|
Post by Rafi Tabasum on Mar 2, 2008 22:52:29 GMT 5
aaj march ki 2 tareekh kay aakhri lamhaat guzar rahay hay subuh 3 march ko Punjab Institute of cardialogy Lahore maiN mera Angiography kamarhla hay angiography dil ka aik aham test hota hay jo kabhi kabhi khatarnaak bhi saabat ho sakta hay magar maiN pur umeed hooN keh maiN nay danista kisi shakhs ka dil nahi dukhaya aur koshish ki hay keh kabhi kisi ki dil aazari ka ba,es na banooN isi liay taqreeban 20 saal say dil ki athkaylioN kay bawjood dostooN aor ahbaab ki duaoN say abhi tak aap kay saath hooN aap ahbab say iltemaas hay keh meray liay dua farmaiN keh angiography ka yeh marhala bakhair o khobi anjam pa,ay aur mazeed paicheedgioN say Khuda mehfooz rakhay shukria
|
|
|
Post by sunita on Mar 2, 2008 23:30:52 GMT 5
Aadab Rafi bhai sahab, duaa go huN ki aap ki angiography theek se ho jaaye aur aap apne ghar vaalon aur dostoN ke beech pehle jaise raheN.Yeh aaj kal bahut mamooli si baat ho gayi hai, aap bilkul fikr na kareN.Mere ghar mein takreeban har shakhs ka heart ka operation hua hai aur abhi pichhale october se ab tak chhote bhai ko 3 baar attack aaya aur teen baar uss ki angiography kar ke blockage nikaali hai.haan doctor log ehtiyaat ke liye keh dete hain ki yeh procedure aisa hai.aap bilkul bhi fikr na karen, be-fikr ho kar jaayeN aur hanste hue laut kar aayeN.Khuda sab theek karega.meri dil se duaa hai ki aap bilkul theek ho kar vaapis ghar aayen.bas iss ke baad ek din poora aaraam karna hota hai, vo khayaal rakhiiyega.baad mein khaane ka thoda parhez rakhen, aur koii stress na leN.khoob sa pyaar aur duaa aap ke liye.
|
|
|
Post by Sukhanwar on Mar 2, 2008 23:44:14 GMT 5
rafi tabasum sahib aap ka yeh msg parh kar tashweesh hui aur aap ka hosla auryaqeen daykh kar hosla hua mujhay yaqeen hay aap kay tamaam test theek hon gay itnay khoobsoorat dil k maalik hain aap tamaam khoobsoortian salamat rahain gee hum sub aap k liay dua go hain aap yahan apna fone no bhi paste kar dain ehbaab aap ki khayriat maloom karna chaahaingy meray paas aap ka no mojood tha magar guzashta dinon fone change kia to kai ehan no bhi mehfooz na reh sakay ..is mobile foneki jahan kaai sahoolatain hain wahan aik khaami yeh hy k is ki waja sy humain fone no dairy main darj karnay ki aadat nahi rahi main aap ki behtreen sehat k liay dua go hoon thanx raziuddin razi
|
|
|
Post by khalid on Mar 3, 2008 0:11:35 GMT 5
rafi sb meiree dili dua aur tamanna hai k aap ba khairiyat is merhaley sey guzreN, aur aapki angiography ke nataaej tasalli bakhsh hoN. aameen!
|
|
tarana
ibtidaai rukn
Posts: 62
|
Post by tarana on Mar 3, 2008 0:50:20 GMT 5
Salam Rafi G, Allah talah se dua he k wo aap ki angiography ka result bilkul durust aaye aur aap usi tarah ham me dobara shamil hon jese ab hain...Angiography ho ya angioplasty, ya koi aur merz, beherhaal he to pareshan kun, magar ham sab ki duain Aap k saath hain Aur hamain yaqeen he k Allah talah zaroor hamari duain sunain ge...Aap pareshan nah hon Aur bilkul aram se tasali se angiography k merhalay se wapas aa ker apni khairyat ki khabar hamain pohonchain....JazakAllah
|
|
anmol
ibtidaai rukn
Posts: 30
|
Post by anmol on Mar 3, 2008 0:53:48 GMT 5
Aadaab, Rafi SaaHib!
is dil ke haathon mere abbu 5 saal se coma meiN haiN, jabke meri ammi ki 3-4 arteries blocked theeN, ham ne foran un ka bypass karwaaya aur woh ab mashaAllah Theek haiN. Dil ko aksar takleef sehni paRti hai kabhi apnoN ke haathoN aur kabhi qismat ke haathoN.
meri dua hai k aap ki angiography meiN koi bhi problem na aaye aur sab kuchh Theek ho, na aap ko qismat choT pohnchaaye aur na hi apnoN ki waja se kabhi dil ko takleef ho. ameen!
