|
Post by kanwal on Feb 29, 2008 0:48:54 GMT 5
|
|
|
Post by kanwal on Feb 29, 2008 0:55:16 GMT 5
Iss ke Roman Ramish jee ne kar ke meri help ki hai ,.... Thank yoU ramish jee ,.... ........................................................................... mujhe to samjhne ki koshish na karna ke wusaat me apni sumandar rahi hon Aurat ik sumandar ki tarha hai jo apne andar kayee toofaan kayee nageeney chhupaye pur sakoon nazr aati hai,...
Shayd isi liye Aaj bhi Aurat ko samjhne ka dawaa karne waale bhi sahi andaz meiN Aurat ki gehrayee tak nahiN pohanch paaye haiN. Balke ussi tarha jis tarha ghauta zann samandar se laal o jowahar to nikalne meiN kaamyab rehta hai magar phir bhi poore sumandar ki gehraayee naapne ki wusaat nahi rakhta-
Meri bhi badi chaaH thi ke koi mera ho,..... koi mujhe chaahe,..... koi ho jo meri har aik khsuhi par khud ko qurban kar de. Bachpan se hi mujhe islami muaashrey meiN ik ajjab si kashish nazr aati rahi shayed meri dost saadiya musalman thi is wajha se ..... us keghar humara bohat ana jana tha isi liye dhere dhere mere andar islami talimat rwaj o rawayat ne jagha banani shoro kar di.. namaz roza ... jab main apni dost ko parhte dekhti to ji chahta ke main bhi yeh sab kar ke dekho ke is me keya sakoon mouesar atta he . our phir akhir main ne sab sebaghwat kar li ---- apne khandan dosto maashre se baghi ho kar main ne islam qabol kar liya our phir jo qalbe sakoon mouesar howa us ke waste duniya ki kisi lughat me shayd hi koi lafz milta ho ...... sadiya ki shadi hoi to wahan mujhe bhi pasand kiya geya our you main shahid ki shareek e hayat ban kar khil uthi --- shaihd bohat kehyal rakhte mera ----- har mushkil waqt me unka sath mujhe kisi neemat se kam na laga - waqt mere angan me do phol khila kar you ghzar geya jese thandi hawa ka jhaonka .... shaihd ke pepers clear howe to wo pakistan chale ge our main apne do pholo si bachion ke liye un ke intzar me sadion se din katne lagi - akhir waqt ke mujh par reham Aa hi geya our me lapak kar darwaze talak gai par waha shahid ke badle aik ragistry meri qismat par hans rahi - wo ragistry thi ja koi barod jis ne mujhe tabha kar diya . talaq ke is barod ne meri zaat ke parkahche ura diye our main apne hosh o hawas kho bethi , nahi yad mujhe kitna arsa laga apne tukre samet,te howe - mujhe nahi khabar ke mere bad mere phol kis ke angan me khilte rahe mer eliye to bas wo dard tha jis ne mere dil ki basti ke dehla diya tha -lagta tha ke bas zameen ohat jae our me kahi sama jaoN - kehte hain waqt bade se bada zakhm bhi bhar deta he -shayd isi mujhe bhi ahista ahista sabr ane laga our me ne apni zat ke tukro ko samat,te howe mout ko hara kar phir s ezindagi ki ankh se ankh mila kar jeena shoro kar diya .jab jeena shoro kiya to zindagi ne muskra kar aik our bhanwar me la pehnka . sadiya ka kehna tha ke is choti umr me waqt guzarna mushkil he bachiya bhi abhi choti hain tumhe sahare ki zarorat he balal acha he wo tumhe khush rakhe ga our tumhri bachio ko bhi khush dili se qabol kar le ga .. magar yeh dil tha ke manta na tha ... dodh ka jala chahch bhi phonk phonk kar peeta he so me kese yaqen kar leti mere inkar par balal ne khud mujh se rabta kiya our kaha .. main janta hon ke ap ke dil me khof he main dil se ap ki bohat qadr karta our pori sachei se ap ki tarf me ne khud hath bahrhya he ap chae to yeh hath tham le chahe to jhatk de our phir me ne us ka hath tham liya our phir dulhan ban lakho khadshat dil me samoye howe ik our ghar ki zeenat ban gai - balal meri bachioN ke liye haqiqatan aik shafeeq bap ka rop ikhtiyar kar geya . jis s emere khadshat kum hone shoro howe our phir aik chota sa balal meri goud me meri rooh ki seerab karne laga . mujhe you mehsos hota ke jese barso sehra me bhatakte howe achanak kahi se ik mitha our thanda chashma mil geya ho par jane kea howa ke wo chashma din badin sokhne laga our me sehra me phir se dar ba dar bhatkne lagi - jab se balal ke peper mukmal howe us me ajeeb se ik bezari jhalkne lagi wo bat bat par jhagrne laga .you mehsos hota jese wo koi qeedi he j jail tor kar bhagna chahta he - our akhir kar us ne wo jail tor hi li our ak our kagzah mere hatho me thama kar aoni rah ho liya - magar is bar na meri zaat ke parkhache ude our na meri sudh budh khoi ke me ne us qedi ki bate apne kano se sun li thi je us ne badi khobsorti se kisi ke kano me undeli thi ...
