|
Post by Sukhanwar on Jan 11, 2009 13:19:37 GMT 5
kanwal is bazm ki motabar rukn hain shair bhi kehti hain aur nasr bhi likhti hain kanwal shaadi k baad sy forum main kum kum aa rahi hain magar un ka shumaar ab bhi hamari top posters main hota hy aaj hum kanwal ka intervew shuroo kar rahay hain is umeed k saath isi interview k bahanay woh forum main dobara faal hon gi kanwal aap sy pehla sawal yehi hy k aap apnay baaray mukhtasir bataain apna taaruf khud karaain doston sy bhi guzarish hy k woh kanwal sy sawalat karain thanx razi
|
|
|
Post by ramishjaan on Jan 12, 2009 19:14:07 GMT 5
AOA RAzi bhai ap ka shukriya ke ap ne haume yeh mouqa diya ke hum apni sathi Saima kanwal jee ko is inter wiew ke zariye mazeed jan sake ALLHA kare ap ki aur huamri is bazm ka yeh thred hamesha mohabat aur khlos ke sath chalta rahe ameen suma ameen ........
mai,n kanwal jee se koi sawal karne se pehle apna farz samjhta ho,n ke me kanwal jee ke bare me kuch likho take is bazm me naye ane wale log kanwal jee ko behtar andaz me samjh sake .......
Kanwal jee aur mai,n age piche hi is bazm par mimber bane yani aj se koi sarhe 3 sal qabl ........ kanwal jee inathei ibtdaei mimber hai,n is bazm ki bohat faal bohat gehra taluq rakhne wali is bazm ke har dour me kanwal jee ne hamesha bazm ke bare me hi socha he Kanwal jee aik bohat umda shaira inthaei achi afsana nigar hai,n ap ki aik inthaei aham mouzu **AURAT ** par tehqeeqi kitab **AABGEENE** ke name se manzre Aam par achuki he ........... Kanwal jee aik hasas dil rakhne wali khatoon hai,n is bazm me in sarhe 3 salo me kai ese adwar aye jaha Kanwal jee aur bazm ke kuch mimbran ke darmeyan ikhtlfat bhi howe magar Kanwal jee ne hamesha is bazm ko is bazm ki izat aur is bazm ke admin Razi bhai ki bat ko ehmiyat di aur hamesha apne zaati ikhtlfat bhola kar bazm ki kiamyabi ke liye kusha,n rahi,n Kanwal jee aik bohat hi nafees shaksiyat aik bohat samjhdar aur farmabardar beti Aik bohat zimedar behan aik bohat wafa shuaar aur pur khlos ehliya hai,n kanwal je ki shadi ko chand mah hi guzre hai,n jis ke bad apni baaz niji majborio,n ki bina par wo is bazm me faal kiradr ada nahi kar paei magar mujhe umeed he ke ab wo baqaeyda faal ho kar apna kam ahsan rang ne ada kare gi INSHALLA aj mujhe yeh likhte howe khushi bhi ho rahi he aur afsos bhi ke isi bazm ke porne bord par jo mukalme ka thred tha us waqt ke inter wiews me Kanwal jee ka inter wiew sub se taweel sub se lateef aur sub se acha tha magar inthei afsos ke baaj wajhoat ki bina par wo inter wiew us bord se hita diya geya jis ka shayd Kanwal jee se zeyda mujhe afsos he aur hamesha rahe ga ........... me duaa go ho,n ke ALLHA talla kanwal jee ke is inter wiew ko bhi bohat kamyab aur umda kare ameen suma ameen
kanwal jee pehle to ap ko is thred me khushamdeed aur muabrik bad kehta ho,n
Kanwal jee ab a bhi jaiye ap to ese ghayb hai,n jese ( us ke sar se wo ) opsssssssssss sorry
ap se is inter wiew ka pehla sawal karne ki saadat me hasil kar raha ho,n ...
