|
Post by khalid on Mar 11, 2008 3:14:38 GMT 5
Greater Toronto Area ke aik shehr Hamilton sey mujhey 5 aprail ko eid e milaad un nabi ke ijtema" meiN shirkat ki daavat aaii hai jo cherch meiN mun'aqid kervaaya jaaey ga. is silsiley meiN teen qetaat haazir khidmet haiN..............
hai aqeedat ka deeN sey peimaana aajkal deRh eeNt kee masjid eid e meelaad per sajey, chaahey cherch meiN deRh eeNt ki masjid
cherch waaloN kee chaaploosee sey kuch bachat kherch verch meiN ho gi eid e meelaad masjidoN meiN nahiN eid e meelaad cherch meiN ho gee
eid e meelaad cherch meiN hai ager masjidoN sey kab aaey gee aavaaz? gurdvaaroN sey ho gee roz azaaN aur mandir meiN roz ho gee namaaz
|
|
|
Post by khalid on Mar 11, 2008 8:30:44 GMT 5
Ek nazariiye se dekheN to Khalid bhai yeh koii buri baat to nahin ki har mazhab ki baat har jagah ho, sab ko ek jaisi izzat di jaaye.matlab yeh hua ki ab koii paraaya nahin sab apne hain aur sab ek hain. Khuda Parmaatama Guru sab ek haiN, bas insaan ne inhe alag alag naam de diye hain aur In ke liye alag alag ghar bana diye haiN. aap theek kehti haiN. lekin der asl ye sab is spirit meiN nahiN ho raha jis meiN aap ya maiN chaahtey haiN! ye to apni chaudhraahat ke liye ho raha hai. waisey to shiya hezraat ki majideN bhi haiN. ager ittefaaq peida kerna hai to teesrey thikaaney cherch kyuN jaaya jaaey??? cherch waale kyuNke paisa nahiN leitey, aur mad'oo log chanda deite haiN! aagey aap khud samajh jaaeN! in logoN ney kaarobaar banaaya hua hai mezhab ko! ye sab na ittefaaqiyaN peida kerne k liye kiya ja raha hai!
|
|
|
Post by khalid on Mar 12, 2008 17:10:43 GMT 5
Khalid bhai jaan aap ki is baat se maiN sehmat huN, aur yeh to bade dukh ki baat hai.aap ka yeh kehna bhi bahut sahi hai ki aaj kal mazhab sirf kaarobaar ban kar reh gaya hai chaahe vo koii bhi ho. behen maiN khud cherch, mandir ya gurdvaarey jaane se nahiN ghabraata, aur na hi meira eemaan itna kamzor aur be mantaq hai ke maiN mazheb ke naam per qatl o ghaarat per yaqeen rakhhooN . lekin maiN ye bhi nahiN chaahta ke masjiden band ho jaaeN aur mazhabi taqareeb sirf aur sirf nafaaq peida kerney aur daulat sameitney k liye cherch meiN munaqid ki jaaey. islaam zabardasti ka mazhab nahiN hai. sirf aik bhatki huii aqalliyat hai jo in baatoN per yaqeen rakhti hai. baRi taaqtoN ki na insaafiyoN ne aisey logoN ko aik tarah sey jila bakhshi hai apni munaafiqaana herkatoN aur be mantaq qatl e aam sey.
yahaN kyuNke log mazheb ke naam per black mail hotey haiN, is qism ke log is masoom akseriyat kee mezhabi tisnegi sey faaeda uthaaney ka koii moqa haath sey jaaney nahiN deitey. yahan ye her mazheb k maan'ney waaloN k saath hota hai, lekin bhatkey hue aur na aaqibat andeish musalmaan is kaam meiN sab sey aagey haiN!
|
|
|
Post by ramishjaan on Mar 14, 2008 3:11:23 GMT 5
AOA khalid bhai nazm ke pas manzar me aik hasas dil ki pukar sun raha hon main ............................. is nazm par to dil se nikli hoi yehi duaa dad me pesh kar skata hon ke .................... ALLHA hum sab ko our tumam alme islam ko us roshni se faizyab hone ki toufeeq bhi atta farma jo is mubarik din me peda hone wali shaksiyat huamre sab ke liye le kar aei ameen suma ameen waslam mukhlis ramishjaan
|
|
zehrab
rukn
ham pe guzrey hain khizaN ke sadmey--Ham sey poochey koi afsaana-e gul
Posts: 125
|
Post by zehrab on Mar 15, 2008 12:08:28 GMT 5
Khalid Saheb
aap ney sahi baat ki hey logon ney waqaee karobar bana liya hey......lekin is ka doosra rukh kuch yun hey ke hamarey yahan aek Masjid ke liye pichley 12 saal sey fund raising ho rahi hey aur her bar ye fund raising kisi hotel ka hall 50 hazar dollar kharch ker ke ki jaati hey. mein us ki pehli fund raising mein jo ek community center mein ki gayee thi gaya tha 1996 mein us ke baad bhi jaata ager hotel ke haal mein na hoti tow lekin wo masjaid hey ke tameer huey jaati hey aur fund raising hey ke mukamil hi naheen hoti......
aur haan baat taweel ho jaati hey lekin eid miladun Nabi ki dawat mujhey bhi yahan Phoenix mein mili hey jo aek hotel ke haal mein manaai jaaey gi aur muntazemeen ko yahan sheher ke kisi restaurant ka khana pasand naheen aaya tow kahan Los anglese sey mangawaya jaaey ga aur tamam shirakeen sey request ki gayee hey ikharajat ke liye chanda den....ab koi poochey in muntazmeen sey ke bhaai kya ye taqreeb saadgi sey kisi masjid mein ya community center mein naheen ho sakti? aur kya zaroori hey ke khana Los anglese sey hi aaey? Allah ham sab ke haal per reham karey.....aameen
sorry mein daad dena tow bhool hi gaya. Aap ke qitaat waqaee bohat to the point aur kafi kharey qisma ke hotey hein......dheron daad janab.....aur grand fathery kis merhaley mein hey?