;; shahid bhai ab ap batye ke me keya karo ap ne mujh se das hazar euro wasol kar ke apni biwi ko talaq di thi ke nere pepers bhi clear ho sake . ab mere pepers mukmal ho ge hain mujhe paksitan jana wahan meri mangetar meri rah dekh rahi he . ab ap wapis ajye apni biwi ko akar snahbale our meri jan chote is museebat se ..... shaihd wapsi age hain our bar bar mere raste main akar mujeh kamzor karne ki koshish karte hain wo jante hain ke me inhe dil o jan se chaha he our me un ki har khata ko maaf kar sakti hoN ssdiya aksar mujh se maafi mangti he apne logo apne maashre ki tarf se us ko shayd khof he ke me islam chod na do our bad dil ho kar ghalt rah par na nikal jao - mere dost ghar wale khandan wale mujhe roz phon kar ke apne pas bulate hain islami mazhab maashre ki badsorat shakle aayaN karte hain our meri khamsohi par sab apne apne andaz me mujhe ghalt tehrate hain meri aqal par tasuf karte howe kehte hain ;;hame samjh nahi atti ke akhir tum chaht keya ho - our main - main sirf itna muskra ke keh pati hoN ke mujhe to samjhne ki koshish na karna ke wusaat me apni sumandar rahi hon wah... saniya ... sach main tum bohat khob kehti ho waqye ourat ko koi na smajh paya he our na kabhi smajh paye ga - ke ourat ka aik rop sumandar ka he to aik roop lakri ki sorat -jo admi ki har zarorat ko pora karti chali jatihe bina yeh soche ke is ke ewaz jane keya mile ga - phol se daman mehke ga ya khar s elaholuhan ho ga -- larki our lakri me farq keya he ? - sirf aik harf ka hi na kam to dono ka aik hi he ke in ki fitrat me rakha he ouro ki liye jeena our andar hi andar sulagte rehna --mujhe dekho barso hoge watan chode bohat je chahta wapis jaoN apno me apno mati me magar afoso ke zeet ke is bhanwar se nikalne ki koi rah nahi he sochti hoN kis monh se jaoN gi keya kaho gi apno ko ..waqt kese beet geya pata hi nahi chala . das sal guzar chuke hain our abhi lagta he kal ki bat jab haidar huameghar rishta laye the mere behan bhaioN ne mujhe bohat samjhane ki koshish ki magar meri pasand ke age sab ko sar jhukana pada . kuch arse bad wo germay chale aye our un ki yadoN kw tasawar me sajye din guzarne ka ehsas bhi na howa our qareban do mahine bad hi kai sapne sajye apna watan apne log apni mati ko alwida kar aei airport pe in ko dekh kar mera ruwaN ruwaN mehkane laga magar wo kafi pareshan dekhei de rahe the kehne lage tum s eaik bat karni he wo yeh ke hum abhi ghar ja rahe hain magar us ghar me meri pehli biwi our panch bache bhi hain magar wo mer cousan our dehati he mera us k aguzara nahi me jald tumhe alag ghar me rakho ga bas kuch din sabar kar lena ------- tumhe is liye bata raha hon ke tum pareshan mat hona -- ou rme thi ke mujhe kuch na suanei de raha our na kuch samjh araha tha ba sje chahta tha ke mera dil phat jaye ja yeh zameen . yeh shakhs jis se me be intha mohabat karti hoN wo is qadr doghla -- qismat ne ajeeb dorahe pe la patkha tha mujhe na age ja sakti thi our na piche - piche kis monh sejati ke piche sari kashtiyan to jala aei thi - so age hi jane ki sochi our na chhate how ebhi soutan ke