|
Post by sunita on Apr 21, 2008 5:56:59 GMT 5
Bahut dukh hai ki hamaari sab ki aziiz Anmol sahiba ke waalid ek lambe arse se beemaar the aur ab woh unke saath nahin rahe.
inna lillaahi va inna ilaihi raaj'ioon
Anmol sahiba aap ke is dukh mein ham aap ke saath haiN aur duaa karte hain ki Allah unki maGhfirat farmaye aur unheN jannat.ul.firdaus meiN jaga ataa kare.aap sab ghar vaaloN ko sabr aur yeh dukh sehane ki himmat atta kare aameen.
sunita
|
|
|
Post by ramishjaan on Apr 21, 2008 11:21:29 GMT 5
inna lillaahi va inna ilaihi raaj'ioon
AOA Anmol jee is inthei dukh ki kefiyat me hum sab ap ke sath hain ALLHA talla marhom ke darjat buland farmye aur unhe jant ul fardus me Aala muqam atta farmye aur lawahqeen ko sabre jameel atta farmye ameen suma ameen ap ke gham me shareek ramishjaan
|
|
|
Post by shahkaar on Apr 21, 2008 19:57:49 GMT 5
INNA LILLA HE WA INNA ELEH RAJEOON.
aap k is dukh meinm ham bhi shareek hain.ALLAH aa-p ko sabr ataa karay.
AMEEN
|
|
|
Post by Rafi Tabasum on Apr 24, 2008 4:53:03 GMT 5
INNALILLAHE WA INNAELAIHERAJIOON
|
|
|
Post by Tanweer on Apr 25, 2008 2:49:57 GMT 5
Inna lillah-e-wa-inaa-elehay-rajeoon
Anmol sahiba!
Takheer say net par aaya aur ye jan^kinaah khabar dekhnay ko mili...
Allah Tallah marhoom ko apnay jawar-e-rehmat mein jaggah inayat farmaien, aur pasmandegan ko sabar-e-jameel aata farmaien.
Marhoom aik taweel arsa say apnay aarzay say jid-o-jehad kar rahay, onka waqat aur bulawa aa gaya tha so wo abdi neeNd sonay chalay gaey.
Aapkay es gham aur dukhan karRay lamhaat mein ham aapkay saath hain. Allah Tallah aapko sabr himat aur sakoon aata farmaien (Ameen-sum-ameen)
Tanweer
|
|
|
Post by Sukhanwar on May 1, 2008 22:43:46 GMT 5
anmol ji aap k walid sahib ki alaalat ki khabrain to boht din sy sun rahay thay aur isi bazm main hum un k liay dua go bhi rahay aaj un k intiqaal ki khabar parhi to dili sadma hua main kaai roz say forum main nahi aa saka aaya bhi to bas chand lamhay k liay aaj tafseel sy threads daykhy to yeh afsos naak khabar bhi nazar sy guzri anmol ji main aap ko riwaayti pursa kia doon jaanta hoon yeh dukh kitna barra hy bas yehi dua kar sakta hoon k marhoom k darjaat buland hon aur aap ko yeh saaniha bardaasht karnay ka hosla milay razi
|
|
|
Post by Atif Mirza on May 3, 2008 17:18:18 GMT 5
Alalh Anmol kay Waalid ko ghareeq-e-rehmat karay aur unn kay darajaat buland karay. Anmol aur unn kay ehl-e-khana ko sabr ataa farmaay
|
|
anmol
ibtidaai rukn
Posts: 30
|
Post by anmol on May 12, 2008 19:56:50 GMT 5
Assalam Alekum/Aadaab!
aap sabhi ehbaab mere sath un ki shifayaabi ke liye dua kar rahay they lekin Khuda ko kuchh aur manzoor tha. mere waalid 5 saal aur do din coma meiN reh kar intiqaal kar gaye. Allah aap sab ki taraf se dua-e-maGhfirat ko qubool farmaaye aur aap sab ko jazaa-e-Khair de, ameen.
Anmol
|
|