Kher andesh
Qamar
|
|
|
Post by khalid on Mar 16, 2008 10:19:33 GMT 5
Khalid Saheb aap ney sahi baat ki hey logon ney waqaee karobar bana liya hey......lekin is ka doosra rukh kuch yun hey ke hamarey yahan aek Masjid ke liye pichley 12 saal sey fund raising ho rahi hey aur her bar ye fund raising kisi hotel ka hall 50 hazar dollar kharch ker ke ki jaati hey. mein us ki pehli fund raising mein jo ek community center mein ki gayee thi gaya tha 1996 mein us ke baad bhi jaata ager hotel ke haal mein na hoti tow lekin wo masjaid hey ke tameer huey jaati hey aur fund raising hey ke mukamil hi naheen hoti...... shukriya qamar saaheb!! aap ne meirey zameer per woh bojh qadrey kam ker diya jo kuch dostoN ki tanqeed ki wajah sey beRhta ja raha tha. aap ne jo misaal dee hai woh canada meiN bhi hamaari comunity ki tazleel ka baais hai! ye baat intehaii khaufnaak hai ke fund raising ka dinner 50 hazaar dollar kherch ker ke mun'aqid kiya jaata hai. yahaN aik pesh goii maiN bhi kerta chalooN! wo yeh ke ye masjid mukammal ho bhi gaii to yaqeenaN ye log aik aur masjid ke liye chanda maaNgna shuru ker deN gey. chaahey us jagah per masjid ki zaroorat ho na ho! aur haan baat taweel ho jaati hey lekin eid miladun Nabi ki dawat mujhey bhi yahan Phoenix mein mili hey jo aek hotel ke haal mein manaai jaaey gi aur muntazemeen ko yahan sheher ke kisi restaurant ka khana pasand naheen aaya tow kahan Los anglese sey mangawaya jaaey ga aur tamam shirakeen sey request ki gayee hey ikharajat ke liye chanda den.... exactly aam taur per yehi soorat e haal yahaN bhi hai. pichley baras bhi isi tarah ki aik taqreeb maiN chanda jama kiya gaya tha aur ab ke bhi langer muft hai. lekin chanda bahar haal wusool ho ga. kyuNke gaey baras ka tajreba kaafi kaamyaab raha tha.ab koi poochey in muntazmeen sey ke bhaai kya ye taqreeb saadgi sey kisi masjid mein ya community center mein naheen ho sakti? aur kya zaroori hey ke khana Los anglese sey hi aaey? Allah ham sab ke haal per reham karey.....aameen janaab meira eiteraaz hi yehi hai k is taqreeb ko kisi masjid, haal, school ya community centre meiN kyuN mun'aqid nahiN kiya ja sakta? khaaney k baarey meiN kyuNke mujhey ilm nahiN ke kya tha pichley saal, lekin maaloom yehi hua hai shrakaa sey k " yaar khaana bohot ''cool'' tha. yaani eid e meelaad aur picnic ka maza aik saath, aik chat k neechey. ab wo church ho ya masjid, shura'kaa ko to khaaney aur picnic se matlab hai. yahaN ye bhi kehna munaasib ho ga ke in meiN se yaqeenan kuch ehbaab is kaam ko khaalisatan mazhabi rivaayat ke mutaabiq apni jeib sey kherch ker k bhi kertey haiN! lekin aisey log aatey meiN namak sey bhi kam haiN!sorry mein daad dena tow bhool hi gaya. Aap ke qitaat waqaee bohat to the point aur kafi kharey qisma ke hotey hein......dheron daad janab.....aur grand fathery kis merhaley mein hey? janaab sach kehney ki koshish poori neik niyati aur eemaandaari sey kerta hooN. kuch aap sey mehrbaan hamnava haiN to kuch k kaan per jooN tak nahiN reiNgtee! aapki daa ke liye mamnoon hooN!Kher andesh Qamar khaalid![/color][/b][/size]
|
|
|
Post by khalid on Mar 16, 2008 10:21:00 GMT 5
AOA khalid bhai nazm ke pas manzar me aik hasas dil ki pukar sun raha hon main ............................. is nazm par to dil se nikli hoi yehi duaa dad me pesh kar skata hon ke .................... ALLHA hum sab ko our tumam alme islam ko us roshni se faizyab hone ki toufeeq bhi atta farma jo is mubarik din me peda hone wali shaksiyat huamre sab ke liye le kar aei ameen suma ameen waslam mukhlis ramishjaan shukriya raamish bahii! maiN bhi aapke hamraah dua go hooN!
|
|