|
Post by rooh on Jun 8, 2007 20:11:03 GMT 5
Assalamo Ali Kum.... Janab Nadeem Bhabha Sahab ki nazm post kar rahi..ummed karti hun aap sabhi doston ko ye nazm parh kar bahot lutf aayega...mujhe personally ye nazm bahot pasand hai...ye nazm Nadeem sahab ne ebazm per post kii thii..wahiiN se parhi thii...
ajab khamoosh laRki hai LATA kay ganooN say apni muhabbat ka yaqeeN mujh ko dilati hai wo kehti hai ... magar wo kuch naheN kehti faqat mayri taraf wo dekhti hai aur payshani pay kuch jumlay ubhartay haeN na janay koon sa gham us ki khamoshi bana hai wo jab bhi mujh say milti hai haya kay farz ada karnay maeN hi masroof rehti hai na apni baat karti hai na mayray dil ki sunti hai ajab khamoosh laRki hai wo meray sath chalti hai to rastay achay lagtay haeN wo bolay to zameeN kay saray jumlay sachchay lagtay haeN magar wo bolti kab hai wo bas aaNkhooN hi aaNkhooN maeN koi paighaam deti hai jisay maeN sun naheN sakta jisay maeN sun naheN paya
|
|
|
Post by Sukhanwar on Jun 8, 2007 22:27:44 GMT 5
rooh ji shukria aap ny aik achi nazm parhnay ko dee nadeem bhabha ka taluk hamaray hi ilaaqay sy hy aur woh hamaray doston main sy hain un ki yeh nazm hum unki zabani bhi sun chukay hain acha kia aap ny yeh nazm sukhanwar ki zeenat bana dee thanx razi
|
|
|
Post by Rafi Tabasum on Jun 8, 2007 23:10:08 GMT 5
Nadeem bhabha hamaray bohat bay takaluf dost hain buniadi taur par hamaray elaqay say hi ta,aluq hay aaj kal Lahore main muqeem haiN aksar mulaqaat hoti rehti hay phone par bhi baat cheet chalti rehti hay yeh nazm jo aap nay post ki un ki zubani aksar suni hay bohat bohat shukria rooh ji aap nay bohat si shaamaiN aur raataiN yaad delaa deeN
|
|
|
Post by rooh on Jun 8, 2007 23:27:35 GMT 5
Rafi Bhai aur Razi bhai...shukriya....
ye nazm mujhe bari pasand hai...mein usally Nadeem sahab ki site se unki poetry parhti hun....
chalein Rafi bhai aap ki kuchh yaadein tazaa hogayein ye jaan kar khushi huii...
aise hi poetry ki site search kartey kartey ek din unki site mil gayii thii...wahaan pe unki ghazalein aur nazmein hain.....aur kuchh unki apni awaz mein recorded nazmein bhi hain....www.nadeemspoetry.com..
Nadeem sahab ko iss nazm pe humari aur se daad zarur dijiyega..lol...
Thanx
Rooh
|
|
|
Post by Atif Mirza on Feb 17, 2008 8:52:37 GMT 5
Wah!
|
|
|
Post by kanwal on Jun 5, 2008 0:05:22 GMT 5
Ache intkhaab ke liye Mubarakbaad ,....
|
|