|
Post by nasirburney786 on Mar 26, 2009 13:38:57 GMT 5
nazreen taza ghazal post ker raha hoon umeed hai pasand aayegi
misra-e-tarah jo hindostaan mein diya gaya tha{log ker lete hein eemaan ka soud kese}us per apni kawish rawana ker raha hoon
ghazal
jhoot ka leta bhala khat mein sahara kese? haal-e-dil main use likhta bhi to likhta kese?
tera chehra meri janib hai agar ye such hai phir meri zeest mein baaqi hai andhera kese?
ho gai hai agar eesaar se khaali dunya de raha hai hamen sooraj phir ujala kese?
tum to kehte the k dekha hi nahin dasht-e-shouq daastan ho gai kaanton se shanasa kese?
hum se to ghert-e-iflaas bhi bechi na gayi "log ker lete hein eemaan ka souda kese"?
maan lete hain magar ye to batao nasir ye agar ishq ka nashsha tha to utra kese? mukhlis nasir burney jeddah
|
|
|
Post by tmasood on Mar 26, 2009 14:49:54 GMT 5
mohteram Nasir Saheb
salaam
meiN aapko is mehfil maiN tamaam members ki terafse khush aamdeed kehti hoN.
aur saath hi is khoobsurat kalaam k liye shukeriyah
hum se to ghert-e-iflaas bhi bechi na gayi "log ker lete hein eemaan ka souda kese"?
achi girah lag'ee hai
keep up the good work
khush rehiaN
wassalam
|
|
|
Post by Aqeel Malik on Mar 26, 2009 16:35:57 GMT 5
achi kawish hay jadeed rujhaanaaat kay matalia say kajian jald he door ho jaeaN gi
|
|
|
Post by nasirburney786 on Mar 26, 2009 17:59:10 GMT 5
mohtarma tmasood sahiba asslamualaikum zarra nawazi ka bhut 2 shukriya
nasir burney
|
|
|
Post by nasirburney786 on Mar 26, 2009 18:07:57 GMT 5
mohtaram aqeel malik sb. asslamualaikum aap ka bhut 2 shukriya ek darkhwaast hai k agar aap ko kahin koi khaam ya kaji waqaee mahsoos hoi hai to zaroor wazahat farmaen main muntazir rahoonga
mukhlis nasir burney
|
|
jooni
sukhanshanas
Posts: 480
|
Post by jooni on Mar 27, 2009 0:20:31 GMT 5
Nasir Burney Sahib, Adaab.
" Sukhanwar " ki mehfil main " Khush Aamdeed "
Khoob ghazal kahi aap ne. Daad hazir hai.
|
|
|
Post by Sukhanwar on Mar 27, 2009 12:06:29 GMT 5
nasir sahab sukhanwar ki mehfil main aap ko khush aamdeed kehta hoon aap sy guzarish hy k aap apna apna taaruf walay thread main apna taaruf bhi kra dain aap ki ghazal pasand aai humain aap ki takhleeqaat ka intzaar raha karay ga thanx razi
|
|
zaki
sukhanshanas
Posts: 446
|
Post by zaki on Mar 28, 2009 13:38:26 GMT 5
Khush Amdeed Nasir Sb ....
Bahut khoobsorat sharing hai ap ki .... Sada khush raheay .....
|
|
|
Post by Atif Mirza on Apr 7, 2009 10:15:58 GMT 5
Bahut umda ghazal hai Burney Sahib! Daad hazir hai.
3rd sher maiN "PHIR UJAALA" maiN "ray" aur "alif" ka idghaam nahiN ho raha hai.
|
|
|
Post by nasirburney786 on Apr 8, 2009 18:55:44 GMT 5
MOHTARAM JOONI SB.AADAAB BHUT 2 SKUKRIYA AAP KI MUHABBATON KA
|
|
|
Post by nasirburney786 on Apr 8, 2009 19:01:34 GMT 5
MOHTARAM RAZI SB. ASSLAMUALAIKUM BHUT 2 SHUKRIYA DAAD-O-TEHSEEN SE NAWAZNE KA AAP KA HUKM MILA TA'AARUF KE LIYE TO MAIN PEHLE HI APNA TA'AARUF POST KER CHUKA HOON
MUKHLIS NASIR BURNEY
|
|
|
Post by nasirburney786 on Apr 8, 2009 19:04:09 GMT 5
MOHTARAM ZAKI SB. ASSLAMUALAIKUM BHUT 2 SHUKRIYA AAP KI MUHABBATON KA ALLAH HUM SUB KO KHUSH RAKHE(AAMEEN) MUKHLIS NASIR BURNEY
|
|
|
Post by nasirburney786 on Apr 8, 2009 19:28:42 GMT 5
MOHTARAM MIRZA SB. ASSLAMUALAIKUM AAP KI MUHABBATON KA BHUT 2 SHUKRIYA AOUR IS BAAT KA BHI K AAP NE MERI GHAZAL KO BAAREEK BEENI SE PARHA AOUR AAP KA YE AITRAAZ HAI 3rd SHER MEIN K ''REY'' KA ''ALIF'' SE IDGHAAM NAHIN HO RAHA HAI----- ARZ YE HAI K ''ALIF'' YAHAN PER TAQTEEY MEIN GIR JATA HAI AOUR ''REY'' MAJZOOM SE MUTAHARRIK HOKER SEEDHE ''JEEM'' SE JA MILTI HAI YANI ''PHIRUJAALA''YAANI ''ALIF'' APNA PESH ''PHIR'' KI ''REY'' KO DE JATA HAI UMEED HAI BAAT SAMAJH MEIN AA GAYI HOGI AIK BAAR PHIR AAP KA BHUT 2 SHUKRIYA MUKHLIS NASIR BURNEY
|
|
|
Post by Sukhanwar on Apr 9, 2009 0:47:57 GMT 5
MOHTARAM RAZI SB. ASSLAMUALAIKUM BHUT 2 SHUKRIYA DAAD-O-TEHSEEN SE NAWAZNE KA AAP KA HUKM MILA TA'AARUF KE LIYE TO MAIN PEHLE HI APNA TA'AARUF POST KER CHUKA HOON MUKHLIS NASIR BURNEY ji nasir sahab hum ny aap ka taaruf parh lia khushi hui k aap jaysa khoobsoorat shair is bazm ka rukn bana thanx razi
|
|