|
Post by Aqeel Malik on Feb 8, 2008 12:34:36 GMT 5
kabhi...! dil ki awaz par saz bajtay hawaeiN darakhtooN ko cho kar guzartiN tu shakhooN say sangeet jhaRtay
parindooN ki madaeiN saj dhaj kay bahar nikaltiN tu phooloN ki ankheiN chamaktiN farishtay zameeN par utartay hoeay raqs kartay
(sabhi rateiN tareek thiN par andhaira nahi tha)
falak apnay dar kholta tu shafaq ka laho lehreay layti faslooN kay bareek raishooN mein youn dorta jaysay koe khuda apnay mehboob ko daikhnay kay leay kab say baytaab ho shafaq dar khoshooN ki ankhoN mein wo noor tha jo charaghooN ki lau mein machalta
ye us waqt ki baat thi aj ki baat kuch aur hay
ye ajab daur hay dil dharakty nahi cheekhtay heiN parindoN ki madaeiN cheechak zada hein (bazahir shafaq dar) faslooN kay khoshooN meiN barood hay asmaaN aag hay,ye zameeN dhool hay...!
|
|
|
Post by Rafi Tabasum on Feb 8, 2008 22:25:55 GMT 5
Khoobsoorat Nazm MAlik sahib
|
|
|
Post by Aqeel Malik on Feb 10, 2008 12:17:10 GMT 5
Dr. Sahab!
shukria
|
|
|
Post by ramishjaan on Feb 11, 2008 1:59:00 GMT 5
AOA aqeel bhai keya hi umda nazm atta ki he meri janib se bohat sari dad qabol ki jiye waslam ramishjaan
|
|
|
Post by kanwal on Feb 12, 2008 2:39:07 GMT 5
khoob ,.... daad k phool aapki nazr ,...
|
|
|
Post by Aqeel Malik on Feb 12, 2008 12:50:19 GMT 5
AOA aqeel bhai keya hi umda nazm atta ki he meri janib se bohat sari dad qabol ki jiye waslam ramishjaan ap ko nazm pasand ae qeemat wasool hoa chahi....ap ka shukr guzar hon
|
|
|
Post by Aqeel Malik on Feb 12, 2008 13:17:37 GMT 5
Aqeel ji bahut sachhe khayaalaat ki poem hai. kya aise khayaalaat ghazal ki soorat mein nahin kahe jaa sakte? iss liye keh rahi hun kyunki aap to achhi ghazal keh lete hain na. ap ka shukria ke ap nay nazm ko parha jahan tak ap kay sawal ka mamla hay tu ye aik behs talab sawal hay jis ki is thread mein gunjaish nahi hay itna zaroor kahoon ka ke har takheel ki apni bio hoti hay apni nafsiaat hoti hay aur isi tarha asnaaf e sukhan ki bhi apni nafsiat ab ye shair ka fan hota hay jo takheel ki nafsiat ko sinf ki nafsiaat say ham ahang karlayta hay. khair ye baat bahut lambi hojaey gi ap ka shukria
|
|
|
Post by Aqeel Malik on Feb 12, 2008 13:20:17 GMT 5
khoob ,.... daad k phool aapki nazr ,... shukria
|
|
|
Post by Atif Mirza on Feb 17, 2008 9:48:43 GMT 5
Malik sahib Daad hazir hai!
|
|
|
Post by Aqeel Malik on Feb 19, 2008 17:39:26 GMT 5
Malik sahib Daad hazir hai! bahut shukria Mirza Sahab!
|
|
|
Post by Sukhanwar on Jul 21, 2008 0:06:12 GMT 5
aqeel sahab aap ki yeh nazm un dinon ki hy jab main lahore main hijrat k do maah guzaar raha tha hijrat ki woh gharrian kitni aziat naak theen aap andaza nahin kar saktay khaas taur par mohtarma benazir bhutto ki shahadat ka woh lamha jab main tanha apnay kamray main rota tha aur mujhay dhaarsa bandhaanay wala koi na tha koi shaana aysa na tha jis par main sar rakh dayta koi shanasa aysa na tha k jo mujhay dhaaras dayta aur jis k saath main mulki tareekh k un tareek tar lamhaat main apna dukh baant sakta usi lamhay main nay faysla kia tha k main hijrat ka yeh dukh nahin sahoon ga aur apnay shehr wapis jaaon ga jahan meray saath koi ronay wala to ga pata nahin aap ki yeh nazm parh kar mujhy karb ki woh gharri kionb yaad aa gaai shaid is liay k is nazm main bhi un gharrion ka aks mojood hay daad qabool kijiay razi
|
|
|
Post by Aqeel Malik on Jul 24, 2008 18:32:52 GMT 5
Razi SAhab!
ye bilkul un he dinoN ke takhleeq hay aur jo karb hay wo bhi apnay zameeni halat say jura hoa hay isi leay ap ko wo sara almia yaad agia us lamhay ke mujh say bhi mat pocheay aur ap tu akaily thay mein tu un logoN kay darmian tha jo mujhy rota dekh kar keh rahay thay ke koe rishtey dar tu nahi mara na tumhara ab ap he insaaf kejeay kay mayray andar kia uthal puthal horahi hogi khair waqt guzar he jata hay
aqeel
|
|
zaki
sukhanshanas
Posts: 446
|
Post by zaki on Sept 27, 2008 14:28:37 GMT 5
Salam Aqeel sahib!
Wah Bahut he umdah Nazam share ki hai app ne.......Sada Khush raheay..........
|
|
|
Post by Aqeel Malik on Sept 28, 2008 10:55:38 GMT 5
Zaki sahab ap ka shukria
|
|
|
Post by naheedv on Sept 29, 2008 23:19:45 GMT 5
Aqeel G, aap kee ye nazm aaj hi nazar se guzri hai aur paRhte huve aik lehr see jism men dauR gai. nazm aik saffak haqeeqat kaa mun boltaa cuboot hai aur aap ne jis hunarmandi se isey portray kiyaa hai voh aap hi kaa khaasah hai. daad qubool kijiye shukriya Naheed
|
|