neha
rukn
Posts: 239
|
Post by neha on Jun 19, 2009 1:01:41 GMT 5
Ittifaaqan hii sahi uss say nazar mil jaaye Chaahty mein bhi hoon izhaar ko dar mil jaaye
Koi paigham na bhejoon, mein achanak puhnchoon Phir bhi us ko meray aanay ki khabar mil jaaye
Dil-e-naadaa'n bhi behel jaaye ga rafta rafta Bhoolnay ka jo duaaao'n ko asar mil jaye
Meri bujhty hui aankho'n main ujaala kar day Shab -e- hijraa'n ko jo ik baar sahar mil jaye
Mein nay ik umr jo kaaty hai teri aaas liye Uss riyaazat ka mujhay kaash samar mil jaaye
Apnay iss khwaab ki tabeer mein paa loon Neha Raigzaaro'n main jo phoolo'n ka nagar mil jaaye
|
|
|
Post by Atif Mirza on Jun 19, 2009 19:54:03 GMT 5
Neha! Bahut Lhoob soorat ghazal kahi hai aap nay! Daad qabool kijiay.
|
|
|
Post by aadilrasheed on Jun 20, 2009 5:56:36 GMT 5
neha jee bade hi aasan alfaz se saji sanwri ghazal hai aapki sab se behter hai lehje ki yaksaniyat . poori ghazal ka asloob wahi pakeeza mahak liye hue zehn ko apne sehr me le leta hai jo ab rafta rafta shayri se bahoot door hota ja raha hai tere lehje ki mahak aur tere pakeeza khayaal ye dua hai ke sabhi ko ye hunar mil jaaye allah kare ke aapka lehja barqarar rahe aameen
aadil rasheed F-53/1, Abul Fazal enclave -2 shaheen baagh jamia nagar new delhi-110025(india)
aadilrasheed67@gmail.com, mustanad@gmail.com
|
|
neha
rukn
Posts: 239
|
Post by neha on Jun 20, 2009 15:11:41 GMT 5
Neha! Bahut Lhoob soorat ghazal kahi hai aap nay! Daad qabool kijiay. Daad k liye bohut shukriya Atif sahab..
|
|
neha
rukn
Posts: 239
|
Post by neha on Jun 20, 2009 15:14:57 GMT 5
neha jee bade hi aasan alfaz se saji sanwri ghazal hai aapki sab se behter hai lehje ki yaksaniyat . poori ghazal ka asloob wahi pakeeza mahak liye hue zehn ko apne sehr me le leta hai jo ab rafta rafta shayri se bahoot door hota ja raha hai tere lehje ki mahak aur tere pakeeza khayaal ye dua hai ke sabhi ko ye hunar mil jaaye allah kare ke aapka lehja barqarar rahe aameen aadil rasheed F-53/1, Abul Fazal enclave -2 shaheen baagh jamia nagar new delhi-110025(india) aadilrasheed67@gmail.com, mustanad@gmail.com tere lehje ki mahak aur tere pakeeza khayaal ye dua hai ke sabhi ko ye hunar mil jaaye
Aadil sahab bohut nawazish k aap ko meri yeh adna si kaavish itny Pasand aai ..khaas kar aap k shair aur dua k liye mumnoon hoon aap ki..bohut shukriya.
|
|
|
Post by Nawazish Ali Nadeem on Jun 21, 2009 10:56:30 GMT 5
achi ghazal hay lafziat aur asloob agarche jadeed nahin laikin iss kay bawajood khoob sorat ghazal hay. dosra sher agr dobara daikh lia jaaiy to behtar hay.ye aik dostana maswara hay keun k sukhanwar ka har rukan hamaray liay muhtarram hay.iss liay issay nukta cheeni na samjha jaiiy .achanak paunchnay kay baad khabbar milnay ka jawaaz nahin dia gia.
|
|
zehrab
rukn
ham pe guzrey hain khizaN ke sadmey--Ham sey poochey koi afsaana-e gul
Posts: 125
|
Post by zehrab on Jun 21, 2009 11:44:53 GMT 5
Neha Ji
wah
kya andaz hay...kya asloob hay khoobsoorat tarakeeb...nazuk nazuk khayalaat
lutf aa gaya
her sher apni jaga mukamil ghazal
dil daad hazir hay
Kher andesh
Qamar
|
|
jooni
sukhanshanas
Posts: 480
|
Post by jooni on Jun 22, 2009 1:26:40 GMT 5
Neha Sahiba, Adaab.
