|
Post by Atif Mirza on Oct 3, 2007 1:15:17 GMT 5
Khawb, Saraab, Haqeeqat Suraj apni kirnoN ko Jab samait laita hai Shub bakair deta hai NeeNd apnay per kholay Tari hoti hai sub per AaNkh baNd hoti hai BaNd aaNkh kay peechhay Aik chhota sa parda jhilmilanay lagta hai
AarzooaiN jitni bhi poori ho nahiN sakteeN Bun kay aik perchhaeeN parday per ubharti haiN
Aisay khawb bantay haiN
Jaisay beech sehra kay Sakht garm mousam main Kuchh saraab bantay haiN
Tum bhi bun kay parchhaeeN mairay khawb main ubhro! Mairay piyar kay shra kay saraab main ubhro!
...................................!
HaaN..........................! HaaN! Magar yah yaad aaya Khawb, khawb hotay haiN Inn ka kuchh haqeeqat say wasta nahiN hota Jaisay beech sehra kay Tay kabhi saraaboN tak fasila nahiN hota
Mairi baat gar maano! Tum na bun kay parchhaeeN mairay khawb maiN aana Or na piyar kay sehra kay saraab main aana
HaaN! Agar jo aana ho Mairay dil kay rastay say Mairay piyar kay aaNgan maiN kabhi utar aana Bun kay ik haqeeqat phir Zindagi peh chha janaAtif Mirza
|
|
|
Post by Atif Mirza on Oct 3, 2007 1:16:22 GMT 5
Yeh Nazm Khokhrapar, Thar Desert maiN likhy gai hai.
|
|
|
Post by khalid on Oct 3, 2007 6:56:44 GMT 5
waaaaaaaaaaaaaaaaaaaaaaaaaaaaaaaaaaaaaaaaah!
zabardast nazm kahi hai janaab! aik lateef ehsaas ko choo ker ghungroo se baja diyey haiN soch meiN! daad haazir hai!
|
|
|
Post by Rafi Tabasum on Oct 3, 2007 9:41:37 GMT 5
wahhhhhh Khoobsoorat daad qabool farmaiay Mirza sahib
|
|
|
Post by Rafi Tabasum on Oct 3, 2007 9:42:59 GMT 5
wahhhhhh Khoobsoorat daad qabool farmaiay Mirza sahib
|
|
|
Post by Atif Mirza on Oct 3, 2007 14:59:22 GMT 5
waaaaaaaaaaaaaaaaaaaaaaaaaaaaaaaaaaaaaaaaah!
zabardast nazm kahi hai janaab! aik lateef ehsaas ko choo ker ghungroo se baja diyey haiN soch meiN! daad haazir hai! Adaab, Tasleemaat. Tareef ka bahut Shukriya. Yeh meri apni bhi pasandeeda nazm hai.
|
|
|
Post by Atif Mirza on Oct 3, 2007 15:00:42 GMT 5
wahhhhhh Khoobsoorat daad qabool farmaiay Mirza sahib Shukriya! Tasleem Shudd!
|
|
|
Post by Sukhanwar on Oct 4, 2007 14:25:52 GMT 5
khoobsoorat nazm hy bohat umda andaz e bayaan khaas taur par nazm ka dheema lehja dil k taaron ko choo layta hy thanx razi
|
|
|
Post by Atif Mirza on Oct 7, 2007 12:55:27 GMT 5
Nawazish Razi Bhai! Sanad ka darja rakhti hai aap ki taareef. Shukriya.
Atif Mirza
|
|
|
Post by Jalees Sherwani on Nov 2, 2007 13:28:24 GMT 5
Mirza Sahab,Aadaab Sab se peshtar ek khoobsoorat nazm kehne ke liye mubarakbaad qubool farmaaye^n. Ehsaas ka lams is darja ujaagar hai is nazm mai^n k khud ko is ka ek hissa man-ne ko dil chahta hai. Andaaz bhi juda aur asloob bhi khoobsoorat.Mashallah. Ehqar Jalees Sherwani
|
|
|
Post by Atif Mirza on Nov 2, 2007 15:17:58 GMT 5
Jalees Sherwani Sahib! Aap nay achha tabsira farma kar mera dil baRha diya hai! Jaisa maiN pehlay arz kar chuka hooN keh yeh meri bhi pasndeeda nazm hai, Dar-asl yeh kaifiyat say do-chaar lamhaat maiN likhi gaiee hai! Aap nay taareef kar kay meray maan maiN izafa kia hai! Shukriya!
|
|