|
Post by dnangrani on Nov 19, 2007 2:53:47 GMT 5
Arse baad kadam rakh rahi hoon is gazal ke saath, kahin koi galti ho to zaroor us or tavajoo chahoongi. :)Gazal: 106 Ungli to dostoN pe uthaaya na kejiye Ye dosti hai, aise nibhaaya na kekiye. Dar hai ke rooth jaaye na sab aapse kahin Aaina doston ko dikhaaya na kejiye. Jo saaye raat ko sada roushan kiya kare chingariaN to aisi bujhaaya na kejiye. Jo tark kar chuke hain tumhein rahe-dard par Unki khushi ka jashn manaaya na kejiye. Muddat ke baad zakhm ki lag jaaye jub bhi ankh Aahat se apni usko jagaaya na kejiye. ToofaaN mein doob jaaye to Devi nahin malaal Saahil pe laake kashti dubaaya na kejiye. Devi
|
|
|
Post by Sukhanwar on Nov 19, 2007 22:40:26 GMT 5
Dar hai ke rooth jaaye na sab aapse kahin Aaina doston ko dikhaaya na kejiye.
wah wah devi ji aap ki shairi parhnay ko to hum taras gaay thay khushi hui aaj mudat k baad aap ko is forum main daykh kar aap ki ghazal pasand aai thanx razi
|
|
|
Post by Rafi Tabasum on Nov 19, 2007 23:30:54 GMT 5
Bohat khob Devi ji
|
|
|
Post by waqaar on Nov 20, 2007 3:41:02 GMT 5
Devi jii, kahaaN ghaaYab rehti haiN aap? umeed hay sab kheriYat hay. aapki ghazal maiN aapki bh~arpoor mehnat naZ^ar aa rahii hay. bahut hii aCHh~ii ghazal aur bilkul SaHiiH talaffuz. merii daad qubool kee jiYay! waQaar
|
|
|
Post by khalid on Nov 26, 2007 1:44:17 GMT 5
devi ji achi ghazal ke liye daad qubool keeje! ''dubaana'' shayad hindi ka lafz ho urdu maiN ''dubona'' ya ''dubo deina'' fe'l hai. lekin dubaana nahiN!
bahar haal majmooii taur per ghazal khoob hai!
|
|
|
Post by dnangrani on Dec 5, 2007 4:03:24 GMT 5
Devi jii, kahaaN ghaaYab rehti haiN aap? umeed hay sab kheriYat hay. aapki ghazal maiN aapki bh~arpoor mehnat naZ^ar aa rahii hay. bahut hii aCHh~ii ghazal aur bilkul SaHiiH talaffuz. merii daad qubool kee jiYay! waQaar waqqar ji kya bataon, is site par aane ke liye jaane kitne sehra ke dariya paar kiye, aap Razi Saheb se poochiyega. Raah to jaani pahchaani thi jaane kyon pagdandiyan badal si gayi. ab acha lag raha hai. haan ek request aur isi manch se seekha hai kuch galti ho to zaroor ishara kejiyega. ssneh Devi
|
|
|
Post by dnangrani on Dec 5, 2007 4:05:24 GMT 5
khaalid ji aapka bahut dhanyawaad is tarah raah roushan karne ke liye, Devi
|
|
|
Post by Atif Mirza on May 14, 2008 17:22:52 GMT 5
Bahut achchi ghazal hai Devi Ji! Bus lafz Dubaaya ko daikh lijiay ga. Yeh lafz Urdu ya Hindi donoN bhaashaaoN maiN nahiN.
|
|
|
Post by dnangrani on Jun 14, 2008 12:53:19 GMT 5
Bahut Bahut shukraguzar hoon aap sabhiki. Is Bazm mein samil hona ek sukhad anubhav hai wishes Devi
|
|