neha
rukn
Posts: 239
|
Post by neha on Mar 16, 2009 22:46:23 GMT 5
Rastay tamaam shehr kay sunsaan hogaye Rutha wo kia kay log bhi anjaan hogaye
Tum ne bana lia tha kbhi dil main mere ghar Kis dil kay ab batao tou mehmaan hogaye
Lamhay wo chahaton k, qurbat k saaray pal Uss ki jafa kay naam ka taawaan hogaye
Tufaan aansuo'n ka hai iss darjay teztar Lagta hai jaisay be sar-o-saamaan hogaye
Khwahish thi sath jeenay o marnay ki tere sang Mere wo khawb mujh say hi anjaan hogaye
Neha nay teergi main jalaya tha ik diya Parwanay uss ki chaah main qurbaan hogaye
|
|
|
Post by Sukhanwar on Mar 16, 2009 23:36:55 GMT 5
Neha nay teergi main jalaya tha ik diya Parwanay uss ki chaah main qurbaan hogaye
wah wah umda shair hy laykin neha ji itni achi ghazal k matlay par aap agar nazr e saani kr lain to munaib ho ga boht mash_hoor shair hay ik shakhs saaray shahr ko weeran kr gia mujhy aap k matlay main is k aahang mehsoos hota hy aysa naa danista bhi ho to usay hazaf kr dayna chaahiay baaqi tmaam ghazal achi hy thanx razi
|
|
neha
rukn
Posts: 239
|
Post by neha on Mar 17, 2009 13:56:49 GMT 5
Neha nay teergi main jalaya tha ik diya Parwanay uss ki chaah main qurbaan hogaye wah wah umda shair hy laykin neha ji itni achi ghazal k matlay par aap agar nazr e saani kr lain to munaib ho ga boht mash_hoor shair hay ik shakhs saaray shahr ko weeran kr gia mujhy aap k matlay main is k aahang mehsoos hota hy aysa naa danista bhi ho to usay hazaf kr dayna chaahiay baaqi tmaam ghazal achi hy thanx razi Shukriya Razi bhai..aap ki daad k liye mumnoon hon, baqi aap ki raaye sar ankhon par, mein zaroor dekh loon gi matlay ko.
|
|
jooni
sukhanshanas
Posts: 480
|
Post by jooni on Mar 18, 2009 2:12:07 GMT 5
Neha Sahiba, Adaab.
Itni piyari aur umdah ghazal per
boht sari daad paish kerta hoon.
Allah aap ko khush rakhay!
|
|
neha
rukn
Posts: 239
|
Post by neha on Mar 20, 2009 15:51:44 GMT 5
Neha Sahiba, Adaab. Itni piyari aur umdah ghazal per boht sari daad paish kerta hoon. Allah aap ko khush rakhay! Aap ki daad aur duaon k liye bohut mumnoon hoon Jooni sahab.thanx a lot
|
|