kanwal jee chand mah qabal ap ki zindagi ka neya safr shoro howa zindagi ke is mour ko aur is mour par nye hum safar ko kesa paya ap ne ?
waslam mukhlis ramishjaan
[/center][/b]
|
|
zaki
sukhanshanas
Posts: 446
|
Post by zaki on Jan 13, 2009 14:19:33 GMT 5
Bahut khoob Razi bhai.... App ne bahut acha sisila shuroo kia hai... Kanwal ji app kidhar hain...
|
|
jooni
sukhanshanas
Posts: 480
|
Post by jooni on Jan 14, 2009 20:48:51 GMT 5
Kanwal Sahiba,
Apne baaray main kuchh khudd bata'iye pleeeez to
baat aagay barhay.
|
|
jooni
sukhanshanas
Posts: 480
|
Post by jooni on Jan 14, 2009 20:51:34 GMT 5
Kanwal Sahiba,
Ramish Bhai ne aap ka ta'aruf boht achhay andaz
main karaya hai, magar aap apni zuban se kuchh
zroor kehye plzzz.
|
|
|
Post by kanwal on Jan 15, 2009 3:26:26 GMT 5
Salam, Adaab o Tasleemaat, Salut, Guten Tag, Good Day ehl e bazM ,...
Mujhe do din pehley hi khabr hui ke kaNwal ki aik baar phir se shaamat aayee hai ,.....
Lekin MiyaaN waali kya hui time hi nahiN milta, kabhi kissi bhaNwar se nikalne meiN waqt lagta hai to kabhi kissi bhaNwar se.
Aap sab ke message maine parhe haiN, lekin chyuNke iss waqt raat ke 10:40 hue haiN aur miyaN jee ko soojhi ka halwa banaane bheja to socha Aapke intzaar ko kuch kam kar dooN ,... kanwal is bazm ki motabar rukn hain Aapki zarra nawaazi janaaB,
warna to bandi kuch bhi nahiN,... haaN bas itna hi karte haiN k:
Hum jis se milte haiN jhuka dete haiN sar ko Ooncha kabhi apna Qad o qaamat nahiN karte Mitti ki hai taseer ke paani ka asar hai Kaante kabhi phooloN se dagha nahiN karte
aur shayed issi liye dilloN meiN choti si jagaH ban jaati hai iss fazool kaNwal ke liye ,...isse yuN kahooN gi main ke shairoN meiN apne dil ke ehsaasaat pirone aur nasar meiN khoon e jigar bharne ki koshish karti hooN, lekin na khud ko shira samjhti hooN aur na nassar nigaar, ke iss Qabiley se Allah hi ,... Bas kya karooN jee ,...
Koshish to bohat karti hooN lekin abhi IshQ ke imtihaaN aur bhi haiN" lihaaza jald hi waqt nikaalooN gi ,... Haayé ,...
Aik waqt woh tha jab aik din meiN 50 - 100 posts chutkiyoN meiN hoN jaatiN thi, aur aik Abhi ka waqt hai ke aik post ko 50 - 100 din lag jaate haiN ,...
hota hai hota hai ,...
Iss tarah bhi hota hai iss tarah ke kaamoN meiN ,... Are doobara aane ke liye bandi ko kissi bahaane ki zaroorat nahiN ,... Aap shayed bhool rahe haiN dearest Razi jee ,...
k kaNwal bahaano meiN yaqeen nahiN rakhti, jo karna hota hai bas kar jaati hai ,...
Bas yeh zara halaat ki aandhi tham jaaye phir Aap khud kaanoN ko haath lagaayeiN ge ke Khuda ke waaste kaNwal chup kar ja, bas kar ,....... Pehla sawaal aur woh bhi tambeeH ke saath ke "MUKHTASIR"
Razi jee yehi to sab se okha kaam hai ke kaNwal ka "MUKHTASIR" bhi parhne meiN khoob waqt le jaata hai ,... lolz
Apne baare meiN kya bataaoN ke "Ta´reef uss Khuda ki jis ne hummeiN banaaya",...
