|
Post by kanwal on May 9, 2007 0:50:43 GMT 5
Aik khubsoorat aur mohtaram shaira jo kuch arsa pehle hi humari mehfil Sukhanwar meiN aayee,... Aur abhi shayed hum logoN ko samjh rahi thi ke sab tehas nehas ho gaya,....
YuN bhi hota hai kabhi kabhi ,.... Noshi jee aapko phir se dil ki gehraiyoN se Khushamdeed kehti hooN,... Aur umeed karti hooN ke aap ko humara khaloos, aur humari mehfil pasand aaye gi,...
Aapke aane ki khushi meiN jo humne jis andaaz meiN aapko Welcome kia tha ussi andaaz meiN phir se kar rahe haiN,... kiyonke Kaaghaz phat sakte haiN,... Forums tabaH kiye jaa sakte haiN,.. par aik cheez jo kabhi tabaaH nahiN ho sakti hai wo hai khaloos, pyar Muhabbat aur Khuda tallaH ka ataa kia hua Khayaal aur HaathoN ki taaqat, Qalam ki taseer,.......
So aapki nazR aik baar phir se ,....[shadow=green,left,300]Khushamdeed ,........ [/shadow]Aur haaN kuch arsaa pehle mujhe aapki aik bohat shahkaar si tasveer milli jis meiN sirf zindagi hi zindagi nazr aayee mujhe wohi main iss baar apne dostoN ke liye laga rahi hooN ,.....
|
|
|
Post by kanwal on May 9, 2007 0:51:48 GMT 5
Roman meiN ,....
Wo jo lagti thi kaanch ki gudiya Zarb parne par aahan nikli
Yeh khubsoorat sher kaha gaya hai aik aisi hasti ke liye jis ne dukhoN ki dhoop, jeevan ki bhatti meiN jal kar kundan banna seekha… Aur Aurat ko bataya ke wo bazahir kamzor hai, haqeeqatan parwardigaar e aalim ne us meiN aisi Quwat, aisi taaqat rakh di gayee hai ke shair be ikhtiyaar ho kar keh uthe ke : Wo jo lagti thi kaanch ki gudiya Zarb parne par aahan nikli
Noshi gilani,…Aisi udaas, khubsoorat shaira jis ka taluQ bahawalpoor se hai aur america meiN muqeem hai, kisi taruf ki mohtaaj nahN,..magar kal razi jee ki mail aayee ke ladki tayaar ho jao aik aur aazmaish hai tere liye,… yani sooraj ko main aaj dia dikhaane nikli hooN,… magar kanwal khushqismat bhi to hai jisse iss haseen o zaheen o fateen shaira ki nazar lafzoN ke chand phooloN se sawaagat karne ka mauqa mila hai. So iss khaaksaara ki adnaa si kaavish paish e khidmat hai…..
Noshi gilani ki shairi meiN zindagi ka har rang milta hai, khushyoN ki barkha ho ya aanswoN ki baraat,…dard ki lehr ho ya tanhayee ka toofaan,… muashre ki be atnaiyoN ho ya apnoN ki be wafayee,… bebasi o be kasi ke ghane siyaah baadal hoN ya umeedoN ke jalte chiraagh,… sab kuch hi to milta hai iss kaanch ki gudiya ki zaat o kaenaat meiN.
Apne haseeN bachpan ko yaad karte hue yeh gudiya goeya hoti hai ke Koi mujh ko mira bhar poor sarapa laa de Mire baazoo, miri aankheiN, mira chehra laa de Kuch nahiN chahiye tujh se e miri umr rawaN Mira bachpan, mire jugnoo, miri gudiya laa de
Magar afsos nanhe nanhe haathoN se gudiya,.. maasoomiyat chhen le jana asaan hai lekin usse lautaana utna hi kathin o dushwaar hai aur agar yuN kahooN ke na mumkin hai to bhi ghalt na hoga. Iss kaanch ki gudiya ke chote se dil meiN dard o khauf ka shajar yuN apni shaakhoN ki baanehiN phailaye hai ke iss ka poora dil o jaaN mehsoor nazar aate haiN. Issi bina to apni aik nazm meiN yuN kehti hai ke ***DilloN pe ik achanak haadse ka khauf taari hai
Ik haadse ne aik insaan ke laboN se yuN muskurahat chheen kar uski aankhoN meiN dard o udaasi ki saughaat yuN bakhshi ke wo yuN goeya hua ke Mera wajood hai aur be shumaar aankheiN haiN Yeh saara shehr hai aur bas aik chehra hai
Dard jab had se barhta hai to aankhoN meiN aanswoN ki barsaat bakhsh jaata hai, aur apne dard ko aap yuN biyaan karti haiN ke Lahoo tak aankh se ab beh lia hai Bohat tha jabar lekin seh lia hai Nami aankhoN se jaati hi nahiN hai Sitam iss din ne itna seh lia hai
Magar noshi gilani kuch nalaaN nalaaN si nazar aati haiN apne aanswoN se ke aansoo aksar dil ka haal ayaaN kar jaate haiN issi liye kehti haiN ke: Mujhko ruswa sar e mehfil to na karwaaya kare Kaash miri aankhoN meiN hi reh jaaya kare E hawa maine to bas iss ka pata poocha tha Ab kahaani to na har baat ki ban jaaya kare
