|
Post by khalid on Jan 13, 2008 11:29:28 GMT 5
aatif sb ney merey qetey per kuch ash'aar kahey they! javaaban maiN ne bhi wohi kuch kiya ;D uske baad aaj kaam per uthtey beithtey, bhaagtey dauRtey ye nazm kahi, mulaaheza keeje.........
fauj hai khush'haal, mujhko fakhr hai baaqi sab kaNgaal, mujhko fakhr hai
ruk na paii raal, mujhko fakhr hai aur dollar daal, mujhko fakhr hai
haiN bana liiN qaum ki majbooriyaN maiN ne apni dhaal, mujhko fakhr hai
ThooNsti hai fauj aata ho na ho her ghaRi ter maal, mujhko fakhr hai
maar daaley kuch, to kuch ander kiye hai election saal, mujhko fakhr hai
chaudhry deikheN gey jab ooper gaey aap per filhaal mujhko fakhr hai
gerdanoN meiN serya e afrang ney mast ker di chaal, mujhko fakhr hai
fakhr kerney aur dhitaii meiN hai ferq ye na keh ker taal,"mujhko fakhr hai"
chaudhry saadiq, aey jaafar cahaudhry jee hazaaroN saal, mujhko fakhr hai
megrabi aaqa ka dam bhertey huey sach hua pamaal, mujhko fakhr hai
hooN maiN khachher aaj bhi fauji, magar sirf badli khaal, mujhko fakhr hai
paas hote haiN bina mehnet k bhi faujiyoN k laal, mujhko fakhr hai
maiN hooN leader, senior sab mer gaey umr un'nis saal, mujhko fakhr hai
qaum hai maftooh, kal ko kuch bhi ho serhadoN ka haal, mujhko fakhr hai
pheRpHaRa tak bhi na paii be nazir aisa pheNka jaal, mujhko fakhr hai
hukm dooN ga aey farishtey ab ke bhi vote saarey daal, mujhko fakhr hai
fakhr tha maiN ne banaaya media khud kiya bad haal, mujhko fakhr hai
bolta hooN sach maiN khaalid aaj bhi kha k roti daal, mujhko fakhr hai
|
|
|
Post by Atif Mirza on Jan 13, 2008 12:27:17 GMT 5
Mutassir Kun! Mulk ki tareekh maiN yeh halaat-e-hazira per tabsra intehaiee teer bahadaf hai.
|
|
|
Post by khalid on Jan 13, 2008 22:03:42 GMT 5
Mutassir Kun! Mulk ki tareekh maiN yeh halaat-e-hazira per tabsra intehaiee teer bahadaf hai. aapka intehaii shukr guzaar hooN k aap ne meiree din bher ki mehnet ko qaabil e sataaesh jaana! mujhey intehaii dukh hota hai jab meirey paas aur kuch kehney ko nahiN hota! in halaat maiN meira qalam kaakul o geisoo, aur lab o rukhsaar ki baatoN k liye uTh hi nahiN sakta!!
|
|
zehrab
rukn
ham pe guzrey hain khizaN ke sadmey--Ham sey poochey koi afsaana-e gul
Posts: 125
|
Post by zehrab on Jan 14, 2008 11:49:31 GMT 5
Khalid saheb
Bohat pur acer aur dil ko chu jaaney wali takhleeq pesh ki aap ney. Sahi kehtey hein aap ke aisey halaat mein kakul-o gaisu aur lab-o rukhsar ki gunjaesh naheen reh jaati. Allah Ta'ala is mulk ko apni hifazat mein rakhey.....aameen
Qamar
|
|
|
Post by khalid on Jan 14, 2008 20:33:21 GMT 5
Khalid saheb Bohat pur acer aur dil ko chu jaaney wali takhleeq pesh ki aap ney. Sahi kehtey hein aap ke aisey halaat mein kakul-o gaisu aur lab-o rukhsar ki gunjaesh naheen reh jaati. Allah Ta'ala is mulk ko apni hifazat mein rakhey.....aameen Qamar mohtaram aap ne jin alfaaz sey navaaza, aur khusoosan aapki hamnavaii k liye azhed mamnon e ehsaan hooN.
khaalid
|
|
|
Post by Rafi Tabasum on Jan 14, 2008 23:01:36 GMT 5
wahhhhhhhhh
|
|
|
Post by khalid on Jan 14, 2008 23:22:06 GMT 5
aadaab!
|
|