anmol
ibtidaai rukn
Posts: 30
|
Post by anmol on Mar 21, 2008 0:42:00 GMT 5
Khwaab
chalo tum bhi zara ye khwaab dekho zara si der tum ye farz kar lo
har ik insaan koshish kar raha hai woh phir jeene ki khwahish kar raha hai koi ab bhook se marta nahiiN hai koi ab zulm se darta nahiiN hai sabhi ke sar pe chhat hai, aasra hai yahaaN har aadmii kaa tan Dhakaa hai
chalo tum bhi zara ye khwaab dekho zara si der tum ye farz kar lo
kaheen aaNsoo, kaheeN maatam nahiiN hai GhamoN ka ab koi mausam nahiiN hai Ghareebi kaa nahiiN ehsaas baaqi abhi tak hai diloN meiN aas baaqi kabhi to ham ko bhi khushyaaN mileN gi hamaari raah meiN kaliyaaN khileN gi
chalo tum bhi zara ye khwaab dekho zara si der tum ye farz kar lo
na raNg-o-nasl par jhagRe ga koii na deen aur dharm par akRe ga koii uThaayeNge na ab hathyaar hargiz na kum hoga jahaaN se pyaar hargiz yahaaN sab chain se, mil kar raheN ge chaman meiN phool ab khil kar raheN ge
chalo tum bhi zara ye khwaab dekho zara si der tum ye farz kar lo
by, Ayesha :Anmol:
|
|
anmol
ibtidaai rukn
Posts: 30
|
Post by anmol on Mar 16, 2008 0:34:31 GMT 5
Gulshan mein thi Bahar tumhen sochtey rahey saanseN theeN khar khar tumhen sochtey rahey Aayee hawa ke dosh pe ik aashna mehek ham kho ke ikhtiar tumheN sochtey rahey guzrey kisi gali sey tow her naqsh-e pa ke pas ham ruk ke bar bar tumhen sochtey rahey RaqsaN thi shehr-e yas mein ik aarzoo Qamar LerzaaN they dil ke tar tumhen sochtey rahey Aadaab, Qamar SaaHib! aap ka taaza kalaam to nahiiN mila lekin ye khoobsoorat ghazal aik baar phir paRhne ka mauqa zaroor mil gaya jo yaqeenan maiN stanvir forum per paRh chuki huuN aur daad diye baGhair bhi nahiiN rahi hoNgi. aik baar phir meri dili daad qubool kijiye. Anmol
|
|
anmol
ibtidaai rukn
Posts: 30
|
Post by anmol on Mar 16, 2008 0:26:14 GMT 5
Ayesha itni choti umr mein itna derd...arey abhi tow tumharey khailney ke din hein khushiyan sametney aur bakherney ke din hein..... bohat dil ki gehraaiyon ko chu leney wali ghazal kahi tum ney.......meri janib sey dheron daad.......sada muskarati raho, khush raho aur dukh aur gham tum sey bohat duur rahen...aameen kher andesh Qamar Qamar SaaHib, aadaab! bus dua karte rahiyye k KhushyaaN sameTne aur muskuraane ke din bahut jald aayeN. aap ko ghazal pasand aayi, jaan kar achchha laga. waise aap ka kalaam kaafi arse se nazar nahiiN aaya. intizaar hai! Anmol
|
|
anmol
ibtidaai rukn
Posts: 30
|
Post by anmol on Mar 16, 2008 0:21:14 GMT 5
Saeed SaaHib, aadaab!
aap ki ghazal bahut achchhi lagi. DheroN daad qubool kijiye!
Anmol
|
|
anmol
ibtidaai rukn
Posts: 30
|
Post by anmol on Mar 14, 2008 21:37:39 GMT 5
Dear Kanwal,in anmol daad ke phooloN ke liye behad shukria. aap ka daad dene ka andaaz bahut munfarid hai aur mujhe hamesha se pasand hai. ghazal ki pazeerayi ke liye aap ki mamnoon huuN.
|
|
anmol
ibtidaai rukn
Posts: 30
|
Post by anmol on Mar 12, 2008 20:52:44 GMT 5
Sunita ji,
ghazal ki pasandeedgi k liye aap ki mamnoon huuN.
