|
Post by haamidbaaqari on Aug 15, 2007 11:19:58 GMT 5
aap ki tarah aap kay khayalaat bhi ujlay haiN Baqeri sahib Assalaam o alaikum tabassum saahibhuzoor (sawaw) farmaatay haiN keh "momin woh hai jo doosroN ko apnay say behtar samjhta hai"aapka dil paak hai isliye doosroN ko bhi paak samajhtay haiN.mubaarak ho aapko yeh paakeezgee. daad qabool kejiay bahut bahut shukriya aapki purkhuloos daad ka.
mukhlis haamidbaaqari
|
|
|
Post by haamidbaaqari on Jul 22, 2007 16:18:14 GMT 5
Asslaam o alaikum dosto
aik aur tarhi ghazal peshay khidmat hai.
gar qubool uftad zahay.....
arz kiya hai......
kaun kehta hai dillagi kee hai humnay sanjeedah shaairi kee hai
behray insaaniyat uthaa kay qalam humnay har lamha bandagee kee hai
raahay baatil kau chaur kar humnay haqparstoN kee pairawee kee hai
ik musaafir kau raah dikhlaakar humnay baylaus rahbari kee hai
urdu duniya hai pyaar kee duniya isliye is say dosti kee hai
hum tau haiN aashiqaanay aalay rasool(sawaw) "har qadam humnay aashiqui kee hai"
woh baday khushnaseeb hautay haiN jin say haamid nay dosti kee hai
nateejaye fikr haamidbaaqari al hamdulillah
|
|
|
Post by haamidbaaqari on Jul 22, 2007 16:10:37 GMT 5
Hamid Sahib! Bohat omdaah ghazal kahi aap nay, daad hazir-e-khidmat hay. Tanweer aapki mukhlisaanah daad kayliye hum aapkay behad mamnoono mashkoor haiN.
salaamat rahiye tanveer saahib
mukhlis haamidbaaqari
|
|
|
Post by haamidbaaqari on Jul 22, 2007 16:09:27 GMT 5
Bohat khoob Baqeri ji daad qabool farmaiay bahut bahut shukriya aapka.
jazakallah
mukhlis haamid baaqari
|
|
|
Post by haamidbaaqari on Jul 19, 2007 13:55:22 GMT 5
Assalaam o alaikum dosto
taaza tarhi ghazal peshay khidmat hai
gar qubool uftad zahay ...........
arz kiya hai
laug yeh qabr meiN kehtay huay aaye ghar say apnay ghar hum haiN chalay aaye paraaye ghar say
hum samajhtay thay keh daulat hai hamaari lekin uska ik hissah bhi hum laa nahiN paaye ghar say
badee mehnat say kamaayee thee woh daulat humnay muft meiN dekay kisee aur kau aaye ghar say
jau kahaa kartay thay hum saath nahiN chaureNge wohi dafnaanay hameN kaandhoN pe laaye ghar say
ik mufakkir nay jau daali hai nazar duniya per "kabhie sehra kabhie darya nazar aaye ghar say"
qaulay ahmed(sawaw) yeh zamaanay kau sunaado haamid sirf eemaano amal saath meiN jaaye ghar say
nateejaye fikr haamidbaaqari al hamdulillah
|
|
|
Post by haamidbaaqari on Jul 16, 2007 12:26:37 GMT 5
hamid sahib khushi huyi aap ki ghazal parh k shukriya razi bhai. aap ki ghair mojoodgiu humain bhi parayshaan kar rahi thee kami shiddat sy mehsoos hoti thee zahay naseeb.aap ka kalaam hamaysha ki tara munfarid hy daad qabool kijiay thanx razi aapki mukhlisanah daad kayliye hum aapkay mamnoono mashkoor haiN.
JAZAKALLAH mukhlis hamidbaaqari
|
|
|
Post by haamidbaaqari on Jul 16, 2007 12:24:03 GMT 5
chalo inquilaab aik laayeN jahaaN meiN hamaari taraf ahlay gham dekhtay haiN khobsorat mazahmti sher hay dad qabooleay bahut bahut shukriya aqeel saahib
jazakallah
mukhlis haamidbaaqari
|
|
|
Post by haamidbaaqari on Jul 15, 2007 21:07:05 GMT 5
halaat e haazera per, jo k kuch dahaiiyoN say jooN k tooN haiN , aapka tabser psand aaya, daad qubool keeje! bahut bahut shukriya khalid saahib
salaamat rahiye
jazakallah
mukhlis haamidbaaqari
|
|
|
Post by haamidbaaqari on Jul 14, 2007 11:26:49 GMT 5
Bohat khoob Haamid Baaqeri sahib bahut bahut shukriya rafi tabassum saahib.jazakallahbohat dinoon ba,ad aap ka makhsoos andaz dekha Pakistan kay maujooda haalaat kay tanazur main aap ki is ghazal ki ahmiyat aur barh gai hay hausalah afzaayee kayliye hum aapkay mamnoon haiN.
salaamat raheN MUKHLIS HAAMIDBAAQARI
|
|
|
Post by haamidbaaqari on Jul 12, 2007 16:22:42 GMT 5
Assalaam o alaikum dosto
kayee din say access nahiN kar paaye .........al hamdulillah aaj yeh site khulgayee.
badee khushee ho rahee hai aap ahbaab say milkar.
