|
Post by kanwal on Jul 3, 2007 3:04:26 GMT 5
Dard ki saleeb
Dard ki saleeb par latke haiN aise jism o jaaN mere k nazar nahiN aati rao ab faraar ki waqt ke in keeloN se chhalni hooN main kuch aise ke yuN lagta hai k zindagi rahi nahiN baaqi an dekhe ajab se kuch andeshoN ke lipte haiN naag har taraf mere reengte hue dasseiN jo ruweiN ruweiN ko
Dard ik saleeb hai natkaaya hai jis par halaat ne yuN k ab aah laboN se nikalne ki sikat nahiN rakhti dam ba dam yeh mehsoos hota hai mujhe be shumaar aankheiN haiN be panaah jo karti rehti sawal haiN mujh se kya jawaab dooN un ko ke uss aabgeene ki kirchiyoN sa reza reza wajood hua mira
|
|
|
Post by Rafi Tabasum on Jul 3, 2007 7:10:59 GMT 5
wahhhhhhhh Kanwal ji bohat khoob
|
|
|
Post by Aqeel Malik on Jul 3, 2007 21:33:57 GMT 5
kanwal
ap kay han nazm ki imagery bahut khoob hoti hay aik kasak aik karb jo daroon e zaat say nikal kar kharji pehnaway mein dar aya hay magar baat wahin ajati hay ke fani taqazooN kay baghair ye telent zaya ho raha hay khud ko spoil mat kejeay aur naqd e sher o fan e sher ki taraf dhian dejeay takeye baytarteebi kisi tarteeb mein away
aqeel
|
|
|
Post by kanwal on Sept 12, 2007 0:23:45 GMT 5
wahhhhhhhh Kanwal ji bohat khoob bohat bohat shukriya ,...
|
|
|
Post by subhanoor on Sept 24, 2007 23:42:43 GMT 5
bohat khub kanwal ji meri janib sy daad kabool kijiye sumaira
|
|
|
Post by kanwal on Jun 5, 2008 0:17:10 GMT 5
kanwal ap kay han nazm ki imagery bahut khoob hoti hay aik kasak aik karb jo daroon e zaat say nikal kar kharji pehnaway mein dar aya hay magar baat wahin ajati hay ke fani taqazooN kay baghair ye telent zaya ho raha hay khud ko spoil mat kejeay aur naqd e sher o fan e sher ki taraf dhian dejeay takeye baytarteebi kisi tarteeb mein away aqeel Thank you Aqeel jee ,...
Main apni saeĀ“e koshish karti hooN ,....
Aapke iss mufeed mashware par sanjeedgi se AUR ghaur
karoongi aur pehle se Ziyda koshish karoongi ,...,......
Thank you ,...
|
|
|
Post by ramishjaan on Jun 5, 2008 0:58:33 GMT 5
AOA kanwal jee jane kese ap ki yeh nazm meri nazro se ojhal rahi dard ki saleeb wah keya unnwan he aur kitna dard he is nazm me balke agar you kaho ke ap ki aksar nazmo me bohat dard pinha hota he to shayd ghalt na ho ga is khobsorat nazm ke liye bohat sari dad qabol ki jiye waslam mukhlis ramishjaan
|
|