|
Post by rooh on May 8, 2008 18:02:31 GMT 5
Bazm ke sabhii doston ko Salam...
kuchh din pehle likhi huii ye ghazal aap ke khdimat mein pesh kar rahii hun....Aap sabhon ki rai ka intezaar rahega..
Kiya thaa rooh kaatib se jo waadaa wo wafaa karde kahaanii mein tira kirdaar jitna hai adaa kar de
Nikal ja zindagii kii raah pe manzil kii jaanib tuu merii ulfat ke zindaan se sanam khud ko rihaa kar de
abhii ruuThay nahii haiN zindagii ke rastay tujhse masafat phir shuru tu koii mere humnawaa kar de
mere jazbaat lafzon mein n gar dhal paaye to yaa rab merii khamoshiyon ko tuu mere dil kii sadaa kar de
basaa de ai khudaa uss ko kisii aabaad gulshan mein merii banjar zameeN se tuu Jadein usski judaa kar de
Rooh
|
|
|
Post by Rafi Tabasum on May 8, 2008 22:29:04 GMT 5
wahhhhhhhh
|
|
|
Post by Atif Mirza on May 8, 2008 22:59:15 GMT 5
Wah Rooh ji baRi murassa aur napi tuli ghazal hai, Daad hazir hai.
Aik guzarish:- abhii ruuThay nahii hai zindagii ke rastay tujhse masafat phir shuru tu koii mere humnawaa kar de
"hai" ko agar "haiN" likhaiN tau nawazish ho gi.
|
|
|
Post by rooh on May 10, 2008 15:54:35 GMT 5
Salam
Rafi bhai Ek baar phir aap ke waaah ka shukriya...lol
|
|
|
Post by rooh on May 10, 2008 15:56:05 GMT 5
Atif Sahab ghazal pasand karneka shukriya... ji aap ne jo correction bataya hai wo asal mein typo hai mein theek kar deti hun.
|
|
|
Post by Atif Mirza on May 10, 2008 19:25:40 GMT 5
Thanx 4 eradicating typo.
|
|