Lekin Aapke kehne par koshish karti hooN ,...
kaNwal ka Ta´ruf Saima hai aur Saima ka ta´ruf kaNwal ,...
kaNwal namkeen hai to Saima meethi, kaNwal karwi hai to uss karwaahat ko zail karne waali halaawat.
Issi liye to shayed yeh sher hua ke :
KANWAL HOTA MUSHKIL UNHEIN MOM KARNA GULON SI JO TUM MEIN HALWAAT NA HOTI Aik aam se ghar ki aik aam si larki hooN, jo apni choti si hi duniya meiN hi rehna pasand karti hai, jahaN har taraf saaf shafaaf aaine hi aaine sajaa rakhe haiN maine, shayed issi liye mujhey har koi mere jaisa hi nazar aata hai,... aur yehi meri sab se badi khaami hai, kyuNke jab woh aaine toote haiN to unke diye hue zakhmoN se barsoN khooN rissta rehta hai, ...
Mujh meiN bhi aroN ki taraH khaamiyaN bhi haiN aur khoobiyaaN bhi, jaise chand ki garhoN samet Khubsoorati,...
khaamiyaaN aur khoobiyaaN phir kisi din ginwaaeiN ge janaaB phir kaheiN ge ke bas shuru ho gi ,....
Mukhtasarin yeh ke mera taluQ to Pak se hai lekin barsoN se Germany ki hawaaoN meiN saans le rahi hooN, urdu se lagao raha issi liye yahaN paayee jaati hooN ,...
Beauty parlour ka kaam aur phir bahir ka kaam aur phir office ka kaam yehi filhaal meri masroofiyaat haiN ,...>>>Aaj ke liye itna hi InshallaH kal baaqi doston ke jawaabaat Sukhanwar ke dil pe naqsh karooNgi ,... <<<
|
|
|
Post by kanwal on Jan 16, 2009 2:16:50 GMT 5
W salam jee ,...[/center][/b][/quote] Ameen ,...[/center][/b][/quote] achaaaaaaaaaaaaaa jee ,...
dekhte haiN kitna jaante haiN Aap kaNwal ko ,... [/center][/b][/quote] good Start ,... [/center][/b][/quote] [/center][/b][/quote] good ,...
Par ramish jee mujhe aisa kyuN lag raha tha jaise Aap kaNwal ka ta´ruf nahiN balke aik mez ya kursi pe mazmoon likh rahe haiN ,.... lolz
Yeh aik mez hai, iss mez ki chaar taangeiN hai, mez ka rang khaaki hai, mez parhne ke kaam aata hai, mez khaana khaane ke bhi kaam aata hai, aur mez computer rakhne ke bhi kaam aata hai, iss liye iss mez pe main apna computer rakhta hooN. iss mez par rakhe computer meiN net pe bhi hai jis pe baith ke main Sukhanwar daura chala aata hooN ,....
Ab Allah hi khair kare net ka aur computer aur mez ka ,.... [/center][/b][/quote] Kis ko kitna afsos hai yeh to Rab hi jaanta hai, aik moorat banai jaaye phir uss meiN jaan daali jaaye aur jab zindagi ki lehr uss meiN daurne lage to usse nisat o na´bood kar diya jaaye, to dil pe kya guzarti hai, yeh to wohi mehsoos kar sakta hai na jiss ne aisa kiya ho, khair
Subah honi chahiye aur raat dhalni chahiye Lekin iske waste tehreek chalni chahiye
Jin yaadoN ke azaab uthte na hoN to phir usse Bhool jaane ki koi soorat nikalni chahiye [/center][/b][/quote] Thank you ,... [/center][/b][/quote] haiN Ramish jee Aapne khud ko gadha kab se banaa liya ,.......
:ooh very Sad ,... [/center][/b][/quote] Yeh saa´dat to razi jee le gaye Ramish jee tussi hun makhiyaaN uddaa´o ,... [/center][/b][/quote] Zindagi ka naya maur, Zindagi ka naya humsafar ko kaisa paaya? ,...