ghar kuch ars arehna pada our you das bars guzar ge - saniya in das barso me keya kaho ke keya nahi saha me ne do bache hain mere magar aj bhi wo shakhs jab chahta he mujeh be izat kar deta he marta he our me sab sehti hon sirf is liye ke mere bacho ke sar par bap ka saya rahe - pehli biwi to na ruub me ati he our na ghar me ghusne deti he our us ka ghusa bhi mujh par niklate haon kirdar ke ese ke sab pinah mangte hain - mere bad aik our shadi ki he ke ourat un ke liye sirf tisho peper se hesiyat nahi rakhti is liy ekai ourte un ki zinagi me aei our gai ,bache utla mujhe kehte hain me kion bardasht karti hoN wo keya jane ke me sulagti lakri ki tarha is aas me bathi ho ke kabhi to in ko ehsas ho ga me kion chod do un ko mer ato koi is pardees me sahara bhi nahi bas aik khof he - jo deemak ki tarah khaye ja raha ke mere ghar wale khandan wale mujhe ruswa kare ge ke me ne man mani ki thi - saniya me esi deemak zada lakri ho gai hoH jo bazahar badi mazbot nazar ati he magar andar se khokhli he ke dar he kahin hath lagane se hi reza reza na ho jaye
sach kaha tum don ne ourat ka aik roop sumandar he aik roop deemak zada lakri ka he to aik roop mom s abhi he - ourat mom ki tarha andar hi andar pighalti rehti he our log samjhte hain ke wo khatam ho jae gi par wo yeh nhi jante ke mom pighal kar ik dosri sorat ikhteyar kar jati he our phir s ejalne ke liye teyar hojati he ------ mard samjhta he ourat ko asani se bewaqouf bana ya ja skata par wo yeh bhol jata he ke sirf mohabat ki aag he jo ourat ki pighlati he warna ourat chitan ki sorat bhi he jise koi apni jagha se nahi hila sakta bas yeh kambakht mohabat ki aanch hoti he jo ahista ahista chatan me sorakh kar ke lawa teyar karti he our aik chatn bhi mom ki tarha dhe jati he - sheraz se meri shadi keya hoi mujhe laga janat mil gai - mujh jesi mazoor ourat ko sheraz jesa shohar milna kisi neemat se kam na tha our us pa un ki mohabat ke kabhi unho ne ehsas bhi na hone diya ke me chal nahi skati - me din bhar school me parhato our sham ko wapsi par wo apni mithi mithi bato se meri sari thakan ko bhaga dete un ki khwahish thi ke abhi huamre angan me phool na khile so me ne un ki khwahish ka ehtram kiya e me ne un ko mohabat ke dewata mana tha . sheraz ne bhi mujh se be itha mohabat ki - magar jane keya kami thi i smohabat me ke un ko aik our sathi ki zarorat mehsos hone lagi unka kehna tha ke me youhni kam karti rahoN wo hum dono ko rakhe ge magar shayd meri mohabat raqeeb bardasht na kar saki our jald bazi me me waldeen ke ghar is aas par aagai ke wo mujhe manane aye ge magar din mahino me badal ge our mahine sal me our me yahan germany agai ke wahan zindagi mere liye khat.tan ho gai thi das bars me ne un ki rah dekhi he uns erabta kiya un ki har zeydti ke bholane par teyar rahi par o apni anaa ka but banye meri mohabat ko tuhkrate rahe our akhir me ne thak ke khulaa ki arzi de di ke shad yeh pathar pigal jaye magar meri har aas tot,ti chali gai our huamri rahe juda ho gai - rahe juda keya hoi ke aik ne humsafar ke sath meri zindagi ki dor bandh gai