|
Post by tashiezaheer on Jul 1, 2008 6:46:12 GMT 5
tashi sahab boht khushi hui boht din baad aap ko sukhanwar par daykh kar is doran aap ki alaalat ki tashweeshnak khabrain bhi sunin takhliq aur azhar javaid hamaray darmyan raabtay ka wahid zaria thay aaj aap ki ghazal parhi lutf aa gia hamaysha ki tara riwayat k saath jurri hui jadeed ghazal hamaray haan aaj kul urdu ghazal main jadeediat k naam par ibhaam ki jo kayfiat hay aap jaysay log ghaneemat hain jo is main apni alag shanaakht rakhtay hain yeh shair main nay baar baar parha aur lutf haasil kia Hamarey dl meN naey khauf sar uThaney lagey Parindey jab bhi kaheeN ghonsley bananey lagey boht see daad aur dhairon muhabtain thanx razi Biradaram Razi Saheb, Aap ko ghazal pasand aaie. MeN tahe dil sey Shukrguzaar hooN. Pakistan se wapsi ke baad se hi beemari ne aan ghera. Do adad heart attacks (minor, Thank God for that) aur Pneuomina. Allah ki rehmat se ab maukammal taur pe sehatyaab hoN. Jadeediat ke naam pe taqreeban wohi kuch ho raha hey jo kaheeN kaheeN taraqqi pasandi ke naam pe pehley bhi ho chuka hey. Aap aur aap ke saath Tabassum Sahenb aur Atif Mirza Sahibaan jo kaam kar rahey heN wo laiq e tehseen hey. Ham log to apney safar ki aakhiri tehaaie meN heN. Aap logoN se bohat si ummeedeN wabasta heN. Aap jis lagan aur jaN fishani ke saath kaam kar rahey heN, hamarey dil se du'aeeN nikalti heN. Shaad o Abaad rahey. Tashie Zaheer
|
|
|
Post by tashiezaheer on Jun 30, 2008 2:20:23 GMT 5
raah main aik bhi deevar nahin chaahtay hain log ab ishq main azaar nahin chaahtay hain
chaahnay waalay tera wasl yaqeenan chaahain haan magar hum say talabgaar nahin chaahtay hain
hum kahaani say kai baar nikalnay waalay is main ab koi bhi kirdaar nahin chaahtay hain
ab zubaan kaat kay sir bhi mera foran kaatain aap mujh say agar inkaar nahin chaahtay hain
chaahtay hain keh usay door talak daykh sakain laykin is baat par israar nahin chaahtay hainrazi-ud-din razi Razi Bhai, BOhat khoobsoorat ghazal hey masha Allah. Khas taur per MATlA' bohat hi pasan daaya. Ek ghazal aap ki khidmat meN pesh karney ki jasarat ki hey aaj. sab dostoN ki a'ara ka intezaar rahey ga. Shukriya. Tashie Zaheer
|
|
|
Post by tashiezaheer on Jun 30, 2008 2:05:55 GMT 5
GHAZAL
Usey to khaab kisi aur ke suhaney lagey Hamarey dil se nikaltey jisey zamaney lagey
Hamarey dl meN naey khauf sar uThaney lagey Parindey jab bhi kaheeN ghonsley bananey lagey
JinheN panah di ham ne, wohi bacha ke nazar hamrey ghar meN naey raastey bananey lagey
Har ek chehra khila hey gulab ki soorat Ye kaisey rang naey baarishoN meN aaney lagey
Hamri kam nagahi pe wo khud bhi hairaN tha Ham apna jaan ke jisko galey laganey lagey
ham uski baat ka kaisey bhala yaqeen kareN Khud apni zaat ko apney se jo chupaney lagey
Wo jin ke naam se pehchaan ek ehd ki thi Charagh, Tashie, dam e sehr wo Thikaney lagey
Tashie Zaheer, Chairman Urdu Academy of North America, California, USA
|
|
|
Post by tashiezaheer on Jun 30, 2008 1:34:47 GMT 5
Razi Bhai, Shu'ara ki fehrist meN, Noshi Saheba key naam ke spellings saheeh naheeN. Wo GILANI likhti heN GEELANI naheeN. Ghazal ke aakhir meN unka naam saheeh taur pe likha hooa hey. Ummeed hey ke aap khairiat se hooN gey. SUKHANWAR ek bohat achi aur kamiyab koshsh hey. Aap ki himmat aur hosley ki dad na dena kam zarfi hogi. Mubarakbaad qabool farmiey. Tashie Zaheer
|
|