|
Post by Sukhanwar on Nov 2, 2007 0:21:54 GMT 5
din Dhal chukaa thaa aur parindaa safar me.n thaa saaraa lahuu badan kaa ravaa.N Khisht-o-par me.n thaa
had-e-ufaq pe shaam thii Kheme me.n muntazar aa.Nsuu kaa ik pahaa.D saa haa_il nazar me.n thaa
jaate kahaa.N ki raat kii baahe.n thii.n mushta_iil chhupate kahaa.N ki saaraa jahaa.N apane ghar me.n thaa
lo vo bhii narm ret ke Tiile me.n Dhal gayaa kal tak jo ek koh-e-giraa.N rah_guzar me.n thaa
utaraa thaa vahashii chi.Diyo.n kaa lashkar zamiin par phir ik bhii narm paat na saare shahar me.n thaa
paagal sii ik sadaa kisii uja.De makaa.n me.n thii Khi.Dakii me.n ik chiraaG bharii dopahar me.n thaa
us kaa badan thaa Khuun kii hiddat se sholaa_fish suuraj kaa ik gulaab saa tisht-e-sahar me.n thaa
wazeer Agha
|
|
|
Post by Atif Mirza on Nov 3, 2007 13:04:12 GMT 5
Dr Wazir Agha humaray mulk kay azeem likhari haiN. Nasr aur shaeri donoN maiN likhtay haiN. Laikin ziyada e'timad nasr maiN dikhta hai. Yeh ghazal bhi achhi hai. Adab maiN unn ka muqabila Ahmed Nadeem Qasmi say raha hai. Aur iss muqabilay ki faza maiN jahaN adab ko nuqsan huwa wahaN faieda bhi huwa keh achha adab takhleeq huwa.
Bahar hal ghazal pasan aaiee, Razi Sahib achha intekhab hai.
|
|
|
Post by Rafi Tabasum on Mar 9, 2008 1:11:56 GMT 5
Khoobsoorat intekhaab thanks
|
|
|
Post by Atif Mirza on May 9, 2008 13:16:15 GMT 5
Tajdeed-e-Lutf ki khatir aaj maiN nay kayee baar iss aur iss ki taraH aur ghazalaiN paRheeN aur HaZ uThaya
|
|
|
Post by Meticulous on Jan 17, 2009 15:14:21 GMT 5
buhat acha intekhab hai razi bhai..maine pehli baar wazir agha sahab ka kalaam padha hai.
|
|