|
Post by Atif Mirza on May 21, 2008 17:01:55 GMT 5
Hamaray forum Sukhanwar kay dou intehaee qabil-e-ehteraam arkaan aur dost Mohtaram Khalid Mehmood Sahib aur Sunita Sahiba kafi arSay say forum say ghaeb haiN. Un kay baray maiN agar kissi ko maaloom ho tau woh iss thread maiN un ka hadood-e-arbaa bayaan karay. Agar donoN dost khud paRhaiN tau wapas aa jaeN unhaiN kuchh nahiN kaha jaay ga. Un kay intezaar maiN hum booRhay honay walay haiN. Jin sahib ko milaiN won meray signature walay phone ya email ya iss thread maiN tafSeeli taur par ittelaa daiN!
|
|
|
Post by Atif Mirza on May 23, 2008 15:47:42 GMT 5
Abhi tak koi ittelaa nahiN di kissi nay! Razi Sahib ab game aap kay haath maiN hai.
|
|
|
Post by Sukhanwar on May 23, 2008 21:21:36 GMT 5
Abhi tak koi ittelaa nahiN di kissi nay! Razi Sahib ab game aap kay haath maiN hai.
aap fikr na kijiay janab sab dost laut aain gy jaysay aqeel malik aa gaay hain kanwal bhi wapis aa gaai hain woh didi ko laain gi aur apnay khalid bhai to hum say ziaada naraaz reh hi nahi saktay thanx razi
|
|
|
Post by Atif Mirza on May 24, 2008 23:52:28 GMT 5
I hope so.........................
|
|
|
Post by kanwal on May 25, 2008 1:06:52 GMT 5
laut aain gy jaysay aqeel malik aa gaay hain kanwal bhi wapis aa gaai hain woh didi ko laain gi aur apnay khalid bhai to hum say ziaada naraaz reh hi nahi saktay thanx razi Main kya gayee yahaN kya se kya ho gayaa ,... maana ke kuch loG sharaarat karte haiN, par iss ka matlab yeh nahiN ke hum un ke maqsad ko kamiyaabi ataa kareiN ,... Meri baat hui thi didi se ,.... Aur didi Gumshuda nahiN balke woh aayeiN gi aur bhar poor aayeiN gi, kyuNke kaNwal ka maan haiN didi ,.... Didi aap se kaha tha na maine ke jhagre, ghaltfehmiyaN ho jaati haiN apni jagah nahiN chodni chahiye kiyoNke har kisi ki apni apni alag alag jagaH hai so aap aayeiN gi ,..... aur logoN ke tote udaeiN gi ,.... Aur rahi baat khalid Sahib ki woh bhi aayeiN ge, yeh raunaqeiN haiN Sukhanwar ki jo kaale baadloN ke garajne se bad dil ho ke chale gaye haiN, yeh baadal chitteiN ge aur Sukhanwar ki raunaqeiN waapis aayeiNgi ,... main laaoNgi yeh raunaqeiN, yeh muskuraahteiN waapis ,.....
|
|
|
Post by Atif Mirza on May 25, 2008 5:29:05 GMT 5
Kanwal Bahut shukriya sochnay aur responce denay ka. Aap nay jo ehd kia hai, Allah uss maiN aap ki madad karay, maiN bhi koshish maiN laga huwa hooN. Sunita aapi aur Khalid Sahib ko PM aur Email kay thru wapas laanay ki koshish kar raha hooN. Apnay ghar say koi kab tak naraz reh sakta hai, donoN Insha Allah wapas aaieN gay. Aur Welcome back ka thread maiN hi shuroo karooN ga............Insha Allah.
|
|
|
Post by kanwal on May 26, 2008 0:01:58 GMT 5
Salam ,....
guzishta post meiN maine daava kiya tha ke main roothe logoN ko manaa kar laaoNgi, aur woh mera maan rakheiN ge ,....
Par afsos ke insaan jo sochta hai zaroori nahiN wohi ho, main nahiN jaanti Sukhanwar pe kya hua kya nahiN, kis ne kis se laraayee ki ya kis ne kis ki be izzati ki,....
Par aik baat te hai ke insaan bada hi be waqoof hai wo yeh bhool jaata hai ke agar wo kisi ki taraf ungli uthaa raha hai to baaqi teen ungliyaN usski taraf uth ti hui maloom hoti haiN, yehi Qudrat ka insaaf hai.
huM yeh to anaa ka maslaa banaa kar baith jaate haiN falaaN ne meri be izzati ki falaaN ne yeh kaha falaaN ne wo kaha, par iss baat par nazar nahiN rakhte ke humne kis ki beizzati ki ,...
Anaa ke pahaaroN jaise but banaa kar hum poojna shuru kar dete haiN par kabhi yeh nahiN sochte ke insaan khaak ke ilaawa kuch bhi bas aik lahme meiN usski auqaat dhe sakti hai.
Pakistan ke tour pe mujhe Narowaal jaana hua jahaN mere parents ke rishtedaar rehte haiN wahaN aik famly ke haaN ayaadat ke liye gaye kiyonke unn sahib pe faalij ka humlaa hua tha aur guzishta 4 saal se unki wife bhi iss moozi marz se bistar par pari haiN, main ami khala aur ami ki khaala unke haaN ayaadat ke liye gaye, wo sahib to kaafi behtar hai baat waat kar lete haiN ab aur ro rahe the lekin jab main unki wife se milne gayee (jo guzishta 4 saal se naam ki zinda haiN) to meri rooh talak kaanp gayee, maine bistar pe aik jism ko dekha, jiske haath aur paoN yuN maloom ho rahe the jaise kisi sookhi lakri par kisi ne malmal ka kapraa lapait diya hai, pait phoola hua aur chehra,....
ufffffffff
Chehre pe jaane kya tha ke mera ruwaaN ruwaaN kaaNpne laga, ami saamne uske baith gayee aur saath hi main bhi lekin mera right hand musalsal kaanpne laga aur phir saare jism pe kapkapi shuru ho gayee mujhe foran doosre kamre meiN le jaaya gaya paani pilaaya aur aansoo the ke tham hi na rahe the, wahan maine uss Aurat ki asl tasveer dekhi aur uss pal mujhe relise hua ke insaan ki Auqaat yeh hai, aik sehatmand bhar poor jism palak jhapakte maut ki aaghosh meiN naam ke saans le raha hai, yeh wo famly thi jiske baare meiN mash hoor tha ke innho ne apni bahoo par kayee zulm o sitam kiye aur aakhir uss bechaari ko divorce leni pari, yeh Qudrat ka insaaf dekh kar mere rongh the khare ho gaye.
bas wohi lamha hai jiski binaa par humare rishte daaroN meiN kuch uljhaneiN thi aur milte nahiN the, unn se main khud milne gayee aur barsoN jin se humare ghar waale milte nahiN the main unn ke ghar gayee aur sab ke dil saaf ho gaye ,....