...
|
|
anmol
ibtidaai rukn
Posts: 30
|
Post by anmol on Mar 12, 2008 20:51:04 GMT 5
anmolji aap muddat baad is bazm main aain is ghazal k jis misray ko aap ny thread ka unwaan banaya wo is ghazal k majmooi aahang ki akaasi karta hy khushi hui aap ki ghazal parh kar yeh shair khaas taur par pasand aay a mire dil pe Hasrat barastii rahe gi yooNhii zindagii mujh pe haNstii rahe gi! daad qabool kijiay thanx razi Razi SaaHib, aadaab! ye ghazal waqai aik makhsoos ehsaas ke tehet kahi gayi hai, is liye aik misra poori ghazal ki kaifiyat bayaan kar raha hai. aap ko ghazal pasand aayi, mujhe achchha laga. bahut shukria!
|
|
anmol
ibtidaai rukn
Posts: 30
|
Post by anmol on Mar 12, 2008 20:43:58 GMT 5
Rafi SaaHib!
Umeed hai k ab aap ki tabiyat bilkul Theek hogi.
ghazal ki pazeerayi ke liye mamnoon huuN.
....
|
|
anmol
ibtidaai rukn
Posts: 30
|
Post by anmol on Mar 12, 2008 20:42:21 GMT 5
Riaz SaaHib,
ghazal pasand karne ka behad shukria!
|
|
anmol
ibtidaai rukn
Posts: 30
|
Post by anmol on Mar 7, 2008 12:58:51 GMT 5
Aadaab!
aik ghazal jo maiNe kaafi arse pehle kahi thi, lekin shaayad is forum meiN post nahiiN ki, aaj aap sab se share kar rahi huuN.
Ghazal:
mire dil pe Hasrat barastii rahe gi yooNhii zindagii mujh pe haNstii rahe gi!
liye raaKh KhwaaboN ki apnii nazar meiN yeh laRkii Khushi ko tarastii rahe gi
yeh aaNsoo mire yooN hi behte raheN ge magar teri aaNkhoN meiN mastii rahe gi
miree her Khataa yaad rakhe gi dunyaa her ik ki nazar ta'na kastii rahe gi
maiN jab tak bhi zindaa hooN Anmol, us ki kamee naag ban ban ke Dastii rahe gi
by, Ayesha :Anmol:
|
|
anmol
ibtidaai rukn
Posts: 30
|
Post by anmol on Mar 3, 2008 0:53:48 GMT 5
Aadaab, Rafi SaaHib!
is dil ke haathon mere abbu 5 saal se coma meiN haiN, jabke meri ammi ki 3-4 arteries blocked theeN, ham ne foran un ka bypass karwaaya aur woh ab mashaAllah Theek haiN. Dil ko aksar takleef sehni paRti hai kabhi apnoN ke haathoN aur kabhi qismat ke haathoN.
meri dua hai k aap ki angiography meiN koi bhi problem na aaye aur sab kuchh Theek ho, na aap ko qismat choT pohnchaaye aur na hi apnoN ki waja se kabhi dil ko takleef ho. ameen!
|
|
anmol
ibtidaai rukn
Posts: 30
|
Post by anmol on Feb 23, 2008 17:16:52 GMT 5
Assalam Alekum/Aadaab!
maiN aap sabhi ehbaab ke khuloos ki qadr karti huuN. Allah aap ki dua'oN ko mere abbu k haq meiN qubool kare aur aap sab ko jizaa-e-Khair de, ameen. Un ki haalat ab bahut nazuk hai. please dua kijiye k Khuda ab bhi koi mojiza kar de.
|
|
anmol
ibtidaai rukn
Posts: 30
|
Post by anmol on Feb 14, 2008 13:09:54 GMT 5
Assalam Alekum!
aap sabhi ehbaab se darKhwaast hai k mere waalid saaHib ki shifayaabi aur zindagi-o-salaamti ke liye bahut dua kijiye. Un ki tabiyat bahut kharaab hai. Dua kijiye Khuda un ka saaya hamare oper banaaye rakhe, aur nayi zindagi de, ameen.
jazaakAllah!
|
|
anmol
ibtidaai rukn
Posts: 30
|
Post by anmol on Oct 29, 2007 19:03:01 GMT 5
Assalam Alekum!
aap sabhi ehbaab se iltijaa hai k meri behen ko apni dua'oN meiN zaroor yaad rakheN.
aap sab ke khuloos k liye mere pas alfaaz nahiiN haiN, Khuda aap sab ko apni amaan meiN rakhe, ameen.
|
|
anmol
ibtidaai rukn
Posts: 30
|
Post by anmol on Oct 30, 2007 19:07:44 GMT 5
Inna lillaahe wa innaa ilaaihe rajioon!
mujhe Fehmeeda Saahiba ke dukh ka ehsaas hai, khud meri behen ka bhi 26th oct ko intiqaal hua hai. Khuda Fehmeeda SaaHiba aur un ke ehl-e-Khaana ko sabr ata kare aur marhoom ki maghfirat aur aakhirat ki aasaani kare, ameen.
|
|