shaira
ibtidaai rukn
Posts: 29
|
Post by shaira on Aug 27, 2008 23:54:14 GMT 5
salaam,
aik nazm aap sabse share kar rhai hoon ummeed ke pasand ayegi.
Nazm: Yaadon ke saaye! meri yaadon ke ye saaye hain mo'attar aaj bhi phir rahe hain waqt ki jou waadiyon mein har ghaRi muskuraata hai jahaan meri wafaon ka chaman poochta hai mujh se kya mairaj-e-ulfat hai yehi khwahishon ka mustaqil ek silsila hai zindagi dab ke rah jaati hain jou aati nahin baahar kabhi kya yehi hai mere dil ki aarzuoun ka sila ye adhoore khwaab kya poore nahin houte kabhi hai ye dastoor-e-zamana hou ilaahi meri khair waqt jab paRta hai koii apne houjaate hain ghair hasratoN ke zindagi mein jo sajaate hain mehal kaash voh karte kabhi bhoole se veeranoN ki sair har taraf hanste houe chehre tou aate haiN nazar kyaa kabhi hanste houe dekhe hain deewane magar main neye chaaha bhulaadooN zindagi ke saare gham talkh hai jinki wajah se zindagi sham o sahar zindagi mein kya milegi mujhko man chaahi khushi aek sannaTa hai harsoo har taraf hai teergi hasratoN ka jis jagah houta nahi koii guzar meri yaadoN ke ye saaye hain mo'attar aaj bhii!
Sara
|
|
|
Post by Sukhanwar on Aug 30, 2008 0:25:02 GMT 5
yaadon k muattar saay main zindagi guzaarnay ka hunar kisi kisi ko aata hy aur haqeeqat yeh hy k asl zindagi yehi hy k is main kisi sy bicharr jaanay ka ehtmaal nahi hota lutf aaya aap ki nazm parh k daad qabool kijiay thanx razi
|
|
|
Post by Tanweer on Aug 30, 2008 15:10:21 GMT 5
Walekom Assalam
..... Shaira Sahiba!
Aik khoobsurat nazm aap nay share ki, achay khiyalaat par mabni hay, daad qabool kijiey.
Tanweer
|
|
|
Post by Rafi Tabasum on Sept 1, 2008 6:16:26 GMT 5
wahhh bohat khoob Shaira sahiba
|
|
neha
rukn
Posts: 239
|
Post by neha on Sept 2, 2008 16:29:16 GMT 5
Bht khoob Sara jee, Aap ki ye ghazal mein nay aik aur jaga bhi padhi thi aur mujhay bht acchi lagi thi...aaj yahan nazar padi tou doobara dil chaha daad denay ko..so daad hazir hai.
|
|
|
Post by Atif Mirza on Sept 3, 2008 20:05:55 GMT 5
Mohtarma Sara JabeeN Sahiba! Aik manjhi huwi shairi hai aap ki. Bahut mutassir kun nazm ataa ki hai aap nay. Daad qabool kijiay.
|
|
|
Post by Atif Mirza on Sept 3, 2008 20:12:25 GMT 5
Bht khoob Sara jee, Aap ki ye ghazal mein nay aik aur jaga bhi padhi thi aur mujhay bht acchi lagi thi...aaj yahan nazar padi tou doobara dil chaha daad denay ko..so daad hazir hai. Neha ji! Mujhay yaqeen hai keh aap nay ghalati say aap nay nazm ko ghazal likh diya, warna aap ko pata hai keh iss sinf ko nazm kehtay haiN.
|
|
shaira
ibtidaai rukn
Posts: 29
|
Post by shaira on Sept 7, 2008 18:14:12 GMT 5
yaadon k muattar saay main zindagi guzaarnay ka hunar kisi kisi ko aata hy aur haqeeqat yeh hy k asl zindagi yehi hy k is main kisi sy bicharr jaanay ka ehtmaal nahi hota lutf aaya aap ki nazm parh k daad qabool kijiay thanx razi Salaam Razi sahib, mere khayaalon ko samjhne aur nazm per daad ke liye bohat bohat shukriya. sara
|
|
shaira
ibtidaai rukn
Posts: 29
|
Post by shaira on Sept 7, 2008 18:15:00 GMT 5
Walekom Assalam..... Shaira Sahiba! Aik khoobsurat nazm aap nay share ki, achay khiyalaat par mabni hay, daad qabool kijiey. Tanweer bohat shukriya Tanweer. sara
|
|
shaira
ibtidaai rukn
Posts: 29
|
Post by shaira on Sept 7, 2008 18:15:58 GMT 5
wahhh bohat khoob Shaira sahiba Rafi ji bohat shukriya lekin ye 'shaira sahiba' nahi aap mujhe sara ji hi kahiye please. sara
|
|
shaira
ibtidaai rukn
Posts: 29
|
Post by shaira on Sept 7, 2008 18:17:59 GMT 5
Bht khoob Sara jee, Aap ki ye ghazal mein nay aik aur jaga bhi padhi thi aur mujhay bht acchi lagi thi...aaj yahan nazar padi tou doobara dil chaha daad denay ko..so daad hazir hai. salaam Neha, Nawazish hai aapki! daad ke liye bohat bohat shukriya sara
|
|
shaira
ibtidaai rukn
Posts: 29
|
Post by shaira on Sept 7, 2008 18:19:48 GMT 5
Mohtarma Sara JabeeN Sahiba! Aik manjhi huwi shairi hai aap ki. Bahut mutassir kun nazm ataa ki hai aap nay. Daad qabool kijiay. Atif Mirza duayei.n, nazm ne aapko mutassir kiya mujhe khushi hui. daad ke liye dili shukriya qubool keejiye. sara.
|
|
zaki
sukhanshanas
Posts: 446
|
Post by zaki on Sept 8, 2008 11:10:44 GMT 5
Sara Ji ..... Bahut umdah nazam share kia hai app ne.... daad qabool farmaeay.... Sada khush raheay.....
|
|