Bas yehi soch ke maine yahaN bhi yeh khahish ki thi ke maana jhagre ho jaate haiN par jhukna seekhna chahiye kiyonke jo jhukna nahiN jaante wo toot jaaya karte haiN,....
Lekin logoN ko lagta hai main kam umR hooN, bachi hooN, Na samajh hooN, iss umR meiN aise hi socha jaa sakta hai, lekin kehne waale bhool jaate haiN kabhi kabhi chota bacha bhi gehri baat kar jaata hai, ke samajh umR, taleem ki mohtaaj nahiN balke halaat o waqeaat eham hua karte haiN.
Agar koi yeh samjhata hai ke wo sirf iss liye aaye ga ke maine likha hai ke mera maan na toote aur meri baat reh jaaye, meri be izzati na ho mehfil meiN to meri iltmaas hai ke wo yeh ehsaan mujh pe na kare, mujhe bheek aur ehsaan lene ki aadat nahiN, pyar se jaan bhi maangeiN to haazir hai lekin bheek ya ehsaan kissi soorat nahiN ,...
Meri ghalti thi jo maine yeh koshish ki, aur main maazrat chahti hooN unn sab se jinne meri kisi baat se koi takleef hui ho ya wo disturb hue hoN, kaNwal bhi insaan hai ghaltiyaN kar jaati hai lekin kaNwal ne apni ghaltiyoN ko maanana seekha hai aur maafi maangni seekhi hai, yahaN bhi jab jhagraa hua tha to dekha gaya ke jo jo malawis the unn sab ne maafi maangi ma siwaaye aik do ke,.... kaNwal salam karti hai unn hastiyoN ko jinho ne apni ghalti ko maana aur sar kham kiya ,... aur jo na yeh kar sake unke liye mere paas siwaaye afsos ke aur dua ke kuch nahiN hai.
|
|
|
Post by Sukhanwar on May 26, 2008 0:34:05 GMT 5
Salam ,.... guzishta post meiN maine daava kiya tha ke main roothe logoN ko manaa kar laaoNgi, aur woh mera maan rakheiN ge ,.... Par afsos ke insaan jo sochta hai zaroori nahiN wohi ho, main nahiN jaanti Sukhanwar pe kya hua kya nahiN, kis ne kis se laraayee ki ya kis ne kis ki be izzati ki,.... Par aik baat te hai ke insaan bada hi be waqoof hai wo yeh bhool jaata hai ke agar wo kisi ki taraf ungli uthaa raha hai to baaqi teen ungliyaN usski taraf uth ti hui maloom hoti haiN, yehi Qudrat ka insaaf hai. huM yeh to anaa ka maslaa banaa kar baith jaate haiN falaaN ne meri be izzati ki falaaN ne yeh kaha falaaN ne wo kaha, par iss baat par nazar nahiN rakhte ke humne kis ki beizzati ki ,... Anaa ke pahaaroN jaise but banaa kar hum poojna shuru kar dete haiN par kabhi yeh nahiN sochte ke insaan khaak ke ilaawa kuch bhi bas aik lahme meiN usski auqaat dhe sakti hai. Pakistan ke tour pe mujhe Narowaal jaana hua jahaN mere parents ke rishtedaar rehte haiN wahaN aik famly ke haaN ayaadat ke liye gaye kiyonke unn sahib pe faalij ka humlaa hua tha aur guzishta 4 saal se unki wife bhi iss moozi marz se bistar par pari haiN, main ami khala aur ami ki khaala unke haaN ayaadat ke liye gaye, wo sahib to kaafi behtar hai baat waat kar lete haiN ab aur ro rahe the lekin jab main unki wife se milne gayee (jo guzishta 4 saal se naam ki zinda haiN) to meri rooh talak kaanp gayee, maine bistar pe aik jism ko dekha, jiske haath aur paoN yuN maloom ho rahe the jaise kisi sookhi lakri par kisi ne malmal ka kapraa lapait diya hai, pait phoola hua aur chehra,.... ufffffffff Chehre pe jaane kya tha ke mera ruwaaN ruwaaN kaaNpne laga, ami saamne uske baith gayee aur saath hi main bhi lekin mera right hand musalsal kaanpne laga aur phir saare jism pe kapkapi shuru ho gayee mujhe foran doosre kamre meiN le jaaya gaya paani pilaaya aur aansoo the ke tham hi na rahe the, wahan maine uss Aurat ki asl tasveer dekhi aur uss pal mujhe relise hua ke insaan ki Auqaat yeh hai, aik sehatmand bhar poor jism palak jhapakte maut ki aaghosh meiN naam ke saans le raha hai, yeh wo famly thi jiske baare meiN mash hoor tha ke innho ne apni bahoo par kayee zulm o sitam kiye aur aakhir uss bechaari ko divorce leni pari, yeh Qudrat ka insaaf dekh kar mere rongh the khare ho gaye. bas wohi lamha hai jiski binaa par humare rishte daaroN meiN kuch uljhaneiN thi aur milte nahiN the, unn se main khud milne gayee aur barsoN jin se humare ghar waale milte nahiN the main unn ke ghar gayee aur sab ke dil saaf ho gaye ,.... Bas yehi soch ke maine yahaN bhi yeh khahish ki thi ke maana jhagre ho jaate haiN par jhukna seekhna chahiye kiyonke jo jhukna nahiN jaante wo toot jaaya karte haiN,.... Lekin logoN ko lagta hai main kam umR hooN, bachi hooN, Na samajh hooN, iss umR meiN aise hi socha jaa sakta hai, lekin kehne waale bhool jaate haiN kabhi kabhi chota bacha bhi gehri baat kar jaata hai, ke samajh umR, taleem ki mohtaaj nahiN balke halaat o waqeaat eham hua karte haiN. Agar koi yeh samjhata hai ke wo sirf iss liye aaye ga ke maine likha hai ke mera maan na toote aur meri baat reh jaaye, meri be izzati na ho mehfil meiN to meri iltmaas hai ke wo yeh ehsaan mujh pe na kare, mujhe bheek aur ehsaan lene ki aadat nahiN, pyar se jaan bhi maangeiN to haazir hai lekin bheek ya ehsaan