|
Post by haamidbaaqari on Jan 8, 2008 12:01:25 GMT 5
bohot khoob haamid bhaii! ddad qubool keeje! bahut bahut shukriya khalid bhai
salaamat raheN
haamid baaqari
|
|
|
Post by haamidbaaqari on Jan 4, 2008 10:48:52 GMT 5
bahut bahut shukriya rafi tabassum saahib jazakallah
|
|
|
Post by haamidbaaqari on Dec 27, 2007 12:47:28 GMT 5
Assalaam o alaikum dosto
aap sabko kau naya saal mubaarak hau.
apni masroofiyaat ke baaic hum aajkal bahut kam net per aa rahay haiN.
hum allah(sbhnwt) say dua kartay haiN keh aap sab salaamat raheN.
aaj hum ek tarhi kalaam aap tamaam ahbaab kay hawaalay kar rahay haiN.
gar qubool uftad zahay.....
arz kiya hai.......
gham nah kar phir say suhaana yeh samaaN hau jaayega ek din yeh tapta 'sehra gulsitaaN hau jaayega
gham kay darwaazay peh dastak ek din daygee khushee gham kau apna ghar banaalay shaadmaaN hau jaayega
subh ka bhoola yaqeenan laut aaye shaam kau "aaj hai naa mehrbaaN kal mehrbaaN hau jaayega"
mayzbaani aadmi ki karnay waali hai ajal ek pal meiN qabr ka yeh mehmaaN hau jaayega
maiN andheray ka makaaN hooN rauz kehti hai zameeN bankay insaaN aa, tira raushan makaaN haujaayega
aadmi laakhoN haiN haamid,haiN yahaaN insaan kam farq yeh pehchaan warna baynashaaN hau jaayega
nateejaye fikr haamid baaqari al hamdulillah
|
|
|
Post by haamidbaaqari on Dec 27, 2007 12:45:44 GMT 5
bohat khoob baqeree sahib bahut bahut shukriya tabassum saahib
jazakallah
aapka apna haamid baaqari
|
|
|
Post by haamidbaaqari on Dec 17, 2007 20:41:34 GMT 5
Assalaam o alaikum dosto
aik aur tarhi ghazal hum aapkay hawaalay kar rahay haiN
gar qubool uftad zahay......
arz kiya hai.....
husn raaja hai husn raani hai husn hi say yeh zindagaani hai
pyaar kar husn say aray naadaaN zindagi say bhi kam jawaani hai
baant'taa pyaar chal zamaanay meiN pyaar hi husnay zindagaani hai
husnay akhlaaq pyaar aur ulfat deenay islaam ki neshaani hai
husnay 'aalam hai husnay rabbaani "husn ek kaifay jaawedaani hai"
hum peh insaaniyat kau naaz rahay zindagi milkay yuN bitaani hai
seekhlau sabr karna aye haamid aag ghussah hai sabr paani hai
nateejaye fikr haamidbaaqari al hamdulillah
|
|
|
Post by haamidbaaqari on Dec 17, 2007 20:43:38 GMT 5
bahut bahut shukriya
tabassum saahib
jazakallah
mukhlis haamidbaaqari
|
|
|
Post by haamidbaaqari on Dec 11, 2007 21:31:45 GMT 5
Assalaam o alaikum dosto
aik aur tarhi ghazal aapkay hawaalay kar rahay haiN
GAR QUBOOL UFTAD ZAHAY ........
arz kiya hai......
'azeez saari kitaabeN haiN is zamaanay kau kitaabay haq hai magar ratnay aur rataanay kau
kitaabay haq peh kiya ghaur tau pataa yeh chalaa zameeN peh bhejaa hameN rab nay aazmaanay kau
yeh zindagi hai kya aur kaisay hum kau jeena hai jahaaN meiN aaya hai qur'aan yeh bataanay kau
har ek zarra hai masroof bandagee meiN magar bas aadmi nahiN tayyaar sar jhukaanay kau
gunaa' h humnay kiye thay chupaa chupaa kay magar "nah jaanay kaisay khabar haugayee zamaanay kau"
khudaa kay waastay tum nekiyaaN karau haamid milayga waqt nah phir nekiyaaN kamaanay kau
nateejaye fikr haamidbaaqari al hamdulillah
|
|
|
Post by haamidbaaqari on Dec 11, 2007 21:27:45 GMT 5
aadaab bhai jaan. aadaab sunita behan
kaisee haiN aap?
