|
Post by nazghazal on Jul 20, 2008 0:06:29 GMT 5
tamaam sathiyon ki khidmat main asalaam arz hai kafi arse baad apni koi tehreer aap sab ki basaraton ki nazar kar rahi hoon.ummeed hai aap apni qeemti aara se zaroor nawaazainge. pichhle dinon apni ye kaafi arsa qabl likhi hui ghazal nazar se guzri to socha aap sab se share kar loon. ghazal un ka dil ghar bana lia ham ne kaaba wo dar bana lia ham ne chaand,maiN,or wo aawaara mizaaj kaisa manzar bana lia ham ne zakhm khaate haiN ashk peete haiN gham ko rehbar bana lia ham ne apne jeewan ko apne hathon hi talkh aksar bana lia ham ne dard k benishaaN jazeere maiN apna ik ghar bana lia ham ne zindagi se nibaah ki khaatir khud ko patthar bana lia ham ne un ki soorat ka un ki seerat ka naqsh dil par bana lia ham ne ghazal ik but ki parastish k liye khud ko aazar bana lia ham ne NAZ GHAZAL
|
|
|
Post by Rafi Tabasum on Jul 20, 2008 0:32:06 GMT 5
Khoobsoorat ghazal hay Naz Ghazal sahiba daad qabool farmaiyay
chaand,maiN,or wo aawaara mizaaj kaisa manzar bana lia ham ne
is shaer kay pehlay misray maiN aap nay wahid mutekalam ka seegha istemaal kia hay baqi saray ash,aar kay dosray misrooN maiN Jama ka seegha hay waesay yeh aik khoobsoorat kaawish hay
|
|
|
Post by Sukhanwar on Jul 20, 2008 13:49:35 GMT 5
Khoobsoorat ghazal hay Naz Ghazal sahiba daad qabool farmaiyay chaand,maiN,or wo aawaara mizaaj kaisa manzar bana lia ham ne is shaer kay pehlay misray maiN aap nay wahid mutekalam ka seegha istemaal kia hay baqi saray ash,aar kay dosray misrooN maiN Jama ka seegha hay waesay yeh aik khoobsoorat kaawish hay rafi bhai mera khyaal hy yahan wahid ka seegha nahi hy unhon ny main k saath chand aur usay bhi shamil kia hy aur yoon teenon k ishtraak sy aglay misray main hum ka seegha istamaal hua .. yehi is shair ka husn bhi hy naaz ghazal sahiba aap ki ghazal muddat k baad parhnay ko mili khoobsoorat ashaar hain thanx razi
|
|
|
Post by nazghazal on Jul 23, 2008 12:47:40 GMT 5
Khoobsoorat ghazal hay Naz Ghazal sahiba daad qabool farmaiyay chaand,maiN,or wo aawaara mizaaj kaisa manzar bana lia ham ne is shaer kay pehlay misray maiN aap nay wahid mutekalam ka seegha istemaal kia hay baqi saray ash,aar kay dosray misrooN maiN Jama ka seegha hay waesay yeh aik khoobsoorat kaawish hay aadaab janab rafi tabassum sahab! janab main aapki mamnoon hoon k aap ne meri tehreer ko waqt dia or apni garaaN qadar raaye se nawaaza aap ne jis sher ki taraf ishaara kia hai us k silsile main mera bhi wahi jawaab hai jo razi ji ne likha hai. (thanks razi ji) once again thanks alot rafi sahab. khush rahiye sada naz ghazal
|
|
|
Post by rooh on Jul 23, 2008 16:12:53 GMT 5
Naz Ghazal ji
Khoobsoorat ghazal
Aap ki humarii aur se daad
|
|
|
Post by Atif Mirza on Jul 23, 2008 16:16:32 GMT 5
un ka dil ghar bana lia ham ne kaaba wo dar bana lia ham ne
chaand,maiN,or wo aawaara mizaaj kaisa manzar bana lia ham ne
zakhm khaate haiN ashk peete haiN gham ko rehbar bana lia ham ne
apne jeewan ko apne hathon hi talkh aksar bana lia ham ne
dard k benishaaN jazeere maiN apna ik ghar bana lia ham ne
zindagi se nibaah ki khaatir khud ko patthar bana lia ham ne
un ki soorat ka un ki seerat ka naqsh dil par bana lia ham ne
ghazal ik but ki parastish k liye khud ko aazar bana lia ham ne[glow=red,2,300] NAZ GHAZAL [/glow] Naz Ghazal Ji Aik arsay kay baad aap nay himmat dikhaayee aur itni khoobsoorat shaeri hamaiN paRhnay ko di.