par wo dor itni kachi nikli ke aik hi jahtke me tot gai main nahi janti ghalti is me kis ki thi meri sheeraz ki halat ki meri qismat ki ja meri mohabat ki par jo bhi thi me ne us ki saza bhugti he aj bhi mera dil sirf sheeraz ki tarf jhukta he aj phir me un ki rah tak rahi hon un ke liye sab kar guzro gi je wo aik bar haN kare par wo sitam gar apni ana ke but banye aj bhi mujhe tadpa raha he - na shadi ki us ne dosri --our na hi mujhe bhula paya he oir na mujhe apnata he our main hon us ana ke but ke smane lamha ba lamha pighalti ja rahi hoN is ke intzar me phir mazbot hoti hon phir pighalti hoour phir mazbot hoti ho ke mera dil kehta he ke chhate ga yeh ghubar kabhi ho gi umeeed e sehar yeh soch kar bas main kanwal apne dil ko samjha leti hoN dilasa use de deti hoN main tout kar bikhar bhi jaoN to kirchi kirchi khud ke sameet leti hoN our anosoN se phir me khud ko pigla ke is seese ki manind our mazbot bana leti hoN ourat ourat ourat ...... kitne roop hain ourat ke har rrop me ourat harfe sada hi rahi - kabhi use us ke peda karne wale palne wale na samjh paye to kabhi us ko mohabat me pojne wale na samjh paye - wo beti he maa he behan he biwe he par kahmoshi se sumandar ki tughyani dil me samaye wo deemak zada lakri ki sorat apna bharm bachae ,mom ki tarha piglta apna wajud apne mehbob ke liye sajye har roop me intzar ki tapti rayet me chal rahi he is umeed par e kahin to ik zara si tahndi chaon muasar ho gi - is harfe sada ka roop sumandar he deemak zada lakri he mom he to aik roop aabgeene ka bhi he .esa aabgeena jo is khof ki tehweel me rehta he kahin tout na jaye kahin kisi ke lams ka nishan us ke husn ko daghdar na kar de ke kai kirdar hain jo nazuk se aayene pa aik halka sa nishan bhi bardasht nahi kar pate --- main aabgeena hoN jis ke samne aik shahzada aya to kehne laga jis ne mujh me khud ko dekha our mujhe mutbaar kar diya mujhe itni hifazat se rakha ke mujhe apne aabgeene hone par rashk hone laga - wo shahzada rawyat ki zanjeero me muqeyad is bat ke bhol geya e reyasto ke waste armano ka khon baha maaf howa karta our jab use yeh ehsash howa to mujh pe ansoo baha ke apni majborioN ki dastan suna ke apni reyastoN ki samt ho liya .aj bhi us ke ansoN se meri rooh dhudnlaei hoi he .. is dhundlahat me ik faqeer nazr atta he jo sartapa mohabat hi mohabat he jis ka kashkhol khali he jo sir fmohabt ke chand siko ka sawali he par use me keya jawab doN ke me to ik aabgeena hoN ik khof me lipta howa aabgeeena -- jis ekhof he koi is ayene ke andar na jhank le jahaN sirf ik shahzada basta he jahanN ik faqeer ki dasa gonjti he - jise khof he ke kabhi ni ise mutbar kiya tha to ab us ka malik us ke misi ka aks na dekh le ke agar us me kisi ka aks nazr aya to wo kirchi kirchi hokar roho ko zakhmi kar de ga - magar mere shehzade kw Aaj mujh se shikyat he k me ne us ki rawyat ko kion na apnya mere faqeer ko aj mujh se shikaya he ke aj talak me ne kion mohabat ka aik sika us ki jholi me na dala ----- jane ksi kis ko mujh se shaiykat he jane kis kis ke liye me paheli hoN bas itna sa sawal he mera ...