kissi soorat nahiN ,... Meri ghalti thi jo maine yeh koshish ki, aur main maazrat chahti hooN unn sab se jinne meri kisi baat se koi takleef hui ho ya wo disturb hue hoN, kaNwal bhi insaan hai ghaltiyaN kar jaati hai lekin kaNwal ne apni ghaltiyoN ko maanana seekha hai aur maafi maangni seekhi hai, yahaN bhi jab jhagraa hua tha to dekha gaya ke jo jo malawis the unn sab ne maafi maangi ma siwaaye aik do ke,.... kaNwal salam karti hai unn hastiyoN ko jinho ne apni ghalti ko maana aur sar kham kiya ,... aur jo na yeh kar sake unke liye mere paas siwaaye afsos ke aur dua ke kuch nahiN hai. kanwal main tumhari pehli post ka reply kar hi raha tha k yeh doosri post aa gai ab pehla reply delete kar k yahan reply kar raha hoon main is baat ka qaail hoon k humain maazi ki talkhion ko yaksar bhool kar aagay chalna chaahiay jo nahi bhoolna chaahtay un k liay aik kum umar bachi ki yeh post boht ehm hay tum ny apni aik azeeza k hawalay sy baat ki main tumhain aik waaqia sunata hoon jo do roz qabl mujhy akhtar shumar nay sunaya tha doston ki naraazion ki baat ho rahi thee akhtar shumar ny bataya k aik dost us say naraz ho gia aik mehfil main wo dost mila to akhtar shumar nay aagay barh kar uisay galay laga lia aur kaha tum yoon naraz ho kar jaaa rahay ho aysa na karo humain kia pata hum main say kon kub tak zinda hy chand roz ki zindagi main naraaz nahi hua kartay warna yeh naraazian baaz auqat pichtawa bun jati hain kabirwala main hamaray khittay k maroof shair baydil haideri rehtay thay unki apny hum asar khadim razmi k saath bol chaal nahi thee dono bazurg aakhir umar tak anaa k khol main bund rahay aakhir baydil sahab ka intqaal ho gia janazay par aik manzar main nay apni aankhon say daykha k khadim razmi dhaarrain maar kar ro rahay thay aur keh rahay thay k baydil tum jaa rahay ho main nay to tumhain manaanay aana tha ab main kis sy larroon ga khadim razmi ka yeh mehaz pichtawa tha jo unhain dost k rukhsat ho jaanay k baad hua tha mujhy yeh waaqiat tumhari inthaai jazbati post parh kar yaad aa gay tum na umeed ho gai ho magar mujhy yaqeen hay k roothnay walay laot aain gy k woh is bazm k maathay ka jhoomar jo hain thanx razi
|
|
|
Post by ramishjaan on May 26, 2008 0:51:21 GMT 5
AOA ehle bazm kese mizaj hain ap sab ke go ke me is thred me kuch bhi likhne se bachna hi chahta tha kion ke zahri umr me chahe 3 sal ki umr kuch nahi hoti magar aik adbi mahol me jis me aksriyat un logo ki ho jo duniyae adab me kisi na kisi muqam par khare ho waha 3 sal ki umr aik baligh ki umr hoti he aur me yeh smajhta hon ke ab is bazm ke dosto ko in choti choti harakto se bala ho jaya chahyie ke kisi ne keya keh diya aur foran bazm chod di kher yeh un logo ka aur admin sahib ka wo jane magar aj mujhe kanwal jee aur phir razi bhai ki tehreer parh kar bohat dukh howa kuch logo ke baqol aik kam umr na smajh bachi kanwal jee aur sab ke baqol is bazm ka rohani baap razi sahib dono ke dil me kitna dard he kitni tarap he is bazm ko bachane ki is ke mahol ko mohabato se saja dene ki magar khuda jane humre daremyan kaha se kuch ese log sgamil ho jate he jo kahin na kahin nafarto ke beej bo dete hain nafrato ke beej na bhi ho to kuch log mahz ghlat fehmio,n ka shiakr ho kar unhe nafrate samjh lete hain ................................... salam peesh karta ho,n me kanwal jee aur razi bhai ap ko ap ki soch ko ALLHA kare ap ka yeh chaman hamesha mohabat ki khushboo se mehakta rahe ameen suma ameen ....................... me aj razi bhai aur kanwal jee ki soch se mutasir ho kar un logo se jinho ne apni ANNA ka masla bana liya he un se itna hi kehna chahta ho,n ke chale meri koi aouqat nahi atif sahib wo fareeq the us mamle ke magar unho ne maafi mang kar is masale ko khatam karne ki koshish ki aur kanwal jee na samjh he kam az kam razi shaib ki umeedo,n ka hi pass kar lete aik shakhs jo is bazm ka rohani baap he wo kai bar minate kar chuka bade maan se us ne bar bar kaha ke jane wale aye ge to pls us shakhs ke maan ke liye hi wapis AA JAATE waslam mukhlis ramishjaan
|
|
|
Post by kanwal on May 26, 2008 13:33:14 GMT 5
