|
Post by Atif Mirza on Jan 18, 2008 18:54:24 GMT 5
Aaj kal Multan aur uss kay gird-o-Nawah maiN aatay, bijli, aur gais kay saath saath adab ka bhi buhran aya huwa hai. Multan aur mazafaat say taalluq rakhnay walay adab dost logoN say guzarish hai keh woh iss taraf tawajja daiN.
Issi tarah ki bay haali ki khabraiN mulk kay baaz doosray izlaa say bhi mosool huwi haiN.
Sahiban-e-Adab say iltemaas hai keh woh mulk ko iss bohran say naikalnay maiN apna kirdaar adaa karaiN warna yeh bay haali bad-haali maiN badal sakti hai.
Iss ka aik hall jo iss khaksaar ki samajh maiN aataa hai woh yeh hai keh moharram ki majlis-e-azaa ki tarz per Majalis-e-Adab munaqid ki jaeiN, mushaeray aur adbi taqreebaat ka ehtimam bhi kia jaay.
Iss kay ilawa ehbab apni apni aaraa say bhi nawazaiN. Aap ki ain nawazish ho gi.
|
|
Shaheen
rukn
From City of Eagles
Posts: 161
|
Post by Shaheen on Jan 21, 2008 21:21:41 GMT 5
Mirza Jee,- Poori dunia say total do chaar log is site per on line ho kar do chaar jawab likh martay haiN us ki fikr karaiN aap mulk ki adbi bay haali per pareshan hain. Dunia maiN yeh aalam hai adab ka to Pakistan ya India maiN kia ho ga aur specially aap kay Multan maiN kia haal ho ga. Adbi taur per manDa to aaj kal Sargodha maiN bhi hai.
- Abhi aap yeh daikh laiN keh 18 Jan ko yeh thread shuroo huwa aur aaj tak kisi nay iss bay haali ka notice nahiN liya. Abb dekhtay haiN keh aur koun log aa kar shamil hotay haiN.
- Rabb khair karay.
- Main to issay dunia maiN adbi bad-haali kahoon ga.
|
|
|
Post by Rafi Tabasum on Jan 21, 2008 22:19:07 GMT 5
Jnab e Mirza sahib aur shaheen sahib dunia ur mulk kay amoomi haalaat hi badhaali ka shikaar haiN to adabi fiza bhi zahir hay mahaul hi say ban,ti hay magar mazi maiN aisay halaat aik khaas qism kay adab ki takhteeq ka ba,es huwa kartay thay aisay daur maiN shairi hi dukhi dilooN kay liay zaria e izhaar huwa karti hay
kia huwa jo log teray dar say ab khamoosh haiN werna dil maiN kartay haiN har baat par ik tabsra
aik din aisa bhi a,ay ka Tabasum daekhna band aankhaiN khud karaiN gi raat par ik tabsra
baharhaal hamaray elaqay kay adabi halqay mutaharak haiN adabi mauhaul bhi hay waqtan fwaqtan adabi taqreebaat ka in,eqaad bhi hota rehta hay kuch taqreebaat ki report maiN adabi khabrooN maiN post bhi karta hooN haaN majmo,aee taur par adabi mahaul jumood ka shikaar nazar aata hay
|
|
|
Post by Sukhanwar on Jan 26, 2008 17:58:09 GMT 5
yeh jamood asl main in halaat ki nishandahi karta hy jin sy hum aaj guzar rahay hain mera khyaal hy k adab ab hamari tarjeehat main hi shamil nhin raha aur isi liay log isay ghair munafa bukhsh kaam samjh kar is sy door ho rahay hain afsos to yeh hy k jo log is jamood ko torrna chahty hain wo bhi mayoos ho kar himmat haar jatay hain thanx razi
|
|
|
Post by uzair143 on Jan 27, 2008 17:03:34 GMT 5
Atif sb hum ne bout si takreebat arrange kerne ki koshish ki.place,guest sab final ho gia lakim masala sirf yahi hai k koi bara sath dene wala nahi hai.hum akele kuch nhi ker sakte jab tak koi sath denee wala na ho.ager app sath de to nawa-i-sehar k zairetamam takreebat kerwayi ja sakti hai Uzair
|
|
|
Post by HASIB RANA on Feb 1, 2008 22:22:30 GMT 5
SORRY ATIF BHAI . LIKHNY KO TO DIL BOHAT BAY TAB HAY . LAKIN TIME BOHAT KAM HAY .............. AIK DO ROZ MAIN PHER HAZRE LAGWAOON GAA YAHAN PER WISH U ALL THE BEST [/COLOR][/SIZE]
|
|
|
Post by Atif Mirza on Feb 2, 2008 0:03:15 GMT 5
MaiN mulk maiN adbi bay hali ko ro raha hooN, eh tau yahaN apnay hi forum per bhi haalat bahut buri hai. 93 Members main say total 5 nay yahaN likhna munasib jana. BaqiyoN nay tau gawara hi nahiN kia keh woh yeh post paR bhi laiN. khair Lock tau yeh post kia bhi nahiN jaay ga, aur maiN issay zinda rakhooN ga. Insha Allah.
|
|