un se jo mujhe samjhne ka dawa karte hain
jo harfe sada ki surat hamesha likhi gai wo ladki tere liye kis tarha paheli hoi saima kanwal germany
|
|
|
Post by sunita on Feb 29, 2008 1:34:34 GMT 5
waah kanwal, kitni mehnat aur lagan se tumne yeh afsaane kahe hain jo kaafi had tak sach jaise hain.Europe ho ya western world ki koii bhi jagah, yahan aurat ko sirf zaroorat samjha jaata hai, kabhi waqt guzaarane ke liye aur kabhi paper lene ke liye. Aur ek aur baat kahungi yahan jo shaayad sab ko theek na lage.muaafi chaahti hun lekin iss baat mein kisi had tak sach hai, ki jab Islaam ne mard ko 4 shaadiiyoN ka haq diya hai tabhi mard aisi baat karna apna haq samajhte hain.Sirf europe mein hi yeh nahin hota, apne mulak mein bhi auratoN ke saath yeh hi hota hai ki ek biwi hai lekin mard ko ab doosari biwi bhi chaahiiye.wajah sirf yeh bataayenge ki pehli vaali ke aur bachhe nahin ho sakte iss liye.to inn mardoN se koii poochhe ki kya tumne apni ek fauj banaani hai? kya 4-5 bachhe kam hote hain jo aur biwi aur aur bachhe chaahiiye hain? Pista kaun hai aakhir iss sab baat mein....aurat hi na? lekin aurat ka hi to qasoor hai jo sab sehti hai aur kuch kehti nahin.jab tak vo sehti jaayegi uss par jurm hote rahenge. aur yeh bahut dukh aur sharamnaak baat hai jis ka koii ilaaj nahin. tum haesha achha likhti ho aur yeh bhi tumne bahut achha likha hai.mubaark ho.
|
|
|
Post by ramishjaan on Feb 29, 2008 3:28:35 GMT 5
AOA kanwal jee bohat ho khobsorat andaz me tehreer kiya he ap ne in mouzaat ko our bohat ahsan rang me nibhaya bhi he pora pora insaf kiya he ap ne mazameen ke sath ....................
ap ki thereer me hamesha aik dukh aik maashrati takleef ka izhar milta he yeh sab na sirf huamre mashre balke aj ki duniya ke har maashre ka yehi hal he aurat ki izat kisi aik bhi maashare me us tarha nahi ki jati jis tarha us ka haq he ALLHA kare ap ki qalam se nikli hoi esi tehreere mardo ko kuch aqal atta kare our eo aurat ke muqam asli muqam ko pehchan sake ameen ...................................
is umda tehreer ke liye bohat sari dad qabol ki jyie...... our kanwal jee ache bache jo hote hain wo dosto ko in choti choti bato par shukriya nahi ada karte
waslam mukhlis ramishjaan
|
|
|
Post by ramishjaan on Feb 29, 2008 3:40:05 GMT 5
AOA qable ehtram sunita didi kesi hain aap didi bohat maazrat chahta hon ke ap ko kuch kehna chahta hon ............................
didi sirf aik wazhat karni chahta hon ke jitni izaat our ehtram islam ne aurat ko di roye zameen par aj tak kisi mazhab ne nahi di .... didi afrad mazhab se bante hain mazhab ifrad se nahi agar islam ke chand ja chale aik kaseer taedad bhi koi ghalt iqdam uthati he to bhi mere nazdeek us ka ilazm ja us ki wajha mazhab ko nahi qarar diya ja sakta ....... islam 4 shadion ki ijazat zaror deta he our is taleem ko agar ap kabhi quran our kisi sahbe ilm ki roshni me agahi hasil kare to me umeed karta hon ke ap ki yeh ghalt fehmi door ho jaye gi ke is duniya ke maasharo me aurat par jo zulm rawaN he wo islam ke is hukm ki wajha se nahi hain ............... me ne ieh wazhat is lyie zrori samjhi ke ap ne jis rang me apne khadshat ka izhar kiya tha is se aik nai behas janam le skati he is lyie me ne munasib samjha ke apni aqal ke mutabiq is pehlo par jistni roshni dal sako dal do umeed he didi ap meri bat ka bura nahi manye gi our islam ke is hukm par ap tehqeq zaror ki jiye aik bar phir dili mazrat didi agar meri koi bat ap ko gher munasib lagi ho to ..............waslam ap ka bhai ramishjaan
|
|
|
Post by sunita on Feb 29, 2008 6:21:30 GMT 5
mubaarak ho kanwal, tumne to apne baare mein bataaya hi nahin, bas Ramish ji ko mubaarakbaad dilwa di.yeh hote hain sache dost.khush raho.