Kanwal aur razi ji aap dono ki tehreeraiN padi.Razi ji shaayad mere gharelu maamaloN ko itna nahin jaante, lekin Kanwal tum to meri har baat se waakif ho.Phir bhi tumne itna kuch keh diya! meri ammi pichhale 8 saal se bistar par hain, unhoN ne kabhi kisi ka dil nahin dukhaaya tha, hamesha har ek ki madad karti thi.yahan tak ki ghar mein jo toilets saaf karne aate the unhe bhi bina chaaye pilaaye kabhi jaane nahin deti thiiN.har waqt khuda ka naam unki zubaan par rehta tha aur ab bhi rehta hai.Lekin yeh jo bhi kisi ke saath hota hai woh unki karni ka unhe milta to jitne murders aur khoon-kharaaba karne vaale hain woh kaise mazze mein reh rahe hain? yeh aazmaaiishaiN hoti hain aur unhi ki hoti hain jo khuda ke kareeb hote hain. meri jawaan beti kis daur se guzar rahi hai.uss ki zindagi aur uss ki bimaari ka to kanwal tumhe pata hai na! uss phool si bachhi ne kisi ka kya bigaada hai. :'(woh dil -o-jaan se khuda ko maanti hai aur insaano ka to karti hi hai, rozaana parindoN ko khaana khila kar khud khaati hai.har kisi se izzat aur pyaar se baat karti hai,phir ussi ke saath aisa kyuN? phir kahungi ki yeh sab iss liye ki khuda usse bahut pyaar karta hai aur us ki aazmaaish hai ki kya woh sach mein khuda se pyaar karti hai. mere abbu ki haalat aur bile miyaan ki haalat bhi kanwal se chhupi nahin hai.chalo mana main buri huN, mere ammi, abbu, aur beti bhi bahut bure honge tabhi unke saath yeh sab ho raha hai, ab iss bezubaan bile ne kisi ka kya bigaada hai.iss ne to aaj tak ek chhuha bhi nahin maara.saara din ghar ke andar rehta hai, sab se pyaar karta hai, phir usse aisi bimaari.Phir inn sab haalaat se guzarte hue kya main ab bhi akad dikhaaungi? koii bahut hi begairat hoga jo yeh sab dekh kar bhi khuda ka khauf na khaaye.aur tum jaanti ho main aisi nahin huN. aap dono ki tehreer ke hisaab se ego hona aur na jhukana iss sab ka kitna kisi ki zindagi par asar hota hai, iss baat se mein itefaaq rakhti huN, lekin kya aap ka yeh hi kehna hua ki main jhukana nahin jaanti? main jhukana jaanti huN lekin mujhe dogale bandoN se sakht nafrat hai.mujhe kaha gaya ki jaise sab karte hain waise hi ban jao. be-izzat kar do aur phir jhat se muaafi maang lo.aisa kar ke ham kis ke liye achhe ban rahe hain? khuda dil dekhta hai, na ki chalaakiiyaaN. haan shaayad aap dono kahin na kahin mujhe pehchaan nahin paaye ya mujh par wishwaas nahin kiya.kanwal tumhaara maan agar main huN to main tumhaare kehne se yahan aa kar tumhe bheekh dungi ya tum par ehsaan karungi.agr yeh sochana hai to laanat hai meri dosti par.maine bas itna zaroor kehna chaaha tha tum se ki kanwal ab man nahin hai.maine kabhi nahin chaaha ki aap sab meri minnat karo aur mujhe mana kar lao.main kisi se naaraaz ho kar na gayi thi na kisi ko be-izzat kiya tha.haan jahan jo theek nahin ho raha tha wahan aawaaz uthaayi thi.Jo kuch logon ko theek nahin laga. kanwal kuch log to chaahte hi the ki hamaari dosti main daraar pade, lekin mere dil mein tumhaare liye na koii shikawa hai na naraazagi.tum jaise mere liye thi waise hi ho. aakhir mein itna kehna chaahungi aap sab se, aap sab mujh se aqal aur qaabliiyat mein bahut bade hain, sab members bahut bade shora hain aur bahut qaabil hastiiyaaN hain.mujh kam ilm,bad-dimaag aur bewaakoof se, aap mein se kayi members ki dil azaari huii hai.Jis ki main gunehgaar huN.aap sab ke hisaab se maine gunaah kiya hai aur phir muaafi bhi nahin maangi.sach mein kitni bad-tameez hun main.aisa hai to khuda mujhe iss ki sazaa de, main sar jhuka kar qubuul karungi.kyunki mujhe khuda ka khauf hai.muaaf karne vaala khuda hai aur izzat dilaane vaala bhi wohi.Insaan khud maangta hai to woh kisi ko kya dega. bas yeh hi kehna hai mujhe.Mujh jaise insaan aap ki bazm ke laayaq nahin hain.please aap sab se request hai, ho sake to sab bhuul jaaiiye ki main kabhi yahan thi.aap sab se bazm mein raunaq hai, main to chaand jaisi bazm mein ik daag huN. aap sab khush raheN.mujhe aap jaisa bhi samjheN lekin kabhi yeh na samjhiiyega ki main bahut akad vaali huN aur mujhe muaafi maangana ya jhukana nahin aata.kyunki khuda gawaah hai maine aisa ek pal ke liye bhi nahin socha. Sirf itnaa hi kahooNgi ke: YahaN kisi ne yeh nahiN kaha ke bure ko kiye ki sazaa milti hai, yahaN sirf yeh kaha gaya tha ke kahiN der na ho jaaye aur haath sirf pachhtawe hi hoN. jo aapne wajoohaat ginwaayeiN uss se barh ke mere paas bhi wajoohaat haiN, meri poopho ki maut, meri masoom behn ki maut, mere chacha ki din ba din ki aazmaisheiN humara aziyatnaak safar kya yeh bhi humari bure karmoN ka phal tha?,.... NahiN ,... main itni pasti meiN bhi nahiN giri k kisi ko bataoN ke kis ko kya sazaa milli,... humne baat sirf waqt nikalne ki thi ke waqt nikal gaya to dukh ho ga, woh aurat se ibrat haasil ki thi maine ke takheer nahi hone deni aur roothe huwoN ko manaana hai, razi jee ne bhi yehi kaha na apne mesg meiN, par aap ussko avoid kar ke baat doosri aur le gayee kiyonke aapne kaha tha ke aap mera maan rakhne sirf aik baar aayeiN gi so aap ne wohi kiya. aur yehi bheek dena ya ehsaan karna hota hai, mujhe khushi hoti ke aap yeh likh jaatiN k sabko dukh hua mujhe bhi hua sab bulaate haiN to main aa gayee, lekin aap baat doosri aur le gayee jiska mere farishtoN ko bhi ilm na tha,... Aap se gar yeh kaha gaya tha ke jaisa koi karta hai waisa karo to aapko yeh kiyon bhool gaya ke kehne waale ne yeh bhi kaha tha ke hum yahan aik maqsad