Rafi Sahib ka etraaz kissi hud tak durust hai. Aur Razi Sahib ka jawab go keh aik pehloo say aap kay iss sher ka jawaaz ban jaataa hai magar aap iss Shutar Gurba ko yahaN say khatm kar hi dijiay:-
chaand,hum or wo aawaara mizaaj kaisa manzar bana lia ham ne
Maqtay ka misra-e-saani behr say khaarij hai. Durust aisay ho sakta hai:-
ghazal ik but ki parastish k liye--(Naz ik but ko poojnay kay liay) khud ko aazar bana lia ham ne
Aap ki ghazal kay mazaameen bahut achhchhay haiN. Aur rawani bhi hai aap kay kalaam maiN. Mutassir kun! Daad qabool kijiay.
|
|
neha
rukn
Posts: 239
|
Post by neha on Jul 23, 2008 16:24:29 GMT 5
zindagi se nibaah ki khaatir khud ko patthar bana lia ham ne ghazal ik but ki parastish k liye khud ko aazar bana lia ham ne Naz ghazal ap ki ghazal padh k bohut lutf aaya,har shair qabil-e- daad hai..itny khubsurat ghazal k liye mery taraf daad qubool kijye.
|
|
|
Post by ♣♣simi♣ on Aug 4, 2008 10:04:56 GMT 5
salam, kesi hain app thanx God k mera Account activate ho gaya.ap kab online ain gi then sms me i'll come online 2 okey waiting.......
|
|
|
Post by ramishjaan on Aug 4, 2008 14:11:47 GMT 5
AOA naz Ghazal jee KHushamdeed aj aik mudat k ebad ap ka koi klam parhne ko mila deer ayed drust ayed MASHALLA bohat acha likha he hamesha ki tarha ap ne aur mujhe be intha Khushi he ke ap wapis bazm me activ he ..................................................................
Naz jee pori hi Ghzal bohat pasand aei kisi aik sher ko cikal kar dad dena sari ghazal se zeyadti ho gi meri janib se is khobsorat Ghazal ke liye chamane qalb se bohat sare dad ke phool ap ke husne klam ki nazr waslam mukhlis ramishjaan
|
|
|
Post by saeed on Aug 7, 2008 6:25:31 GMT 5
Ghazal saheba,
zindagi se nibaah ki khaatir khud ko patthar bana lia ham ne
achi kavish hai Daad
|
|
|
Post by tmasood on Aug 15, 2008 0:07:18 GMT 5
Naz ji khoobSurat ghazal hai Mashallah haan pehle shaer k dooseray miSray maiN shaayed tapo ho gayaa hai
Kaaba-o-dar ko aap ne diaa hai "Kaaba wo dar" likh diya hai
pls check ker lain
|
|
|
zehrab
rukn
ham pe guzrey hain khizaN ke sadmey--Ham sey poochey koi afsaana-e gul
Posts: 125
|
Post by zehrab on Sept 29, 2008 11:55:59 GMT 5
Ghazal Saheba
Bohat achi ghazal aap ki
khubsoorat khayalaat....munfarid mazameen..
Rafi saheb aur Atif Bhai ki baat sahi hay
Sher mein Ham ker deney sey problem solve ho jati hay
Aur mein bhi wohi arz kerney wala tha jo Atif bhai ney kaha ke Maqta mein problem hay
us ka hal bhi unhon ney bara acha diya hay....aagey aap ki merzi...ghazal aap ki..kalam aap ka
Tahira Saheba ney shayad ziyada ghaur naheen kiya....
Kaa'ba wo der bana liya hum ney ......hi meri daanist mein aap kehna chahti theen aur ye typo naheen hay............bohat acha misra hay ye tow.
Meri janib sey ek bohat achi kavish per dili daad
Khaksar
Qamar
|
|
|
Post by Tanweer on Sept 29, 2008 19:07:30 GMT 5
Naz Gazal saheba!
meri janib say bhi ghazal ki pasandeedgi par daad hazir hay. qabool kejiey.
Faq't Tanweer
|
|
|
Post by HASIB RANA on Nov 29, 2008 19:29:44 GMT 5
tamaam sathiyon ki khidmat main asalaam arz hai kafi arse baad apni koi tehreer aap sab ki basaraton ki nazar kar rahi hoon.ummeed hai aap apni qeemti aara se zaroor nawaazainge. pichhle dinon apni ye kaafi arsa qabl likhi hui ghazal nazar se guzri to socha aap sab se share kar loon. ghazal un ka dil ghar bana lia ham ne kaaba wo dar bana lia ham ne chaand,maiN,or wo aawaara mizaaj kaisa manzar bana lia ham ne zakhm khaate haiN ashk peete haiN gham ko rehbar bana lia ham ne apne jeewan ko apne hathon hi talkh aksar bana lia ham ne dard k benishaaN jazeere maiN apna ik ghar bana lia ham ne zindagi se nibaah ki khaatir khud ko patthar bana lia ham ne un ki soorat ka un ki seerat ka naqsh dil par bana lia ham ne ghazal ik but ki parastish k liye khud ko aazar bana lia ham ne NAZ GHAZAL
ACH,HE GHAZAL LIKE HAY AaP NAY . DAD QABOOL KEJEY
|
|