|
Post by khalid on Nov 18, 2007 8:45:43 GMT 5
aaj key jaNg meiN arshad saabri sb kee nazm ''GEO baNd" peRh ker socha ke kyuN na maiN bhi apni raaey ka izhaar is peraaey meiN karooN. mulaaheza keeje...........wo kehtey haiN k public se rafaaqat hai geo bandi nahiN maloom phir kis sey raqaabat hai geo bandi?
nikal jaata hai jo terkash se wo waapas nahiN aata ke kaj fehmoN ka ik teer e himaaqat hai geo bandi
too khud ko laakh aamir khud se sehatmaNd gerdaaney hakoomat ki naqaahat ki alaamat hai geo bandi
tujhey daawa tha jis aazaadi e izhaar ka aamir ye un daavoN ki az khud hi halaakat hai geo bandi
tumhaare kya iraade they, sada se niy'yateN kya thiiN? munaafiq sochtey kya they? wazaahat hai geo bandi
nahiN hai fakhr ka, mulki khijaalat ka ye mazher hai aey naNg e qom, tazleel e riyaasat hai geo bandi
ager khaalid lapakna hai, palat ker phir jhapatna hai na ghabra k terey khooN ki haraarat hai geo bandi
|
|
|
Post by shahkaar on Nov 18, 2007 11:34:11 GMT 5
buhut khoob janaab
|
|
|
Post by khalid on Nov 18, 2007 21:27:28 GMT 5
shukriya shaahkaar sb!
|
|
|
Post by Rafi Tabasum on Nov 18, 2007 23:53:02 GMT 5
Bohat khoob Khalid sahib
|
|
|
Post by Sukhanwar on Nov 19, 2007 0:51:19 GMT 5
wah khalid sahib shandaar muzaahmati andaz hy aap ka lutf aa gia thanx razi
|
|
|
Post by khalid on Nov 19, 2007 2:26:07 GMT 5
aadaab arz hai huzoor!
|
|
|
Post by khalid on Nov 19, 2007 2:40:50 GMT 5
wah khalid sahib shandaar muzaahmati andaz hy aap ka lutf aa gia thanx razi shukriya razi sb! maiN apne kuch qetaat aur ta,assuraat jang waaloN ko bhi bheijna chaahta hooN. main ne arshad saabri sb ka kalaam pehli mertaba jang meiN peRha. ho sakta hai ke unko sach ki mazeed talaash bhi ho
kisi dost ki koii email ho ya aap kisi ko bheij sakeN! akhbaar per diye gaey aam addresses per to mail jaati bhi nahiN!
|
|
|
Post by Sukhanwar on Nov 19, 2007 22:23:14 GMT 5
wah khalid sahib shandaar muzaahmati andaz hy aap ka lutf aa gia thanx razi shukriya razi sb! maiN apne kuch qetaat aur ta,assuraat jang waaloN ko bhi bheijna chaahta hooN. main ne arshad saabri sb ka kalaam pehli mertaba jang meiN peRha. ho sakta hai ke unko sach ki mazeed talaash bhi ho
kisi dost ki koii email ho ya aap kisi ko bheij sakeN! akhbaar per diye gaey aam addresses per to mail jaati bhi nahiN!janab khalid sahib main aap ki yeh nazm jang karachi k mutalaqa shobay ko zaroor bhayj doon ga thanx razi
|
|
|
Post by waqaar on Nov 20, 2007 3:55:10 GMT 5
"na ghabra k terey khooN ki haraarat hai geo bandi" Khaalid SaaHeb, Newtons: Every action has it equal n' opposite reaction. inShaa,Allaah! inqalaab zindah-aabaad! waQaar
|
|
|
Post by Ghazalsara on Nov 20, 2007 4:36:42 GMT 5
salam,u can see & listen Geo Tv live at mms://stream.wmlivesvc.vitalstreamcdn.com/live_stream_geo_tv_GeoVid
|
|
|
Post by khalid on Nov 21, 2007 3:06:26 GMT 5
"na ghabra k terey khooN ki haraarat hai geo bandi" Khaalid SaaHeb, Newtons: Every action has it equal n' opposite reaction. inShaa,Allaah! inqalaab zindah-aabaad! waQaar waQaar miaN shayad newton ka ye qanoon faujiyoN aur musharraf sb ke course maiN nahiN tha. ya phir ye bhi us mehrbaani ka reaction hai jo qaum ki khaatir 93 hazaar faujiyoN ke hathyaar daalne ki soorat maiN dee gaii thee! us intehaii bahaaderaana fe'l ka reactin/badla awaam un naas sey abhi poora nahiN hua shayad!
aapki hamnavaii ke liye mamnoon hooN!
|
|
|
Post by khalid on Nov 21, 2007 3:11:12 GMT 5
salam,u can see & listen Geo Tv live at mms://stream.wmlivesvc.vitalstreamcdn.com/live_stream_geo_tv_GeoVid ghazalsara sb ye site $$$ maNgtee hai. aur waisey bhi ab khabreN aur tabserey aap sun hi nahiN saktey. ab GEO waaley kahiN aur sey beam kerne ki koshishoN maiN haiN. deikheN kya hota hai!
link bheijne ka shukriya!
|
|
|
Post by Atif Mirza on Jan 2, 2008 19:57:32 GMT 5
Kia Hasb-e-Haal bolta hai! BaRay Sahb!
|
|
|
Post by khalid on Jan 2, 2008 20:42:58 GMT 5
Kia Hasb-e-Haal bolta hai! BaRay Sahb! na hoN izhaar ki aazaadiyaN jab larazta hai qalam, dil dolta hai ager mantaq nahiN qadghan k peechey to hesb e haal khalid bolta hai
|
|
|
Post by Atif Mirza on Jan 2, 2008 21:07:21 GMT 5
Wah! Khalid Sahib aap waqee Hazir-ul-kalam haiN
|
|