ke liye aaye haiN humare liye yeh maqsad eham hai yeh fazool laraaiyaN jhagre nahiN, apna khandaan kam hota hai kya larne marne ke liye, jo jaisa chalta hai waise chalo, koi pyar se mile pyar se milo koi faasla rakh ke mile faasla rakh ke milo, koi sharaarat meiN talkh baat keh jaaye to aap bhi kar jao,... iss meiN doghla pan kahaN hai?,... iss meiN maslehat hai kiyoN ke humare liye humara maqsad eham hona chahiye, likhna likhaana aage barhna hi humara maqsad hai, koi bhi kisi se nahiN minnateiN karwaane ka kehta lekin koi yuN bhi nahiN karta jaisa aap ne kiya, yeh minnateiN nahiN to aur kya hai,... anyways aap aik baar aayee aur likh gayee ke hum aapko bhool jaayeiN to be fikr rahiye huM aapko bhool jaayeiN ge par kya aap humeiN bhulaa sakti ho? ,.... Jiss din aap humeiN bhool jaogi samjhna hum bhi bhool gaye kiyonke insaan insaan ka aaina hota hai, jaisa karta hai waisa hi nazar aata hai. aapki beti ke liye mera dil jitni dua maangta hai main jaanti aur mera khuda jaanta hai, har bachi mein mujhe apni masoom behn nazar aati hai, aik baar pehle bhi aik maa ne meri feelings ko hurt kia tha aik baar aaj phir aik maa ne aisa kar diya,... uss Maa ke baare meiN aap achi tarah jaanti ho na? ,... baat agar khatm na karni ho na didi to aise hi likhte haiN jaisa maine last pehre meiNlikha hai yani baat ko doosri aur le jaana aap khud ko bura keh sakti ho to hum bhi keh sakte haiN khud ko bura ke kanwal daagh hai falaaN hai falaaN hai ,.... par baat to tab hai na jab main saath yeh bhi kahooN ke main khud ko khatm karne ki koshish karoongi apne nafs pe qaaboo paane ki koshish karooNgi. Ab nahin kahoongi ke aap waapis aao aapne jo kaha tha mujhe wo kar k dikhaaya hai, aik baar aane ka kaha tha aa kar dikha gayee ho ke ab nahiN aao gi, baateiN yaad rakha karo lekin poori aapko yeh nahiN kaha gaya tha ke mun par kuch raho aur peeche kuch bas itna kaha tha ke koi jaisa chalta hai waise chalo, jinho ne ghalt kiya unki sazaa unheiN kiyon de rahi ho jo aapse dil ki gehraaiyoN se mohabbat karte haiN, kya bigaara tha maine aapka jo aap auroN ki kiye ki sazaa bhi mujhe dene lagi, bas itnaa hi qasoor tha na ke chaha sab saath meiN raheiN waise hi khushi se mileiN par afsos bhool gayee thi jahaN maut ho jaayye wahaN matam hua karte haiN, aur lagta hai sukhanwar pe khushyoN ki rishtoN ki maut ho gayee hai ,... Aap sab jo dil meiN aaye karo, aao ya na aao, mujhe maaf kar dena ke maine yeh bewaqqofana khahish ki, kisi ne bohat haqeeqat meiN kaha tha ke kanwal bachi hai na samjah hai main waqe na samjh hi rahi jo net ko net nahiN balke apna khandaan samjhne chali thi ,.....
|
|
|
Post by Atif Mirza on May 27, 2008 2:49:49 GMT 5
Sub dostoN ko Salam aur aadaab! Sunita aapi aap wapas aaieeN aap ka sawagat hai, maiN aap say keh raha hooN keh aap ab Sukhanwar chhoR kar kahiN nahiN jaaieN gi. Yeh aik chhotay bhai ka maan hai, aur hamaray haaN kaha jaataa hai keh bhai baishak chhota hi kiyooN na ho wo behnoN say baRa shumaar kia jaataa hai. Doosri baat aap KaNwal per kiyooN naaraaz ho rahi haiN, wo baichari tau aik maan lay kar aap say guzarish kar rahi thi, khair aap uss ko khush karaiN aur please mutt jaaiay ga ab. Aur KaNwal behn aap apni didi say naaraaz ho rahi haiN. Wah bhai wah... yeh tau aap maiN phoot daalnay wali baat ho gayee. Cholo jaldi say didi ko aik PM bhaijo aur haaN un ki jaan nahiN chhoRni jab tak wo wapas na aaieN jaisa keh maiN dheet logoN ki tarah aik do din baad Sunita aapi aur Khalid sahib ko PM aur email kar deta hooN. MaiN janta hooN keh in donoN ka Sukhanwar forum per aaye baghair guzara nahiN kiyooN keh jo bhi PM maiN nay bhaija donoN nay ussi roz ya aglay roz paRha. Iss kay matlab yeh huwa keh donoN bazurg khud ko Invisible rakh kar bazm maiN log in zaroor hotay haiN.
Ramish Bhai maiN kabhi bhi fareeq nahiN raha haaN yeh fasad meri aik ghazal per tabSroN say shuroo huwa tha. Jab maiN nay dekha keh SUnita aapi aur Khalid Bhai ki khulam khulla mukhalifat shuroo ho gayee hai tau maiN bhi khamosh na reh saka. Agar Aqeel Malik mujh say naaraaz ho kar gaay tau unhaiN bhi wapas laanay ki koshish maiN nay bhi ki. Saeed Bhai say bhi maazrat karnay maiN pehl maiN nay ki haalaaNkeh un ka maqSad tanqeed hi tha aur woh tanqeed darust nahiN thi. MaiN bazat-u-khud laRaayee kay bahut khlaaf hooN, aur kabhi agar mujh say koi gustakhi ho jaay tau uss ki jaankaari kay baad dast basta muaafi bhi maNgnay maiN koi aar meHsoos nahiN karta. Razi Bhai! aap say guzarish hai keh aap ab muaamilay ko apnay khaS andaaz maiN suljhanay ki koshish karaiN, hum aap kay saath haiN. MaiN kissi bhi soorat aap kay ikhtiyaaraat ko challange nahiN kar sakta haaN yeh guzarish zaroor karooN ga keh aap ko jhagRay waali post zarro delete kar deni chahiay.