|
|
|
Post by sunita on Feb 29, 2008 6:31:16 GMT 5
ramish bhai muaafi chaahti hun ki meri baat aap ko buri lagi.shaayad mein ne theek se samjhaaya nahin ya bataa nahin paayi ki main kya kehna chaahti huN.Mujhe aap ne aur kanwal ne Islaam ki itni achhi achhi baatain bataayi hain aur main aap ki ehsaanmand huN.main har mazhab ki poori poori izzat karti huN.main yeh kehna chaah rahi thi ki Islaam main 4 shaadiiyaan jaayez hain aur kyuN jaayez hain uss ke baare mein kanwal ne pooraani bazm mein afsaana likha tha jo mujhe abhi tak yaad hai.Islaam mein yeh izaazat iss liye hai ki auratoN ki madad ho sake lekin iss aazaadi ko mardoN ne apni khushiiyoN ke liye galat tarah se istemaal karna shuru kar diya hai.aur asal zindagi ke is pehlu se aap bhi waaqif haiN, ki kitne aise mard hain vo doosari shaadi iss liye karna chaahte hain ki unka kisi pe dil aa gaya hota hai ya phir vo pehli biwi se uub gaye hain unhe kuch naya chaahiiye.iss baat ka example aap ko yaad hi hoga jab hamaare kisi jaanane vaale ne bhi aur shaadi ki thi.uss ki shaadi bhi kisi ki madad ke liye nahin thi bas unn janab ko koii pasand tha to doosari shaadi ho gayi.ab unke aisa karne se unki pehli biwi par kya beeti yeh sirf vo aurat hi bata sakti hai. main sirf iss point of view se kehna chaah rahi thi na ki Islaam jaise nek mazhab ki buraaii kar rahi thi.ummeed hai aap ab khafa nahin honge.
|
|
|
Post by Rafi Tabasum on Feb 29, 2008 23:42:46 GMT 5
bohat khoob Kanwal ji
|
|
|
Post by Tanweer on Mar 1, 2008 11:06:12 GMT 5
Kanwal Beti !
Waaah kiya baat hay, aik ba^kamal aur mukamal afsana likha tom nay, bohat omdah.
Aurat ki zindagi k kaee rukh dikhaey tom nay es mein. Aik mukamal aur jame tehreer par meri janib say dheron mobarik.
Tanweer
|
|
|
Post by khalid on Mar 5, 2008 9:05:18 GMT 5
kaNval maiN aapki tehreer ko afsaana nahiN haqeeqat samajhta hooN. kyuNke maiN bhi maghrib meiN muqeem hooN, is liye ye kahaaniyaN yahaN bhi kacrat sey musalmaan merdoN ko be naqaab kerti nazar aati haiN! lekin ye kehna bhi baja ho ga k ye sirf musalmaanoN tak mehdood nahiN hai! hamaare khittey ke tamaam merdaan e aahen is kaar e khar meiN hesb e taufeeq bherpoor tareeqey se shareek haiN.
yahaN ye na kehna bhi aik zeyaadti ho gee ke beishter auqaat papers ki tayaari ke maraahil ke dauraan ye khavateen merdoN ko blackmail kertiiN aur un sey najaaez paisa batorti nazar aati haiN. ye wo khavateen haiN jinka kaarobaar hai papers dilvaana. amreeca ki kaii states maiN alag alag shaadiyaN ki huii haiN inhoN ney. lekin yaqeenan akseriyat aisey merdoN ki hai jo bholi bhaali khavateen ko istemaal kertey aaey haiN.
