|
Post by Jalees Sherwani on Aug 30, 2007 23:26:47 GMT 5
Azeezan-e-bazm aadaab, Ek muddat baad haazir ho raha hooN is Ghazal ke saathh. Ummeed hai pasand-e-khatir hogi.
Hum to oonchi udaan wale haiN. Hausle aasmaan wale hain.
Aap teer-o-kamaan wale haiN. Aur hum, hum to jaan wale haiN.
Log jo oonchi shaan wale haiN. Meri Urdu zabaan wale haiN.
Zindagi wo muamma hai jis ke. Saare pehloo gumaan wale haiN.
Lutf baarish ka poochhye un se. Jo bhi kachche makaan wale haiN.
Teri qurbat azeez hai lekin. Lamhe sab imtehaan wale haiN.
Jin ko sooraj salaam karta hai. Hum wo pehli azaan wale haiN.
Khwab manzil ke dekhte haiN Jalees. Paaon jin ke takaan wale haiN.
Apni garaN qadr aa'raa se nawaazeN. Jalees Sherwani
|
|
|
Post by Rafi Tabasum on Aug 31, 2007 1:29:10 GMT 5
Hum parinde udaan wale haiN. Hausle aasmaan wale hain.
Aap teer-o-kamaan wale haiN. Hum to amn-o-amaan wale haiN.
Lutf baarish ka poochhye un se. Wo jo kachche makaan wale haiN.
Teri qurbat azeez hai lekin. Lamhe sab imtehaan wale haiN.
Jin ko sooraj salaam karta hai. Hum wo pehli azaan wale haiN.
Bohat Khoob Sherwani sahib saari ghazal khoob sorat daad qabool kejiay
Jo log oonchi shaan wale haiN. Shayad Urdu zabaan wale haiN.
is shaer kay pehlay misray ko agar.............
log jo oonchi shaan walay haiN kar dia ja,ay to meray khayal maiN misra ziada rwaaN ho ja,ay ga
khoobsoorat ghazal par mubarak baad
|
|
|
Post by Jalees Sherwani on Aug 31, 2007 23:34:24 GMT 5
Doctor Sahab Aadaab, Mashvare ka shukriya aur sher ko durust bhi kar diya gaya. Pazeeraaii se mamnoon kiya hazrat. Aap ka apna Jalees
|
|
|
Post by waqaar on Sept 1, 2007 15:45:10 GMT 5
Jalees SaaHeb, aadaab, huZoor aap to 'eed ka chaaNd ho gaye ,saal ba'd naZ^ar aaye haiN. aur is baar apnay raNg maiN uMdah ghazal lay ker aaye saath. bahut khoob! daad haaZir hay,qubool kee jiYay! waQaar
|
|
|
Post by Jalees Sherwani on Sept 1, 2007 23:20:25 GMT 5
Ji Waqar Miyan...Aadaab Bas kuchh masroofiyaat aisi rahiN k haazri maiN taakheer ho gayee. Lekin yaad aati rahi aur dil masoste rahe... Ghazal ki pazeeraaii ke liye shukriya. Aap ka apna Jalees
|
|
|
Post by Jalees Sherwani on Sept 5, 2007 23:19:00 GMT 5
[b]Aadaab Sunita jii Aap ahi^n kaha^n? Zamaana ho jaata hai, aapse mulaaqaat nahi^n hoti? Is berukhi ki koi to wajah hogi? Ghazal pasand aayee, shukriya. Apna khayal rakhe^n. Aap ka Jalees bhai jaan[/b][/color]
|
|
|
Post by khalid on Sept 8, 2007 7:27:04 GMT 5
bohot khoob jalees sb! aapki zameen meiN aik sheir khiraaj e aqeedat k taur per haazir hai.............aaj khud haiN shikaar hone ko wo jo ooNchi machaan waaley haiN
|
|
|
Post by Atif Mirza on May 11, 2008 22:24:17 GMT 5
Wah Jalees bhai! Umda ghazal hai. Sehl-e-Mumtanaa ki umda miCal.
|
|