeeqi se jaa milli haiN,....
Aap tamaam DostoN se Dua ki darkhaast hai, ke Khuda TallaH Marhooma ka darjaat buland kare, aur peechey rehne waaloN ko sabr o istqaamat Ataa kare ,... Ameen Mrs. Ramish Ji, Aapka dukh ham banT to naheeN sakte, laikin usmeN shareek zaroor ho saktey heN. Rishte to tamaam hi piyarey hotey heN, behan ka rishta khusoosan piyar ka rishta hota hey. Hamari du'a hey ke Maalik e do jahaN, un ki maghfirat karey, un ke darajaat ko buland farmaey, aur aap ko aur ghar waloN ko sabr e jamil ata farmaey, Aameen Shareek e Gham, Tashie Zaheer
|
|
|
Post by tashiezaheer on Jul 4, 2008 9:44:47 GMT 5
Qabil-e-Sad Hazar Ehtiraam Tashie Zaheer Sahib! Dr Khurshid Rizvi sahib hamaray college Govt College Sargodha say bahut unsiyat rakhtay haiN, (Ab yeh college University bann gaya hai). Hamaray college kay dour maiN woh hafta-e-taqreebaat maiN tashreef laatay thay. Iss kay ilaawa Bazm-e-Fikr-o-Khayaal Sargodha kay mushaeroN maiN bhi unn ki aksar ziyarat hoti rahi. Ajj qareeban 18 baras baad un ki tasweer daikhnay ko mili. Aap ka bahut mamnoon hooN yeh sahoolat faraham karnay per. Bahut shukriya Sir!
Aziz e Garami Qadr, Pehley to mujhey ijazat dijiey ke meN Dr. Rizvi saheb ke pur khuloos ta'aruf ke liey aap ka tahe dil se shukriya ada karoN. Rizvi Saheb se mut'araf to arsaa e daraz se hooN ghaebana taur pe laikin un se mulaqaat ka sharaf mujhey pehli baar naseeb hooa. Jesa suna tha wesa hi paya. Bohat khaleeq aur nihayat umda insaan heN. Tasaveer meN ne filwaqt nikal li heN ALBUM sey. Aap ki aur Razi saheb ki baat bilkul durust hey. Meri tasaveer ka size baRha tha laikin jab bhi post karta hooN to size choTa ho jata hey. MeN koi na koi ghalati zaroor kar raha hooN. KOshish karta rahooN ga jab tak kamiyabi naseen naheeN hoti. Shukriey ke saath, Du'ago, Tashie Zaheer
|
|
|
Post by tashiezaheer on Jul 4, 2008 3:15:47 GMT 5
hamarai bazm k rooh o rawan aur hamaray boht achay dost rafi tabasum sahab nay aaj subha yeh khabar suna kar udaas kar dia k un k walid sahab ka intqaal ho gia hy unhain aaj 4 bajay sham spurd e khaq kia jaay ga rafi sahab k baaray main aap sab jaantay hain k un ka kul by pass operation honay wala tha .. in halaat main un k liay yeh sadma aik boht barri aazmaaish hay hum dua go hain k woh yeh sadma hoslay k saath bardaasht karain .. un ka operation ab kuch din k liay multawi kar dia gia hay rafi sahab boht see duaain aap k walid sahab ki maghfirat k liay aur boht see duaain aap ki sehat aur salamti k liay thanx razi Rafi Bhai, "INNA LILLLAHI WA INNA ILLEHI RAJEOON" Abhi abhi ye afsosnaak khabar mili hey. Naheed aur meN du'ago heN ke Allah SWT marhoom ki maghfirat farmaeeN aur un ko aala tareen maqaam jannatul firdaus meN ata farmaeN, Amin. Jana to ham sabhi ko hey. Laikin is haqqeeqat ke bawajood, is ko tasleem karana itna aasaan naheeN hota. Jis pe beetti hey wohi janta hey. Ham aap ke aur tamaam ghar walooN ke liey sabr e jameel ki du'a mangtey heN. Allah SWT se tamam dua'ooN ki maqbooliat ki du'a hey, Ameen, Thuma Ameen. Aapke shareek e gham, Tashie & Naheed Zaheer
|
|
|
Post by tashiezaheer on Jul 4, 2008 3:03:14 GMT 5