waisey to aurat hai hi aik mazloom sinf. dunya ke kisi bhi ma,aasrey meiN gheir mehfooz! her jagah exploit hoti hai. aap aaj ke amreeki elections meiN hi deikh leN ke merdoN ko kitnee takleef ho rahi hai hilary clinton ki nomination per. pakistan meiN be nazeer ho ya hind meiN indera gaaNdhi ya sonia gaandhi. aisee kaii misaaleN hoN gi! merdoN ko aurat sirf aik mehkoom ke roop meiN hi qaabil e qubool hai aur bus. daave to baRe baRe kerte haiN merd lekin rishta chaahe koii bhi ho aurat kisi meiN kam aur kisi meiN zyaada exploit hoti hi hai. meiree aik ghazal ka she'r is silsiley meiN munaasib ho ga yahaN share kerna......
jo huqooq e zan ka hai daaee baRa laagher o lachaar us key gher meiN hooN[/size]
in tahareer ke liye meiree jaanib sey bhepoor daad qubool keeje!
dua go, khaalid.[/color]
|
|
|
Post by khalid on Mar 5, 2008 9:17:27 GMT 5
AOA qable ehtram sunita didi kesi hain aap didi bohat maazrat chahta hon ke ap ko kuch kehna chahta hon ............................ didi sirf aik wazhat karni chahta hon ke jitni izaat our ehtram islam ne aurat ko di roye zameen par aj tak kisi mazhab ne nahi di .... didi afrad mazhab se bante hain mazhab ifrad se nahi agar islam ke chand ja chale aik kaseer taedad bhi koi ghalt iqdam uthati he to bhi mere nazdeek us ka ilazm ja us ki wajha mazhab ko nahi qarar diya ja sakta ....... islam 4 shadion ki ijazat zaror deta he our is taleem ko agar ap kabhi quran our kisi sahbe ilm ki roshni me agahi hasil kare to me umeed karta hon ke ap ki yeh ghalt fehmi door ho jaye gi ke is duniya ke maasharo me aurat par jo zulm rawaN he wo islam ke is hukm ki wajha se nahi hain ...............
raamish bhaii aap se mukammal taur per muttafiq hooN! der asl jab 4 shaadiyoN ki ijaazat ke liye wahi naazil huii thi jaNg ke dauraan seNkRoN merd shaheed ho chukey they. ye ijaazat der haqeeqat aisee bewaaoN ko sahaara deine k liye thi. yaani islaam aisey waqt meiN bhi aurat ke bahbood ke liye soch raha tha. is ijaazat ke saath jo pre conditions haiN unka zikr akcer nahiN hota. tamaam 4 beeviyoN ke her tarah ke masaavi huqooq ager merd poore nahiN ker sakta to usey doosri beevi ki ijaazat nahiN hai.
yaqeenan muasalmaan merd 4 shaadiyaN kerta hai. lekin der haqeeqat wo islaam ke usooloN ki khilaaf verzi ker raha hota hai. jeisey ke doosrey ma'aashroN meiN bhi kasrat sey hota hai. maiN ne ''aajtak'' per mutad'did baar aisey merdoN ka munH kaala ker k gadhey per bithaatey aur pit'tey huey deikha hai jinhoN ne chup ker doosri shaadiyaN ki huii thiiN! meirey khayaal meiN nikaah khaN, ya registraar, ya pandit, aur khavateen ko khud is silsiley meiN tehqeeqaat ker leine ki bhi zaroorat hai. ye kaam akser ba vajooh jaan boojh ker nahiN kia jaata. khavateen basa auqaat apne huqooq ko khud pamaal kerti haiN. merd hezraat jhoot bol ker khud jo doosri shaadiyaN kerte haiN, iskey liye islaam, hinduizm, chritianity, ya kisi doosrey mazheb ko qusoorvaar thehraana sarasar na insaafi hai!
me ne ieh wazhat is lyie zrori samjhi ke ap ne jis rang me apne khadshat ka izhar kiya tha is se aik nai behas janam le skati he is lyie me ne munasib samjha ke apni aqal ke mutabiq is pehlo par jistni roshni dal sako dal do umeed he didi ap meri bat ka bura nahi manye gi our islam ke is hukm par ap tehqeq zaror ki jiye aik bar phir dili mazrat didi agar meri koi bat ap ko gher munasib lagi ho to ..............waslam ap ka bhai ramishjaan
|
|