Aakhir maiN sub say aik guzarish hai keh ab koi aap maiN nahiN jhagRay ga, agar koi aisi waisi baat hobhi jaati hai tau taHammul say uss ka jawaab daiN aur ziyada problem hai tau ussay PM karkay apnay masael ka hul talash karaiN. kiyooN keh
DiloN ki uljhanaiN baRhti rahaiN gi Agar kuch mashwaray baahum na hoN gay
Allah Taalaa hum sub ko sabr-o-taHammul ataa farmaay. Aameen
|
|
|
Post by khalid on May 27, 2008 3:20:43 GMT 5
Razi ji kuch members ka kehna hai ki na to mujhe atif ji na kanwal ka hi maan hai aur aap ne baar baar minnat ki to mujhe aap ka hi paas rakh lena chaahiiye tha.To maine kabhi nahin chaaha ki aap meri minnat karen.haan itna zaroor chaaha tha ki aap jab bhi bazm mein kuch galat ho to usse rokeN, chhup na raheN.aap ke paas agar mere pm ki copy hai to dekhiiye, maine yahan tak kaha tha ki aap ek notice bazm mein laga den ki kisi kisam ke jhagade bardaasht nahin kiye jaayenge.agar kahin kuch aisa hoga to aap bina kuch explain kiye post delete kar denge, chaahe woh meri post ho ya kisi aur ki.aisa karne se kisi ki zurrat hi nahin padegi kuch bura karne ki.Jab aap har baar khaamosh ho jaate hain tab hi bura lagta hai aur iss baar bhi jahan post delete honi chaahiiye thi, woh sirf lock kar di gayii.khair aap admin hain jaisa aap ko theek lagta hai aap woh hi kareN.meri aqal kisi ko kuch kehne ki nahin hai.bahut hi bewaakoof huN mein jo duniya ko nahin pehchaan saki. main ne hamesha aap ko chhota bhai samajha aur bade bhai si izzat di.phir bhi aap ko meri wajah se jo kuch sehna pada uss ki sazaa mujhe khuda zaroor dega. khush raheN. sunita behen maiN bhi razi bhaii sey sirf itna hi chaahta tha. jab sey bezm meiN aaya hooN yehi ser phoRta raha hooN. zaatiyaat per uter aaney ki koii gunjaaish nahiN hai public forums per. ye razi sb ki zimmedaari hai bataur admin. insha allah aapko haq goii ke liye jaza miley gee na k saza!
|
|
|
Post by khalid on May 27, 2008 3:30:54 GMT 5
aap fikr na kijiay janab sab dost laut aain gy jaysay aqeel malik aa gaay hain kanwal bhi wapis aa gaai hain woh didi ko laain gi aur apnay khalid bhai to hum say ziaada naraaz reh hi nahi saktay thanx razi razi ji maine kabhi aaj tak bazm nahin chhodi thi,aur baar baar pm par bhi aap ko kaha tha ki chaahe kuch bhi ho main bazm nahin chhodungi.bas jab haalaat zayaada hi dukhi karne lage to socha thode din khaamosh rehna hi behtar hai.waise kanwal mujhe waapis laayegi woh to theek hai lekin kabhi aap ne bhi socha ki main aap ka bhi kitna maan karti huN? aap bilkul theek keh rahi haiN behen. razi bhaii ko ratti baraabar pervaah nahiN, na aapki na meiree. sirf ooper ooper ki leepa poti hai. aap jaanti haiN ke sac kitna keRva hota hai. aap ager abhi bhi razi bhaii ka peighaam nahiN samjhiiN to phir kab samjheN gee???
|
|
|
Post by khalid on May 27, 2008 3:47:16 GMT 5
dosto aadaab. ummeed hai kaap sab ba kair o aafiyat hoN gey. maiN ne ye feisla kiya tha k ab kabhi is bezm meiN log on nahiN hooN ga. lekin jis katehre meiN mujhey ana parast bana ker khaRa ker diya gaya hai, wahaN aisa lagta hai ke ager apne gunaahoN ki safaii peish kerney ki koshish tak na ki to meiree adam maujoodgi mein ferd e jurm aayed ho jaane k baad ab saza bhi suna dee jaaey gee. sab sey pehley to ye waaze ker deina zaroori samajhta hooN ke maiN ne kabhi aisa koii iraada zaahir nahiN kiya tha bezm maiN ke maiN choR raha hooN. abhi aik makhmasey k aalam meiN tha ke kya karooN. halaaNke kuch dostoN ne meirey saath rava sulook se intehaii kam ter waaqeaat ki bina per bhi bezm choRney ka iraada ker liya tha. in dostoN meiN mujhey naseehateN kerne waaley bhi shaamil haiN. maiN ne sirf sunita behen sey raabeta rakhha hua tha kyuNke wo bhi usi qalmi tashaddud ka shikaar haiN jis ka aik senior rukn honey k bavajood, maiN bhi hooN. is hazeemet k bavajood maiN ne jaaney ka zikr tak nahiN kiya tha. kya meira ye sochna durust nahiN ho ga ke kuch dost mujhey yahaN deikhna hi nahiN chaahtey? maiN khud ko itna ehm nahiN samajhta k dost mujhey minnat samaajat ker k bezm meiN bulaaeN. aur na hi maiN is tarah apni ehmiyat beRhaaney ki saii ker raha hooN. kaii dostoN ke ber aks mujhey apni auqaat ka poora poora andaaza hai. maiN ye bhi ba khoobi jaanta hooN k maiN aik shaair honey ki hesiyat sey bhi kitney paani meiN hooN. ye baat maiN intehaii sanjeedgi sey keh raha hooN k mujhey is silsiley meiN koii khush femi nahiN hai! aatif sb aur kaNvel ne mujhey is mozu per sirf aik aik peighaam meiree e mail per bheija. shayad inhi an ginat koshishoN ka zikr aatif sb ne kiya bhi hai. aur jo mujh per ana parasti ke label per bilaakhir muntaj huiiN. halaaNke mujhey e m maiN bheijey gaey unkey ishtehaaar ke javaab meiN likhey meirey khat ka unhoN ne koii javaab tak nahiN diya. shayad kaNvel bhi yeh samajhtee haiN ke jo baateN baqaul nnke unki gheir haazri maiN