Zindagi ke iss maur par hazaaroN pareshaniyaN hazaaroN khad´shoN ka andhera, hazaaroN aansooN ka raila, darr, khauf, aur bechainiyoN ka Mella milla, ...
iss khauf, darr, khad´she ko main chaah kar bhi na door kar saki, aur na avoid kar saki,... aur na khud meiN daffan kar saki, bas issi liye keh diya ,...
Suno ,... Kehte haiN wo hum se hai pal do pal ka saath apna Kabhi naa haath chhoote ga, yaqeeN dil ko dilaana hai
Lekin
Zindagi ke humsafar meiN maine andheroN ko cheerne waali roshni, mithaas, pareshaaniyoN ko zail karne waali muskaaN, hifaazat, mohabbat aur bas mohabbat paayee ,...
itni mohabbat jiss meiN sirf main hi nahiN balke mere jaanane waale, mere parents, mere behan bhai, meri sabhi rishte daar doob gaye,...
mujhse to rishta hai par woh shakhs ghairoN ko bhi apna garveeda bana leta hai, ke uss ka khameer hi oopar waale ne halaawat ke paani aur mohabbat ki mitti se goondha hai.
maine kabhi haaaroN dua´eiN maangi thiN, jaane oon dua´oN meiN kaisi taseer thi ke meri khaahish se barh ke oopar waale ne mera Daaman bhar diya hai, jaane kaunsi du´aoN ka Silla hai mera humsafar, ...
Abhi bhi pareshaaniyaN haiN, mushkiloN meiN ghiri hooN, tens ho jaati hooN halaat se jab bhi apne humsafar ko dekhti hooN dil se aik hi baat nikalati hai ,...
Tiri muskaan ke jugnoo, nigaahoN meiN samete haiN Diyaa umeed ka jeevan meiN, maine ab jalaana hai
Bas ab to dil khuda se sirf aik hi dua maangta hai ke halaat ke bhaNwar jaise bhi yeh saath na chhoote, mujhe aaj bhi achi taraH yaad hai meri shaadi ka din, meri Rukhsati ka waqt , mujhe stage pe kya bithaaya gaya to meri aankhoN ko bheegne se main na rok paati, jitni der baith rahi sab hansaane ki koshish karte rahe, aik baar to ami uth ke aa gayee ke baita pareshaan kyuN ho, thora muskura´o saaf tens lag rahi ho, aur jab Abu aa kar paas baithe, sar pe haath rakha jee chaha ke sab kuch bhulaa kar Abu ke gale lag ke ro´uN ke mujhe nahiN jaana iss mod pe jahaN khadshoN ke hazaaroN naaG mujhe daste haiN,... khud pe zabt karna kitna mushkil ho sakta hai uss pal ehsaas hua, aur mera meri rukhsati ka safar jahaN mera dil, meri rooH meri zubaaN usske aage sajdaa rez rahi ke Mere Malik koi kuch bhi kahe, yeh rishtaa tune khud banaaya hai, yeh saath tune likha hai to isse nibhaane ki himmat bhi tu hi ataa kar ke main to aik gunaaH gaar hooN, be shaq main kisi ki baatoN pe yaqeen nahiN rakhti, ke asl naseeb to tere hi haath hai par iss khauf ki basti meiN jahaN aa phaNsi hooN yahaN se tu hi rasta dikhaa ,...
dher ghente ka safar mera bas yuNhi guzra aur humesha ki taraH
LaakhoN khataeiN kar ke jo jhukta hooN ooski tarf Phaila ke haath milte haiN mujh se wafa yeh hai
Meri Shadi aur Waleeme meiN do din ka faasla raha, yani 17 ko shadi aur 20 ko Waleema, aur sab tasveeroN meiN mere dil ki haalat numaaya nazR aati hai, shadi meiN hazaar koshishoN pe bhi sab mere chehre pe muskaaN na la sake aur Waleeme ki 75% tasveeroN ne sabhi ko chaunkaa diya ,...
bas kuch aisa namkeen, khatha meetha paaya maine iss naye maur aur apne huMsafar ko ,...
|
|
|
Post by kanwal on Jan 16, 2009 2:18:13 GMT 5
[/center][/b][/quote] iss Safar ki ibtidaa meiN dil se jo niklaa wohi Aapke saamne rakh deti hooN, Ab Aap khud hi andaaza laga lijiye ga.
