|
Post by kanwal on Jul 13, 2008 3:28:01 GMT 5
~~~ Duao´N ka Saaya ~~~
Main jaanti hooN Bohat nadaaN hooN main tuM kya jaano k hairaaN hooN main Apne badle hue din aur raat se guzar rahe haiN jo unn halaat se Jiss meiN milti hai din ba din ik aziyat lamha ba lamha bikharti hai jahaN meri shakhsiyat
Main jaanti hooN bohat nadaaN hooN tuM kya jaano k hairaaN hooN main kaise bhool gayee main teri khushiyaaN Jabke laati thi main hi to wo titliyaaN
Jin ke anG anG se phoota karte the khushyoN ke noor Par kya ho gaya hai, kyuN ho gaya hai k hote jaa rahe haiN huM din ba din ik dooje se door
Suno ,...
Aaj tumheiN dene ke waaste tohfoN ki soorat haiN mere paas bas yehi raaste jin meiN bikhri haiN qadam ba qadam khaardaar jhaariyaN jo zakhmoN se choor choor kar deiN gi tumhari rooH k zarroN ko
Suno E mere dost ,.... sanG chalo mere agar hai manzoor
to phir yeh waada hai mera ke mehsoos hoga tumheiN har qadam par ik an dekhe "Duao´N ka Saaya" rehta hai sanG sanG tumhare Isse NazM kahiye, nassri nazM kahiye, ya sirf Nassar ,...
jo bhi hai Aaj dil kiya isse Aap ke saath share karooN, kyuNke Sukhanwar se kaNwal ka rishta bohat puraana hai, ghami ho ya khushi har roop dekha hai, inn barsoN meiN,... aik dost ki soorat ho chukka hai, jiss se kabhi bohat khushi milti hai to kabhi bohat dukh ,....
Yeh sach hai ke iss waqt main aise uljhanoN meiN uljhi hooN ke samjh nahiN aa rahi ke yeh suljheiN gi kaise, aik saath sab kuch hone se jahaN khushi hoti hai wahaN insaan ka zehan, asaab kaam kaam karna chod dete haiN, aik ajeeb se dauraahe pe hooN jahaN ajeeb si kefiyat hoti hai ik larki ki ,....
Na kuch likhna naseeB hota hai aur na kuch kehna ,...
bohat dinoN se "Sukhanwar" pe aana chaah rahi thi par ajeeb si kefiyat rahi, open karti aur bina parhe band kar ke chali jaati, shayed halaat hoN, mahol ho ya meri pareshaaniyoN, masroo- fiyaat ka haath, par iss se ziyada masroofiyaat meiN bhi main bohat kuch likha karti thi ,....
So Aaj socha k aik thread Shuru karooN jahaN huM share karne ki koshish kareiN, apni masroofiyaat, apni mushkilaat, apne ehsaasaat, apne woh lamhaat jinnheiN hum share kar ke taaza dam ho sakeiN ,.....
Maine Apni masroofiyaat o Mushkilaat, Ehsaasaat o lamhaat Aap se share kiye haiN, Ab Aapki baari hai ,....
|
|
|
Post by Sukhanwar on Jul 13, 2008 11:26:06 GMT 5
kanwal sab sy pehlay to tumhaara liay boht see duaain tum jin uljhanon aur mushkilat ki shikar ho dua hy jald tumharay liay aasaniaan payda hon rahi hamari masroofiat to is baaray main ar yeh hy k naay medium yani tv sy munsalik honay k baad masroofiaat tabdeel ho gaai hain akhbaar k muaamlay main yeh boht fast medium hy deuty ki iming tabdeel hoti rehti hy raha likhnay parhnay ka kaam kanwal tum haal hi main pakistan sy ho k gai ho yahan ki load sheding bhi daykh chuki sach bataao kitni aziat hoti hy so us aziat sy main bhi dochar hoon thanx razi
|
|
|
Post by suhailabbaskhan on Jul 13, 2008 14:51:09 GMT 5
kanwal gee jub mujaj shery naheen aati thi tu kuaalat bohat hotay thay jub shaery kerni aaii tu umda kyalaat ka derwaza bund ho giya.aap ki iss nazm kay kaii misray wzan main hain ager aap thoori see koshish kerain tu iss nazm ko bawzn bna sakti hain.kunkeh wazn say shery main aahung aata hay.wasay aaaik sunaat bhii hay nazm o nasaar.shyed ussii say nasrii nazm nikli ho.lakin woh sunaat bhii wazn main hoti hay.
|
|
|
Post by ramishjaan on Jul 13, 2008 16:21:29 GMT 5
AOA kanwal jee khushamdeed ap ko bhi aur mujhe khud ko bhi zindagi ki mushklat me itna waqt hi nahi mil pa raha he ke apni bazm ko kuch waqt diya ja sake is silsle me me razi bhai se bhi shikayat akro ga razi bhai ne kabhi bhi haumri sustio,n par hume danta nahi shayd is lyie kuch zeyda sustiya,n karne lag ge hain hum kher aenda muhtat rahe ge ......................................................................... aj kal me to kam aur gah rki wajha se sakht pareshani me ghira howa ho,n jab job koi na ho to insan ki roteen koi nahi rehti jis ki wajha se wo kuch zeyda disterb ho jata he so kuch esi hi kefiyat mere sath bhi he ke waqt hone ke bawjud waqt ko ahsan tour par guzar nahi pata INSHALLA aenda koshish karo ga ab to sukhan war ka janam din araha he INSHALAL behtar masrofiyat rahe gi kanwal jee is dilchasp aur mukhtalif thred ke liye muabrik aur shukriya waslam mukhlis ramishjaan
|
|
|
Post by Rafi Tabasum on Jul 14, 2008 6:46:37 GMT 5
Kanwal sahiba aap ki uljhanaiN Khuda jald door karay aap yaqeenan hamari duaooN kay sa,ay maiN haiN rahi baat meri to aap janti hain keh ehsaas insaan ko kitni aziyat bakhshata hay aaj kal meray halaat khaas taur par ghar ka bara honay kay natay zima darioN ka bojh meray ehsaas par aaj kal hawee hay har waqt mukhtalif mu,aamelaat samnay kharay hotay aap dostoon ki duaooN kay sa,ay maiN zindagi guzar rahi hay
|
|
|
Post by Atiq-ur-Rehman Saffy on Jul 14, 2008 18:29:17 GMT 5
Kanwal, Asslam u ALikum, Allah tal aap kee tamam pareshaanyaan door farmain, life mein onch neech aati rehti hai, iss ghabrana nahi chahi,ay. Allah tala say dua hai k aap ko sabro sakoon aur dher sari khushyaan aata farmain, Ameen dua goo, Atiq-ur-Rehman Saffy
|
|