|
Post by ibnesiddique on Jan 30, 2008 10:52:36 GMT 5
assalam-o-alaikum
aik taveel arsay baa'd aik taraHi ghazal ke saath haazir-e-khidmat hooN :
paamaali-e-chaman to nahiN chaahiye mujhe "jo shaakh jis jagah thi vohiN chaahiye mujhe"
jo ho daroon-e-dil se HaseeN, chaahiye mujhe ye kab kahaa ke zohra jabeeN chaahiye mujhe
seene meiN jis ke dard ho insaaN ka har ghaRi aisaa makaan-e-dil ka makeeN chaahiye mujhe
taa umr aasman peh uRta rahaa magar marne ke baa'd thoRi zameeN chaahiye mujhe
maana talab hai mujh ko chaman ke sukoon ki lekin sukoot-e-marg naheeN chaahiye mujhe
qaa'id ki rooH phooNk de jo har javaan meiN voh ai'timaad aur yaqeeN chaahiye mujhe
kuch yaad hai ke dekh ke tum ne hamaara dil kis naaz se kahaa tha "naheeN chaahiye mujhe"
jo lazzat-e-sujood se vaaqif ho ae nabeel aisi saleeqa mand jabeeN chaahiye mujhe
|
|
|
Post by Sukhanwar on Jan 30, 2008 19:54:43 GMT 5
jo ho daroon-e-dil se HaseeN, chaahiye mujhe ye kab kahaa ke zohra jabeeN chaahiye mujhe
bohat khoob amjad bhaai kitna khoobsoorat shair hay aur phir yeh bhi kitni umda baat ki hay aap nay
taa umr aasman peh uRta rahaa magar marne ke baa'd thoRi zameeN chaahiye mujhe
kis kis shair ki baat karoon saari ghazal kamaal ki hay thanx razi
|
|
|
Post by Rafi Tabasum on Jan 30, 2008 22:24:16 GMT 5
Bohat achi tarah say Tarah Nebhai Amjad sahib
|
|
|
Post by shahkaar on Jan 31, 2008 14:53:57 GMT 5
muhturam ibnesiddique saheb
buhut umdah ghazal kahi, pasand ayee, yeh ashaar buhut pasand aye, daad hazir hein
paamaali-e-chaman to nahiN chaahiye mujhe "jo shaakh jis jagah thi vohiN chaahiye mujhe"
jo ho daroon-e-dil se HaseeN, chaahiye mujhe ye kab kahaa ke zohra jabeeN chaahiye mujhe
|
|
|
Post by sunita on Jan 31, 2008 19:45:12 GMT 5
Amjad sahab aaj pehli baar aap se mukhaatib ho rahi huN, aap ka kalaam pada aur bahut hi pasand aaya.har ashaar aap ne bahut hi khoobsoorati se kahe hain.meri dilli daad qubuul kareN.
|
|
|
Post by Atif Mirza on Jan 31, 2008 21:20:54 GMT 5
Wah Janab! Kia achcha kaha hai! Itna napa tula andaz, Maza aa gaya ghazal paRh kar!
Aur bhi kalaam hona chahiay, Ibn-e-Siddique Ji!
|
|
|
Post by ziabaloch on Feb 2, 2008 2:00:54 GMT 5
Amjad bhaa'ii, aadaab ! aap ko yahaaN dekh kar bahut Khushii ho rahii hai aap ka kalaam aap to jaante hii haiN k hameN roz-e-azal se dil-o-jaan se pasand hai ! har she'r Khoob hai ! aur bahut hii Khoob hai ! girah bhii umdah hai ! so daad qabool kejiye ! aaj kal tafSeeli tabSira mere liye joo-e-sheer laane ke mutaraadif hai aur voh bhii aap ke kalaam par ! ! shukriya ke saath daad !! Zia Baloch
|
|
|
Post by Tanweer on Feb 2, 2008 14:09:35 GMT 5
assalam-o-alaikum
aik taveel arsay baa'd aik taraHi ghazal ke saath haazir-e-khidmat hooN :
paamaali-e-chaman to nahiN chaahiye mujhe "jo shaakh jis jagah thi vohiN chaahiye mujhe"
jo ho daroon-e-dil se HaseeN, chaahiye mujhe ye kab kahaa ke zohra jabeeN chaahiye mujhe
seene meiN jis ke dard ho insaaN ka har ghaRi aisaa makaan-e-dil ka makeeN chaahiye mujhe
taa umr aasman peh uRta rahaa magar marne ke baa'd thoRi zameeN chaahiye mujhe
maana talab hai mujh ko chaman ke sukoon ki lekin sukoot-e-marg naheeN chaahiye mujhe
qaa'id ki rooH phooNk de jo har javaan meiN voh ai'timaad aur yaqeeN chaahiye mujhe
kuch yaad hai ke dekh ke tum ne hamaara dil kis naaz se kahaa tha "naheeN chaahiye mujhe"
