|
Post by khalid on Jan 12, 2008 11:29:26 GMT 5
adliya pamaal, mujhko fakhr hai media be haal, mujhko fakhr hai gheir jaanibdaar ho ga intekhaab aa elction saal, mujhko fakhr hai
|
|
|
Post by Atif Mirza on Jan 12, 2008 17:42:29 GMT 5
adliya pamaal, mujhko fakhr hai media be haal, mujhko fakhr hai gheir jaanibdaar ho ga intekhaab aa elction saal, mujhko fakhr hai Khalid Sahab! aap ki tarah mujhay bhi aaj aap kay iss khoobsoorat qatay say tehreek mili aur jawab aaN ashaar hazir haiN:-
- Gais ki haRtal, Mujhko fakhr hai
BijliyoN ka hai kaal, Mujhko fakhr hai
- Phir rahay haiN dhondtay aataa sabhi
Bhook say bad-Haal, Mujhko fakhr hai
- Hai bisaat-e-waqt say zahir yehi
TaiRhi hai har chaal, Mujhko fakhr hai
|
|
|
Post by khalid on Jan 12, 2008 20:34:20 GMT 5
adliya pamaal, mujhko fakhr hai media be haal, mujhko fakhr hai gheir jaanibdaar ho ga intekhaab aa elction saal, mujhko fakhr hai Khalid Sahab! aap ki tarah mujhay bhi aaj aap kay iss khoobsoorat qatay say tehreek mili aur jawab aaN ashaar hazir haiN:-
- Gais ki haRtal, Mujhko fakhr hai
BijliyoN ka hai kaal, Mujhko fakhr hai
- Phir rahay haiN dhondtay aataa sabhi
Bhook say bad-Haal, Mujhko fakhr hai
- Hai bisaat-e-waqt say zahir yehi
TaiRhi hai har chaal, Mujhko fakhr hai
kya ash'aar kahey haiN huzoor, daad haazir hai. ab mujhey ye tavaqqo kerni chaahiye ke ye silsila e haazir kalaami jaari rahey ga! kuch aatey k baarey maiN bhi ho jaaey!
meirey qetey se apko milney waali tehreek sey mujhey jo tehreek mili, us ney mujh sey kuch ash'aar kehlvaaey ;D mulaahiza fermaiiye.........
haiN taraqqi yaafta fauji yahaN baaqi sab kangaal, mujhko fakhr hai
jab sey us ko fauj ney faarigh kiya khush hua bangaal, mujhko fakhr hai
aaj aatif ko pakaRna hi paRa meira sur aur taal, mujhko fakhr hai
mutma'in hooN maiN ney khud paida kiya sab ka sab janjaal, mujhko fakhr hai
gas, bijli aur ab aata nahiN mulk hai khush'haal, mujhko fakhr hai
fauj k hathey jo khalid cheRh gaya kheeH dey gee khaal, mujhko fakhr hai ab kaam per bhi jaana hai. verna canada maiN aata hotey hueh bhi bhooka merna na peRjaaey kahiN ;D baaqi aai'nda ;D
|
|
|
Post by Atif Mirza on Jan 13, 2008 11:12:05 GMT 5
Tehreek achhi mili laikin maiN nay Radeef badal kar likha hai aur abb ghazal ka
Aur hai abb haal, Khuda khair karay
Tau arz karta hooN:-
- Bijli ka hai kaal, Khuda khair karay
Gais ki haRtaal, Khuda khair karay
- Phir rahay haiN dhondtay aataa sabhi
Bhook say bad-haal, Khuda khair karay
- Daal maiN kaalaa nahiN Aali Janab!
Kaali saari daal, Khuda khair karay
- Mukhtasar say pairahan maiN woh hai aaj
Tapki sub ki raal, Khuda khair karay
- Yeh daraRaiN tau nahiN kuch aur hai
Shishay maiN hai baal, Khuda khair karay
- DushmanoN ka samna kaisay kariaN
Hai shikasta dhaal, Khuda khair karay
- Hai Bisaat-e-waqt say zaahir yehi
TeRhi hai har chaal, Khuda khair karay
Iss ghazal ka taaza thread bhi bana raha hooN. Lihaza asli maza udhar aay ga.
|
|
|
Post by Rafi Tabasum on Jan 14, 2008 22:47:05 GMT 5
wahhhhhhhhh
|
|
|
Post by khalid on Jan 14, 2008 23:24:47 GMT 5
aadaab!
|
|