Boht hi khoobsoorat aur piyari ghazal hai.
Boht si DaaD qubool kijiye.
|
|
neha
rukn
Posts: 239
|
Post by neha on Jul 1, 2009 13:52:00 GMT 5
achi ghazal hay lafziat aur asloob agarche jadeed nahin laikin iss kay bawajood khoob sorat ghazal hay. dosra sher agr dobara daikh lia jaaiy to behtar hay.ye aik dostana maswara hay keun k sukhanwar ka har rukan hamaray liay muhtarram hay.iss liay issay nukta cheeni na samjha jaiiy .achanak paunchnay kay baad khabbar milnay ka jawaaz nahin dia gia. Nawazish sahab aap ki daad k liye bohut mumnoon hoon..baqi jo bhi mashwaray aap nay diye mere liye qaabil-e-ehtraam hain..Musbat tanqeed nukta cheeni k zamray main nahin aty..bohut shukriya
|
|
neha
rukn
Posts: 239
|
Post by neha on Jul 1, 2009 13:53:36 GMT 5
Neha Ji wah kya andaz hay...kya asloob hay khoobsoorat tarakeeb...nazuk nazuk khayalaat lutf aa gaya her sher apni jaga mukamil ghazal dil daad hazir hay Kher andesh Qamar Qamar sahab... aap ki purkhuloos daad k liye bohut mashkoor hoon ...bohut shukriya.
|
|
neha
rukn
Posts: 239
|
Post by neha on Jul 1, 2009 13:54:21 GMT 5
Neha Sahiba, Adaab. Boht hi khoobsoorat aur piyari ghazal hai. Boht si DaaD qubool kijiye. Daad k liye Bohut shukriya Jooni sahab.
|
|
|
Post by Rafi Tabasum on Jul 1, 2009 19:48:05 GMT 5
Khoobsoorat Ghazal enait ki aap nay neha g
|
|
neha
rukn
Posts: 239
|
Post by neha on Jul 4, 2009 22:17:15 GMT 5
Khoobsoorat Ghazal enait ki aap nay neha g Daad k liye bohut shukriya Rafi sahab.
|
|
|
Post by Atif Mirza on Jul 5, 2009 17:05:25 GMT 5
Qamar sahab... aap ki purkhuloos daad k liye bohut mashkoor hoon ...bohut shukriya. Neha! Mashkoor ka matlab hota hai shukr kia gaya ya jis ka shukriya adaa kia gaya ho. Aap shukr guzar ho sakti haiN, mashkoor woh shakhs ho ga keh jis ka aap shukriya adaa kar rahi hoN.
|
|
|
Post by tmasood on Jul 17, 2009 1:51:06 GMT 5
Ittifaaqan hii sahi uss say nazar mil jaaye Chaahty mein bhi hoon izhaar ko dar mil jaaye
Koi paigham na bhejoon, mein achanak puhnchoon Phir bhi us ko meray aanay ki khabar mil jaaye
Dil-e-naadaa'n bhi behel jaaye ga rafta rafta Bhoolnay ka jo duaaao'n ko asar mil jaye
Meri bujhty hui aankho'n main ujaala kar day Shab -e- hijraa'n ko jo ik baar sahar mil jaye
Mein nay ik umr jo kaaty hai teri aaas liye Uss riyaazat ka mujhay kaash samar mil jaaye
Apnay iss khwaab ki tabeer mein paa loon Neha Raigzaaro'n main jo phoolo'n ka nagar mil jaaye Bohat khoob!
dilnasheen!!
khush rehaiN Neha jee
|
|