huiiN, aur jinka unke baqaul unheiN ilm tak nahiN hai, maiN un sab ko bhool ker unki likhee gaii sirf aik e mail per hukm ki baja aavri kertey huey waapas aa jaaooN ga. aur ager takheer huii to is silsiley maiN unhoN ne jo misaaleN diiN la chaar mazaalim dhaane waaley buzurgoN ki, maiN un jeisa bhi ho sakta hooN. in misaaloN ko apney tanaazur meiN peRh ker mujhey intehaii sherm mehsoos huii. aur maiN is tehreer ko intehaii gustak tasv,ur kerta hooN. in bersoN meiN shayd maiN unheiN apna aisa hi image de saka. apni is nalaaeqi aur kam maayegi per maiN un sey bhi behad sherminda hooN. razi bhaii...... aap her lehaaz sey mujh sey intehaii derja zyaada qad aaver aur tajarbe kaar shakhsiyat, aur intehaii umda shaair aur nafees, mateen, insaan haiN. ghussa aapke nazdeek sey nahiN guzerta. lekin bhaii ager aap aik forum chala rahey haiN to kuch baateN aisee hoti haiN jin per aapko usi waqt do tok aur munsifaana reaction dikaana peRta hai . verna halaat build up hotey rehtey haiN aur aisee hi na khushgavaar soorat e haal ka saamna kerna peR jaata hai bil aakhir. misaal k taur per maiN jab aapki daawat per pehli mertaba bezm per aaya tha, maiN ne aapko aapkey apni hi bezm k liye waza kerda usool yaad dilaatey huey arz kiya tha kuch brijinder sb k baarey maiN. jis ka aap ne koii Thos javaab nahiN diya tha. maiN khaamosh ho gaya ye soch ker k shayad maiN hi ghalat hooN. baad ke maheenoN meiN doosrey ehbaab ko bhi shikaayat huii un sey aur baat itni lambi huii k kuch baras baad bezm maiN talkhiyoN per muntaj ho ker hi khatm ho saki. maiN maanta hoon k us episode maiN kam o beish teen baras ke sabr k baad aakhir meiN aa ker meira lehja intehaii talkh (lekin zaatiyaat se mubarra sirf mozu per focussed) ho gaya tha. aur maiN ne wo kaam kerna chaaha jo bunyaadi taur per aapka tha. lekin us lehjey per aap ne mujhey bhi koii tanbeeh na ki.(jis sey aik senior rukn hotey huey bhi maiN mubarra nahiN samajhta khud ko) maiN insaan hooN aur mujhey bhi rehnumaii ki zaroorat hoti hai. lekin aap ne is qaziye per shuroo maiN ber waqt na mujhey aur na hi brij ko warn kiya. aur bil aakhir mujh sey ye na khushgavaar kaam ho gaya jis per mujhey kabhi fakhr nahiN hua. go k meira stand mantaqi tha meirey nazdeek aur shayad aapke bhi. aaj is poorey episode ke khaatmey ke baad maiN brij ki ba taur insaan intehaii qadr aur izzat kerta hooN ke unhoN ne kabhi meire saath budtameezi nahiN ki. hameisha ''folded hands'' ke alfaaz hi istemaal kiye. aur ye ehsaas mujhey zaahir hai saeed aur nadeem ne dilaaya. mujhey yaqeen hai k ager maiN khud hi silsila e guftgu khatm na kerta tye dono maN behen aik kerney sey bhi na jhijaktey. mohtaram ghazalsara sb ka bhi ager zikr na ho to baRi zyaadti ho gee. un ki bhi maiN boht qadr kerta hooN k unhoN ne bhi aik senior rukn honey k bavajood kabhi meirey jaaez mashvarey (meirey nazdeek) ka bura na manaaya. aik mertaba to aap ne khud meiree nishaan dehi per notice leitey huey unka kalaam naey shua'raa ke foram maiN muntaqil kiya. aisee kaii misaaleN haiN arakeen e bezm ki jo urdu zabaan maiN had e adab ki limtations sey kohna mashq shaair na honey k bavajood naam nehaad buland paaya shuaraa sey zyaada aagaahi rakhtey they. kya wajah hai k aap ne meire aik jumley (likhey moosa peRhey khuda) per jo k sirf us urdu zabaan ka aik muhaavra hai jis ke gun gaatey ham sab nahiN thaktey, nadeem sb ke kiye gaey meiree zaat ke post mortam ka bilkul nitice nahiN liya. kya is mahaavrey meiN maiN ne unkee zaat per tanqeed ki thee? ya koii gaali dee thee unhein? unki is herket k baad meira reaction kya hona chaahiye tha, mujhey iski samajh na us din aa saki thee na aaj hai. maiN ney aajtak bezm maiN mazaaqaN bhi kis ki zaat per koii aisa remark nahiN diya jo bud tameezi k zumrey meiN aata ho. sitam balaaey sitam ye k maiN ne nadeem ko jo bhi talkh jumley kahey baad maiN khud hi delete bhi ker diye. aap forum k serbaraah ki hesiyet sey nadeem ko zaatiyaat per uterne per tanbeeh ker saktey they. kya hota ager wo ya maiN bezm sey chaley jaatey. kam az kam aapka peighaam doosrey arakeen ke liye guide line hota aur saeed sb jaise bachoN ko bhi kuch naseehat ho jaati. ab bhi ager aap ye nahiN kareN ge to aaj, aur maazi ki tarah aisey nakhushgavaar waaqeaat hotey raheN gey aur aap is baat per pechtaaeN gey ke aap ne aakhir ye forum shuru hi kyuN kiya tha. maiN ye baat intehaii ranjeeda ho ker keh raha hooN razi bhaii ke aap ne meiree aur sunita ji ki izzat nahiN kervaii bezm meiN. aur ulta mujh per ana parast hone ka label bhi lagva diya. aap yaqeen kareN ke ye saara waaqeaa kaii dostoN ke liye shayad itni baRi baat na ho. lekin meirey liye aik nightmare sey kam nahiN. iskee wajah mujhey khud bhi nahiN maloom. maiN ye sab kahey bagheir hi chupke sey jaana chaahta tha. lekin mujhey sunita behen ne ye