Kehte haiN ke aansoo jab ranj o gham ki bhatti se pigal kar aankh ke piyaale meiN utarta hai to wo aik kamzor si aurat ko bhi seesa ki maanidmazboot bana deta hai ke wo jeevan ke aandhi, toofaanoN meiN bhi aik mazboot shajar ki soorat khud sooraj ki aag meiN jal kar auroN ke liye saaya bakhsh sakti hai,... lehaza noshi bhi iss dukh ke sehra se guzar ke kehti haiN ke: Hijr ki shab meiN qaid kare ya subah wasaal meiN rakhe Acha maula teri marzi tu jis haal meiN rakhe
Aur parwardigaar e aalim ke hazoor yuN iltja karti haiN ke: Mujhe bhi harf e sadaaqat ki bheek de maula Main tere dar ki bhikaaran hooN aur qitaar meiN hooN
Aur Khuda to wo mehrbaan hasti hai jo diloN meiN chuupi awaaz ko bhi sun leti hai to ik zakhmi dil ki faryaad kaise uski baargah tak na pohnchti,… Uski rehmat ne kamzor haath meiN wo Qalam dia jis ki taaseer dil o jaan aur parhne waaloN ki rooH ko bhi jhinjhor gayee. Khuda ki rehmat ka saboot noshi yuN deti haiN ke: Khawaab ke qaidi rahe to kuch nazar aata na tha Jab chale to jungloN meiN raasta banta gaya
AankhoN meiN heraani o udaasi ke samndar basaaye yeh khubsoorat si shaira iss qadr hasaas saabit hui ke is ne apne saath saath aam logoN ke dukh ko bhi apna dukh samjha,…. LadikyoN ke jazbaat ko apne qalam ki siyaahi se yuN kaaghaz par bakhera ke kaaghaz bhi apni qismat pe rashk karta hoga. Aap kehti haiN ke: Mahtaab ruteiN aayeiN to kya kya nahiN kartiN Iss umr meiN to ladkiyaN soeya nahiN kartiN Qismat jinheiN kar de shab e zulm ke hawaale Aanchal wo kisi naam ka aurha nahiN kartiN Jo ladkiyaN tareek muqadar hoN kabhi bhi RaatoN ko diye ghar meiN jalaaya nahiN kartiN
Iss nageena ki chamak ko ahmed nadeem qaasmi ne apne lafzoN meiN badi khubsoorati se paroya hai jis meiN se kuch aap ki bisaartoN ki nazar karti hooN: „Noshi ki ghazloN aur nazmoN meiN har tarf titliyaN aur phool aur jugnoo ki roshniyaN bikhri hui haiN magar is ki khaas ul khaas aur pasandeeda alaamat hawa hai, hawa ko us ne musbat sift ka haasil bhi qaraar diya hai aur manfi khasoosiya ka bhi. YuN samjheiN ke hawa se noshi ne zindagi ke aksar pehluwoN ki numaindgi ka kaam lia hai ***Hawa be shakl hai phir bhi kayee shakleiN banaati hai.“
Issi nageena ki chamak ko munu bhai ne apne lafzoN meiN yuN muqayad kia ke: “Noshi gilaani tum Hazrat Bibi Hajira ki beti ho to rait meiN aansoo boti ho aur dukhoN ki fasal kaati raho, itni mehnat se kamaaye hue dukh ruswaiyoN se haasil hone waale gham aur dard ke dhaagoN se bani hueiN yaadeiN tumheiN apne saath le jaane ka bhi koi haQ nahiN. Inhi sheroN aur kitaaboN meiN chod jao ke kal koi noshi gilaani piyaas ke sehra meiN tanhayee mehsoos na kare aur isse yeh chashma naseeb ho“. Aur issi baat ko gehrayee se samjhte hue noshi yuN Khuda talah se goeya hotiN haiN ke: Lafz sare chiraagh ban jaayeiN Wasf aisa mire hunr meiN rahe Zehr saara shajr meiN aa jaaye E Khuda zindagi samar meiN rahe
Iss hasaas dil ke kayee aur bhi pehloo haiN jo yeh nacheez biyaan karne se qaasir hai haaN bas itna kahooN gi, aisi khawaatin hi haiN jo ladkiyoN ke liye mashl e rah ban kar inheiN yeh samjhaati haiN ke dekho tum kamzor nahiN, Chaaho to aasmaN ki bulandiyoN ko bhi chhoo sakti ho,... Aur bilaakhir mard yeh kehne pe majboor ho jaata hai ke: Zameen par hai magar aasmaan jaisi hai Wo narm mom si ladki chitaan jaisi hai
To Noshi jee yeh to chand lafzoN ke guL the kanwaL ki tarf se aapko Sukhanwar meiN dil ki gehraaiyoN se khushamdeed kehti hooN aur bas itna hi kahoongi ke GuL bahaaroN ka ho, ya kisi bayabaaN ya tilchhat ka hota muqadas hi. ......................
|
|
|
Post by Rafi Tabasum on May 9, 2007 1:34:37 GMT 5
Noshi ji Aik dafa phir is bazm maiN khush amdeed
|
|
neha
rukn
Posts: 239
|
Post by neha on May 9, 2007 14:08:39 GMT 5
Welcome Noshi ji, Mein tou mehdood say lamhon main mili thi us say Phir bhi wo kitny wazahat say mujhay sochta hai
|
|
|
Post by uzair143 on May 9, 2007 14:32:27 GMT 5
as salam alikum noshi sahiba
welcome on this forum
|
|
|
Post by shahkaar on May 9, 2007 16:23:27 GMT 5
Noshi saheba
Sukhanwar mein ham aap ko khushamdeed kehtay hein
waqar masood khan
|
|
Nadia
ibtidaai rukn
Posts: 66
|
Post by Nadia on May 10, 2007 0:12:03 GMT 5
adaab Noshi Ji App ko dil ki gehraiyon se aik bar phir khushaamdeed is mehfil men
|
|