Tire dil ke jharoke meiN mujhe khud ko sajaana hai Na humko bhool paao ge, yuN tujhko yaad aana hai Bohat hai husn be shaQ iss safar ke darmiyaaN lekin Jo guzre sang tere bas wohi ik pal suhaana hai Mire daaman meiN gulshan bhar diye haiN tu ne humrahi Tire ghar, tere aangan ko gulistaaN ab banana hai Suno ,... Kehte haiN wo hum se hai pal do pal ka saath apna Kabhi naa haath chhoote ga, yaqeeN dil ko dilaana hai Tiri muskaan ke jugnoo, nigaahoN meiN samete haiN Diyaa umeed ka jeevan meiN, maine ab jalaana hai Haraao shauQ se humko magar yeh jaan lo tum bhi Humi se jeet kar phir tumko dil se haar jaana hai Muhabbat ki zaroorat hai, kabhi izhaar karna bhi Agar hai to kaho naa, phir sanam se kya chhupana hai Kabhi tark e wafaa karte nahiN, huM chaahe kuch bhi ho HumeiN tum aazmaa lo, jitnaa chaahe aazmaana hai Kabhi to mur ke dekh, E dushman e jaaN tere jaane se kaNwal kaise bikharti hai, kabhi tune yeh jaana hai?
|
|
|
Post by kanwal on Jan 16, 2009 2:30:03 GMT 5
Bahut khoob Razi bhai.... App ne bahut acha sisila shuroo kia hai... Kanwal ji app kidhar hain... huM to idhar haiN jee, Aap kidhar haiN ,...
Shayed SawaaloN ki potlli tayaar kar rahe haiN Aap ,...
|
|
|
Post by ramishjaan on Jan 17, 2009 0:24:04 GMT 5
AOA Kanwal jee shuakr he ap aei to sahi khushamdeed jee ap ko haumra likha pasand aya us ke liye no shukriya .......
sar se seeng ap ke ghayb the jee mere nahi .........
kanwal jee atte hai,n sawal ki janib
1 ap ka pasandeeda rang ? 2 Ap ki pasndeeda shaksiyat ? 3 ap ki pasandeeda khushbo ? 4 ap ke pasandeesa shair ? waslam mukhlis ramishjaan
|
|
|
Post by Atif Mirza on Jan 25, 2009 18:18:47 GMT 5
Lekin MiyaaN waali kya hui time hi nahiN milta, kabhi kissi bhaNwar se nikalne meiN waqt lagta hai to kabhi kissi bhaNwar se.[/center][/b][/color][/quote] Aray aapaa jaan! ap ko kis nay kaha tha MiyaaN waali honay ko! aap nay shayad Pakistan ka Jughraafia nahiN paRha, District MiaNWali kay baaray maiN pataa kar lia hota!
Khair yeh bataaiay keh kayaa baras kay baad Pakistan aanaa kaisa laga tha?
Multan maiN taqreeb maiN aap ko kia mehsoosaat thay!
|
|
|
Post by Atif Mirza on Feb 11, 2009 20:50:54 GMT 5
Aray bhaiyo aur behno! Mukalma kehtay dau l;ogoN kay darmiyaan baat cheet. YahaaN tau yeh haal hai keh:-
Khud hi bolta hooN aur khud hi sunn raha hooN maiN.
Yeh tau Khud kalaami hai..........
|
|