|
Post by Atif Mirza on Apr 30, 2008 19:00:42 GMT 5
Yeh sochta hun kissi ka jahaan tha maiN bhi Kissi zameeN ka kabhi aasmaan tha maiN bhi
Khud apni zaat kay asraar bhi samajh na saka Keh apnay waastay ik imtihaan tha maiN bhi
MaiN apni soch ka izhaar bhi na kar paaya ZabaaN kay hotay huway bay-zabaan tha maiN bhi
UkhaaR phaiNka mujhay raah chalnay waaloN nay MaiN sang-e-meel tha, rastoN ki jaan tha maiN bhi
Mujhay to apnoN ki nafrat nay bad-gumaan kiya MuhabbatoN maiN bahut Khush gumaan tha maiN bhi
Tumhaari yaad nay aa kar mujhay basaaya hai Wagarna barsoN say khaali makaan tha maiN bhi
Tumhay hamaisha bachaaya hai sakht mausam say Tumhaaray waastay ik saaybaan tha maiN bhi
Koee kahaani meray paas ab nahiN logo! Gaya woh daur kabhi daastaan tha maiN bhi
Yeh kis nay noch liay meray baal-o-par Atif! BaRay sakoon say mehw-e-uRaan tha maiN bhi
|
|
|
Post by Rafi Tabasum on Apr 30, 2008 23:55:21 GMT 5
wahhhhhhh
|
|
|
Post by naheedv on May 1, 2008 4:23:38 GMT 5
tumhaari yaad ne aa kar mujhey basaayaa hai wagarna barsoN se khaali makaan thaa maiN bhee
achi ghazal takhliq kee hai aap ne. radeef "maiN bhee" se meHsoos hotaa hai ke jaise picture meN "koyee aur bhee" hai aur us ke saath saath aap "main bhee" joR rahe haiN. ye faqat meraa khayaal hai. waisey ghazal achi hai, daad haazir hai.
Naheed
|
|
|
Post by Atif Mirza on May 2, 2008 0:59:02 GMT 5
Sunita Ji kay hukm kay mutabiq aur un kay taawun say yeh ghazal roman Urdu maiN bhi paish-e-khidmat hai. Ooper maiN nay orignal thread hi modify kar k uss maiN izaafaa kar diya hai.
|
|
|
Post by Atif Mirza on May 2, 2008 1:04:13 GMT 5
|
|
|
Post by Atif Mirza on May 2, 2008 1:07:54 GMT 5
Atif sahab bahut khoobsoorat ashaar hain iss ghazal ke.sabhi ashaar pasand aaye.dheron daad meri aur se qubuul karen. Sunita Aapa bahut shukriya ghazal ko pazeeraee bakhshnay ka. Aap kay Urdu Rasm-ul-Khat seekhnay ka bahut faeda huwa hai. Laikin phir bhi maiN nay roman maiN likh diya hai keh koee aur dost bhi iss say lutf andoz ho sakaiN.
|
|
|
Post by Atif Mirza on May 2, 2008 1:13:30 GMT 5
tumhaari yaad ne aa kar mujhey basaayaa hai wagarna barsoN se khaali makaan thaa maiN bhee achi ghazal takhliq kee hai aap ne. radeef "maiN bhee" se meHsoos hotaa hai ke jaise picture meN "koyee aur bhee" hai aur us ke saath saath aap "main bhee" joR rahe haiN. ye faqat meraa khayaal hai. waisey ghazal achi hai, daad haazir hai. Naheed Naheed Saheba Ghazal par bharpoor daa denay ka shukriya. Aap theek samjhiN maiN bhi iss liay istemaal kia hai keh aur bahut log haiN jo inn kaifiayt ka shikar hotay haiN, bus yeh mera mutmaaey nazar hai. Aap ki ameeq nazroN nay woh kuch bhaNp liya jo asl maiN iss kay peechay chhupa huwa hau.
|
|
|
Post by Atif Mirza on May 2, 2008 7:49:19 GMT 5
atif sahab you are welcome.maine aap se poochha tha ki kya maine urdu theek se pad lii ya nahin aap ne bataaya nahin aur yahan roman main post kar diya ab mujhe samajh aa gaya ki sirf ek lafz tha jo mere se nahin pada gaya.ek aur baat agar aap ghaur karen to urdu main jo aap ne post kiya hai uss main aur roman main ek ashaar main thoda sa farq hai.ya ho sakta hai meri galti ho.Phir bhi dekh lene main harz nahin hai. Roman main aise hai Koee kahaani meray paas ab nahiN logo! Gaya woh daur kabhi daastaan tha maiN bhi jab ki urdu main hai gaya woh daur kabhi ik daastaan tha main bhi agar mera kehna galat hai to muaafi chaahti huN kyunki main to abhi tifl-e-makhtab huN.