jo lazzat-e-sujood se vaaqif ho ae nabeel aisi saleeqa mand jabeeN chaahiye mujhe Ibn Siddique Sahib, Aik lajawab tarehi ghazal parhnay ko di aap nay.... "seene meiN jis ke dard ho insaaN ka har ghaRi aisaa makaan-e-dil ka makeeN chaahiye mujhe
taa umr aasman peh uRta rahaa magar marne ke baa'd thoRi zameeN chaahiye mujhe"daad qabool kejiey Tanweer
|
|
|
Post by ibnesiddique on Feb 3, 2008 10:51:11 GMT 5
jo ho daroon-e-dil se HaseeN, chaahiye mujhe ye kab kahaa ke zohra jabeeN chaahiye mujhe bohat khoob amjad bhaai kitna khoobsoorat shair hay aur phir yeh bhi kitni umda baat ki hay aap nay taa umr aasman peh uRta rahaa magar marne ke baa'd thoRi zameeN chaahiye mujhe kis kis shair ki baat karoon saari ghazal kamaal ki hay thanx razi Razi bhai salaam arz hai bahot bahot shukriya ke aap ne ghazal ko pasand farmaaya, aur ash'aar ki pazeeraai farmaai. Amjad
|
|
|
Post by ibnesiddique on Feb 3, 2008 10:52:15 GMT 5
Bohat achi tarah say Tarah Nebhai Amjad sahib Rafi saHib ghazal pasand farmaane ke liye bahot bahot shukriya Amjad
|
|
|
Post by ibnesiddique on Feb 3, 2008 10:53:11 GMT 5
muhturam ibnesiddique saheb buhut umdah ghazal kahi, pasand ayee, yeh ashaar buhut pasand aye, daad hazir hein paamaali-e-chaman to nahiN chaahiye mujhe "jo shaakh jis jagah thi vohiN chaahiye mujhe" jo ho daroon-e-dil se HaseeN, chaahiye mujhe ye kab kahaa ke zohra jabeeN chaahiye mujhe Shahkaar saHib aadaab aap ki pasandeedgi aur daad ke liye mamnoon hooN. sadaa khush raheN amjad
|
|
|
Post by ibnesiddique on Feb 3, 2008 10:54:09 GMT 5
Amjad sahab aaj pehli baar aap se mukhaatib ho rahi huN, aap ka kalaam pada aur bahut hi pasand aaya.har ashaar aap ne bahut hi khoobsoorati se kahe hain.meri dilli daad qubuul kareN. Sunita saHiba aap ne ghazal pasand farmaai, aur daad-o-teHseen se navaaza, is ke liye maiN aap ka mamnoon hooN bahot bahot shukriya amjad
|
|
|
Post by ibnesiddique on Feb 3, 2008 10:55:32 GMT 5
Wah Janab! Kia achcha kaha hai! Itna napa tula andaz, Maza aa gaya ghazal paRh kar! Aur bhi kalaam hona chahiay, Ibn-e-Siddique Ji! Atif bhai salaam arz hai ghazal pasand karne aur pazeeraai farmaane ke liye bahot bahot shukriya. insha'allah koshish karooN ga ke kuch aur kalaam bhi pesh karooN. shukriya amjad
|
|
|
Post by ibnesiddique on Feb 3, 2008 10:56:44 GMT 5
Amjad bhaa'ii, aadaab ! aap ko yahaaN dekh kar bahut Khushii ho rahii hai aap ka kalaam aap to jaante hii haiN k hameN roz-e-azal se dil-o-jaan se pasand hai ! har she'r Khoob hai ! aur bahut hii Khoob hai ! girah bhii umdah hai ! so daad qabool kejiye ! aaj kal tafSeeli tabSira mere liye joo-e-sheer laane ke mutaraadif hai aur voh bhii aap ke kalaam par ! ! shukriya ke saath daad !! Zia Baloch zia saHib salaam arz hai aap ko hameN dekh kar khushi hui, aur hameN aap ko. . ghazal pasand farmaane aur itni daad se navaazne ke liye mamnoon hooN. aap ka bahot bahot shukriya amjad
|
|
|
Post by ibnesiddique on Feb 3, 2008 10:57:51 GMT 5
Ibn Siddique Sahib, Aik lajawab tarehi ghazal parhnay ko di aap nay.... "seene meiN jis ke dard ho insaaN ka har ghaRi aisaa makaan-e-dil ka makeeN chaahiye mujhe
taa umr aasman peh uRta rahaa magar marne ke baa'd thoRi zameeN chaahiye mujhe"daad qabool kejiey Tanweertanweer saHib zarrah nawaazi hai aap ki. aap ne ghazal pasand farmaai, maiN aap ka mamnoon hooN sadaa khush raheN amjad
|
|