sab bataaya ke kis tarah mujhey ana parast kaha jaa raha hai. aap jeise shareef un nafs insaan ko jis ne ham sab ko aik dosti aur pyaar ka platform diya, maiN gustakhaana javaab tak deina munaasib nahiN samajhta tha. lekin itna down to earth hone k baavajood ana parasti ka thappa hezm na ho ga mujh sey. kaNwal shayad aapko meira beitee keh ker pukaarna achha nahiN laga. tabhi to aap meira ehsaan nahiN leina chaahtiiN. verna beitiyaN to buzurgoN kee izzat hi kervaati haiN. maiN aap se maazrat khaah hooN aur yaqeen dilaata hooN k aapko meiree wajah sey koii ehsaan nahiN leina paRey ga aur maiN bezm meiN waapas aa ker aapko kabhi sherminda nahiN honey dooN ga her giz! bilkul waisey hi jaisa k aap ne kaha "kisi soorat nahiN". insha allah! raamish bhaii apke comments peRh ker bhi intehaii dukh hua. mujhey ye ehsaas bohot takleef de raha hai k jin dostoN ke baare meiN maiN aajtak ye samajhta tha k wo mujhey samajhtey haiN, wohi, aaj inkeshaaf hua k mujhey bersoN meiN bhi nahiN samjh paaey. is meiN yaqeenan kotaahi meiree hi hai. aap sey koii gila nahiN. aap sab dostoN ke comments peRh ker ab meira yaqeen aur bhi pukhta ho gaya hai ke maiN ne chupkey sey chaley jaaney ka jo feisela nahiN kiya tha wo bila takheer ker leina chaahiye. maiN aajtak bazaahir aisey dostoN ke jhurmat maiN khaRa raha jo mujhey jaantey tak nahiN. ajnabyoN ke saath maiN do teen baras guzaar leiney k baad bhi unheiN apna dost nahiN bana saka to aage chal ker kya banaaooN ga. aakhir meiN maiN ye kehna chaahooN ga ke mujhe maloom hai ke saeed aur nadeem ki tarah kaii aur nau vaarid bhi aaeN gey aur is bezm sey mujh jeisey senior aur gheir pasandeeda anaasir ko nikaalney meiN kaamyaab bhi ho jaaeN gey. maiN ye bhi jaanta hooN k wo khush hoN gey bohot aaj. kyuNke der asl is bezm ko buland paaya shaairoN ki zaroorat zyaada hai jin ko shaaeri ka mukammal idraak ho, insaanoN aur urdu seekhney waaloN ki nahiN. shayad sunita behen bhi meirey in jazbaat se muttafiq hoN gi. allah haafiz
|
|
|
Post by khalid on May 27, 2008 4:00:02 GMT 5
Sub dostoN ko Salam aur aadaab! Sunita aapi aap wapas aaieeN aap ka sawagat hai, maiN aap say keh raha hooN keh aap ab Sukhanwar chhoR kar kahiN nahiN jaaieN gi. Yeh aik chhotay bhai ka maan hai, aur hamaray haaN kaha jaataa hai keh bhai baishak chhota hi kiyooN na ho wo behnoN say baRa shumaar kia jaataa hai. Doosri baat aap KaNwal per kiyooN naaraaz ho rahi haiN, wo baichari tau aik maan lay kar aap say guzarish kar rahi thi, khair aap uss ko khush karaiN aur please mutt jaaiay ga ab. Aur KaNwal behn aap apni didi say naaraaz ho rahi haiN. Wah bhai wah... yeh tau aap maiN phoot daalnay wali baat ho gayee. Cholo jaldi say didi ko aik PM bhaijo aur haaN un ki jaan nahiN chhoRni jab tak wo wapas na aaieN jaisa keh maiN dheet logoN ki tarah aik do din baad Sunita aapi aur Khalid sahib ko PM aur email kar deta hooN. MaiN janta hooN keh in donoN ka Sukhanwar forum per aaye baghair guzara nahiN kiyooN keh jo bhi PM maiN nay bhaija donoN nay ussi roz ya aglay roz paRha. Iss kay matlab yeh huwa keh donoN bazurg khud ko Invisible rakh kar bazm maiN log in zaroor hotay haiN.
Ramish Bhai maiN kabhi bhi fareeq nahiN raha haaN yeh fasad meri aik ghazal per tabSroN say shuroo huwa tha. Jab maiN nay dekha keh SUnita aapi aur Khalid Bhai ki khulam khulla mukhalifat shuroo ho gayee hai tau maiN bhi khamosh na reh saka. Agar Aqeel Malik mujh say naaraaz ho kar gaay tau unhaiN bhi wapas laanay ki koshish maiN nay bhi ki. Saeed Bhai say bhi maazrat karnay maiN pehl maiN nay ki haalaaNkeh un ka maqSad tanqeed hi tha aur woh tanqeed darust nahiN thi. MaiN bazat-u-khud laRaayee kay bahut khlaaf hooN, aur kabhi agar mujh say koi gustakhi ho jaay tau uss ki jaankaari kay baad dast basta muaafi bhi maNgnay maiN koi aar meHsoos nahiN karta. Razi Bhai! aap say guzarish hai keh aap ab muaamilay ko apnay khaS andaaz maiN suljhanay ki koshish karaiN, hum aap kay saath haiN. MaiN kissi bhi soorat aap kay ikhtiyaaraat ko challange nahiN kar sakta haaN yeh guzarish zaroor karooN ga keh aap ko jhagRay waali post zarro delete kar deni chahiay.
Aakhir maiN sub say aik guzarish hai keh ab koi aap maiN nahiN jhagRay ga, agar koi aisi waisi baat hobhi jaati hai tau taHammul say uss ka jawaab daiN aur ziyada problem hai tau ussay PM karkay apnay masael ka hul talash karaiN. kiyooN keh
DiloN ki uljhanaiN baRhti rahaiN gi Agar kuch mashwaray baahum na hoN gay
Allah Taalaa hum sub ko sabr-o-taHammul ataa farmaay. Aameen aatif saahab aap ne apni pm maiN mujhey si thread per aane ka mashvara diya tha. yahaN aap ney sirf sunita ji ko bulaaya hai. wo shayad aa bhi jaaeN. lekin aap bulaaeN ya na bulaaeN aapke she'r ka javaab deina munaasib samajhta hooN......muhabbat kerne waaley ka na hoN gey teree mehfil meiN lekin ham na hoN gey
|
|