Ji mujhay baad maiN eHsaas huwa keh aur kayee dost hoN gaay jinhaiN Urdu Rasm-ul-Khat paRhna nahiN aataa hoga, lihaZa maiN nay yahaN post kar dali.
Aap nay theek kaha woh ghalati maiN nay bhi pakRi thi post karnay kay baad, maiN nay moqaa per usay durust karnay kay liay Adobe PhotoShop maiN kaam mukammal kia magar phir net maiN koii problem ho gayee aur taqreeban 36 hours kharaabi kay baad drust huwa. Kal maiN nay ghazal per dobara kaam kia aur change kar di hai. Ab aap say iltemaas hai keh dobara wohi sher paRhaiN.
|
|
|
Post by Bilal Mirza on May 3, 2008 16:50:04 GMT 5
Wah Atif Bhai Ja.an Ach.chi ghazal hai. Meri ja.anib se da.ad qabo.ol karain.
|
|
|
Post by Atif Mirza on May 3, 2008 17:10:09 GMT 5
Wah Atif Bhai Ja.an Ach.chi ghazal hai. Meri ja.anib se da.ad qabo.ol karain. Shukriya pasandeedgi ka aur daad ka, chhotay bhai.
|
|
|
Post by Sukhanwar on Jul 24, 2008 20:00:59 GMT 5
Yeh sochta hun kissi ka jahaan tha maiN bhi Kissi zameeN ka kabhi aasmaan tha maiN bhi
matla hi itna khoobsoorat hy k parhnay walay ko poori ghazal k mutaalay par majboor kar dayta hy aatif mujhy aap ka yeh shair bhi boht pasand aaya
Tumhaari yaad nay aa kar mujhay basaaya hai Wagarna barsoN say khaali makaan tha maiN bhi
aik shair par zara ghaur kar lijiay
Koee kahaani meray paas ab nahiN logo! Gaya woh daur kabhi daastaan tha maiN bhi
mera khyaal hy daastan hona maazi ka hissa honay ki baat hoti hy.. bhooli hui koi baat yahan aap k shair ka mafhoom zara ulajh jaata hy
thanx razi
|
|
|
Post by Atif Mirza on Jan 26, 2009 19:26:09 GMT 5
Yeh sochta hun kissi ka jahaan tha maiN bhi Kissi zameeN ka kabhi aasmaan tha maiN bhi matla hi itna khoobsoorat hy k parhnay walay ko poori ghazal k mutaalay par majboor kar dayta hy aatif mujhy aap ka yeh shair bhi boht pasand aaya Tumhaari yaad nay aa kar mujhay basaaya hai Wagarna barsoN say khaali makaan tha maiN bhi aik shair par zara ghaur kar lijiay Koee kahaani meray paas ab nahiN logo! Gaya woh daur kabhi daastaan tha maiN bhi mera khyaal hy daastan hona maazi ka hissa honay ki baat hoti hy.. bhooli hui koi baat yahan aap k shair ka mafhoom zara ulajh jaata hy thanx razi Razi bhai pasandeedgi ka shukriya.
Aap kay iss etiraz per ghaur kia kuchh hud tak uljha huwa hai. Durustgi ho jaay gi!
|
|
jooni
sukhanshanas
Posts: 480
|
Post by jooni on Jan 26, 2009 23:08:31 GMT 5
Boht Khoobsoorat ghazal. Dhair sari DaaD hazir hai Atif Bhai.
|
|
|
Post by Atif Mirza on Mar 24, 2009 22:09:51 GMT 5
Shukriya Jooni Bhai
|
|