hamaray forum k mutaharak rukn aur khoobsoorat lehjay k shair haseeb rana ki aaj salgira hy haseeb sahab hamari janib sy dili mubarak baad qabool kijiay aap ki sehat aur salaamti liay boht see duaain thanx razi Haseeb Rana Saheb, Salgirah per dili mubarakbaad qubool farmaey. Razi Saheb ke du'aooN ke saath saath ham bhi aap ki sehat, salamti, aur khushiyoN ke liey duago heN. Tashie Zaheer
|
|
|
Post by tashiezaheer on Jul 2, 2008 11:15:08 GMT 5
Tashie Bhai, Pehley to Khushamdeed! Mashallah buhut achi entry mari hai aapney.... aur is ghazal mein buhut se khubsurat ashaar hain . Mujhey bil-khasoos ye sher buhut acha laga... Har ek chehra khila hey gulab ki soorat Ye kaisey rang naey baarishoN meN aaney lagey waaahhh Daad hazir hai. Saeed Biradar e Aziz Saeed saheb, AA Aap ki daad o tehseen key liey bohat mashkoor hooN meN aapka. Yaqeenana, ye meri khush qismati hey aur aap sab ki azmat, baRhaee aur mohabbat ke aap ne meri kawish ko pasand kiya. Aap ki kitab abhi bhi zere mutale'a hey. Bohat umda shaeree hey masha Allah. MeN kitabeN bohat lutf ley ley ke paRhta hooN, is liey kafi waqt lag jata hey. MeN shrmainda hooN ke aap ki nazm ki VIDEO abhi tak merey haat naheeN asaki hey. Noshi ne bhi un sahab ka merey saath saath kafi peecha kiya hey laikin un ke khiyal meN , "Wo wa'ada hi kya jo wafa ho gaya". Sharmindagi ke marey aap ko email bhi na kar saka. Ab socha ke iqbal e jurm kar hi looN. Mu'afi ka khasgaar hooN. Allah SWT un saheb ko hidayat deN, Amin. Tashie
|
|
|
Post by tashiezaheer on Jul 1, 2008 6:56:47 GMT 5
Tashie Zaheer Sahib! Aik nihayat khushgawar ehsaas ataa kia hai aap ki iss ghazal nay, riwayat aur jadeediyat ka haseen imtizaj. Alfaaz saada magar pur asar, bayaan suljha huwa, behr rawaN gharzaikeh her tarah say umda shaeri. Daad hazir hai!
Azizi Atif Mirza Saheb, Aapk note paRh ke Mujhey bayhad khushi hooie. Ghazal ke silsiley meN riwayat se alehdagi kam az kam merey liey qadrey mushkil hoti hey. MeN khush hooN ke aap dostoN ne meri kaqish ko pasand kiya. Men Aap sab ka bohat shukr guzaar hooN. Aap jo umda kaam kar rahey heN, uskey liey bhi meN du'ago hooN. AAp ki kamyabiyoN ke liey nek khwhishat ke saath, Tashie Zaheer
|
|
|
Post by tashiezaheer on Jul 1, 2008 6:50:08 GMT 5
GHAZAL Usey to khaab kisi aur ke suhaney lagey Hamarey dil se nikaltey jisey zamaney lagey Hamarey dl meN naey khauf sar uThaney lagey Parindey jab bhi kaheeN ghonsley bananey lagey JinheN panah di ham ne, wohi bacha ke nazar hamrey ghar meN naey raastey bananey lagey Har ek chehra khila hey gulab ki soorat Ye kaisey rang naey baarishoN meN aaney lagey Hamri kam nagahi pe wo khud bhi hairaN tha Ham apna jaan ke jisko galey laganey lagey ham uski baat ka kaisey bhala yaqeen kareN Khud apni zaat ko apney se jo chupaney lagey Wo jin ke naam se pehchaan ek ehd ki thi Charagh, Tashie, dam e sehr wo Thikaney lagey Tashie Zaheer, Chairman Urdu Academy of North America, California, USA Khoob Soorat ghazal Zaheer bhai Tabassum Bhai, Aap ka husn e nazar hey aur meri khush qismati. Allah karey, beemarioN sey ab kuch arsa bachat ho jaey, phir December meN aap se mulaqaat hogi insha Allah. Bohat shukria Aapka, Tashie Zaheer
|
|