|
Post by rooh on May 29, 2008 20:29:00 GMT 5
Urduanjuman ke tarahii mushairay ke liye likhi huii ye ghazal yanhaan post kar rahii hun
Naye zamaanay mein aap humko puranii baatein sunaa rahay hain....misra e tarah (Dr. Allama Iqbal)
Naye zamaanay mein aap humko puranii baatein sunaa rahay hain Taraqiion ki fazaa mitaa kar andherii raahein dikhaa rahay hain
KahiiN pe mandir, kahiiN pe masjid, kahiiN kalisaa bana rahay hain Humaarii roohon ko zakhmi kar ke rawayaton ko bachaa rahay hain
Dilon mein sholay adawaton ke jalaanay waalay ye log daikho Humarii qaumon ko wehshaton ki ghulaam kaise banaa rahay hain
Kabhii ke soye ho ab to jaago, watan ke logon zaraa to samjho Jalaa ke masoom log zinda hukumateiN ye chalaa rahay hain.
Humaray bachchon ko raahe-dehshat dikhanay walay ye ahle mazhab Qalame haq ka sahaaraa le kar dukaan apni chalaa rahay hain
Salam
Rooh
|
|
|
Post by Sukhanwar on May 29, 2008 23:34:52 GMT 5
rooh ji khoobsoort ashaar hain doosray shair k pehlay misray main aap nay lafz kalisaaN likha hy yeh drust nahi asal lafz kalisa hay isay drust kar lijiay shukria aap ny achi ghazal parhnay ko dee thanx razi
|
|
|
Post by Rafi Tabasum on May 30, 2008 2:03:12 GMT 5
wahhhhh
|
|
|
Post by naheedv on May 31, 2008 6:09:53 GMT 5
Rooh jee,
achee ghazal hai. aap se shaayad 2nd she'r ke 2nd misre' meN typo ho gayi hai. aap ne likhaa hai: Humaarii roohon ko zakhmi kar rawayaton ko bachaa rahay hain
isey yooN honaa chaahiye: Humaarii roohon ko zakhmi kar ke rawayaton ko bachaa rahay hain
shukriya Naheed
|
|
|
Post by rooh on May 31, 2008 12:53:04 GMT 5
Razi bhai shukriya...ji ghalati lag gayii hai...theek kar lii hai meine....
thanks
|
|
|
Post by rooh on May 31, 2008 12:54:04 GMT 5
shukriya..waise do typo thii aapne daikhii nahii?
|
|
|
Post by rooh on May 31, 2008 12:56:35 GMT 5
Rooh jee, achee ghazal hai. aap se shaayad 2nd she'r ke 2nd misre' meN typo ho gayi hai. aap ne likhaa hai: Humaarii roohon ko zakhmi kar rawayaton ko bachaa rahay hain isey yooN honaa chaahiye: Humaarii roohon ko zakhmi kar ke rawayaton ko bachaa rahay hain shukriya Naheed Naheed ji salam... ji mohtarma...sahii kahaa aapne typo thii aur wo bhii do do jagah...theek kar di gayii hai.. aap ka shukriya
|
|