|
|
|
Post by ramishjaan on Mar 3, 2008 1:14:27 GMT 5
AOA mohtram aur inthaei qable ehtram dr rafi sahib .......ALLHA talla ap ko jald az jald mukmal sehat yab farmye our ap INSHALLA isi tarha kheriyat se our isi hosle our yaqeen ke sath hum sab ke darmeyan tashreef rakhe ta deer our apnr madham se tabassum ke sath is bazm ke tumam logo ko jode rakhne me jo aham kardar ap ne aj tak ada kiya he aenda bhi wesa hi kare ge Aap INSHALLA . hum tumam log ap ke liye KHUDA ke hazoor dast basta duaa go hain ke ALLHA talla is mushkil test ki tumam mushklat ko ap ke liye asan farmye ameen suma ameen waslam ramishjaan
|
|
|
Post by saeed on Mar 3, 2008 3:12:07 GMT 5
Rafi bhai, BEST OF LUCK!
mujhey poori umeed hai ke aap ba-khariyat wapas aayenge. duago.
saeed
|
|
|
Post by kanwal on Mar 3, 2008 4:21:36 GMT 5
Rafi jee ,....
Aapka mesage parha aur be saakhta dil se dua niklii ke Khuda wand e kareem aapko mukamal Sehat yaab ataa kare ,....
Aap pur umeed haiN aur yeh sab se achi baat hai kiyuNke 70% to beemari yeh dekh ke bhaag jaati hai ke aap pur umeed haiN ,....
Rafi jee Aapke saath bohat se dostoN ki duaeiN haiN aur parvardigaar inn duaoN ke sadqe zaroor aapko jald sehtyaab kare ga. .....
|
|
|
Post by Tanweer on Mar 3, 2008 10:34:39 GMT 5
Mohtram Biradaram Rafi Sahib!
Kal yaani March 2, 2008 ko mein chuHtti par tha, es liey net say door raha, aur abhi subah office aatey he ye jaan^guzzan khabar parhnay ko mili.
Allah Tallah apna karam farmaien gay poori himat aur bahaduri k saath operation thetre mein fathah ka naara lagatay hoovay jaiey ga, haan albata apnay Rab-e-jaleel ko jaad rakhtay hoovay aur os say os ki rehmatien aur karam ki dua maang^tay hoovay, Aayatul Kursi ka wird kartay hoovay.
Aapkay saath aapkay piyaron ki azizon ki aur aapkay pur khaloos doston ki duaon ka hissar hay. Inshallah Tallah aap mukamil sehat yaab ho kar lotien gay, aur apnay dheemay say khoobsurat andaz mein apni khairiat ki khabar dein gay.
Ham sab aapki sehat aur daraazi-e-omar k liey dua go hein.
Tanweer
|
|
|
Post by sumanshah on Mar 3, 2008 12:00:29 GMT 5
Adaab rafi sahab dil ko kamil yaqeen hay jo shakhs doaoon kay hisaar mein ho ussay ko paraishani choo b nahi sakti Allah kay is imtihaan mein ap zarror surkhroo hon gein or himaat kay sath ye baat bhi yaad rakhiyee hum sab ko apki bayhud zarrorat hay Allah apko seht o tundrti ata farmeen ameen fiker ki koi baat nahi hum hein na apkay liyee dil ki gehraiun sey doa go apki apni suman shah
|
|
|
Post by haamidbaaqari on Mar 3, 2008 13:29:05 GMT 5
Assalaam o alaikum rafi saahib
hum dubai kay dauray per haiN
Aaj hi hum net per aaye haiN.
abtak tau operation bhi hogaya hoga.
kisee bhi insaan keliye yeh marhala bahut sakht hota hai.
fikr nah kareN aapko kuch nahiN hoga insha allah
hamaari duaayeN aapke saath haiN.
haamid
.
|
|
|
Post by shahkaar on Mar 3, 2008 14:55:48 GMT 5
Rafi saheb
aap ke angiography ke baray mein parh ker tashweesh hoye, INSHA ALLAH tamam mushkilaat hal hoon gee aur ALLAH taalaa aap ko sehetyaab farmaye ga.ham sab aap kay leye dua go hein.
shahkaar
|
|
|
Post by Sukhanwar on Mar 3, 2008 16:06:49 GMT 5
aap sub doston ko yeh jaan kar khushi ho gi k rafi sahib khayriat say hain abhi 5 minute pehlay meri un say baat hui hy woh abhi hopital say nikul hi rahay thay unhon nay bataya hy k abhi doctors ny un ki angiography nhi ki aur is k liay april k teesray ashray ka time dia hy woh ab wapsi k safar main hin aur doston ko bohat salaam day rahay hain raat tak wo khud online aa kar aap say baat karain gay jo dost un say baat karna chaahain woh un ka no note kar lain 0334 7194709
thanx razi
|
|
|
Post by Tanweer on Mar 3, 2008 16:23:47 GMT 5
Yeh khabar parh kar bohat khushi mili k hamaray Doctor sahib theek thaak hain. Array Dr. sahib keoun aspatalon k chakar laga rahay hain, aap tu khud Doctor hain apna elaaj bhi khud he tajweez kar laytay. Baharhal mazaaq bar taraf, Allah Tallah aapko khush-o-khuram rakhay (Ameen)
Tanweer
|
|