|
Post by Sukhanwar on Dec 9, 2007 9:50:02 GMT 5
lahore main ab tak meri kisi say mulaqat to nahin hui na itna waqt hy abhi kisi sy raabta kia jaay taa hum yahan aa kar hum nay pehla raabta muzaffar mohsin sahib sy kia kul un sy mulaqat hona thee magar sham ko mujhay kahin aur jana parr gia aaj un sy miloon ga sukhanwar k aik aur dost waqqar sahib bhi yahin hotay hain main koshish zaroor karoon ga k waqar sahib sy bhi mulaqaat ho sukahnwar forum k jo dost lahore main muqeem hain woh mujh say is fone no par sham 5 bajay k baad rabta kar sakta y hain 03006359941 main chaahta hoon lahore main qayam k doran in doston mulaqat zaroor ho
|
|
|
Post by waqaar on Dec 9, 2007 16:35:40 GMT 5
Razi bh~aa,ii! aadaab! meN aap say inShaa,Allaah aaj hii raabitah kerooNgaa aapsay. waQaar
|
|
|
Post by khalid on Dec 10, 2007 4:09:55 GMT 5
razi bhaii aadaab!
chalye hameN ye to maloom hua ke aapki hijrat kahaN se kahaN tak ki thee lekin hijrat bahar haal hijrat hai! maiN dua kerta hooN k aap ka ye safar aur aasaan ho jaaey!
janaab peRhaii is umr maiN bhi ho sakti hai. aap yaqeenan umr maiN mujh se chotey hi haiN. meiree 6 disember ko graduation thee. maiN ne bhi is umr maiN pharmacy tchnician ka diploma liya hai. jo yaqeenan meirey liye joo e sheer laaney se kam na tha. bahar haal seekhta to insaan tamaam umr hi hai.
camra bhi ager fankaar ke haath maiN ho to fan paarey taraash sakta hai. maiN ne aik she'r kaha tha kuch arsa qabl is soorat e haal per muntabiq ho raha hai.........na ho ger uNgliyoN meiN mauseeqi kya karey ga rubaab masnooee?aap maasha allah fankaar haiN camrey ke saath bhi dil lagaiiye! insha allah is ko bhi aap taskheer ker hi leN gey.
neik taman'naaoN k saath
khaalid.
|
|
|
Post by Sukhanwar on Dec 15, 2007 18:04:22 GMT 5
Razi bhai, aap kee ye tehreer paRhi aur aakhir meN be.ikhtiyaar aankh meN aansuu aa gaye. maiN aap ke jazbaat ko be.had samajh sakti hooN ke shehr aur shehr waloN ko choRnaa itnaa aasaan naheeN hotaa jitnaa ke lagtaa hai magar ba'z auqaat hameN apne jazbaat ko aik taraf rakh kar kuch mushkil magar paaidaar faisle karne hi paRte haiN. aur aap kaa ye faisla bhee aisaa hi hai. lehaza sab Allah kee zaat par choR dijiye ke voh hi hamaare liye saab raaste tajweez kartaa hai. aap ke liye iss safar kaa har qadam mubaarak ho. mukhlis Naheed naheed ji bohat shukria aap ka aaj main 10 roz baad multan aaya to socha sab k payghamaat ka fardan fardan jawab doon aap nay jis tara hosla barhaaya us k liay main aap ka mamnoon hoon thanx razi
|
|
|
Post by Sukhanwar on Dec 15, 2007 18:12:06 GMT 5
mohtaram aap multaan choR rahey haiN to itney ranjeeda haiN! yahaN watan ko khairbaad kahey aaj saatvaN baras hai! ager hamaari mehroomiyoN ki taraf thoRa sa ghaur fermaaeN gey to yaqeenan apna dukh kam mehsoos ho ga aap ko!
aap to maasha allah achey mustaqbil ki taraf jaa rahey haiN. hameN to kuch pata nahiN tha ke hamaara baney ga kya! bahar haal rab ul izzat ne yahaN bhi aik lehaaz se surkhroo rakhha ke ab tak kisi ka mohtaaj nahiN kiya!
aap ne apni naii manzil ka kuch waaze' pata nahiN diya! aajkal ke taraqqi yaafta daur meiN shayad hi koii aisee jagah ho is kur'ra e arz per jahaN se aap forum ki, aur forum aapki poaoNch se amlan door ho sakey! isliye huzoor forum ko rafi sb ke saath mil ker chalaiiye aur ronaqeN bahaal rakhye!
meira hmeisha sey yehi maan'na raha hai, aur yahaN aaker ye eemaan aur bhi pukhta ho gaya hai k........[glow=red,2,300] jahN jaa k jhandey ko gaaRa watan hai jahaN jaa ke rab ko pukaara watan hai[/glow] khuda ta'aala aapke liye is hijrat ko vaseela e zafar banaaeN! aameen!
khaalid. khalid bhai aap ka muhabat bhara paygham parh to pehlay roz hi lia tha magar jawab aaj day raha hoon aap ny drust kaha k watan sy hijrat ka dukh bohat barra hota hy main ny aap tamaam doston ki tehreerain parheen to ehsaas hua k mera dukh bohat maooli hy lahore main hamari training jaari hy masroofiat itni zyaada hay k abhi baa qaidgi k saath forum main aana mumkin nahin aap sab ki duaain meray liay bohat ehmiat ki haamil hain thanx razi
|
|
|
Post by Sukhanwar on Dec 15, 2007 18:14:18 GMT 5
aik din k liay ghar aaya hoon to bohat sy kaam bhi saath saath nimta raha hoon aaj raat tamaam doston ko tafseel say jawab doon ga abhi aik bulaawa aa gia hy thanx razi
|
|