phir se ek khoobsoorat ghazal padne ko di aap ne.dheron daad meri aur se. bahut bahut shukriya aapki purkhuloos daad kakhush rahen. aap bhi sada khush raheNaap ki behn AAP KA BHAI HAAMIDsunita
|
|
|
Post by haamidbaaqari on Dec 5, 2007 13:12:07 GMT 5
bahut bahut shukriya malik saahib
jazakallah
mukhlis haamidbaaqari
|
|
|
Post by haamidbaaqari on Nov 29, 2007 18:28:19 GMT 5
Pakeeza khayalaat kay saath ujli ujli ghazal daad qabool farmaiN Baqeri sahib bahut bahut shukriya rafi saahib.
jazakallah khair..
aapka apna haamidbaaqari
|
|
|
Post by haamidbaaqari on Nov 28, 2007 17:55:53 GMT 5
Assalaam o alaikum dosto
aik aur tarhi ghazal hum aapkay hawaalay kar rahay haiN
gar qubool uftad zahay........
arz kiya hai.....
haujaaye jau fanaa woh nahiN chaahiye mujhay parwardigaar khulday bareeN chaahiye mujhay
jaaye fanaa basaanay kau haiN laug bayqaraar aaraam gaa'h zayray zameeN chaahiye mujhay
mujh meiN lahoo rawaaN hai mohammed(sawaw)ki aal(a.s.)ka akhlaaq mera aur haseeN chaahiye mujhay
yeh kaayenaat meri hai' miaN kaayenaat hooN jau laamakaaN hau aisaa makeeN chaahiye mujhay
hum sab say keh rahee hai adaalat yeh cheekh kar "jau shaakh jis jagah thee woheeN chaahiye mujhay"
haamid dua karao keh kisee but kay saamnay jhuknay nah paaye aisee jabeeN chaahiye mujhay
nateejaye fikr haamidbaaqari al hamdulillah
|
|
|
Post by haamidbaaqari on Nov 28, 2007 17:40:13 GMT 5
mohtaram saeed sahibAssalaam o alaikum
aapsay hum pehli baar mukhaatib hau rahay haiN
masha allah bahut accha kalaam hai aapka
is dilkash ghazal per hamaari dilee daad qubool keejiye
allah(sbhnwt)kare zoray qalam aur ziyaadah
mukhlis haamidbaaqari
|
|
|
Post by haamidbaaqari on Nov 28, 2007 17:35:43 GMT 5
aadaab bhai jaan, aadaab arz hai sunita behankaisee haiN aap?musalmaaN ka yeh matlab hai khuda ki bandagee karna khudaa ka shukr hai khud kau musalamaaN kar liya maiN nay bahut sach kaha aap ne, aap sach maiN ek sache musalmaaN haiN dua keejiye keh hum aik acchay musalmaan bansakeN.
aur yeh ham sab ke liye bade fakhr ki baat hai ki hamaare beech aap hain jo hameN sahi raah dikha rahe haiN. hum bahut khush haiN aap sabkay saath yahaaN per.yeh aapki belaus mohabbat hai jau aap aisa sauchteeN haiN. khush rahen bhai jaan. aap bhi sada khush raheNaapka apna haamidbaaqari
|
|
|
Post by haamidbaaqari on Nov 28, 2007 17:29:19 GMT 5
wah wah hamid sahib khoob hy bahut bahut shukriya mohtaram razi saahib
aapki daad hamaaray liye sanad hai.riwayat sy jurri hui ghazal aur islaahi pehloo numaayaan hamaysha ki tara musalsal hausalah afzaayee keliye hum aapkay behad shukrguzaar haiN.thanx you are welcome razi haamid
|
|
|
Post by haamidbaaqari on Nov 28, 2007 17:26:24 GMT 5
Bohat khoob baqeri sahib hasb e saabiq khoobsoorat ghazal bahut bahut shukriya rafi saahib
jazakallah
mukhlis haamidbaaqari
|
|