|
Post by ziabaloch on Jan 17, 2009 3:06:39 GMT 5
Yaaran-e-Anjuman, aadaab !
apnii aek nazm ke saath Haazir-e-Khidmat hooN , ummeed hai k apnii qeemati aaraa se navaazeN ge ! shukriya
:: Urdu Version ::
:: Roman Version ::
1.
ham BalochoN se yeh ik jurm hu'aa hai to sahii sach ka izhaar sar-e-a'aam kiyaa hai to sahii !
2.
aur kyaa chaahiye Bolan ki vaadii meiN tujhe ? is ke gulshan meiN ravaaN mauj-e-qazaa hai to sahii !
3.
naam detaa hai jise jaam-e-uKhavvat kaa tuu ! ham ne yeh zahr ka'ii baar piyaa hai to sahii !
4.
aur kab tak yuuNhi Khaamosh tamaashaa'i baneN ? muddatoN ham ne tiraa zulm sahaa hai to sahii !
5.
tujh se deerenah vafaao'N ke Sile meiN ham ko maut ki shakl meiN ina'aam milaa hai to sahii !
6.
aur kis tarH mile qaum-faroshii ki sazaa ? tujh ko taareeKh ne Ghaddaar likhaa hai to sahii !
7.
is se baRh kar tiri tauheen bhalaa kyaa hogii ? Gher ke saamne sar tera jhukaa hai to sahii !
8.
jab se nikle haiN :Zia: jaan hathelii pe liye tere eevaanoN meiN kuhraam bapaa hai to sahii !
..........................................................................................
shukriya
Zia Baloch
|
|
|
Post by Sukhanwar on Jan 17, 2009 10:43:20 GMT 5
zia sahab aap ki poetry parhnay ko mili yeh ghazal hy ya nazm aap isay kuch bhi keh lain yeh to aik nohaa musalsal noha jo balochistan k awaam ki awaaz hy khak aur khoon main luthrrat huay logon ki dil gudaaz kahani boht moassar andaz main byaan ki hy aap nay thanx razi
|
|
|
Post by Meticulous on Jan 17, 2009 13:38:25 GMT 5
buhat khoob..
|
|
|
Post by tmasood on Jan 17, 2009 18:27:38 GMT 5
Zia Bha'ee
bohat khoob
daad qabuul fermaaiN
|
|
|
Post by Atif Mirza on Apr 22, 2009 19:46:33 GMT 5
Zia bhai daad hazir hai! Bahut umda kawish hai.
|
|
|
Post by ramishjaan on Apr 25, 2009 20:56:42 GMT 5
AOA Zia bhai ap ki dard se mehkati hoi kawish dekhi jesa razi bhai ne kaha he ke yeh tumam bloch bahio,n aur behno ka noha e musalsal he to Zia bhai me kehna chahta ho,n yeh sirf Bloch bhaio,n ka hi nahi balke har Pakistani ke jazbat ki tarjmunai ki he ap ne so duaa he ke Allha BLOCHISTAN aur Paksitan par apna khas fazal rakhe aur aman qayem farmye Ameen suma Ameen waslam mukhlis ramishjaan[/size]
|
|
|
Post by HASIB RANA on Oct 26, 2009 7:26:05 GMT 5
NICE ONE AaP KAHAN SE BELONG KERTY HAIN ... Mr ZIA HAVE A NICE DAY[/COLOR]
|
|
|
Post by tmasood on May 21, 2011 16:23:33 GMT 5
Zia Saheb boat derdnaak haqeeqatieN Paksitan maiN her jagah bikhri paRee haiN zulm jahaaN per bhi ho qabil-e-muzammat hai
aap ki yeh nazm aap k derd ki akaaasi kerti hai
Khuda Pakistan ko aisee qayaadat aur awaam de jo mutahid ho ker sirf aik Paksitani ki haisiyyat se Pakistan ko am'n kaa gehwaara banaaieN.Ameen
|
|