wajah jau bhi ho ...........aap ahbaab say doori hamaaray liye badee takleefdeh thee.
hum muaazirat chaahtay haiN aap sabsay.
aaj hum apni adna kaavish aapki bacaaratoN kay hawaalay kar rahay haiN
gar qubool uftad zahay.......
arz kiya hai..........
jahaaN dekho zulmo sitam dekhtay haiN hum insaaniyat kay alam dekhtay haiN
khuda nay kaha muttahid haukay jeenaa magar muntashir sabkau hum dekhtay haiN
jau parcham uthaaye haiN insaaniyat ka hum unmeiN bhi insaan kam dekhtay haiN
sisakti hai insaaniyat aaj phir bhi kisee kau kisee ka nah hum dekhtay haiN
khabardaar hau jaayeN zaalim jahaaN kay nazaaray yeh ahlay qalam dekhtay haiN
chalo inquilaab aik laayeN jahaaN meiN hamaari taraf ahlay gham dekhtay haiN
mohammed(sawaw)kay haamid say kehti hai duniya "tujhay kis tamanna say hum dekhtay haiN"
nateejaye fikr haamidbaaqari al hamdulillah
|
|
|
Post by haamidbaaqari on Jul 12, 2007 16:27:34 GMT 5
GHAZAL **** Gham ki tasweer ho gayi hai hayat meri tash'heer ho gayi hai hayat mukhtasar si hai daastaaN apnii thii jawaN peer ho gayi hai hayat uss ka ehsaan khuub hai shayed jiss ki jageeer ho gayi hai hayatt khwaab dekha thaa tum se milne ka aorrr ta'abee ho gayi hai hayat usski janib berhe qadam jab bhi touq o zanjeer ho gayi hai haya ****************************** Assalaam o alaikum mohtaramah nilofar saahebah
hum aapsay pehli baar mukhaatib ho rahay haiN.
aapki ghazal hameN pasand aayee.
lehaaza daad haazir hai qubool farmaayeN
sada khush raheN.
MUKHLIS HAAMIDBAAQARI
|
|
|
Post by haamidbaaqari on Jul 12, 2007 16:34:00 GMT 5
assalam-o-alaikum aik taazah ghazal ke chand ash'aar Haazir haiN, umeed hai aHbaab apni aaraa se navaazeN ge. zeest ke saare maze maine jo paaye ghar se aik ik kar ke voh rukhsat hue haaye ghar se
gham-e-tanhaai ki aavaaz jo aaye ghar se aisi soorat meiN to Allaah bachaaye ghar se
she'r kehte hue taari tha junooN ka aalam "kabhi seHra, kabhi darya nazar aaye ghar se"
qissa-e-dard ko tum dil meiN chupaa kar rakhnaa baat ye ghar ki hai baahar nahiN jaaye ghar se
baap aHsaas-e-judaai se lahoo rotaa hai rishta jab aata hai beTi ka paraaye ghar se
shikwa-e-zulmat-e-shab kis liye karta hai Nabeel kaun kehta hai use raat ko jaaye ghar seshukria amjad Assalaam o alaikum amjad bhai
kaisay haiN AAP?
is ustaadaanah takhleeq per hamaari dilee daad aur mubaarakbaad qubool farmaaiye.
allah(sbhnwt)karay zoray qalam aur ziyaadah
mukhlis haamidbaaqari
|
|
|
Post by haamidbaaqari on Jul 12, 2007 16:43:09 GMT 5
Ahbab ki khidmat maiN slaam Chand roz pehlay hi yeh ghazal hui thee magar Matla ka intezaar karta raha isay meri khami samjh laiN ya qafia radeef ki tangi keh abhi tak matla nahi keh saka so bghair matlay kay yeh ghazal qabool farmaiyay kautahi fan ka aiteraaf karta hooN Assalaam o alaikum rafi tabassum saahib
kaisay haiN aap?
kayee dinoN say hum access kar nahiN paaye aapki site ko aaj yeh achaanak khulgayee badee khushee huee hameN.
AAPKI pesh karda ghazal bahut khoob hai
aap apna aik munfarid andaaz rakhtay haiN
masha allah...kya kehnay....
hamaari dilee daad qubool farmaayeN.
allah(sbhnwt)karay zoray qalam aur ziyaadah
mukhlis haamidbaaqari
|
|
|
Post by haamidbaaqari on Jul 12, 2007 16:37:58 GMT 5
jo log khabroN meiN lail o nihaar hote haiN jo deen daaree k paikar shumaar hote haiN wo ehd leite haiN quraN pey jaan deiney ka pehen k burqa, magar khud faraar hote haiN Asslaam o alaikum khalid saahib
kaisay haiN aap?
YEH ALAMIYA HAI UMMATE MUSLEMA KA KEH ISKI QAYAADAT KAY LIYE BAS ISEE ISTARAH KAY LAUG REHGAYE HAIn.
bahut khoob.........
allah(sbhnwt)karay zoray qalam aur ziyaadah
mukhlis haamidbaaqari
|
|
|
Post by haamidbaaqari on Jul 12, 2007 16:31:08 GMT 5
Assalaam o alaikum aqeel saahib
kaisay haiN AAP?
aapki peshkarda ghazal bahut acchee hai
hamaari dilee daad qubool farmaayeN aapki is dilkash kaavish per
allah(sbhnwt)karay zoray qalam aur ziyaadah
mukhlis haamidbaaqari
|
|