|
Post by Jalees Sherwani on May 20, 2007 21:43:20 GMT 5
Dr sahab,Aadaab Ghazal ki pasandeedgi ke liye shukriya.Aap ki rai ehmiyat ki haamil hai. Aap ka apna Jalees
|
|
|
Post by Jalees Sherwani on May 20, 2007 21:41:44 GMT 5
Aqeel Sahab,Aadaab Intezaar thha aap ke radd-e-amal ka.ghazal pasand aayee,apne maqsad ko pahunchi.Shukriya Aap ka apna Jalees
|
|
|
Post by Jalees Sherwani on May 20, 2007 21:39:42 GMT 5
Rana Sahab,Aadaab-o-niyaaz Ghazal ki pazeeraaii ke liye mumnoon hooN aapk. Kherandesh Jalees Sherwani
|
|
|
Post by Jalees Sherwani on May 20, 2007 21:37:31 GMT 5
Sunita,Aadaab Daant ka ab dar nahiN hai kyunki itni kha chuka hooN k aadat pad gayee hai..Aur bechare mard ke naseeb maiN is ke siva hai bhi kya? Ghazal ki pasandeedgi ke liye shukriya. Aap ka apna Jalees Bhaijaan
|
|
|
Post by Jalees Sherwani on May 19, 2007 11:04:53 GMT 5
Azeezan-e-Mehfil tasleemaat,naye forum par nai ghazal pesh hai.Ummeed hai pasand-e-khatir hogi.Jalees Sherwani
Go haqeeqat maiN teeragi hai abhi. Mere khwaboN main chandni hai abhi.
Kuchh to mausam ne tar kiya daaman. Os aankhoN se bhi giri hai abhi.
Hosh aane maiN waqt lagta hai. Hum ko chhedo na bekhudi hai abhi.
Bhool kar saare gham zamaane ke. Zindagi phool si hui hai abhi.
Ek tamanna se tum ko milwate. Shab ko jaagi thee so gayee hai abhi.
Raat soii to ghar ko jaayenge. Raat jaagi hai chulbuli hai abhi.
Jab se chhoda hai hosh ka daaman. Zindagi shor se bari hai abhi.
Main ne dekha bahaar ka rona. Mere ghar se hi wo gayee hai abhi.
Aap ki garaN qadr aa'raa ka intezaar hai.
|
|
|
Post by Jalees Sherwani on May 21, 2007 11:19:55 GMT 5
Neha Sahiba,Aadaab Ghaliban pehle bhi aap ke kalaam se ru-b-ru hone ka sharaf haasil ho chuka hai...lekin aaj, SubhanAllah kya murassa ghazal kahi hai..Zindabaad. Har sher apni jagah jamai hai.kai khayalat bilkul achhote nazm kiye hai^N aap ne. Daad qubool kare^N Kherandesh Jalees Sherwani
|
|
|
Post by Jalees Sherwani on May 23, 2007 8:16:37 GMT 5
Ramish Bhai AOA Bhai aisi murassa ghazal nazar nawaaz hui ki dil khush ho gaya.. Arse baad aap se rabita ho raha hai...aap to bhool bhi gaye honge Jalees ko... EK ek sher shahkaar sa laga.ZZZIIINNNDDDAAABBBAAAD. Aap ka apna sa Jalees Sherwani
|
|
|
Post by Jalees Sherwani on Nov 2, 2007 13:28:24 GMT 5
Mirza Sahab,Aadaab Sab se peshtar ek khoobsoorat nazm kehne ke liye mubarakbaad qubool farmaaye^n. Ehsaas ka lams is darja ujaagar hai is nazm mai^n k khud ko is ka ek hissa man-ne ko dil chahta hai. Andaaz bhi juda aur asloob bhi khoobsoorat.Mashallah. Ehqar Jalees Sherwani
|
|